الـــنـّــــــــــوم ْ ..

[BIMG]http://www.samsem.net/images/news2009/12062009140618.jpg[/BIMG]




النــوم ..

" غير جديـر " بــ الثقـه ..!!


إذا تحتاجـه ..

ما يجيــــك ..!!


و إذا ما تبيـه ..

ما يخلـّيـك ..!!












http://www.ckfu.org/vb/images/icons/ei28.gif

أوووووووه يـَــا http://www.ckfu.org/vb/images/icons/icon21.gif هـْــــــــــــلاااااااااااال ْ http://www.ckfu.org/vb/images/icons/icon21.gif ..

http://burnews.com/contents/newsm/49055.jpg




بــ البداية ..

أبارك لكل الهلالـيـّيـن و الهلالـيّـيات بــ تحقيق كأس ولي العهـد السعودي للعام السادس ع التوالي ,

و بدون مبالغه و لا ميول تشجيعيه ..

و لكن الهـــلال كان يستاهل هــ اللقب " عطفـا " ع الواقعيّه اللي قدّمها في المباراة النهائيـة ,

صحيح مستوى الهـلال في الفترة الأخيرة ما كان " جيـّد " ,

و لكن لا جا وقت الجدّ , لازم يجي وقت الحصـاد ,

و هذا اللي يطبـّقه الهلال في أغلب المباريات النهائيـّة اللي تأهـّل لهـا ..



ما أحبّ الشماته و لكن النصـر " المثير للشفقه " ينطبـق عليه بيت الشعر اللي يقول :

" يكفيك من زين الحلايـا تشوفـه *--* لا صار وصل اللي تودّه صعيبـي "

يعني الكلام اللي قبل المباراة و " خزعبلات " السلام على راعي المباراة ,

و تقبيل " الأيادي " يكفي حسب " العـُرف النصراوي " !!

بــ الذمـّه واصل النهائـي علشان أبوس كتف و إلا يد ..

الله ياخذه من طموح إذا كان هذا طموح شخص تعب وكافح و إجتهد إلين وصل لـ لحظة الحسم ..!!




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




الهـلال إستفاد من النصـر إستفادة كبيرة بعد الخسارة في مباراة الفريقين الأخيرة اللي كانت بــ الدوري ,

و سبحان الله مثل ما يقال ( ربّ ضارة نافعـه ) ..

خسر الهـلال ,

فــ أقيل كمبواريـه ,

و عاد محمد الشلهـوب أساسي ,

و إرتحنا من " نكبات " محمد نامي :9: !!

المدرب الفرنسي كان " صافط " الشلهوب بـ الإحتياط و يقول محمد نامي قدّم مباراة جيدّه !!

نامي " الداج " يلعب أساسي و يورّط فريقه و بعدها " يرمي " غلطاته على غيره :40::40: !!

و الشلهـوب الموهوب " مركون " بــ الإحتياط :6::6: !!

منـّك لله يا كمبواريــه :40::40: ..














http://www.ckfu.org/vb/images/icons/ei28.gif

زَعـيـــــــــــــــــــــم ْ الـقـَــــــــرْنْ http://www.ckfu.org/vb/images/icons/icon21.gif ْ http://www.ckfu.org/vb/images/icons/icon21.gif ..


https://pbs.twimg.com/media/BDvQlSmCMAEuTFW.jpg




إسمعــــوووووووااااااا ...




http://www.youtube.com/watch?v=VQabB_7rmx8













http://www.ckfu.org/vb/images/icons/ei28.gif

لـَـيـْـلـَـــة ْ الـزّعـِــيــــــــــمْ ..



http://l.yimg.com/lo/api/res/1.2/71B...%25D8%25B4.png





بدون مهايـط ..

ديوانيـّة بيتنـا أغلب الوقت تكون مفتوحه ,

و لكن يوم الجمعـه نويت أسكـّر الباب لأن فيه نهائـي بين الهــلال و النصــر ..!!

بعض " الربـع " اللي يجونـا ما لهم بــ الكوره ,

و بعضهم يستغل الموقف و " يستخف " دمّه و يشجّع الفريق اللي ما أشجّعه ..

و المشكله ما فيه أحد من إخواني موجود !!

ماجد نايـم ,

نوّاف رايح للعمـره ,

محمد رايح للبـر ,

لو واحد منهم موجود كان إنحلـّت , أروح للمقلـّط و أطالع المباراة لـ حالي ,

و لكن يومها ما كان فيه أحد ..!!

تعوّذت من إبليـس , و فتحت الباب و قعدت في الديوانيـّة ,

بدت المباراة و ما جاني أحد ,

بعد ربع ساعه و الا يدخل واحد " كنت " أعتبره رياضي محتـرم و محايد ,

يوم شفته قلت أشوى إنه مهو واحد ثاني ,

ع الأقل هذا رياضي و يفهم و ما راح يبلشني في أسئلة ما تخلـص ,

مثل الأزرق منو ؟ و الأصفر منو ؟ و المباراة حق شنو ؟؟ إلخ ...

إنتهى الشوط الأول و الرجـّال ما فيه أحسن منـّه , لا تعصّب و لا " مطامر " و لا صياح ..

في نص الشوط الثاني و إلا " رفيقنـا " قطّ شماغه و عقاله , و صار يتحمـّس مع هجمات النصـر :40: !!

سألته : " بو حمد " تشجـّع النصـر ؟

رد و قال : لا ..

قلت أجل وشفيك متحمـّس مع النصر :6: ؟!!

جاوبني جواب صريح و مباشر : ما أحب الهـلال ..

قلت له زانت علومك يا " بو حمـد " ,

صارلي سنين أتابع معاك مباريات و أنت تمثـّل عليّ إنك محايد و تشجّع اللي يلعب حلو ..

و آخرتها تطلـع ما تحب الهـلال !!

طيّب إحترم إن البيت اللي أنت فيه كلـّه يشجّعون الهــلال :8: ..

قول النصر مستواه صاير زين ممكن أمشّيهـا لك ..

قول البطولة تصير " بايخه " إذا أخذها الهـلال لــ سادس مرّه ..

قول نبي بطل جديد علشان يصير حماس في الكرة السعودية ..

قول النصر يكسرون الخاطر صارلهم 18 سنه ما فازوا في بطولة " كبيره " ..

شويء و إلا يدخل علينا ولد عمي " مصلـط " و هذا ماله علاقه بـ الكوره ,

و هو من النوع اللي " يغـّث " لا صرت تتابع مباراة , ما يسكت و لا يخليك تشوف شيء !!

فيه ميزه وحده حلوه , و إلا هو ما وراه إلا الصجـّه و الـلجّه ..

ميزته إنه " سِكنـي ( جنـي ) " و يتوقـّع النتيجة و تطلع مثل ما توقـّع ..

مرّه شارك في مسابقة توقعـّات و طلـع فيهـا الثاني , مع إنه ما يدري منو اللي يلعبون ,

إذا جاء يتوقـّع يقولهم اللي لابس أحمر بـ يفوز بنتيجة 1/2 ,

اللي منظمّين المسابقه كانوا مستانسين عليه و يحسبونه يستعبط و مسوّي جو ...

كل المشاركين متحمّسين ويقولون أسامي المنتخبات إلا " مصلـط " , شغـّال معاهم بــ الألوان ..

المنظمّين لو كانوا يدرون كان شطبوا إسمه , بس حظـّه الأشهب خلاه يفوز و يطلع الثاني ..



ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



" مصلـط " لمـّا دخل علينا كان باقي ربع ساعه و ينتهي الشوط الثاني ,

بعد ما قعد سألته منو يفوز , سكت 10 ثواني و " بقـّق " عيونه بــ الشاشه و قال :

الأزرق راح يفوز ..

إنتهى الشوط الثاني و بدأ الإضافي ,

و جاء بلنتي الهـلال و قبل لا يشوت الشلهوب و أسمع " بو حمد "يبارك لي ,

و صار يقول الحكم غشّاش و اللاعب " قاط " روحه و الكورة ما فيها شيء ..

(( الله يهديك يا بو حمـد .. محد قالك تشجـّع فريق مباريات , و ما هو كفؤ بطولات .. ))

سجّل الشلهوب البلنتي و صارت لجـّه عندي , شوي و إلا يسجل النصر التعادل ,

و يقوم بو حمد من مكانه و هو فرحااااااان .. و إستلم الهلال , هذا فريق حظ و هذا فريق حكّام ..

يا إبن الحـلال أي حظ الله يهديك ..؟!!

فريق محظوظ و مسجلـّين عليه في آخر دقيقه .. إمحق حظ !!

الله عطاك هــ الحظ , خذه ما نبيه ..

صارت عاد البلنتيـّات و الحمدلله توفـّق الهـلال ,

أول واحد باركت له هو " مصلـط " .. و على طول قالي : ما قلت لك بـيفوز الأزرق :37: ..

طالعت " بو حمد " و قلت له ما عليه , الجايّات ان شاءالله واجد ..

و بـصراحه " كسر خاطري " .. مو سهله إن الفريق اللي تشجّعه ما يحقـّق بطولة من فترة طويله ..!!

و اللي " يكسر الخاطر أكثر " هو الجمهور اللي كل ما يخسر فريقه في مباراة , يكثرون في المباراة اللي وراها ..!!

و هـالشيء لـلأمانه غلط ,

أوكي الولاء حلو , و لكن لي متى ؟!!

فريق ما يفوز و لا يحقـّق بطولة و الجمهور يزيد لمـّا يخسر ,

المفروض الجمهور " يسوّي " نفسه زعلان و ما يحضر ,

دافع قيمة التذكرة ,

و حاضر للملعب الساعة 4 و المباراة تبدأ الساعه 8 ,

و آخرتهـا لا فوز و لا بطولات ..

و جايبين محترف ما يعرف يشوت بلنتـي !!

مثل هــ الفرق ما لها حل إلا " المقاطعـه " , و ما يندرى هم يتسنـّعون و إلا لا ..!!














http://www.ckfu.org/vb/images/icons/ei28.gif

الـــــــــــزّواجْ ( 1 ) ..

[BIMG]http://1.bp.blogspot.com/_tFiZtpfSWpw/SwZDGZF_nUI/AAAAAAAAAFg/K_66g9_K-yY/s1600/Marriage.jpg[/BIMG]




من المتعارف عليه أن الـزواج قسمة و نصيـب ,

و هو قـرار صعب و يمكن يكون " مصيري " في حياة أي شخص ..

و الزواج له أسباب و دوافـع كثيره , و أحيان تكون غريبه و عجيبه ,

يعني لمـّا يجي الشاب و يقول أبي أتزوّج عشان أسّس عائلـة و يصير عندي عيال ,

أو لأن الشاب يخاف الله و ما يبي الحـرام ,

أو لأنـّه ملّ من الوحده و يبي زوجه ترافقه في هـ الحياه ,

فــ كل هـ الدوافع تعتبر معقوله و منطقيـه ,

اللي غير منطقي هو قرار الزواج علشان الأكـل :9: ..!!

رفيقنـا" سعـد " طيـّب و على نيـّاته و قلبه أبيض ,

مشكلته إنه يحب الأكـل , و من كثر ما ياكل صار يميّز و يعرف حتى نوع العيش ( الرز ) اللي ياكله !!

قبل كم سنه قرّر يتزوّج و قالنا بكل صراحه إنه متزوّج لأنه تعب و هو ياكل من المطاعم ,

و يبي ياخذ له وحده " سنعه " تكون ربّه بيت و تطبخ له ليل و نهار ..

كان يتكلـّم بكل عفويّه و جديّة ,

حاولنـا نقنعه إن زمن أمه و جدّته إنتهى ,

الحين أكثر البنات ما يدخلون المطبـخ , و إذا دخلت " يا زينهـا " إذا سوّت سلطه ,

قلنا له شوف حواليك وش كثـر المطاعم ؟

لو البنات يطبخون كان هـ المطاعم خسرت و سكرّت من زماااااان ..

و بعدين يا " سعد " لا تغرّك برامج الطبخ اللي تطلع فيها منال العالم ,

ترى ما فيه إلا هي و الثانيه اللي تطلع على قناة دبي مدري قطر , هذولا آخر الحريم اللي يطبخون ,

أكثير برامج الطبخ اللي يقدّمها رياجيـل ..!!

حتى القناة السعودية قبل فترة جايبين لهم مصري إسمه الشيف محمد بهجت ,

و لا عنده من الطبخ غير السلطات !!


المهـم ..

" سعد " ما إقتنـع في كل الكلام اللي قلناه له , و مشى على رايه ,

و بعد شهر من الزواج طلـّق زوجته , لأنها طلعت ما تعرف تطبـخ غير البيض :9: !!

و الحبيب كان معتقد إنه راح يتدلـّع بـ الأكلات و الطبخات ..

يمكن إختياره كان خاطيء , و لكن أساس إختياره كان هو أكبر خطـأ ..!!

المسكين ظلم روحه و ظلم بنت النـاس معاه و تخسّر و السبب بطنـه و شفاحته !!

لو فاتح له مطعـم بـ الفلوس اللي تزوّج فيها كان أزين له ..

ع الأقل يستفيد من شيء يحبـّه , و لكن اللي ما يطيـع يضيـع :42: ..!!










http://www.ckfu.org/vb/images/icons/ei28.gif

الـــــــــــزّواجْ ( 2 ) ..

[BIMG]http://1b.img.v4.skyrock.net/1bf/3assola/pics/2570842309_1.jpg[/BIMG]



ما دمنـا جبنـا سيرة الـزواج ,

بــ أقولكم سالفة " راشد "..

" راشد "" ماشاءالله عليه ولد " كيـوت " و راعي إتيكيت و ذرب و لبـق و محترم ,

و منظـّم و مرتـّب بشكل " خرافي " ,

و إذا سولف سوالفه بسيطه و لا يحب الهذره ..

أم راشـد و خواته كانوا يحنـّون عليه علشان يتزوّج و لكنه دايم يـأجّل الموضوع ,

إلين تزوّجوا كل إخوانه و ما بقى إلا هو ..

وصل عمره 27 سنه و للحين أمّه و خواته يحنـّون عليه و هو رافض !!

و في يوم و هو راجع من دوامه قالت له أمـّه ترى خطبنا لك فلانه !!!

و فلانه هاذي تصير بنت خالته و طول عمرهـا بـ السعودية و عايشه مع أهلهـا في هجره ..

تضايق " راشد "لأنه أولا ما يبي يتزوّج ,

و ثانيـا ما كان يبي يكون زواجه بــ الطريقه هاذي !!

و علشان ما يزعـّل أمـّه و لا خالته وافق " غصب " ,

و إلا لو الود ودّه " يسحب " عليهم كلّهم ..

صار العرس و بعد إسبوع جانا " راشد "و كان واضح عليه الضيقه ,

ذاك اليوم قعد عندنا إلى الساعه 1 من الـليل ..

إستمر " راشد "على هـ الوضع 3 شهـور , و بعدها سمعنا من ولد عمّه إنه طلـّق بنت خالته ,

في مثل هـ المواقف الواحد ما يقدر يتدخـّل في أمور رفيقه الخاصّه إلا إذا كان رفيقه سامح له و ما يزعل منّه ,

" راشد " ما كان من هـ النوعيه , صحيح إنه رفيقنـا و لكنه يجينـا لأن ولد عمّه دايم يجي عندنـا ..




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



بعدها بـ كم يوم دخل عليّ " راشد " الديوانيـّة و لا كان عندي أحـد ..

مدري شلون جتني الشجاعه و فتحت معاه سالفة طلاقه :40: ,

تفاجـأت من ردّة فعلـه !!

توقعّته راح يزعل و يقوم و يطلع , و لكنّه ما صدّق على الله و فتح قلبه و قام يسولف :6: ,

قالي كل أهلـي زعلانين لأني طلقـّت , أمي و خواتي ما يكلمّوني صارلهم إسبوع ..

هو مدح البنت و ما عابهـا في شيء , و لكن من داخله ما كان مرتـاح معاها !!

قالي إن تفكيره عن الزواج قبل الزواج إختلف إختلاف كبير مع الواقع اللي عاشه في الثلاث شهور اللي طافت ,

سألته شلون ؟

قال : الحياه الزوجيه إذا ما فيها حب و رومانسيـّه ما تعتبر حيـاه ,

يقول كان عندي إستعداد أصبر عليها و مع الوقت يجيب الله الرومانسيه , و لكن نشأتها في الهجره صعبّت كل شيء ,

الحياه بـالنسبة لهـا كانت طبخ و مطبخ , و قهوه الصبح و قهوه العصر و نوم الساعه 9 !!

أقدر أجاملها كم يوم و لكن طول العمر صعبه , صعبه حيييييل !!

يقول " راشد "إن الشيء الوحيد اللي يجمعهم إنهم عيال خاله , أمّا غيره ما فيه أي روابط مشتركه !!

" راشد " يسولف عن الأفلام اللي توها نازله و هي تسولف عن الحلال و الغنم !!

قالي كلمه لحد الحين ما نسيتهـا ,

قال : أنا ما ودي أزعّل أمي و خالتي و خواتي , و لكن نفسي لها حق عليّ , ما يصير أرضيهم و أخسر عمري ..!!

لــ الأمانــه ..

لمـّا سألته كنت ناوي أنصحه علشان يتراجع عن الطـلاق و يعطي نفسه فرصه ثانيه ,

و لكن بعد ما " فضفض " عن اللي في قلبه هوّنـت , لأن النصيحه في هـ الموقف تعتبر " جريمـه " ,

الرجـّال تعبان و متضايق من شيء , و يجي واحد و ينصحه يروح يكـرّر نفس الشيء ,

كــ أنه يقوله عيش طول عمرك في ضيقه ..!!




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



مدري ليش لحد الحين بعض الأهالي مصرّيـن يزوّجون عيالهم ,

شنو فيها إذا ما تزوّج الشاب ؟!!

لا هو ذنب و لاعيب و لا كبيره من الكبائـر ,

بعض الشباب " مبتلش " في عمره , و ما يبي يتحمـّل ذنب أحد في رقبته ,

و لـهذا ..

البعض يوصل عمره 40 سنه و هو ما تزوّج و لا فكـّر بــ الزواج !!

و أصلا في الدين ما فيه دليل واحد " يفرض " الزواج ,

من سماحة الديـن إنه ترك أمور الزواج " إختياريـّه " و لكن ثقافة مجتعاتنا " الضحله " تفرضه فرض !!











http://www.ckfu.org/vb/images/icons/ei28.gif