|
رد: لو يحبكك الفَ قلب انإ آكثر دونَ (ليههَ ) ..
_ حيآه جديده .. كنت اقف بالشارع ومعي قريبتي .. قلت لهآ ( امشي للجهة الثانيه ) .. فقآلت لي ( لا ننتظر هنآ وش ورانا ) ! واصرّيت انا ان نغير المكان , بدون هدف كذا صنفت معي اغير المكان وانا قبل التصنيفه مالي طاري واقفه انتظر !! فاجبرتهآ على ان نغير المكان وفعلاً غيرناه الى الجهة المقابله ! بعد 5 دقآيق حصل حادث شنيع بنفس المكان اللي كنا واقفين فيه توفى من كان يقف بنفس مكآننا ! اذا اراد الله لك الحياه ساقك بدون هدف لينجيك ! فهل من معتبر ؟ هذي ثالث مره ينجيني الله ولله الفضل والمنه .. وفي كل مره اخذ ان هذا الموقف كأنه يصحي قلبي فصرت احسب حساب الموت في اي لحظه ! وشهي الدنيا علشان تلهينآ ! يالله لاتجعلني من اللي تغرهم دنياهم والحقني يالله بالصالحين ومن يقرا:004: |
رد: لو يحبكك الفَ قلب انإ آكثر دونَ (ليههَ ) ..
-
اذا نظرت للقمر ما اتخيل الا وجه الرسول صلى الله وعليه وسلم كانوا الصحابه رضي الله عنهم والشعراء اذا وصفوا وجه شبههوه بالقمر من نور وجه صلوات ربي عليه |
رد: لو يحبكك الفَ قلب انإ آكثر دونَ (ليههَ ) ..
_
http://www.ckfu.org/pic4u/uploads/ckfu1460302437361.jpg و كنّا سنقطع ما بيننآ .. فصاح بنا الشوق : [ لا تفعلوا ] .. |
رد: لو يحبكك الفَ قلب انإ آكثر دونَ (ليههَ ) ..
-
بعض الاحيان احلم بأحلام غريبه يعني تثير تعجبي واستغرابي .. وأصير افكر وش يعني هذا وأبدا بمحاوله التفسير اذا كان عندي علم بشي لو بسيط .. فاذا ماعرفت ابد اروح اقول لامي اقول لها من باب المشاركه باستغرابي ههههههههه فهي الله يهديها ماعندها الا تفسيرين ههههههههههههههههه اذا كان الامر خير فسرت بتفسير واحد طقم ع كل أحلامي اللي تدل ع الخير واذا كان مفزع قالت اي انتي مقصره الله يبي ينبهتس ههههههههههههه رغم ان الحلم وين والتفسير وين ؟ اعتقد احيانا من خوفها ان يقع فتفسره بهذا التفسير قبل شوي قلت لها اللي شفته بمنامي البارح .. وانا اقوله هي تبتسم ، لان الحلم يدل ع خير ان شاء الله .. بعد ماخلصت قالت تفسيرها المعتاد ههههههههههههههههههههه -- أحلامي كثيره لو نجمعها صار مسلسل تركي ابو ٥ اجزاء ههههههههههههههههههههههه ومنوعه كوميدي ، اكشن ، دراما هههههههه بعض الأحلام تكون حديث نفس مالها معنى وتكون واضحه دايم انها ماهي رؤيا الرؤيا اما مبشره او منذره واذا قام الواحد ماينساها يتذكرها |
رد: لو يحبكك الفَ قلب انإ آكثر دونَ (ليههَ ) ..
- اعطي دائماً ٣ فرص في كل شي بالحياه .. الا علاقاتي الاجتماعيه فرصتين ان ماكانت واحده ..! احيانا من اول موقف سلبي ابتعد عن هذا الشخص ولا ارجع له ابدا ابدا ومثل هذي الحالات اكون ادري لو اعطيته فرصه وش يصير .. وغالب الاحيان اعطي فرصه ثانيه بعد اول موقف سلبي .. واعامله كأن شي لم يكن .. ف اما ان يثبت لي بأنه كفو وماحصل مجرد سوء فهم وإنحل وأما ان يؤكد لي انطباعي عنه بعد الموقف السلبي بالمره الاولى فهنا اقطع علاقتي به ماهو حقد او كره فيه ولكن وجوده يسبب لي ضرر فالابتعاد افضل .. / يحصل دايم بين الناس سوء تفاهم وزعل في امور بسيطه ماتجبرهم ع اتخاذ قرار الابتعاد لان فيه أُلفه و موده فيما بينهم .. ولكن التجاهل في مثل هذي الحالات ماهو امر محمود .. يزيد من الضجر وممكن يؤدي الى امور لاتحمد عقباها فجميل ان المشاكل وسوء الفهم تنحل في وقتها .. استودع الله الجميع ، |
رد: لو يحبكك الفَ قلب انإ آكثر دونَ (ليههَ ) ..
I'm back
*سوالف بدون هدف * الدخول الطنقوري .. اشتغل على المشروع وتمللت وتعبت .. سالفه 1 الجزء الاول تصدقون ما احب التدوينات اللي تجي بالانقلش .. لكن اوقات اشتهي اكتب بالانقلش او احط شي انقلش , يمكن مقوله او صوره ماهي بالعربي لكن في نفس الوقت اقول كلنا هنا عرب ليش الانقلش هههههههههههههه يمكن مره او مرتين بالمدونه نقلت حاجات انقليزيه وبعض الاحيان تطلع مني كلمات بالانقليزي عفويه بس اكتبها بالعربي يعني زي اوكي حضرت مره لقاء او دوره او حفل والله ناسية لكن بالجامعه .. عن اللغه العربيه وكيف نُحرت وكيف دُفنت وان هذي لغة القرآن لابد من ان نعتز بها بيني وبينكم قبل احضر كنت ماهتم بهذي اللغه ماعندي اي دوافع في ان اعتز بها واحميها وادافع عنها لكن ماخرجت الا وغرسوا فيني حب لهذي اللغه وصار عندي غيره عليها .. بعد مانتهينا كان معي نص فصيح ابي اعطيه الناقده اشوف رايها به .. فلما كلمتها ( عامي ) ماردت علي تبيني اتكلم معها فصيح هههههههههههه بهذيك اللحظه اخذني عقلي لزمن ابو جعفر المنصور ! حقيقه صرت انتقد اللي يتكلم بالانقلش مع شخص عربي ,سعودي !:cheese: صح بعض الاحيان تتزحلق مننا كلمات انقلش عفويه وانا اولكم حتى هنا بالملتقى اكتبها بشكل عفوي! ولكن هذي ( عفويه ) مب يمسكني شخص ويرطن علي انقلش كل السالفه بالانقليزي ويزحلق كلمه عربيه بالغلط!:41jg: حقيقه والله يسولف معك عن الابل باللغه الانقليزيه :cheese: بعض الناس يعتز باللغه الانقليزيه ويهمل لغته الام .. ويرى ان اللي يتقن هذي اللغه هذا انسان مثقف و ( هاي هآي ) ولاحد قده :smile: انا اذا احد ناداني اترجم له او ارسل لي صوره يبيني اترجم له اصير هاي هاي ولاحد قدي:cheese: امزح امزح جعلني مانيب منهم :(284)::41jg: / ٍ سالفه 2 الجزء الثاني احيانا اشتهي اشوف (كرتون ) فاذا خلا المكان قمت اسحب رجليني بدون محد يحس واخذ الريموت وابحث عن ( سبيستون ) واجيب حب باجا وسن توب واتفرج :060: فاذا احد داهمني ألقط الريموت بسرعه واحط ع ناشونال جيوغرافيك علشان محد يقول لي كرتون بهالعمر واسقط من عيونهم وتضيع هيبتي وش نسوي ياخي مافيه حريه كل شي له عمر وينتهي مع مضي العمر:41jg: / سالفه3 الجزء الثالث ضايقن خاطري من ناس لي سنين معهم وعششره خلاص بتعوذ من ابليس واكمل البحث :icon9: سالفه 4 الجزء الرابع شكراً تعبتك معي بالتظليل :cheese: |
رد: لو يحبكك الفَ قلب انإ آكثر دونَ (ليههَ ) ..
_
(( معليش اللي حطت لايك بالمشاركه السابقه حطي هنا والله ماحذف المشاركه )) :cheese: <نفر حاط يده على خده :smile: واضح اللي يبي يتهرب من مشروعه , كل شوي ناط هنا :119: بسبب الجامعه صار عندي الالام بالرقبه و النظر لكم عليه :smile: واللي بذلته هذا الترم ولاشي عند السمسترات اللي راحت كنت اكرف كرف استلم من الصباح لليل:sm5: يالله لاتضيع تعبي يالله ..جد كنا نتعب تعب الله عليم به اول سمستر بالتخصص (بعد التحضيري ) اختبرنا اختبار جلسنا عليه 4 ايام علشان نوصل للفل مارك 4 ايام انام واقوم عليه والاعضاء كانوا نفس الحاله وفي اختبار ثاني حشرتهم عصبت ههههههههههههههه اللي يرجع لارشيفنا يلقى بلاوي في ردودي , كنت عصبيه واعطي كاش فالوجه نقرتين لعرض الصورة في صفحة مستقلة كنت انقهر من بعض التصرفات واقول لهم ,ماعندي دس وحش اذب عليهم ذبات يالله يوم شفتها الحين قلت شلون اتكلم كذا ,:017: وحلولي لازم تحليل اجوبه ومقارنات واعطي الاجابات الاقرب للصحه اذا مالقينا الجواب كان ومازال هذا الاسلوب مجدي وممتاز بالنسبة لي :lllolll: احلى شي في هذا الملتقى ان ذكرياتي الدراسية موجوده مره نضحك ومره نعصب ومره نتناقر واللي تبون :(284)::004: :: https://www.youtube.com/watch?v=cEPzoqM1TQs لحول مانقدر نعبر عن مشاعيرنا , مع من حولي احس باحراج ومعكم احس انه مايصلح وش اسوي :icon9: |
رد: لو يحبكك الفَ قلب انإ آكثر دونَ (ليههَ ) ..
-
اعطيكم معلومه ع الطاير من ما درست في الأعوام السابقه لغة الاتصال مرت بعصور أولها لغة الرموز والاشارات والإنسان بدائي مايعرف اي شي فاكتسب لغة الرموز والاشارات من المخلوقات الحيه الاخرى وتطور الوضع فاستبدل الانسان الرموز والاشارات ب الكلام المنطوق ويقولون علماء الأثر والتاريخ ان اول من عرف اللغة المنطوقه هم المصريين والفينيقيين ويعتبرون هم من نقل اللغة الفرعونيه القديمه الى الإغريق وطوروا اللغه ومن هنا بدت تتفرع اللغات الاوروبيه وبدت تنتشر الخطابه ، ويقال انها ارتبطت باللغة اللاتينيه .. حقيقه انا ماقتنعت باول الكلام ان الانسان ماكان يعرف يتكلم ابد واكتسب اللغة من المخلوقات الباقيه؟ لان الله سبحانه بعد ماخلق آدم كلمه وتكلم آدم والخ .. المهم ماعلينا من خثردزه أرسطو وكوراكس |
رد: لو يحبكك الفَ قلب انإ آكثر دونَ (ليههَ ) ..
-
ترى أقفل المدونه وانا مدري ، اعتذر عن الأخطاء اللي مهيب مني :hhheeeart4: |
رد: لو يحبكك الفَ قلب انإ آكثر دونَ (ليههَ ) ..
_
مشكلتي مشكلة مع النسيآن:41jg: قبل يومين راسلتني وحده واتس كاتبه كلام حلو وتسأل عن الاحوال .. فتحت الرساله ومارديت انشغلت ونسيت ارد عليها :icon9: اليوم رجعت تكلمني :icon9: تسأل عن اخباري وتقول لي شغلتي بالي مارديتي علي من يومين :icon9: ف رديت عليها والخ واقول لها بكل ثقه وين كلمتيني انا مشيكه ع الجوال ماجاني شي منتس:bawling: قالت اطلعي فوق شوي وتشوفين :icon9::18: انحرجت بصراحه وكتبت معلقه اعتذار .. كل شي يهون ولا كلامها الزين اللي كتبته , ليتها ماكتبته .. مب حلوه اعطي شخص شي حلو بعدين يقابلني بالسحب حتى لو ان معه عذر ومشغول لازم يقّدر هذي الكلمات الطيبه اللي ارسلتها له .. :icon9: للحين مُحرجه :019::18: |
رد: لو يحبكك الفَ قلب انإ آكثر دونَ (ليههَ ) ..
_
يتبع مشكلة ( النسيان ):(58): انسى كثير وين احط اغراضي :smile: خصوصاً جوالي , كل يوم لازم اسوي اخلاء للمكان علشان القآه :smile: والا اذا مشغوله بشغلي السري اللي وريتكم , اوقات احط القلم ورى اذني وانسآه , و اقعد احوس بالمكان ادوره واطلع والقلم بأذني مانتبه الا بالنظرات والضحك ! :smile: انا لله وانا اليه راجعون :smile: |
رد: لو يحبكك الفَ قلب انإ آكثر دونَ (ليههَ ) ..
-
لاحول ولاقوه الا بالله .. اليوم وصلني خبر وفاة احد الاقارب أعدّه عم لي الله يرحمه .. الله يرحمه ويغفر له ويجعل مثواه الجنه ، الله يطيب ذكره في الاخره مثل ما طيّبه في الدنيا اللهم امين ، ادعوا له ولموتى المسلمين اجمعين والله يصبر عياله وبناته ويربط ع قلوبهم ويخلف لهم خير من هذي المصيبه يارب |
رد: لو يحبكك الفَ قلب انإ آكثر دونَ (ليههَ ) ..
-
اللهم ارحم [ ابو محمد ] واجعل قبره روضه من رياض الجنه .. ياطيب هذا الرجل الله يطيب حاله بالاخره يارب يارب يارب معروف عندنا ب [ النادر ] محد يناديه الا بالنادر كل الربع والجماعه النادر والنادر ماعرف وش سبب هذا الاسم ولكن كان فعلا نادر ولده كان بالسجن [ مظلوم ] .. وقبله متوفي ولده الكبير وأصابه المرض وصبر على كل هالابتلائات الله يجعله من من وعدهم الله بجنات وانهار خالدين فيها مأثر فيني لاني اعزه واجد كنه عمي |
رد: لو يحبكك الفَ قلب انإ آكثر دونَ (ليههَ ) ..
-
الله يجزاكم خير جميع .. الله لايريكم مكروه لا بانفسكم ولا بمن تحبون أشكركم جميعاً .. الربع يقولون مشينا للرياض وانا والله ماعاد بي حيل اشوف احد من اهلي حزين .. :no: يكفيني اللي حسّيت به .. ولو ان الحضور حق وواجب لكن والله ماقدر خلوني بعيده افضل لي والتعزيه بتصل عليهم ، انا يوم شفت وضعهم يوم جدتي تعبانه ، مرضت شلون اشوفهم بوضع اكبر من هذا .. ياخي الحزن والله يمرض الواحد .. لذلك قلت مانيب رايحه اخاف من الانتكاسات الصحيه :no: بعيده ومتعوذه من الشيطان وذاكره ربي والنفسيه انضبطت الحمدلله :cool: امس كله احس اني متنحه من الخبر لخبطني ،، :139: باقي يومين ع تسليم الواجب :icon9: |
رد: لو يحبكك الفَ قلب انإ آكثر دونَ (ليههَ ) ..
_
https://www.youtube.com/watch?v=cD2S6lxMkgI الحمدلله رجعت اردد مع القارئ بدون تعب ! مشتاقه واااجد واجد لهذا الفعل , لي حول شهر عنه .. انصحكم بسماع القرآن يساعد على الحفظ / يامرحبآ والله بالمطر وريح المطر , تسعدني شوفته .. مانساكم من دعائي :004: يقول واحد من الربع اذا الرياح جنوبيه يجي المطر واذا شماليه تكون قويه فمايكون فيه مطر , معلومه جميله تم التأكد منهآ فعلياً :tongue::(204): |
رد: لو يحبكك الفَ قلب انإ آكثر دونَ (ليههَ ) ..
-
مايكدّر خاطر القلب السليم غير كلمه ماحسبهآ موجعه لاوصلك الجرح من خلٍ حميم تختنق دنيآك لو هي بالسعه بعض من نحب يقول كلمات ولا يبآلي بهآ فأحيانا تكون موجعه .. وانا ديني ودين من يظن بي السوء .. |
رد: لو يحبكك الفَ قلب انإ آكثر دونَ (ليههَ ) ..
- - بعض الناس تحسن له مره يحسن لك الف مره تظن به خير يظنك اخير منه تعامله باحسان يعاملك بمحبه تعطيه صاع خير يعطيك صاعين بصراحه من طيبهم وحسن تعاملهم استحي منهم ناس تاج على الرأس والله .. الله يرفع أقدارهم دنيا وآخره ويوفقهم ويرزقهم وين مايولونّ وجوههم |
رد: لو يحبكك الفَ قلب انإ آكثر دونَ (ليههَ ) ..
-
اليوم اجازه من كل عمل وأبشركم سلمت الواجب البارح ،، ماذبحنا غير الاسلوب العلمي اسبوع كامل وانا اكتب وامسح واخليه لليوم الثاني علشان ارجع اقراه واكتشف الأخطاء .. ان شاء الله تعطيني فل مارك .. باقي لي أراجع مشروع التخرج صفحه صفحه واعدل الأخطاء ، هذا بعد إجازتي :) -- تعرفون اكثر شي تقدسّه المرأه في البيت ؟ - الاثاث والمواعين ركزوا ع الثانيه احيانا يوصل الدم للركب بسببهآ:biggrin: معي صحن وقدّر الله انه يطيح وانا فديت نفسي لهذا الصحن الثقيل ومديت رجلي علشان يطيح عليها ومايتكسر:hahahahahah::icon9: كله علشان ما اكدر خاطر ست الحبايب :(269): المهم اني الحين أعرج:smile: ومكان الحادث منتفخ وصاير علبة ألوان بنفسجي وأخضر واسود كنه جفن وحده رايحه زواج :71::hahahahahah: |
رد: لو يحبكك الفَ قلب انإ آكثر دونَ (ليههَ ) ..
-
شوفوا كتابتي قبل حول 15 سنه بطرحها زي ماهي باغلاطها:hahahahahah::hahahahahah: ودي اعرف من كنت اقصد :hahahahahah: لا وخسارهعقب ذيك المحبه وعقب التجاره اليوم اعلنت الافلاس خلّي قطع بالوصل من دون سبه اتلى العهد به يوم كنا بمجلاس فيه خطا راعي القصيد بيطلعه بالراحه .. جربوا قدراتكم وطلعوّا الخطا ،، البحر ( مسحوب ) اللي بيجيبه له ( الف ) نقطه وناقتين حلاّبه و هديه من عند عبدالله ناقته ( عليا ) |
رد: لو يحبكك الفَ قلب انإ آكثر دونَ (ليههَ ) ..
-
ارى ان اكثر حاجتين تميت القلب كثرة النوم وكثرة الضحك بعض الناس اذا حط راسه ماعاد درى عن اللي حوله .. واذا ضحك يضحك على اي شي وكل شي ،، كثرة الضحك تضيع الهيبه ، تخلي الواحد مهمّش اي سوالف جديه ماياخذون رايه فيها لانه انسان ضحوك في كل شي فما يفرق بين الجد والهزل وكثرة المزاح تجرّي السفيه على صاحبه عاد وش يفكه وقتها:cheese: فلازم يكون الانسان قلبه حيّ ، ويضحك ويمزح وينام باعتدال :biggrin: قنآعه فقط .. |
رد: لو يحبكك الفَ قلب انإ آكثر دونَ (ليههَ ) ..
-
البآرح قبل انام افكر وش عند الناس مشتطه بالمذاكرة .. وقعدت احسب كم باقي ع اختباراتي احسب واغلط وأعيد احسب .. باقي اسبوعين:Looking_anim: والله راح علي الوقت بدون ما احس اشوى اني حسبت والا كان مادريت الا ليله الاختبار :lllolll: الله يوفقكم اخواني واخواتي بجامعه الملك فيصل والدمام ويكتب لكم الخير والرزق وييسر اموركم الحمدلله على الصحه والعافيه وعلى التوفيق وعلى كل شي الحمدلله والحمدلله والحمدلله كل ماتذكرت حالي قبل كم اسبوع احس بعظمة وقيمه نعمه العافيه .. وتدمع عيني لان لولا الله ولطفه بي ما كنت بينكم الآن .. اتذكر لحظه انقطاع التنفس بآخر الليل والناس نيآم .. والحراره حول 40 من حسن حظي كان فيه احد عندي نايم وسمع صوت اللي بتطلع روحه :cheese::icon120: ومن حسن حظي ان المستشفى قريب :cheese: بيبقى الموقف في ذاكرتي ومؤثر بي ، عرفت ان الانسان اضعف مخلوقات الله وان العافيه لايعادلها شي الحمدلله بعد كل مامريت به الان حالي احسن بكثير من قبل .. ولو أني مُنعت من اشياء كثيره بسبب هذا ولكن لو يمنعوني من كل شي احبه اهم شي تبقى عافيتي يارب يارب يعينكم على ذكر نعمه ويجعلكم من الشاكرين الذاكرين .. امين |
رد: لو يحبكك الفَ قلب انإ آكثر دونَ (ليههَ ) ..
-
اللي ما اسعد له يتيم حرم نفسه من طعم السعآده .. |
رد: لو يحبكك الفَ قلب انإ آكثر دونَ (ليههَ ) ..
-
قدوعي القصايد وقهوتي لحونهآ:(269): وش رايكم وانا اسوي يعننّي :biggrin: من انت ياللي تعلمني بما يلزم .. اجمع بقايا الحكي لاشوفك توطوط :5aga::cheese: ^ لحول من مزعلني :hahahahahah::hahahahahah: والله انها استهبآل ماعندي شي أعد نجوم العصر وادندن وطلعت ذي القشرا :cheese: |
رد: لو يحبكك الفَ قلب انإ آكثر دونَ (ليههَ ) ..
وجه طلق وتسامح ، خلق ، دين
|
رد: لو يحبكك الفَ قلب انإ آكثر دونَ (ليههَ ) ..
-
^ كتبت بيتين كنت اتمنى ان لي من صفاتي نسختين نسخه للناس ونسخه اخاويها :cheese::icon9: مسحت كل شي وتركت هذا اللي فوق .. / والله قايمه من الصباح وتعب .. وعجزت انام احس بحريقه في جوفي :5aga: اللي شاف ردي قبل التعديل بيفهم وش مزعلني :icon9: |
رد: لو يحبكك الفَ قلب انإ آكثر دونَ (ليههَ ) ..
- كنت من شدة ما بي ما اعرف وش اسوي مره مكتّمه .. ولا طرى علي لا ذكر ولا صلاه ولا وضوء ولاشي اعوذ بالله .. وأفكر كيف أتغلب على ما فيني .. وسمعت صوت بداخلي يقول ( القران القران ) اي والله وأسرع للمقاطع واشغل مقطع .. سمعت فيه من الآيات اللي تجبر القلب و تحل المشكله بعد ساعه وأكثر .. زال كل مافيني والله ماكأن فيه شي صاير !! والحين بصلي صلاه يحبها قلبي .. المهم فيه احد يحس ان القران دواه مثلي ؟ :icon9: فالحمدلله |
رد: لو يحبكك الفَ قلب انإ آكثر دونَ (ليههَ ) ..
-
كل ما كنت في موضع قوه وسُلطه تذكر بأنك ( لاشي ) فلا تكون ظالم .. وتذكر فرعون ذاك القوي رب قومه الى أين قاده جبروته .. |
رد: لو يحبكك الفَ قلب انإ آكثر دونَ (ليههَ ) ..
-
( القياده ) من الصفآت الواجب توافرها في الأخصائي الاجتماعي لانه قائد للمجتمع ، يشارك في الامور والقرارات الإدارية في عمله و و و امور كثيره .. وندرس مقرر كامل عن القياده وتنمية المجتمعات .. كيف القيادي ينمي مجتمعه بذكاء ! بعض الناس يفقد هذي الصفه وممكن يكتسبها بالتعليم ، وبعض الناس موجوده فيه هذي الصفه وتُنمى بالتعليم وبعض الناس لاهذي ولاهذي ههههههههههههه فالله يعين من لايستفيد من علمه شي .. |
رد: لو يحبكك الفَ قلب انإ آكثر دونَ (ليههَ ) ..
_ دواء الجاهل الأعراض عنه .. ( واعرض عن الجاهلين ) ان خضت معه فأنت جاهل مثله وان أعرضت فهذي قوه منك وماهو بضعف أو ذل |
رد: لو يحبكك الفَ قلب انإ آكثر دونَ (ليههَ ) ..
-
- دعوتين ارددها دائماً الاولى ان يشفي مرضى المسلمين والثانيه يرزق كل محروم من الذريه ما رأيت أشد من المرض واوجع من الحرمان .. |
رد: لو يحبكك الفَ قلب انإ آكثر دونَ (ليههَ ) ..
-
- احسان الظن سلامة للقلب وراحة للعقل . . / الحين انا بكوكب أمجد بينه وبين كوكب اكشن 400 كيلو :cheese::biggrin: |
رد: لو يحبكك الفَ قلب انإ آكثر دونَ (ليههَ ) ..
-
اللي يقدر يشوف هذا الرد قبل التعديل بيشوفني يوم كنت بكوكب اكشن :cheese: لكن محروم من السفر معنا الى كوكب الكوميديآ :(269): |
رد: لو يحبكك الفَ قلب انإ آكثر دونَ (ليههَ ) ..
-
حلمت ( ياكثر احلآمي) :5aga: المهم حلمت بأن عندي مجموعه كبيره من الكتب والكتيبات أشكال وألوان وأحجام واصفها على طاوله ، وكلها كانت دينيه .. كني بمكتبه جرير :biggrin: وكنت انوي توزيعها على الناس واخذ اللي ابيه اخذت كتيب صغير طوله وعرضه قد 3 أصابع اليد وهي مجتمعه ، وأخذت كتيب اكبر منه شوي قلت زين هذا بقراه دايم ( أذكار الصباح والمساء ) الكتيبين واحد زي حصن المسلم والثاني ذكر فتحته وكانت الصفحة عن الرسول صلى الله عليه وسلم المهم بعد هذا الحلم قررت احافظ على اذكاري لاني للاسف ما احصن نفسي دايم:41jg: وقمت وانا متلهفه للمدينه يكفيني ان امشي بمكان مشى فيه من احبه وأكون بمكان هو فيه:004: :icon9: |
رد: لو يحبكك الفَ قلب انإ آكثر دونَ (ليههَ ) ..
-
واليـا جرحك الناس من حدة الفاس ( ضـمدت جرحك وانبرى بـنصف ليله) هذا بيت من عدة ابيات كتبتهآ وهي مناجاه قلبيه:cheese: اللي بين قوسين اكثر شي شدني وعجبني بكل الكلام اوقات احس اللي اكتبه غير مفهوم وممكن البعض يراه اي كلام ماله معنى لاني ممكن اقول عن الكلام السيئ او سوء الظن ( سيف ، فاس ، سكين والخ ) اي شي يعبر عن الجرح وممكن يؤدي الى الموت الشطر اللي بين قوسين كنت اقصد فيه ( التسامح والعفو والقلب السليم ) يعني ينجرح ويداوي جرحه بنفسه بالعفو والصفح ولاينام الا سلييم:019: هذا التصوير فيه شي من البلاغه .. القصيده كامله http://www.ckfu.org/vb/t744499.html |
رد: لو يحبكك الفَ قلب انإ آكثر دونَ (ليههَ ) ..
_
لاحول ولاقوة الا بالله . . :no: تذكرون الواجب اللي جلست عليه اسبوع اكتب واعدل فيه ( باسلوب علمي ) اخذت فيه 1 من 15:no: مابي اكدّر خاطري فقلت لنفسي ( اكيد الدكتوره تزحلق اصبعهآ ونست تكتب الخمسه ):hahahahahah::icon9: بكلمها الليله وبشوف وش العلم :007: |
رد: لو يحبكك الفَ قلب انإ آكثر دونَ (ليههَ ) ..
اقتباس:
آبشركم فل مارك , كان ظني صحيح تقول لي غلطه ماتعدلتش عندك؟ قلت لا ولاتهونين عدليهآ :lllolll: يوم شفت رقم 1 , تنحت وكنت بصرآع نفسي مابين ( التحطيم ) ومابين ( الثقه بما قدمت ) .. وحتى اتغلب على المشاعر السلبيه حطيت اسباب يمكن ويمكن ويمكن . . اهم شي تعب الاسبوع ماراح عبث الحمدلله . . :019: / المهم فيه شي من زمان ابي اقوله وانسى . . فيه كتاب قريته قبل فتره اسمه ( الهام القرار الصحيح ) . . جميل في بعض القصص والحكم والقرارات. . ولكن للتنبيه والتنويه لمن قراه او يقراه , فيه معلومات عن بعض قصص الانبياء خطآ .. فما كل شي نقراه ممكن ناخذه , اي معلومه غريبه نبحث عن صحتها ونستزيد بمراجع لهآ :(204): |
رد: لو يحبكك الفَ قلب انإ آكثر دونَ (ليههَ ) ..
-
أصل العداوهوالشر والحسد الواقع بين الناس من اتباع الهوى ، فمن خالف هواه أراح قلبه وبدنه وجوارحه ، فاستراح وأراح . . |
رد: لو يحبكك الفَ قلب انإ آكثر دونَ (ليههَ ) ..
-
بعض الناس يظن ان كل شي يؤخذ بالقوه .. فيواجه قوه اضعاف قوته .. فحتى لو حاول اخذ حقه واشتكى وهدد القوه المواجهه بأمر واحد تسقطه فهو بالنسبة لها قوه ضعيفه الامور ماتحل الا باللين فأنت تتعامل مع ناس ذو سُلطه عليك وعلى مستوى عالي من العلم والاخلاق فمتى ماصرت حكيم واخلاق ومتريث وصلت لمبتغاك .. |
رد: لو يحبكك الفَ قلب انإ آكثر دونَ (ليههَ ) ..
_
يُذكر ان سليمان بن عبدالملك حج مره ومعه عمر بن عبدالعزيز فلمآ وقفوا في عرفه رأوا خلقاً كثيراً فقال سليمآن لعمر بن عبدالعزيز يا ابا حفص الا ترى الى هذا الخلق الذين لايحصيهم الا الله ! فقال ابا حفص , يا امير المؤمنين هؤلاء اليوم رعيتُك وغداً خصمائك امام الله ف بكى سليمآن بن عبدالملك ..! / ويُذكر انهم خرجوا مره في نزهه وكانوا ينوون المبيت فجهزوا خيامهم الا عمر بن عبدالعزيز . . فلما بلغوا مكانهم افتقد سليمآن عمر فذهبوا للبحث عنه فوجدوه يبكي تحت شجره فسأله سليمان عن علته ؟ فقال يا امير المؤمنين تذكرت يوم القيامه من قدم شي وجده امامه ولم اقدم شي فلم اجد شيئا اقروا عن عمر بن عبدالعزيز :004: |
رد: لو يحبكك الفَ قلب انإ آكثر دونَ (ليههَ ) ..
بفتره من الفترات مع كل حزة للاختبارات النهائيه يجيني صدآع فظيع قوي قوي قوي ما اتحمل احرك راسي من قوته وهذا يرجع لتركيزي بالمذاكره وقلة النوم
والفتره الاخيره صاير يجيني حتى لو ما اقرا , شيكت مره وطلع هبوط بالضغط وراح فتره واليوم رجع لي صداع يوجع ابي اخلص شغلي بس مصدعه ولانمت زين البارح نمت وبعد 5 ساعات قمت اشتط مع المشتطين لاحول ولاقوة الا بالله :019::004:وللحين مانمت :41jg: فيه بنات مطفشيني لي 3 ايام اطلب منهن شغلات تخص البحث ولاوحده ردت علي اصلاً:icon120: هذا جزاي ابي انفع :41jg: ماستفدتوا شي صح ؟ طيب عادي مب لازم تقرون سكر الباب لافقع وجهك باللوحه :lllolll: |
رد: لو يحبكك الفَ قلب انإ آكثر دونَ (ليههَ ) ..
_
حتى تعرف طيب الانسان من رداه , اعرف علاقته مع والديه ! والله مافيه خير ولاترجي الخير من عآق .. ..........عآق .. ........................عآق .. |
رد: لو يحبكك الفَ قلب انإ آكثر دونَ (ليههَ ) ..
_
ارى السعاده بهذي الحياه في قضاء حوائج الناس فهنيئاً لمن اصطفاه الله بقضاء حوائج الناس وتفريج كُرُباتهم بإذن الله :004: |
رد: لو يحبكك الفَ قلب انإ آكثر دونَ (ليههَ ) ..
_
المشروع قص ظهري . . خلصت الملخص بالعربي باقي اترجمه بالانقلش بس ماعاد بي حيل مدري وش بخبص بالانقلش تهقون اقدر على الترجمه ! بصراحه ماقد جربت اترجم من عربي الى انقلش .. ممكن من انقلش الى عربي بس العكس مدري , بجرب ولكن اللي عنده خبره بالانقلش ياليت يقول لي يفيدني بملاحظاته بعد ما اخلص واكون ممتنه له . . |
رد: لو يحبكك الفَ قلب انإ آكثر دونَ (ليههَ ) ..
وآحد من الجماعه ايام التليفون الثابت قبل الجوالات . .
كآن وين مايروح ياخذ الثابت معه ويشبكه في خط صاحب البيت ويقول له مالك لا فضل ولا منّه تليفوني معي ..:hahahahahah: طيب وش وضع الخط على ظهر من المكالمه ؟ :hahahahahah::hahahahahah: |
رد: لو يحبكك الفَ قلب انإ آكثر دونَ (ليههَ ) ..
_
http://www.ckfu.org/pic4u/uploads/ckfu1461363882921.jpg * طويلين بآل ودايم نسآمح الغالين ولا حنا من اللي لـ زعل دوّر الزله ":004:" |
رد: لو يحبكك الفَ قلب انإ آكثر دونَ (ليههَ ) ..
-
فيه فرق كبير بين ( احرص على الامانه واتق الله ) و ( انا اثق بك وبامانتك ) الثانيه وقعها على النفس اجمل لانك تحسسه انك واثق فيه اصلا ولايحتاج لتوصيه فتزيده حمل ويبدا يسعى فالحفاظ على ما أؤتمن عليه ويسعى لإثبات بانه يستحق الثقه ولايخيب ظنك فيه ابدا وقيسوا على ذلك بقيه الكلمات فالمناصحه والتحريص وغيره .. |
رد: لو يحبكك الفَ قلب انإ آكثر دونَ (ليههَ ) ..
-
مما قرأت عن عبدالله بن مسعود يقول ( رأيتني سادس سته وماعلى ظهر الارض مسلم غيرنا ) استوقفني كلامه افكر كيف كان الاسلام من سته الى أفواج .. كان الرسول صلى الله عليه وسلم يدعو سراً ثم جهراً ومن مكه الى المدينه الى ان وصل الاسلام للموصل وحمص حتى وصل للأندلس واستمرت الفتوحات حتى وصلوا لجبال الالب .. والان الاسلام في كل مكان والناس في تزايد ( ورأيت الناس يدخلون في دين الله افواجا فسبح بحمد ربك واستغفر ) |
رد: لو يحبكك الفَ قلب انإ آكثر دونَ (ليههَ ) ..
_
http://www.ckfu.org/pic4u/uploads/ckfu146142707961.jpg وضع الطفشآن طبعا الورقه البيضاء اتخيلها تذكره :smile:وش نسوي يقولون مد خيالك على قد طفشك:064: لكن تصدقون الخيال لحاله يخفف من المشاعر السلبيه :hahahahahah: |
رد: لو يحبكك الفَ قلب انإ آكثر دونَ (ليههَ ) ..
_
ادعوا لي مايمسك منصب " رئيسة قسم " غيري انا:(269):اشغلنّي هالبنّي اخاف وحده من بنات المدير تجي فيه وانا اولى به :41jg: |
رد: لو يحبكك الفَ قلب انإ آكثر دونَ (ليههَ ) ..
_
يارب اجعل لي قلب فطين وعقل حكيم ولسان يذكرك .. :004: |
رد: لو يحبكك الفَ قلب انإ آكثر دونَ (ليههَ ) ..
_
يالله ياربي لايضيع لي تعب و وفقني و وفق كل الطلاب والطآلبات :biggrin::004: اعطيت نفسي بريك عن الشغل سويلفه / اذكر قبل سنتين يمكن كتبت تدوينه الاهداف اللي ودي احققهآ قبل اتخرج .. كتبتهآ ونسيتها , لكن مانتبهت لنفسي اني كنت اعمل بهآ لاشعورياً .. المهم قبل كم شهر افرفر بمدونتي ولقيت اللي كتبته واكتشفت ان اغلبها حققته :004: الا شي واحد [ حفظ القرآن كاملاً ] :icon9: حفظت لكن مابعد خلصته لاني افسّر واقرا والخ واحفظه سمعاً مب قرايه :icon9::004: |
رد: لو يحبكك الفَ قلب انإ آكثر دونَ (ليههَ ) ..
الصبر مفتآح وبالله نستعين
وكل نيه باين(ن) مدلولهآ . . ان بغيتو طيب فحنا طيبين وكل كلمه نقولهآ بنطولهآ وان بغيتو فارتكو على متين والحقآيق ازهلو مسؤولها قولنا يمشي على الحق المبين وكل كلمه طيبه بنقولها ان عطينا ماعطينا الا الثمين وكل شده بعد ربي نزولهآ .. هذي قبل كم شهر , احيانا اكذّب نفسي اني كتبت هذا الكلام:hahahahahah::biggrin: شكلي كنت على الحد الجنوبي:hahahahahah: |
رد: لو يحبكك الفَ قلب انإ آكثر دونَ (ليههَ ) ..
-
القران مُربي ، موجهه ، مبشر و منذر .. فمن كان في قلبه غيظ وجد ( والكاظمين الغيظ والعافين عن الناس والله يحب المحسنين ) .. احيانا يكون كتمان الغيظ و العفو من الصعب العمل بهما ولكن ما يروّض النفس الا قول ( والله يحب المحسنين) فتطيب النفس وتسعد وتعفو وتصفح .. |
رد: لو يحبكك الفَ قلب انإ آكثر دونَ (ليههَ ) ..
https://www.youtube.com/watch?v=j8VA1ITGq6E
مقطع جميل لايفوتكم .. اسمعوآ وش يقول عن الصحابي عبدالله بن عباس وهمته في طلب العلم .. آحب اسمع لمعلمي د.محمد العريفي كان هو الوحيد اللي اخذ العلم منه اعتقد اني ختمت مقاطعه باليتيوب كنت اسهر عليها امسكها من الليل الى مابعد الظهربدون ملل وتعب :004: واغلب كتبه قرأتها , اخرهآ ( تجربتي في ربع قرن ) :cheese: 3 دفآتر عندي كلها زبدة ماتعلمته منه .. من زمان ماعاد كتبت شي اخر مره كتبت ماتعلمته منه قبل 7 سنوات تقريباً .. اذا تشتغلون على بحث والا على ملخص والا على ريبورت او اي شي افتحوا اي محاضره لاي شيخ ثقه واستمتعوا .. المهم اذا احد اخذ جهازي ودخل على اليتيوب يشوف الصفحه الرئيسيه يشك فيني يقول انتي اخرتك بتصيرين ( داعشيه ) :hahahahahah: لان مقاطعي احيانا تكون مريبه وهالسواليف :cheese: المهم واحد من الربع يحذرني لا اخوض بهالامور علشان ماتجي الحكومه وتقشعني من محلي اثنين معه فالشركه كانوا مثلي ويجون يشلون الاثنين .. واحد منهم بريئ كان مجرد فضول والثاني الله ربنا وربه :no: انا والله اني بريئه :icon9: |
رد: لو يحبكك الفَ قلب انإ آكثر دونَ (ليههَ ) ..
_
يالربع :no: تكفون يالربع :no: آحس بارتفاع الحراره والم خفيف , يالله ياربي مايصير بي مثل قبل كم اسبوع :(117): الله لايعود ذيك الآيام , صرت اخاف كل ماختلف علي شي:(117): شفت الموت الموت ماعاد ابي احس به :(117): ولا ابي اشوف د.صفوت للحين ماطلعت من حالتي النفسية السيئه اللي سببهآ لي :(117): بكره لو اجيه قال تنويم تنويم يخرشني لاحول ولاقوة الا بالله كني بموت :hahahahahah: يالله اني زابنتك يالله :(117): |
رد: لو يحبكك الفَ قلب انإ آكثر دونَ (ليههَ ) ..
-
من الصباح في بآلي نونية ابن القيم في وصف الجنه وتشفقت للجنه :icon9::004: هنآك حياتنآ لا نذل فيها ولا نشقى ، نلتقي في الجنه ان شاء الله ونذكر مكاننا في الدنيا و اشوف الرسول وخلاص ماعاد فيه اماني ولا اتمنى روحه للمدينه علشاني بس ( مشتاقه ) يارب يارب الجنه يارب اني احب من بهذا المكان فاجمعني بهم بالجنه :004: قولوا آمين :biggrin: |
رد: لو يحبكك الفَ قلب انإ آكثر دونَ (ليههَ ) ..
-
كلمه الانسان تشمل الذكر والأنثى ، ومن الخطا قول ( انسانه ) لذلك انا انسان احب الالتزام بالمواعيد .. اذا قلت بكره خلاص على الموعد اذا قلت لي الساعه كذا وكذا تكونين مخلصه ، اخلص بالوقت المحدد .. يعني عندي الالتزام امر مهم سواء انا او من اعمل معه لابد ان يكون ملتزم بمواعيده معي ما احب المماطله ، ............ المماطله :(269): |
رد: لو يحبكك الفَ قلب انإ آكثر دونَ (ليههَ ) ..
- لو الزمن قآسي وصواديف الاقدار غطت على دنيآك ودارت رحاهآ تحزّم بذكر الله في سر واجهار والله عليمن بالقلوب ودعآها احيانا في عز انشغالي أُلهم فأكتب ما اُلهمت به .. |
رد: لو يحبكك الفَ قلب انإ آكثر دونَ (ليههَ ) ..
-
لا يضرب المرأه الا عديم المروءه يُذكر ان ملثم يمشي ويقتل المسلمين حتى وقف في وجهه علي بن ابي طالب رضي الله عنه واخرج سيفه حتى يقتله فكشف المقاتل لثامه فاذا هي امرأة تصيح خافت من سيف علي رضي الله عنه فلما عرف علي انها امرأة ادخل سيفه وتركهآ !! وهي مشركه مقاتله !! |
رد: لو يحبكك الفَ قلب انإ آكثر دونَ (ليههَ ) ..
يا لله اللي ما خشى غير خوفي منه خــوف
لأشـريكٍ له بـــملكه ولا يـــــعبد سواه فيك تشخيص البصــاير ولك مد الكـفـوف يا كــــريمِ يكرمون الاكارم من عطاه عالم اللي ما اعلمه شايف اللي مانشــــوف خـــافيِ سره والإسرار ما هيب تخفاه لاجفانا القـــل واللي روابــعهم ضــعــوف جــــعل ربي ما يرينا غضبه ولا جفاه ولانقفل بابِ من الرزق حراسه وقـــوف رحم الله [ بن جدلآن ] لا والله الا راح الشعر:(88): قصيده مهوب اي قصيد ولا هو يسرد اي شي .. قصيد جزل بمعنى الكلمه من الشعّار اللي اسمع لهم كثير واحفظ لهم الكثير والكثير فإبن جدلان ماينطق الا بدرر وحكم ..:004: الله يرحمه , الله يرحمه .. تتوآلى الآخبار السيئه اسأل الله ان لايفجعني ولايفجعكم بغواليكم .. قبل عدة ايام كان تخرج صديقتي بجامعه الدمام فكانت تقول اخاف اروح للحفل ويتوفى ابوي [ ابوها مريض] حضرت الحفل , الفجر بعد الحفل توفى ابوهآ الله يرحمه ويلهم اهله الصبر :sm1: اليوم ان شاء الله بروح اعزيها :icon9: وجدتي بالمستشفى من البآرح , بمرّهآ :139: |
رد: لو يحبكك الفَ قلب انإ آكثر دونَ (ليههَ ) ..
-
كل ماكان صوتك هادي كلما كنت قريب من القلوب ، خفيف على النفوس .. ما اشوف ان ارتفاع الصوت بالمجالس امر محمود .. فالمجلس مهما كان مستواه ، له آدابه .. الفئه الغالبه بالمجالس ( تقاطع ، ترفع الصوت ، كلام فاضي ) .. في اي مجلس تقريباً 7 انواع 1- نوع يقاطعك بالكلام اما بسالفه شاطحه او بتعليق غير لائق او بتكذيب سالفتك او معلومتك 2-نوع انا فاهم كل شي ( انا صح وأنتم خطا ) وعلى فكره هذا الشخص يعاني من مرض ( الفصام) والفصام يختلف ان الانفصام .. < معلومه خاطفه ، طيب اكمل السالفه :cheese: 3-نوع انا الظريف يستخف دمه ويضحك على اي شي وكل شي حتى تسقط هيبته ولاعاد يؤخذ له راي ماعنده آي جديه :(269): 4-نوع النقّاد ومنفسّ ولا فيه شي عاجبه وينافخ :lllolll: 5- نوع كل سوالفه قال فلان ومادريت عن فلان وهذا غالباً اذا قمت عنه اكل بلحمك :cheese: 6-نوع الهادي اللي يزن الامور ويعرف متى يتكلم ومتى يسكت ومتى يضحك ومتى يمزح ويعرف المواضيع اللي يتكلم بها 7- نوع نصّاب ( سولفجي) نص سواليفه كذب بس يبي يستحل المجلس غالباً هذا النوع عند الرجال :(269): كل واحد يعلمني هو او هي اي نوع :lllolll: واذا فيه انواع ماذكرتها علموني:(284): |
رد: لو يحبكك الفَ قلب انإ آكثر دونَ (ليههَ ) ..
-
لفت انتباه الشخص ب مناداته بأسمه له اثر إيجابي بنفسه احيانا مايكون الهدف ( لفت انتباه) بقدر ما تكون رساله ( تعطيه شعور القيمه ) وااثرها إيجابي ولو بالكتابه ! مما قرأت عن الرسول صلى الله عليه وسلم في طرق معاملته مع الصحابه لاحظت انه لابد ان ينادي بالاسم قبل النصيحه او قبل اي شي يود قوله صلوات ربي عليه .. |
رد: لو يحبكك الفَ قلب انإ آكثر دونَ (ليههَ ) ..
-
المؤمن التقي الذي يخاف ربه ويخشاه يستعظم ذنبه بعض الناس يتهآون بذنبه ويجآهر به والكارثه لو احد تكلم عند صغير ان هذا الذنب ( هيّن ) واحسن من شي اكبر من هذا الذنب لاتلومون الصغير اذا كبر واذنب وتمادى بالذنب .. تذكروا انكم انتم من استهنتوا بهذا الذنب حتى زرع في نفسه اي ذنب بالحياه ولو كلمه ! مما قرأت .. عن أنس بن مالك رضي الله عنه يقول ( انكم لتعملون أعمالاً هي ادق في اعينكم من الشعر ان كنّا لنعدها على عهد النبي صلى الله عليه وسلم من الموبقات ) |
رد: لو يحبكك الفَ قلب انإ آكثر دونَ (ليههَ ) ..
-
الحياء .. شعبه من شعب الإيمان ومن يتحلى به يتسم بالوقار وهدوء الشخصية والاتزان صوره من الحياء يقول ابن عمر : قال النبي صلى الله عليه وسلم ( مثل المؤمن كمثل شجره خضراء لايسقط ورقها ولايتحات فقال القوم هي شجرة كذا ، هي شجرة كذا فأردت ان اقول هي النخلة وانا غلام شاب فاستحييت) فقال النبي هي النخله والآن فالمجالس نرى التسابق في الحديث ،، والتسابق بالفعل دون اي حياء من كبير وصغير .. |
رد: لو يحبكك الفَ قلب انإ آكثر دونَ (ليههَ ) ..
-
الحب .. اجمل كلمه وأجمل شعور في الحياه مالم يمسسه شيطآن رجيم .. |
رد: لو يحبكك الفَ قلب انإ آكثر دونَ (ليههَ ) ..
-
في روايه لحديث أنس رضي الله عنه .. جاءت امراه من الانصار الى رسول الله صلى الله عليه وسلم ومعها صبي فكلمها رسول الله صلى الله عليه وسلم فقال : ( والذي نفسي بيده انكم احب الناس الّي مرتين ) ليتني من الانصار وكنت مكانها :bawling::004::004: |
رد: لو يحبكك الفَ قلب انإ آكثر دونَ (ليههَ ) ..
-
الروايات الوحيدة اللي ماجازت لي ولاقدرت اتقبلهآ ، في حياتي كلها ماقرأت روايه الا مره وحده احد صديقآتي قارئه من الطراز الاول وكثير ما نتناقش حول أفكار الكاتب ونأخذ ونعطي من الكتب اللي تقرأها ( الروايآت ) وتنصحني بالبوليسية لانها تدري ما احب اي شي فيه رومانسيه وحب هههههههههههههه المشكله ان الكثير طايح ع روايات الحب ، بعدين يقولون فينا جفاف عاطفي اذا فتحوا تلفزيون يشوفون هالاتراك واذا فتحوا كتب مافيه الا حب ههههههههههههههههه مازلت اشوف الروايات ( كلام فاضي ) مع احترامي لجميع الكتّاب ولكن اعتقد اذا احسنت اختيار الروايه وتكون في مجال يهمني ممكن تتغير نظرتي تجاه هذي الكتب ولكن ماتتغير نظرتي بان الروايات الرومانسيه تضييع وقت بصراحه وكلام فاضي .. |
رد: لو يحبكك الفَ قلب انإ آكثر دونَ (ليههَ ) ..
-
http://up.harajgulf.com/do.php?img=736713 بنو تغلب وبنو بكر .. قال الحارث بن عباد للحارث بن همام قاتلوهم بالنساء فقال بن همام كيف قتال النساء ؟؟ قال قلّد كل امرأه إدواه من ماء ( إناء صغير ) واعطها هراوه (عصا ) وخلهن وراكم وعلّموا قومكم بعلامات يعرفنها .. اذا مرّت وحده منهن على مصاب تعرفه وتسعفه وتسقيه من الماء واذا مرت على رجل من غيركم ضربته بالعصا لين يموت < كفو :sm5::004: فحلقت بنو بكر رؤوسها كعلامه للنساء .. وكان جحدر يقول : ردوا علي الخيل ان ألمّت .. ان لم اقاتلهم فجزوّا لمّتي وتقاتلوا مع بنو تغلب قتال شديد وانهزمت بنو تغلب اسر الحارث المهلهل وهو مايعرف المهلهل فقال له الحارث دلّني على المهلهل قال المهلهل ولي دمي؟ قال الحارث ولك دمك قال ولي ذمتك وذمة ابيك ؟ قال الحارث نعم فقال المهلهل فانا المهلهل خدعتك عن نفسي والحرب خدعه ! المهم ان الحارث جز مقدمه راس المهلهل واطلقه .. وهذي من عادات العرب :(269): |
رد: لو يحبكك الفَ قلب انإ آكثر دونَ (ليههَ ) ..
-
انا ماعندي في هالحياه غير اهلي وهالنتفه قطعه من قلبي :004::biggrin: اذا زعل مني قال ( انا زعلانه لاتكلمني ) وأنشب له صح حنا أصدقاء ؟ وهو زعلان مره مكشر ويقول لا مب اسدكا بوديس ( بشد السين ) بالسالع ( بالشارع) :017::hahahahahah: بعد الرضاوه قال بوديس للجنه وربي يفرش لس فلاش( فراش) بموت من الخيال البريئ :icon9::004::004::004: .. دعيت ربي ان هذا النتفه ياخذني بيدي للجنه :icon9::004::004: يارب يارب يارب يرزق كل محروم من الذريه يالله ياكريم :004::004: |
رد: لو يحبكك الفَ قلب انإ آكثر دونَ (ليههَ ) ..
اخطاء الكبآر أحياناً يخطئ من هم اكبر مننا سناً بالقول او بالفعل .. فما موقفنا تجآه هذا الخطا ؟! عن نفسي اجد صعوبه كبيره في قول يا فلان انت كذا وكذا وعيب عليك فعل كذا ! ماهي صعوبه كثر انها حاجه شبه مستحيله ، ما اقدر اواجه الكبير بالسن واعلّمه استحي .... استحي ...... استححححي يكون كبير كبير وفارق العمر كبير جداً والشيب لاح .. استحي اعلمه يعني ماهي حلوه اصغر منك واجي اصحح لك صعب اقول له عيب اللي انت تسويه ، رغم ان فعله يضآيقني اكيد و عيب على اي انسان عاقل يسوي كذا مايكون فعله ( حرام ) ولكنه ( عيب ) بين ناس واعين وعاقلين ، المشكله يتكرر هذا الفعل كثير ،، والله بلشت مدري وش اسوي ما اتكلم حيا تقديراً لسنه ودي اقول خل في وجهك حيا شوي ولاعاد تعودها ههههههههههههههههههههههه < قفلت معي هههههههههههههههههههه |
رد: لو يحبكك الفَ قلب انإ آكثر دونَ (ليههَ ) ..
-
كان قوت يومه شق تمره وصاحبه نصف رغيف بعد يومين اصبح قوته نصف رغيف وصاحبه رغيف كامل .. بعد 4 ايام اصبح قوته رغيفان و قليل من الادام وصاحبه اللحم والرز ثم نظر لصآحبه وهمته دفعته بأن يكون مع صاحبه او افضل منه .. فبعد حول اصبح سيّد قومه ! # تدوينه تحتاج لفك هذه الرموز الصعبه ! |
رد: لو يحبكك الفَ قلب انإ آكثر دونَ (ليههَ ) ..
-
وجود الأجهزه الذكيه مع الأبناء ( الاطفال والمراهقين ) امر لابد منه ولكن الواجب يكون في اوقات معينه يحددها الوالدين .. ياجماعه هم في خطر كبير كبير كبير .. اكثر من مره اكتب بالمدونه لاني اشوف الهوايل بألعاب الاطفال وهم أطفال ! فكيف من يعرف يقرا ويكتب ويعي ماحوله ؟! وانا ضد ( المراقبه المباشره ) لانها تعطي انطباع سلبي جداً سلبي ولكن مع ( تعزيز مراقبه الله له ) .. بالتنبيه والنصح بشكل غير مباشر انا اذكر ان امي كانت كثيره في قص القصص ولو انها كانت تبالغ ههههههههههههه ولكن كان بذاك الوقت مافيه اجهزه .. كانت باي امر تبي تنبهنا عليه وتنصحنا به تقص قصه ولو من خيالها وتضع العواقب وخيمه فمثلاً قصص أصدقاء السوء وكيف ينجرف الواحد مع صاحبه حتى يوقعه بمصيبه .. قصص عقوق والى اخره وكيف حال من يبعد عن الله ..... هههههههههههه لا أخفيكم بان هذي القصص كانت رادعه لي في كثير من المواقف نمّت مراقبه الله في ذاتي ومن جهه اخرى كان الوالد ومازال كثير القصص عن الأنبياء والصحابه والتابعين وغيرهم فهذا غرس فيني حب ذاك الزمان حب الأنبياء واتباعهم وحب الصحابه والتحلي بأخلاقهم كان هناك توازن بين ترغيب وترهيب بطرق غير مباشره فالترغيب من الأب والترهيب من الام وكلها بقصص ماذكر انهم قالوا لي بشكل مباشر نصيحه او تنبيه .. ولا اذكر ابداً ابداً ابداً انهم اطلعّوا على اي خصوصيه لي .. انا معجبه بطريقتهم بصراحه .. الان ينصح بها اهل الاختصاص وهم من سنين طويله كانوا يتخذون هذا الاسلوب الوالد مازال يجمعنا ويقص القصص القديمه ومما مر في حياته .. كأنه كان مع كل قصه يضع بذره ويسقيها حتى نمت واثمرت .. فجزى الله والديني خير والجنه (ربي ارحمهما كما ربياني صغيرا ) ، ( ربي ارحمهما كما ربياني صغيرا ) |
رد: لو يحبكك الفَ قلب انإ آكثر دونَ (ليههَ ) ..
-
احتاج الى الدعاء من قلب محب فمن يدعو لي اسال الله ان يجعل له نصيب من دعواته .. |
رد: لو يحبكك الفَ قلب انإ آكثر دونَ (ليههَ ) ..
-
اللسآن به يجتمع الناس وبه يتفرقون ، فاحسنوا الكلام .. |
رد: لو يحبكك الفَ قلب انإ آكثر دونَ (ليههَ ) ..
-
لا تطلب مني الشفآعه وانت فعولك ماتطلق الوجه ..! |
رد: لو يحبكك الفَ قلب انإ آكثر دونَ (ليههَ ) ..
-
والله لولا الحيا والخشيه من الله مارّد نفسي بوصلك والعمر فآني . . - |
رد: لو يحبكك الفَ قلب انإ آكثر دونَ (ليههَ ) ..
-
قَالَ الحبيبُ والحبيبُ متيمٌ الحبُ اسمى انْ يكونَ مُعرقَلا هذا بيت من حلمي هههههههههههههههههههه^^^ حلمت اني جالسه بفصل والمعلمه تشرح .. وتدخل علينا معلمه معها كتاب ( النصوص ) حق المتوسط تقول هذا حقك هههههههههههههههه فتحته وصار بيننا وبينها نقاش .. فتحت الكتاب وكان فيه ٥ ابيات تقريباً واحد من الابيات عليه الخلاف انا اقول مافيه شي وهي تقول لازم تتغير الكلمه المهم اللي كتبته فالبدايه هذا بيت من الابيات اللي قريتها بكتاب النصوص ههههههههههههههه بحثت عنه فالنت مافيه ابدا هههههههه هذا اللي مفروض يكون عليه الخلاف لان يبي له تعديل |
رد: لو يحبكك الفَ قلب انإ آكثر دونَ (ليههَ ) ..
- سيأتي زمان تكون فيه مساكننا بيوت الشعر ومعيشتنا اللبن وشي يسير من التمر والخبز ويفنى كل حاضرنا الآن .! يكون سلاحنا السيف والرمح بدلاً من الرشاشات والمدفعيات والصواريخ وتكون وسيلة نقلنا الحمار والبعير للغني مننا وللفقير قدميه تنقله وكتفيه وسيله لحمل متآعه الآن نعيش على النفط ولكن ماذا لو انقطع النفط ؟! هذا حالنا وعلى الجميع ان يعرف ذلك جيداً ويعرف بأن ذاك الزمان آت وكل شي زائل لا محاله يقول الملك فيصل رحمه الله عشنا وعاش اجدادنا على اللبن والتمر وسنعود لهما ..رحم الله هذا القائد العظيم ولانعلم ربمآ ٢٠٣٠ هو ذاك الزمآن ؟ رجعت بي ذاكرتي الى الوراء ١٥ او ١٧ سنه وتذكرت ذاك الكتاب ( ممنوع طرحه بالسعوديه ) يحكي عن بداية و نهاية العالم وعن آبائي الحكام رحمهم الله وحفظ الله لنا قائدنا ابو فهد قرأته وكنت اتعجب كيف وصلوا الى هذي النتائج وكنت استبعد حدوثها ولكن والله كل ماقرأته حدث خلال ١٥ الى ١٧ سنه والايام تمضي الى ان نصل للنهاية ونعود لنقطه البدايه ! الحياه دوره واحده تنتهي بعد إتمامها |
رد: لو يحبكك الفَ قلب انإ آكثر دونَ (ليههَ ) ..
-
المستحيل احيانا نرى بعض الأمور مستحيلة ولكن اذا اراد الله سخر لنا من لانتوقعه وفي ظروف لانتوقعها وموقف لانتوقعه .. لان الله اراد ،، لذلك لايوجد ( المستحيل ) ابداً ابداً .. |
رد: لو يحبكك الفَ قلب انإ آكثر دونَ (ليههَ ) ..
-
اليتيم هو الشخص الوحيد اللي حرام الناس تزعله لو بكلمه واحده .. انا اسمح لهذا اليتيم ان يقول لي مايشاء الأهم خاطره مايجيه شي ، يكفيه الم الوحده وألم انه لم يحضى باحضان وقبلات جرح عميييييق مهما حاولنا ان نوفر لهذا اليتيم كل شي فمانقدر على لملمة ذاك الشتات ! الأيتام عندي غير غير ومعاملتهم غير فمهما كبروا يبقون في عيني صغار وايتام وحنيتّي عليهم احن من ام بولدها فيه شي بخاطري مضايقني ولاقدرت أوصله :( السلام عليكم |
رد: لو يحبكك الفَ قلب انإ آكثر دونَ (ليههَ ) ..
_
امس المغرب نمت ساعه وقمت والى الحين مانمت .. عجزت انام :icon9: البآرح تفاجئت بخبر رحلة ابوي ! انا ما احبه يسآفر اتضآيق واجد اذا راح :53: مره سافر الصين وكل شوي اشوفه بالواتس متصل او لا ما اكلمه ولاشي بس اراقب:hahahahahah: والله من شوقي له وحزني :icon9: ارتاح بوجوده وانبسط كني ملكت الكون , يكفيني انه بالبيت حتى لو ما اكون عنده فالبيت المهم هو موجود ولاحد يلومني بهذا الهوس , انا انحرمت منه بسبب كثرة سفره وعمله ايام الصغر فتولعت فيه بشكل كبيييير كبييييير يارب يارب يطول بعمره ويحفظه ويجعلني قبله:icon9: هو صديق اكثر من اب .. اقول ماراح اتكلم عن ابوي واتكلم انا لله ما ايوز عن طبعي :sm5: والله ماطب عيني النوم :icon9: ! مكتمة وافتح القرآن الظهر عشوائي , واقرا ( قل ادعوا الله أو ادعوا الرحمن أيا ما تدعوا فله الأسماء الحسنى ولا تجهر بصلاتك ولا تخافت بها وابتغ بين ذلك سبيلا ) ,(وقل الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا ) دعوت الله و وحدته وكبرته وسكرت المصحف !!:004: رسآله جميله ماهي صدفه كل ما افتح القرآن وقت ضيقي القى شي ! هذي الايات ذكرتني بذكر الله والدعاء اللي نسيته وما انساني الا الشيطآن :icon9: بتكلم عن ( حالتي مع حدث صار لي برد ثاني اذا روقت ) , قصه حزينه :hahahahahah::mh318: < نفر للحين بملابس الجامعه , :24_asmilies-com: |
رد: لو يحبكك الفَ قلب انإ آكثر دونَ (ليههَ ) ..
-
بعدين بكتب سالفه القصه الحزينه /// الوكاد ايام شغل بحث التخرج البنات حاطين نوع العينه ( قصديه ) فانا نطيت وعدلت على نوع العينه الى ( قصديه عشوائية ) عارضوني ورجعوا على كلمتهم الاولى .. انا وضحت لهن سبب اختياري وماتغير شي فسكت المهم امس كان عندي مناقشه بمشروع التخرج .. حضرت انا والقروب والدكتوره تسال ونجاوب وتعطينا ملاحظات على البحث كل الملاحظات ماكان لي ردة فعل يوم تقولها يعني عادي اخطينا هنا صحيح واكتب ملاحظات الدكتوره على بحثنا الى ان وصلت الى نوع العينه وعلقت عليها وقالت غلطتكم ليه ماكتبتوا ( قصديه عشوائية ) ؟؟ الكل ساكت :) انا تضايقت مب علشان الدكتوره علقت وقالت خطا ، لاني كتبت لهم الصحيح ولاسمعوا كلامي ضيقه لحظيه ، المهم الامور فالسمبتيك الحمدلله |
رد: لو يحبكك الفَ قلب انإ آكثر دونَ (ليههَ ) ..
-
في ظلال السيره اول مره سمعته كنت رايحه للجامعه وصرت اسمعه كل ماطلعت مكان واذا رجعت اكمل باليتيوب ،، رائع بكل ماتعنيه الكلمه .. مُبكي ، يزيد الشوق ويزيد اللهفه لذاك الزمااااااان طبعاً المعلومات اللي فيه مكرره كثير سمعناها ولكني انا ما امل من سوالف فيها النبي صلى الله عليه وسلم وفيه معلومات بالنسبة لي جديده .. مدري ابكي شوق او حب المهم اني اعيش مشاعر مختلفه ، اوصيكم به :( |
رد: لو يحبكك الفَ قلب انإ آكثر دونَ (ليههَ ) ..
-
سئل الفضيل بن عياض عن التواضع ؟ فقال: يخضع للحق وينقاد له ، ويقبله ممن قاله . |
رد: لو يحبكك الفَ قلب انإ آكثر دونَ (ليههَ ) ..
-
http://c.top4top.net/p_128kidz0.jpg مجموعه كتب متنوعه قرأتها سابقاً رجعت انفض الغبار عنها :cheese: بين الكتب لقيت ورقه ذابله اكل عليها الدهر وشرب مكتوب فيها بيتين بحثت في النت عنها مالقيت لها اي اثر بمعنى انها لي !!! ولكني الى الان مشككه في نفسي .. للجروح الام في عين الحزين وللحزين آهات تبرد حرتّه آه من جور الليالي والسنين وآه من ذكرى حزينه مرتّه !! :icon9: |
رد: لو يحبكك الفَ قلب انإ آكثر دونَ (ليههَ ) ..
-
ارى ان بين الألفاظ والعمر علاقه طرديه فكلما كان العمر اكبر كلما كانت الألفاظ حسنه وهذا المفترض ولكن اذا صارت العلاقه عكسية اصبح الانسان مُستصغر عند اهل العقول ومحل للانتقاد ومنبوذ اجتماعياً ! لذلك انتقاء الألفاظ امر في غاية الاهميه .. والكلمه الطيبه صدقه ! |
رد: لو يحبكك الفَ قلب انإ آكثر دونَ (ليههَ ) ..
-
يضايقني اذا الناس تفهمني غلط ! واللي يزيدني غيظ اذا وضحت الامر وماكان فيه تفهم من الطرف الآخر !:41jg: احس بحريقه داخلي :( حلفت ماعاد اقول شي لشخصين واحد يظن بي ظن سوء والثاني يبهّر كلامي .. :41jg::41jg: الله عليم بالجهر ومايخفى |
رد: لو يحبكك الفَ قلب انإ آكثر دونَ (ليههَ ) ..
-
يقول احدهم ويحلف بقوله ان التوراه غير محرف وقرا جزء منه وحلف بانه كلام الله !! رب كلمه يقولها لايلقي لها بال فتهوي به بجهنم سبعين خريفاً ، اعوذ بالله ! قرأت من قبل الإنجيل والتوراه وامس لأول مره اقرا الزبور ، الزبور كأنه خواطر ابداً ماهو كلام الله ! والانجيل والتوراه فيهما مايتوافق مع القران الكريم من احكام وقصص وفيهما مايخالف القران والقصص المخالفه للقران كثيييييره .. ** للمعلومية لايجوز قراءة هذي الكتب الا لمن يبي ان يقيم الحجه بها على أصحابها والخ ويذكر ان النبي صلى الله عليه وسلم غضب لما رأى مع عمر رضي الله عنه صحيفة من التوراه |
رد: لو يحبكك الفَ قلب انإ آكثر دونَ (ليههَ ) ..
-
نلزم الصمت حتى لانؤذي من نحب ! |
رد: لو يحبكك الفَ قلب انإ آكثر دونَ (ليههَ ) ..
[align=justify]
- ( وإذ قال لقمان لابنه وهو يعظه يا بني لا تشرك بالله إن الشرك لظلم عظيم ) شدتني طريقه الوعظ ( يابني ) كلمه لطيفه وفيها تودد فانا اعتقد ابن لقمان كان في شغف لوصية ابوه :004: مثل يابوك يابنتي كلمتين اذا سمعتها من ابوي ما أبالي بما بعد هذي الكلمتين مهما كان ثقل هذا الوعظ او الامر اعمل بها :004: [/align] |
رد: لو يحبكك الفَ قلب انإ آكثر دونَ (ليههَ ) ..
-
من بعد ماتعلمت سالفه الرياح الشمالية والجنوبية صرت اعرف متى ينزل المطر ههههههههه قبل دقايق اشوف الرياح كيف قايله فقلت ابشروا بالمطر .. شوي وينزل ههههههههههههههههه اللهم صيباً نافعاً .. لاتنسوني من دعائكم .. ولاتنسون والدنا " ابو متعب " الله يرحمه ويغفر له وأموات المسلمين اجمعين |
رد: لو يحبكك الفَ قلب انإ آكثر دونَ (ليههَ ) ..
_
تو زان الجو في عين المولّع وامطرت غيمة غلانا بضحويّه ربعتّ ارض الهوى والفقع فلّع والمحبة بالعطآ ماهي جزيّه مل قلبن من هوا خله تشلّع بالمواصل مالقى له مقدريّه هذي على مود اريج فيهآ حب وعزآب :hahahahahah::004::sm5: نفسي بمحآوره :verycute::(269): ابي كلمة استبدلها بمكان اللي بالاحمر , لان هذي مخليه النطق ثقيل شوي من يقترح علي كلمة تناسب التصوير :(107): _ |
رد: لو يحبكك الفَ قلب انإ آكثر دونَ (ليههَ ) ..
-
لو ﺗﺄﻣﻠﺖ ﻓﻲ ﺣﺎﻟﻚ، ﻟﻮﺟﺪﺕ ﺃﻥ الله ﺃﻋﻄﺎﻙ ﺃﺷﻴﺎﺀ ﺩﻭﻥ ﺃﻥ تطلبها، ﻓﺜﻖ ﺃﻥ الله ﻟﻢ ﻳﻤﻨﻊ ﻋﻨﻚ ﺣﺎﺟﺔ ﺭﻏﺒﺘﻬﺎ ﺇﻻ ﻭﻟﻚ ﻓﻲ ﺍﻟﻤﻨﻊ ﺧﻴﺮًا تجهله |
رد: لو يحبكك الفَ قلب انإ آكثر دونَ (ليههَ ) ..
-
وضعي مع الدراسه في بداية الترم ----- لازم اجيب a+:(284): في نصف الترم ----- المقرر صعب بجيب b+ راضيه بها :mh12: ليلة الاختبار -------راضيه ب c :sm18: صباح يوم الاختبار ------- ابي انجح باي طريقه ماعاد يهمني المعدل :bawling::sm12: |
رد: من الظلمآت الى " النور" ..!
- في 2012 وفي وسط الليل الدآمس .. قررت فتح هذي المدونه المتوآضعه وفي ذاك الوقت قبل اعتمآد العنوان وصلتني ( صوره ) اهداء لي مكتوب فيها ( لو يحبك الف قلب انا اكثر دون ليه ) ! وبمآ ان معي متلازمة عناوين , ماكنت اعرف وش اكتب عنوان .. فكانت الصوره المنقذه , واعتمدت الاسم .. :060: تعددت اتجآهآت المدونه وارى هذا التعدد يرجع الى التغيير .. في كل فتره تتغير بعض المفاهيم , اعي الحياه اكثر , تغير منطق التفكير ! فبين كل عدد من الصفحات نجد نقله نوعية , نقلآت عفوية ماكنت انتبه لها .. حتى تغيرت في اخر الصفحات جذرياً .. فانقطعت سواليف شليويح وحكم جدتي عويشه " رحمهآ الله " .. وانقطع ذاك الخيآل الوآسع الظريف:biggrin: وسبب الانقطاع / 1- هذي السوالف اخذت حقها الكافي الوافي 2- هنآك اشياءء اجمل يحق لها ان تترنح من سكرهآ بين هذه الصفحآت !:(269): عشنا كثير في هذي الدنيآ وواجهنا العديد من الوجوه والعديد من المواقف والصعوبآت والعقبآت التي حاولنا كثير مجابهتها بقدر مانملك من قوه وعزم فنحن افراد جبهويون لانهآب شي:(269): حياتي لو اصفها قلت ( من الظلمات الى النور ) لذلك سميت بنتي من الظلمآت الى النور ! :biggrin: فقبل 2011 كانت الظلمآت ومابعد 2011 بفضل الله كان ذاك النور الساطع اجهرني في بدايته ولكن سرعان ماسلكت ذاك الطريق الذي وهبه الله لي وجعل من امري رشدا .. ولعل الايام القادمه تشرح لنا هذه الظلمات وذاك النور ..! #منطقيآت :(204): |
رد: من الظلمآت الى " النور" ..!
- شكراً لمن سيتآبع سلسلة #منطقيآت ..! الهدف منهآ نقل تجربة فاشله الى ناجحه في كثير من امور الحياه ! ومن شخصيه يائسه الى متفائله ! نبدا بهآ ان شاء الله من الصفحه القآدمه :biggrin: ربمآ تُكشف بعض الاسرار وتلقون اجابات على تساؤلاتكم التي كثير ماطرحتوهآ علي :(269): ويذهب ذاك الغموض الذي اجتاح زاويا تلك العضويه المتواضعه ! / آعيش اليوم بدقائقه وساعاته واذكر جيداً تفاصيل اليوم ولكن اذا سكنت الاصوات وتفشى ذاك اللون الاسود بارجاء المكان وضعت راسي على كتف النسيان وذكرت الله وعفوت سائلة الرحمن بأن يعفو عني وابدا يوم جديد و وقت جديد لا اذكر تفاصيل امسه وكأني اعيش لاول مره وتستمر الحياه ..! |
رد: من الظلمآت الى " النور" ..!
- العقول ملك لنا فهي مهبط الإلهام .. فبها نبحر بخيالاتنا وتفيض افكارنا التبشيرية ! وبها نسمع شنشنة صفحات ماضينا وحاضرنآ ومستقبلنآ ..! - |
رد: من الظلمآت الى " النور" ..!
- لا تجعل الدُنيا تسرق منك هذه الخمس : لحظة الصفاء مع ربك والبر مع والديك والحُب لعائلتك والإحسان والوفاء لمن حولك والإخلاص في عملك . - |
رد: من الظلمآت الى " النور" ..!
-
اذا حكمت فاعدل واذا قضيت فأفصل ! |
رد: من الظلمآت الى " النور" ..!
-
كل مازاد الناس في الاساءه زد في إحسانك لهم ولاينوء بك الحمل الثقيل ولا تكن من اهل السعاية والخب #نصيحه - |
| All times are GMT +3. الوقت الآن حسب توقيت السعودية: 04:34 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه