بنت الرجال إلي نسبها ( آل آل ) !!
قومٍ : تنوش المرجله ,, وتذبّها ,

يفوح منها ( المسك ) و الـ خمر الحلال ,
كنّه : على ذيك الشفاه ( يعبّها ) !!

وخدودها ( ورد شذى ) عطره خيآل ,
خلا ( فراشات الورد ).. تربّها !

أشوف فيها .. أنها لي ( راس مال ) !
وتشوف فيني :- ( فارسٍ " مغرم بها )

ميّاسه القد .. و ظفايرها طوال !
هي معجبه فيني .. وانا معجّب بها ,

تشيخ فِ الخفرات وآشيخ الرجال !!
وتشّب فيني شوق .. وانا آشبّها ,

( آحبها ) .. ولغيرها / مابه مجال !!
وجميع ما بّي من ( غلا ) ؟ في لبّها ,

مهوب لازم .. انها ( ملكه جمال ) ؟
أهم شئ :- " تحبّني .. و آحبها "

مَـ ألوم قلبي لوّ شعوره تبعها !
في ذمتي من بدّه الناس تنحب


انا خذاني من حياتي ( دلعها ) ,
اللي (نعمها ) لعنبو غيضها ( يبّ )

( ياحبّني ) للي حلاها .. ما يعيّن فِ الوجود !
( محارةٍ ) في بحرها .. تصعب على غطّاسها ,

فديت ( غيرتها ) و ( نظرتها ) ولفتات الصدود !
وفديت ( بحّه صوتها ) من ذوقها لـ احساسها ,

من ( الهداوه ) .. تشعر ان فيها من الثقل البرود !!
ومن ( الحراره ) ؟ .. لا تحاكت " تحرقك بـ أنفاسها "

ضحكاتها دقّة وتر / همساتها ( نفخه ورود ) !!
عيونها ( قصر الغلا ) ,, ورموشها ( حرّاسها ) ! :rose:

أعرف أن الزّمن مهما قسى ياسيّد الغيبات
يجي له يوم لامنّي طلبته شيٍ. يعطيـنـي.!

بكيتك/ من بعد منتي وسط صدري مليكة ذات
سهرتك/ والشعر لأجلك . تبعثّر في دواويني

عطيتك لين ماصرتي على حدّ السحّب هامات
ووين أنتي في هالحزّه ؟ وأنا ياغايبه ويني ؟

رسمّتك فالخيال أجمل من الدراّت،والنجمات
إلين اني أحسّ أنك من إيديني تشوفيني.!


دخيل "عيونك النجلاء" ترى قلبي بقى مامات
على طيفك أعيش/ إلا عشانك في شرايني

هذا وآنا بعد غيبة سموّك. لوّ بقول أبيــات
بقول أبيات .! لو كانت بيوت الشعر ترثيني

وإلامن حلّ بي ذكرك/ مع اللحظات والساعات
معك بترك ..بعـض بعضي.. ولاودّي أصحيني... :rose:

مبرُوك .. جالك ولدُ .. يـا جعلُـه مبُـإرك ،
............... والله وكبُرتًــي .. وصرتًــي (أمُ) يـــ " الرفلًـه " ..!! :biggrin:

صباحك "صدق" ياصدر الحروف؛ وروضة الشعار
صباحك "بوح" ياكل الشعور؛ وصدق غاياتي

صباحك "شوق" ياقبلة خيالي؛ والهوى السيار
صباحك "ذوق" يامسك الكلام؛ ونبض كلماتي

صباحك "موج" ياسرب الحمام؛ وقارب البحار
صباحك "ورد" ياعطر الحنين؛ وذنب غلطاتي

صباحك "عذب" يانبع الخفوق؛ وميه الفـوار
صباحك "نور" ياوجهة مساري؛ واتجاهاتي

صباحك "شعر" ياحبر السوالف؛ والهوى لادار
صباحك "توت" ياسكر شفاتي؛ وابتساماتــــي

صباحك "عمر" يارحلة سنيني؛ والزمــن دوار
صباحك "كيف" ياقهوة صباحي؛ واجمل اوقاتي

صباحك "ديم" ياغيمة وجودي؛ واعذب الامطار
صباحك "حب" ياطهر السؤال؛ ونبض اجاباتــي’’.... :106:

يا " قبله العشق " ياورد الشذا و الرحيق
................................ يا فخر أبوها الشجاع , وعزوة أخوانها

لو باعدتنا الاراضي / والمدن / والطريق
................................ تراك فـ عيوني الثنتين .. وأجفانهــا

لو سولف الحب .. عن سر الغرام العميق ؟
................................ عرفتي كيف المحبّه .. يصعب إعلانها !

فــ إلى لمحتي بعيوني ياضناها . بريق ؟
................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !
................................ ما خلقت اللي تساوي روحك وشانها !!

قلبي حصونه غلا ! وعيونك " المنجنيق " ,
................................ هديتي أسوار روحي , وكل بيبانها !

" أنيقه الذوق " ما تستاهل الا أنيق !
................................ يفهم تعابيرها .. ويعزّ سلطانـها ,

وأنتي خلاصه حلا / مرجان / ولول / وعتيق !
................................ يموت فيها "الدلع" .. ويبات بـ أحضانها ,

.
.


لبى معاليق صدرك كل ما أغفى وأفيق !
................................ يامن يذووب الكلام فـ نطق لسانها

أروح فيها !! مع" الصوت الابح " الرقيق !
................................ ياكبر ذنب الشفاه ؟ .. وكبر شيطانها ,

يا أغلى من الدمعه إلي فـ عيون الرفيق !
................................ وأقرب من الدم , فعروقي .. وشريانها ,

(أنا) سبحت البحر .. وإن مت ؟ موتت غريق !
............................... فـ / (أنا) شهيد العيون السود,وأجفانها ... :106: