عـِــرْس ْ الــحــَــضــِــــــــــر ْ ..
http://t3.gstatic.com/images?q=tbn:A...mEiwaOFjYAGLJU
حضرت ليلة البارحة عرس "
يوســف " ولد جيرانـّا الحضــر ,
و هم بــ المناسبة الحضر الوحيدين في شارعنـا (
حارتنـا ) ,
و ماشاءالله عليهم عشرتهم طيـّبه و جيرتهم و لا أحلى منهـا ,
يكفي إنهم متحملـّين "
معثـّة " البدو و إزعاجهم من أكثر من 30 سنه ,
و لا أذكر إنـّهم فكـّروا "
يشـدّون " و يروحون عند ربعهم الحضر ..
بــصراحه و بــدون زعـل ..
عرس الحضر اللي حضرته يسوى له 100 عرس من عروس ربعنـا البـدو !!
كل شيء عندهم مرتـّب و منظـّم و على أحسن ما يمكن ..
في كل حفلات العرس فيه ناس يوقفون عند باب الصاله يعتبرون لجنة إستقبـال ,
و المفروض إنهم يهلـّون و يرحبـّون بـ الضيوف ,
الحضر عندهم الإستقبال شيء عجييييييييييب للغايـه ,
واحد من أهل العرس بعد ما يستقبلونك يمشي معاك للمعرس و بعد ما تسلّم عليه وتبارك له ,
يمشي معاك إلين تجلس و ينادي راعي القهوه أو راعي العصير و ما يخلـّيك إلا بعد ما يتأكّد إنك تقهويت و شربت عصير ..
و فيه شيء لاحظته البارحه ,
العرس هدوء و ما فيه إزعـاج ,
و اللي يسولف ما يحتاج يرفع صوته عشان اللي جنبه يسمعه ,
وأهم شيء .. ما كان فيه "
ورعان " يطاردون بعض في الصاله !!
ورعان الحضر إسم الله عليهم كل واحد منهم "
لاصق " في أبوه و قاعد جنبه ,
ما عندهم حركات "
توم و جيري " اللي عند ورعان البـدو :40: !!
منظر الورع اللي يمـرّك و ثوبه صاير "
خريطـه " من العصير اللي طايح عليه مستحيل تشوفها في عرس الحضـر ..
العشاء في عرس الحضـر حكايه ثانييييييييييه ..
بوفيه مفتوح , بعد ما تبارك و تسلّم , قوم تعشّ , لو جاي الساعه 7 ما فيه أي مشكله ,
عرس ربعنـا البدو يا " ساتر عليهم " ,
العشاء ما يطيح إلا الساعه 9 ( بــ الصيف 9 و نص ) ,
و عذرهم عشان ما يطلعون المعازيم بعد العشاء !!
الله يعز النعمه , من زين عشاء العرس عاد عشان أقعد ساعتين عشانه !!
أصلا الزحمه اللي تصير عند البوفيه في عشاء عرس البدو " تسد النفس " ,
هذا غير اللي يمشي و ما معاه إلا "
ملعقه " و رايح جاي ع البوفيه و ما يخلّي صحن إلا "
يمرّ عليه " !!
الله يهــدي ربعنـا البدو و يتعلـّمون شويء من "
إتيكيـت " الحضـر و
ذرابتهـم ..
http://www.ckfu.org/vb/images/icons/ei28.gif
