|
رد: من الظلمآت الى " النور !
بالتوفيق والسداد لجميع الطلاب والطالبات وفال الجميع الدرجات العليا بالدنيا والاخره ..
|
رد: من الظلمآت الى " النور !
-
« لا تَكَـادُ تَرَى عاقـلاً إلاّ مُوقِّـرا للرّؤسَـاء، ناصِحـًا للأقران، مواتيـاً للإخْـوَان، متحـرّزا مِـنَ الأعْـداء، غَـيرُ حَاسـدٍ للأصْحـاب، ولا مُخَـادعًا للأحْبـَاب، ولا يتحـرّش بالأشْـرَار، ولا يبْخـل في الـغنى، ولا يَشـْرَهُ في الـفاقة، ولا ينقـادُُ للهـوى، ولا يجمـح في الـغضب، ولا يمْـرح في الـولاية، ولا يتمنّى مـَا لا يجـد، ولا يكْتَنـز إذا وَجَـد، ولا يدخُـل في دعـْوى، ولا يُشَـارك في مـِرَاء، ولا يُدلـِي بحجـّة حتّى يرى قاضيًـا، ولا يشكـو الـوجع إلاّ عـند مـَنْ يرجُـو عنْـده الـبرء » #ابن حبان- روضة العقلاء ..! |
رد: من الظلمآت الى " النور !
- هنآ احس اني مثل ذاك الاغبر دثر الثوب ، غائر العينين ، عريض المنكبين ، شثن الكفيّن ، محترق الوجنتين :sm18: يقف تحت شمس لافحه وسموم لافعه :icon9: مقمطرّ النفس ، و لايعرف اليوم من امس ، وسيكل 20 هو المعسّ ! :10111: معه ربع تميس ناشف ويابس كأنه مقمعه لو ضربت احد بها لمآت ،:sm12: وحتى يعيش ذاك الأغبر لابد ان يأكلها فشجي الاكل في بلعومه من شدة اليباسه ،، :139: ( ولا له الا الصبر وش ودَّاه له ) :biggrin:⠀ هنآ لا اسمع الا شنشنة ، ولا ارى الا حروف مسنسنة وردود مكنكنة .. :019: وأنتم تعلمون ان القلب بكم يكون قمقام ، مقدام ، صمصام ، همهام ..:(204): * مقتبس من رد لي مخفي :cheese: من قل السوالف والقحط اللي غزاني صرت اقتبس بس علشان محد يقول قاطعه:biggrin: وشلونكم:060: |
رد: من الظلمآت الى " النور !
اقتباس:
الله يبارك فيك والله يرفع قدرك , لاهنت :icon19: اقتباس:
اتعب على التشبية البلاغي ..:sm1: والله احس سوالفي خلصت , ماقصرت 84 صفحه تخللها كل نوع من انواع الكتابة :cheese: وسوالفي بعد التخرج تغيرت واجد وصرت ثقيلة دم ولاعادني مزوح زي اول :biggrin: اقتباس:
ههههههههههههههههههههههه انت بعد شكراً لك على تشبيهك :cheese: |
رد: من الظلمآت الى " النور !
-
اذا كانت بصمة اصبعك تثبت هويتك الشخصية .. فبصمة لسانك تثبت حصآد تربيتك ورقي اخلاقك ! فأجعل من نفسك أثراً جميلاً يُطبع في نفوس البشر:icon19: .. |
رد: من الظلمآت الى " النور !
-
مهما بلغت قوة علاقاتنا بالاشخاص ومهما بلغ قربهم مننا لابد ان يبقى الاحترام ويزيد كل ماتقوت العلاقة .. وعلينا ان نعي معنى " الميانة" والى أين مداها .. فلا نشتم من باب المزح ولا نسيئ الادب من باب الميانة .. |
رد: من الظلمآت الى " النور !
-
والله ان كبدي عليكم عراويها ضمي والمشآرب غير هرجتك ماتقطع ضمآي ليلي اسهر به والى جا النهار اشلا شوي مرةٍ اشلا ومرٍ يعآودني بلآي .. وانت سبة كل شي ولا داويت شي كيف ياقآدر على دآي ماتقدر دواي !! |
رد: من الظلمآت الى " النور !
-
خصلتان تحلى بهما الصدق والوفاء وخصلتان اجتنبهما الكذب و الخيانة الصدق قوة وراحة واستقرار والوفاء نبض المحبة ،، اياك اياك الكذب والخيانة |
رد: من الظلمآت الى " النور !
-
ابي البر :sm18: اكثر شي يبسطني البر ولو لحالي انبسط .. احب السعه:biggrin: وش احلى من النومة بعد صلاة العشاء و تقوم نص الليل ترجف من البرد واللي جنبك يقوم من طقطقة اسنانك :sm1: ورغم البرد مدري شلون دفيت ورقدت مره ثانيه وقمت على صلاة الفجر وتوضيت بماء بارد يصقع بالعظم وتحتسب الاجر :sm12: تصلي وتعين خير وترجع تنسدح ماعندك نت علشان تتسلى بالجوال ولاعندك تلفزيون ماتسمع الا تسبيح وتهليل اللي بجنبك وتشاركه الذكر :10111: حتى يتبين الخيط الابيض من الخيط الاسود ويغزيك قطيع الغنم تسمع الصوت برا واذا طلعت لقيت هذا المنظر (ضباب خفيف وارض خضراء وغنم داخل خيمة المؤونة الغذائيه) :41jg: .. وتطلع جدتك وراك تقول انا راعية الغنم نوره وتهش الغنم بعصاها :5aga: بعد هذا المشهد الكل نايم ولاعندك حطب وتبي تسنع القهوة والشاهي لجدتك وللي بيقوم بعد ساعه من الان .. تعصب راسك وتبدا رحلة البحث عن الحطب ملتهي بالبحث وابعدت عن المخيم وضعت وبيمينك حزمة حطب ومتوهق ماتدري وين الدرب يالله على بابك تعود على خطاك الاوله ويعينك الله وتلقى ربعك .. تنسى اللي صار وتسكت عن النكبة علشان محد يقول لك " فضيخ ":cheese: تشب ضوك وتحط الما والى اخره .. الضحى تعصب راسك وتبدا رحلة البحث عن فقع .. والظهر ترجع تصلي وتتغدا وجلسة سواليف وعلوم غانمة .. بعد صلاة العصر لعب وسباق .. بعد صلاة المغرب قصيد ونشيد .. بعد صلاة العشا النوم يارفاق :10111: ولا فيه شي بالحياة يغثك ابد عايش حياه ثانية .. لذلك انا ابي البر اذا ضقت واابي البر اذا فرحت وابي البر في كل وقت :sm5: اذا شفتوا سالفتي طويلة زي الحين يعني تراني ضايقه :(269): |
رد: من الظلمآت الى " النور !
اقتباس:
الوصف اللي وصفته عشته فعلاً في احد الايام .. رحم الله من كان معنا وطول الله بعمر من هو معنا .. بس ترا حتى وانا رايقه اسولف :cheese: .. من سنين طويلة حافظت على حاجات اقولها قبل النوم ولا ارتاح في نومي الا اذا قلتها 1- البسملة 2- الفاتحة والمعوذات واية الكرسي واواخر البقرة 3- اعوذ بكلمات الله التامات من شر ماخلق 4- العفو والصفح مع ذكر الدعاء ( اللهم اني عفوت .... الخ ) 5- استودع الله نفسي ومن احب .. 6- الصلاة على رسول الله جربوها وحافظوا عليها ولاحظوا الفرق .. |
| All times are GMT +3. الوقت الآن حسب توقيت السعودية: 12:05 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه