|
رد: ڛڪر عٌيُوُنْڪ..*
فاقدة شخص عزيز و غالي على قلبي
مستحيل انساه افعاله وقفاته معاي اذا كنت ابغى اشكي من شي الجأ له ما يخليني احتاج شي من فترة في بداية محرم رسلت لي بنت عمي خبر وحدة متوفية صدمتني فيه بصراحة كان خبر وفاة اخت صديقتي بعيد الشر عنا و عنكم عندها هذاك المرض إلي ماحد يحب يذكر اسمه انا قبل لا تتوفى بين فترة و فترة اكلمها و اسألها عن أخبارها و اخبار بيتهم كله لان اختها اكتشفت هالمرض بعد وفاة امها مع انشغالي بالاولاد و مسؤلية وووو الخ افتكرتها صارت زينة و تحسنت لان تزوج اخوهم و حضرت عرسه لما انرسل لي الخبر كان صدمة كبيرة فكرت في اولادها فكرت في صديقتي كيف بتشيل الحمل كله دوام مسؤلية البيت بعد وفاة امها مسؤلية اولاد اختها بعد وفاة امهم ساعات الواحد تتسكر الدنيا في وجهه من كل صوب بس الحمدالله رب العالمين مجرد فضفضة وحدة سهرانة تعبانة تصبحو على خير :004: |
رد: ڛڪر عٌيُوُنْڪ..*
امس كان لبنتي موعد عشان الدم
لان اهي عندها مشكلة خفيفة لطيفة بس جابت لي الجنون بعد ما خلصنا و عطاني الوصفة و كل شي طلعت من العيادة و رجعت مره ثانيه مستحية نسيت الكلام إلي قاله لي قلت له اعذرني بس صايرة ما اجمع مع كثرة المواعيد مسكين قام كتب لي كلامه في ورقة و عطاني اياها و طلعت كأنه اقول لا ترجعي بعد هههههههههه |
رد: ڛڪر عٌيُوُنْڪ..*
علمتني الحياة ( الصبر)
اعرف نفسي مو صبورة و اعرف نفسي عصبية بس الحياة تعطي دروس تخلي الواحد غصب يصبر نفسه و يمسك نفسه سوا يصبر في موقف او يمسك نفسه عن العصبية لما جاتني الدكتورة ف المستشفى و قالت لي بنتك عندها ابو صفار و نسبته مرتفعه و عملنا الازم و حطيناها ف الكبسولة و شغلنا عليها الضوء الازرق <<< هذا الكلام بروحة كان صدمة بالنسبة لي بس الدكاترة الموجودين ف المستشفى كان الكل يشهد لهم مره تمام و عندها كريات الدم الحمراء شكلها بيضاوية الشكل وووو الخ ولازم متابعة في نفس المستشفى قلت مو مشكلة بصبر نفسي اهم شي مصلحتها قبل لا اطلع من المستشفى اروح لها الحضانة اشوفها يعورني قلبي عليها و اطلع من عندها و اصيح شوي بعدين اقول لمصلحتها كنت اصبر نفسي بنفسي هههههههههههه لما طلعت انا من المستشفى كنت ف اليوم اروح لها مرتيين مره الصباح ادخل بورقة و العصر وقت الزيارة في كل طلعة لما اطلع عنها قلبي قاعد معاها و انا اطلع بس جسد بدون قلب و الحمدالله طلعت بالسلامة و هذاهي في جبدي قاعدة و ما تخليني انام بس المهم اهي بصحة و سلامة |
رد: ڛڪر عٌيُوُنْڪ..*
شكراً اصحاب التقييمات الاخيرة
الله يسلمكم و حبايبكم من كل شر يارب:icon19::004: |
رد: ڛڪر عٌيُوُنْڪ..*
الله ي الدنيا
المستوصفات الحكومية صار حتى العلاج فيها لازم قبل لا نروح نحجز موعد 😒😒 حياتنا صارت كلها بالمواعيد لا اله الا الله حتى لو الواحد تعبان و يمكن يموت يلحق يموت ولا جا دورة 😣😣 |
رد: ڛڪر عٌيُوُنْڪ..*
|
رد: ڛڪر عٌيُوُنْڪ..*
اقتباس:
بالغ في حبايب قلبك ان شاء الله |
رد: ڛڪر عٌيُوُنْڪ..*
ذكرتني بقصة
عندي حساب في الانستقرام يحط قصص و يسوي اعلانات ووووو الخ فيه قصة واحد كاتب انه متزوج و مرته مو مقصرة عليه بشي و سعيد معاها و عندة عيال بس يبغى يتزوج وحدة ثانية و مرته مو موافقه بعض القصص تحسها تأليف اصلاً يبغو الواحدد يتفاعل بس المهم كان ردي عليه اذا اهي مو مقصرة ليش تبغى تتزوج بعد اي صح تذكرت ان قلوبكم فنادق مو فندق طيح الله حظك ههههههههه طبعاً مو الكل البعض |
رد: ڛڪر عٌيُوُنْڪ..*
شعور يقهر و يغبن
لما تكوت متفق مع شخص على شي و تجيني الموافقة ب رحابة صدر بعدين يقولي عندي اشغال 😒 بودي كان افرمه و افتك مره وحدة عشان ما يضهر ليي مره ثانيه ليش ما قلت عندي اشغال من البداية من جد جد ودي افرمه |
رد: ڛڪر عٌيُوُنْڪ..*
هذي الفترة عندي تغيير كلي في حياتي
لازم ارجع ارتبها من جديد لازم انظم وقتي انظم اشغالي انظم اموري كلها |
| All times are GMT +3. الوقت الآن حسب توقيت السعودية: 10:16 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه