![]() |
مدونتي مجرد سووووووووالفـ ....
دُعاء : اللهم انك تعلم اني اكره ولد خالتي راشد ومحمد ولد عمتي يومهم يقولون دخّن معنا واعيي اللهم اني اسألُك انك تقلعهم عني وتخلي شقتهم اللي بحي السلي تشب ويسلمون منها ويستادبون ، آمين وش رايكم ندحدر شوي واقولكم وش عندي من علم عن قصّة الماخوذ اللي نصحني اسافر لابها ! :wink: في كُل بلدان العالم تجد سيــاحة داخليه .. وهذا فضل عضيم تقدمه الدولة لشعبها .. في كُل بلدان العالم تجد وزارات ( راقية ) تُقدم كل أصناف الراحة الداخلية للمواطن ! في كُل بلدان العالم تجد ( سلتوح ) يؤدب .. وتجد ( داشر ) يوقّف عند حدّه .. وتجد ( مُراهق ) يؤخذ على يده ! في كل بلدان العالم .. تجد ( عايض ومعيض ) يستقبل المواطن ليطرح له كُل سبل الراحة كي ينعم بفضل وطنه عليه ,, سافرت لأكثر من دولة .. ولاحظت الفرق الداخلي عن الدولي ,,, لقيت الفــرق الكبير .. وحسيت بطعم " النشوه " .. وتلمّست نقوة " الرخـص " والدلال ! تصدقون ياجماعة اني مرّة سافرت لديرة ويوم جلست احسب التكلفة للسفر للدولة الخارجية لقيتها أرخص بكثير من السفر لديرتن بالداخل:(177): .. بل يوم دققت بالهلل بحكم أني ماحب أحد ياكل حقّي عياناً بياناً لاحظت أني يمكن ادفع بالخارج ربع ماأدفعه للداخل ! عندنا هنا الفـــرق " يحبه " قلبك .. قصدي " يحبه " قلب كل حرامي وهامور .. ويكرهه قلب الضعيّف والطفران واللي ماعنده إلا ثلاثة أسهم بشركة المعجل ! :biggrin: بحسبه سريعه .. ومُقارنة بين ماتدفعه هنا في رحلة خفّافية في وحده من ربوع بلادي .. بتلاحظ الفرق شاســع ! مرّتن قال ابوي للوالدة : نبي نصيّف هالسنة بالباحة .. قالت : مالقيت إلا الباحة ! شفّ لنا ديرتن ثانية غدينا نشخّص بها قدّام خلق الله ونقول اننا سافرنا للخارج:biggrin: .. قال ابوي : انطمّي بس :biggrin: والله انتس ماتدرين .. آلحين عندنا صالونن وش زينه .. وذف وتوني منجّدن مراتبه وفيه شاحن جوّال بعد وتبين تروحين برّا وتخلين جندي الجوازات يشوف صورتك بالجواز ! :cool: خويي يعترف بكل " بجاحه " أن أطلق واسحن شي بالدنيا أنك تسحب الجواز وتسافر برّا ! وانا اقول بس بدون بجاحه " أنت احسبها واجلدها زين على آلتك الحاسبه " ثم عوّد علي وشرط ان تدعي لي . :(204): فنادق تمصع محفضتك من جيبك ولو تسأله عن الزين بالغرفة بيقول لك : فيها غلاية ومكيف بارد . :064: اكيد فيها مكيّف بارد .. اجل بتخلوننا نخيس بالحرّ:biggrin: .. امحق من حال :icon9: العام سافرت لديرتـن ( ما ) .. وقلت احجز لي اطرف غرفة .. دوّرت ودوّرت وآخر شي رسيت لي على شقق اسمها ذرب وعليها مدخلن ودك بس تفرّج عليه :smile:.. الوان وزبرقه وعاملن لابسن كرفتّه حمرا جعله يخنق بها .. قلت بروحي وانا داخل .. شكلي ماعادني راجعن للريــاض .. ياهي وذفه وتشرح الخاطر ! :(204): ويوم حاسبته وعطيته إثباتي وسيرتي الذاتيه وجلس يطالع بخشتي نص ساعه يحسبني مطلوب والا شي :(107): .. قال : تفضّل ! نعنبوا داره ماعنده من حسن المبسـم شي:mad: .. حتى اني بغيت اقترح عليه يركب ذاك التقويم اللي يجي معه مغاط غدي خشته تنفتح بالغلط شوي للزبون ويحبه .. :biggrin: جا البنقالي وقال لي الموظف اطلع معه ,, زقلبت عمري معه ودخلت انا واياه للمصعـد اللي كلّه مرايات ومافيه إلا دورين ومروحة شفط:cheese: .. سألته بما أني مختلي معه وماحدن حولنا ( صديق : هذا شقق كويّس ؟ ) .. رد : ايوه .. كويّس كويّس .. إنتا إبقا شاي ؟ .. شيل نمبر موبايل انا !!! :hhheeeart4: دخلت الغرفة ودخلتني السكنيّه ! :sdfgdsf: وينها عن مدخل الشقق ! مايدخل هالغرفة والا واحدن مقطوعن من شجره ! :icon9: قلت بنفسي : الدعوه عبْر .. وخلنا هالليلة نمشّيها ! بتوالي الليل هنّق علي المكيف البارد وصار حاااار كنّه اديتر كابرس ! :biggrin: ويوم اتصلت في الرسبشن ماردّ إلا بعد عشر دقايق وقال : حرّك المكيف بايدك الشمال .. شلون بايدي الشمال ! :(107): تلفزيونهم مافيه إلا سبع قنوات .. ست موشوشه ووحده نظامها ابيض واسود وعلى الدقّه القديمة :biggrin: المشكلة أن الشقق ماخذين علي عربون يخافون اني اخرّب عليهم شي .. مدري من اللي قايلهم ان كل اللي عندك جديد وجايّن بقراطيسه ! :biggrin: طبعاً طلعت من عندهم وبنفس ذاك اليوم قابلت لي أكثر من شخص من نفس الديرة ومشّوني بديرتهم .. أخيراً رجعت للريــاض وانا أدوّر جوازي واقول : ياااازين الجُمرك ومساييره وياحبني لزحمة المنفذ وغرابيله .. وياملحك يالموظّف اللي بالجُمرك وانت مادّن لي جوازي وتقول : تفضّل الله يسهّل امرك ؟ :cheese: الوالدة هالسنة تقول : لازم نسافر ونشمّ هوا .. وانا اقول : هاتي فلوسك وانا اودّيك لاطلق ديرتن برّا وشرط ان تحطّين الباقي بطقم مواعين صيني تشخصّين فيه قدّام جيرانك . http://members.abunawaf.com/g/2008/06/30/icon191.gif ماتلاحظون أني قاعدن أخرّب الشعب ؟ :064: عالعموم .. .. ومن خلال هالمكتوب أخاطب كل من في يده حلّ وربط وسمكره وله علم وتعلوم في السياحة والسفر والتبطّح بالديار الونيسه واقول : ياأنكم تشوفون لنا حل مع هالخساير اللي ندفعها بالداخل أكثر من الخارج والا بلاش وفكونا . ! فكّونا من شرّ الفنادق وطمعها .. أمس الليلة بـ 120 واليوم بـ 430 ريال .. ماعليش أرفع السعر بس لاتنهب ! فكّونا من شرّ المنتزهات ولحطهم لنا باسعار خيالية .. فكّونا من كل شي يستغل مُسمّى " السياحة " عشان ينهب ويكبّر كرشته جعلها للفتق ! بعدين .. سؤالي اليتيم العقيم : وش عندنا من زين إلا هالمنتزهات ؟ :41jg: ليش مانشوف غيرنا ونشوف كيف تطوروار وسووا أشياء ماهي عندنا وتكلفتها جدّاً بسيطة ؟ قولوا آمين . الله يخارجنا ! :hhheeeart4: قبل يومين .. كنت بوزارة وجلست أسولف مع الموظف ... مهوب حبّـ(ن) له .. بس عشان تمشي معاملتي عنده ومايدقق فيها :lllolll: .. وقعدت اقوله اننا ودنا نسافر وننحاش من هالحرّ ونفتكّ .. واني محتار وين نروح .. هو اننا نسافر للصلالة والا ننهج عمارنا لاندنوسيا .. عاد ردّ هو وقال : إلا ورى ماتسافرون لابها عشانها ارخص وابرد وازين وفيها دعم للسياحة الداخلية ! :000: مارديت عليه إلا يوم وقّع لي وريقتي اللي بين يديه .. ثم قلت له : ياخوي انت صاحي ؟:53: .. ياخوي والله لو تحسب حسبتك ودراهمك ان توفّرها برّا .. بس ماش واضح انك شارب لبن معتّق ! :mh35: مايستفاد من الهرج اللي فوق : 1 لاتغرّك الوان الشقق اللي برّا إلا لين تشوف وش نوع مكيفهم وتتأكد أن مروشهم مهوب خربان وان المخده حقت السرير مهيب صفرا . :biggrin: 2 إذا شفت العامل حق الشقق لابس كرفتّه حمرا وفيها لمعه فاعرف انها مقلب وتمويه ! :(269): 3 إذا صارت عندك دراهمن واجد ، فوفرها بجيبك ولاتسافر أو شف لك ديرتن برّا طارفة وحطّ المقسوم فيها . :wink: :wink: 4 إذا طلّعت لامك والا لاختك جواز سفر فلا تحط على صورتها لزّاق اسود لأنهم شايفينها شايفينها الله لايعوق بشرّ ، وترى الرجاجيل يحبون الشي المخفي ويصير له طعم مهوب طبيعي ، بس احسن حلّ قل للي تبي تطلّع لها جواز أنها تصوّر بأقبح وجه غدي الرقيب اللي بالمطار ماينفتن فيها وتاخذ اثمه ! :biggrin: 5 الكلام اللي تحته خطّ أحمر اعتبروني ماقلته عشان ماتضيق صدوركم ! :41jg: نشوفكم على خير ،، ورحلة سعيدة في " أرجاء الوطن " ، وافرح ياعم الحقّ ، هُمّا الزباين قووووك :biggrin: يتبع ,,, :33_asmilies-com: |
رد: مدونتي مجرد سووووووووالفـ ....
ماقدر اكلمك الحين انا بالصلاة ههههههههههه :biggrin::biggrin::biggrin::biggrin: |
رد: مدونتي مجرد سووووووووالفـ ....
انواع الأسلحه التي تستخدمها امهاتنا :lllolll:
1. علاقة الملابس المصنوع من الحديد و يستخدم عند حالات الهيجان وقت الظهيره وداخل المنزل فقط ! http://www.mekshat.com/pix/upload03/...mk18322_q2.jpg 2. شبشب(زنوبه) وتستخدم في حال كان الابن والابنه بعيدا عن متناول يد الام حيث تقوم الام بالتصويب عن بعد ! و قد تستخدم هذه الطريقه عن قرب في حال تمكن الام من محاصرة الابن او الابنه و تسديد ضربات متلاحقه مستخدمه الاداة المذكوره :41jg: http://www.sfdprojects.org.eg/upload...um/2_443_M.jpg 3. القرص باليد او الاذن في حال رغبة الام بالعقاب دون أن يحس من حولها ويكثر استخدامها في العزايم والمناسبات وتكثر على سفرة الطعام * ملاحظه: يكون أفضل مكآن للقرص في الفخذ من الداخل وبعد أن تتم القرصه تترك لوونآآ رآئع وهو الأزرق المموج فيمآآ تكون سودآآ إذا كآآنت القرصه قويه :000:أاااااااااه يمه } http://1.bp.blogspot.com/_UE74mwCvFU...8%AF%D9%86.jpg 4. الخيزرآنه و يتم وضعهآ في مكآن سري و يصعب الوصول اليهآ والله لو تجي الأف بي اي ما عرفت المكان السري و تستخدم في الحالات الطارئة التي تحتاج الى تدخل خيزراني سريع لفك نزاع حاد وتمحط بها الام الابن او الابنه بعد مطارده سريعه في اغلب الاحيان وغالبا ماتتمركز الضربة على المؤخره والظهر http://img105.herosh.com/2010/07/20/124541992.jpg 5 الخز بالعين » والغمزبهاا مع تحريك الرأس وعظ البرطم وطبعااا تكووون بالمناسبات الكبيره بمعنى الوعد بالبيت »تهديد ووعيد. وهي أشد أنواع التعذيب النفسي حيث يبقى الابن والابنه على أعصابهم طوال الطلعه وهم يفكرون أش الأداءة التي ستسخدمها الأم ياويلي ويلااااه :sdfgdsf: |
رد: مدونتي مجرد سووووووووالفـ ....
ميييرحب ..
:(269): عندي مولاحاظاتين معها وملاحاظاتين ثانية << أم الإملاء اللي جاي كنّه ولادة قيصرية . :biggrin: أولها .. كلامي هذا موجّــــه للهكر المخنز اللي مسمّي نفسه سيفين ونخلة :cheese: جعلي أدفّك على نخلتنا اللي بالمزرعــــة ثم اربطك بحبل غسيل مع خصــرك واخليك منقارن للدجاج الفاسد :biggrin: .. رجّع ملفاتي اللي زرفتها من جهازي - الله يغضب عليك - يالفاجر اللي والدتك امك في مستشفى الشميسي من دون ورقة دخول ومدخلينك واسطة عشان امك جاها بعج من بلاويك وغثاك في بطنها وانا اقطع ذراعي ان كانك مكمّل تسع شهور في بطنها .. ألا يا أنك ماقدرت تكمّل خمس شهور إلا وانت غاثّها تبي تظهر على الدنيا وتشغلنا ببلاويك .. يعني باللهِ أحد يدخل يهكّر جهاز مافيه إلا ملفات عن الحياة الزوجية ويسرقها :biggrin: .. يعني وش تبي بهالامور:cool: .. لا وحاطّن لي على سطح المكتب ملف يوم فتحته لقيت فيه صورة قطو صايدن له فار:biggrin: .. مدري وش قصده بس الوكاد انه يقصد شيّن مهوب زين بس اني على نيّاتي ، لا والموت الحمر يوم انه ماخذن لي ثلاث صور وانا مصـــوّر مع غنمنا بالديرة .. يعني اذا شفتوا ياجماعة بكره صورة منتشره لواحد عليه بجامه طويلة وفيها خطوط خضرا من زود الوطنية على حوافّ اليدين فتراها صورتي واستروا ماواجهتوا وحاولوا تغضون الطرف ، والفتنةُ أشدُّ من القتل:biggrin: . |
رد: مدونتي مجرد سووووووووالفـ ....
أحلى صباح .. لأحلى ناس بالدنيا ..
:mh001: كل عام وانتم بخــير ويوم وطني سعيد :53: .. وقسمن بالله الواحد من تالي ماعاد يقوى يحرّك رجله اليسرى من هالاشغال اللي ماتجي إلا لمّا الواحد يبي ياخذ له نفس أو يبي يرتاح من همّ وغثى هالدنيا . وزودن على كــذا أن الحرّ هالايام صايرن يمغط ظهر الواحد من يطلع من البيت إلييين يقضى من شغله ومايمديه يدخل برجله للبيت إلا و ( سيلن ) هدّار من العرق يصب على مشارف ظهره .. انا موتي بصراحه أن الوالد يقول لي بعزّ الظهر : قم يابحـــاار رح جب اغراض من فلان أو رح اشتر تمر ! .. يعني مامسكت معك - الله يعافيك - إلا بهالوقت .. طيب ماتقدر تأجل موعدك المُحترم بوقت ثاني .. أو على الأقل مدد وقت وخلنا نلعب بطريقة خروج المغلوب .. ! :wink: قبل سبعة أيام وثلاث دقايق وصّاني الوالد أني أروح أجيب ( صكّ إعسار ) حق جارنا من المحكمة .. جارنا هذا الله يكون بعونه خذ له ( سُلفه ) وحطّها في مُساهمة مع واحدن من هوامير العقار .. طبعاً الهامور سرقهم وسافر خارج السعوديه وصار يكلّمهم من كبينة تلفون عشان مايعرفون جوّاله << ابن اللذينا ... مايستخدم بطاقة سوا .. يقول لهالضعوف : تراي خسرت والله يعوّضكم خير .. يكلمهم ونفسه في خشمه جعل خشمه يكسر ومادّن رجليه في الشاليه هو ومعزّبته .. ومسكين جارنا تراكمت عليه الديون وجوه اللي ديّنوه واشغلوه وكل يومـ(ن) لاقطه واحدن مع رقبته ويقول : ( أظهر دراهمنا يافلان ) .. حتى صلاته ماصار يصليها معنا وصار يصلي بالجامع الكبير يخاف انهم يكفشونه .. راحوا واشتكوه عند المحكمة وحكمت عليه المحكمه أنه يسدد غصبن على اللي خلفوه بليلتن سودا .. دبّر اموره وطلّع له ( صك إعسار ) عشان يفتكّ من هالديون والوالد متحمّس معه حبتين لأنه جار .. والجار ولو جار .. مع أن واحدن من عياله مايهنا له الجوّ إلا لين يدف الزباله - الله يكرمكم - عند مدخل بيتنا .. عشان ماتاخذ موقف ددسنه العراوي . :hhheeeart4: المهم .. زرقت للمحكمة أجيب الصكّ .. وانا متأكد أن فيه ( دعوتن ) صابتي بخصري اليمين .. شمس وحرّ مايفارق خشتي وزودن على كذا ( مكيّف سيارتي تهرقل ) وتعطّل بغمضة عين ! :icon9: ياولد .. عدّل بدّل .. حسبي الله على ( هيك ) صكّ ( راح يجيب لي البهاديل ) .. وحسبي الله عليك ياراعي الشاليه ياسروقن ماتسوى ريال سلف .. ألا ياجعلك تعوّد ثم تطيح بك الطياره باقرب خفس وتفكّنا من شرّك .:hahahahahah: وكل مامريت من عند واحد مسكّر درايش سيارته واشوف شماغه " يهبهب " يمين وشمال من زود البراد .. أتمقّل خشته واغبطه .. كتمني الحر بهالموتر .. ومن زود البراد عندنا - الله لايضرّنا - من افتح دريشـــــة الموتر إلا وهالحرّ السمومي اللي يفتّ العظم جاي يركض ويضمّني بصدره الحاني .:33_asmilies-com: وصلت المحكمة بعد مُعاناة وانا شايل همّ " العَوده " .. شلون أعوّد ووشلون أتحمّل هالحراره السياحية .. خذت الصكّ .. ورجعت امشي مليون .. وانا واقف عند الاشارة وخاشّ جوّ مع اذاعة بانوراما والمذيع يقول الخبر : ومن كوريا الجنوبية وانتشار مرض " باركِنسون " المُعدي .. إلى حرائق أدغال المكسيك الجنوبية والقريبة من ولاية موريلوس ، حيثُ احترقت المنازل وقُتِل حسب آخر الإحصائيات 256 شخص .. وقد هرعت قوّات الإنقاذ إلى الموقع لإنقاذ ماتبقى من إصابات وحالات خَطِرة ! http://images.abunawaf.com/2007/10/03/rolleyes.gif لا إرادياً تقرفشت يدي لِمُحرّك الراديو وسكّرته وانا اقول ( حسبي الله ونعم الوكيل ) .. وش ذا .. أمراض وحرايق .. الله ينجينا بس من النار .. التفتّ على اللي جنبي وكان شايب راكب سيارتن ذربه .. بس أنه شايبن ( سنع ) وزكرت .. وشكله ماخذن ثانيه وعمره راجعن " خمس سنوات ورى " .. حتى شعر شيبه مصبوغ بصبغة " تايوانيه " وما أمداه يصبغها إلا وانكفش الشيب ورجع لونه الأصلي وبانت الدعوه وانكب العفش .. كان ماسك بيده الشمال " آيس كريم " .. وفي رواية أخرى قروية ( عسكريمه ) .. ماسكها بيده الشمال وخذ لحس وشعمطه .. قلت : ياولد .. مابدهاش .. أقرب محل وامعط عمرك زي غيرك .. على الأقل نقاوم هالحرارة .. وقّفت وخذت ( عسكريمه ) << استخدمت اللفظ الثاني لأني وبِكُل فخر ( قروي ) وماني من بتوع النيدو والبيوميل والـ ( S 26 ) .. ويوم رجعت للسياره وسكّرت الباب إلا وذاك البزر الاسمراني اللي يلحس قزازة دريشتي .. جالس يلمّح .. يعني ياتعطيني ريال أو أصير شريك لك في هاللي بيدّك ! سألته : وش عندك هنا يابزر .. قال : عطني الله يعطيك .. اعطيني الله يخليك رياله والا ريالين .. قلت : وين أهلك .. قال : هناك .. وأشّر على الإشارة القريبة منّي .. وكانت أمّه واقفه تبيع " مويه " أم نصّ ريال .. قلت : طيّب يالله ( غنّي لي ) عشانك اعطيك رياله .. قال : ( أحنا احبابُ اللهِ .. رِزِقنا مِن عِندوو .. مانبغى غير الرياله .. مِن واحِد كارييم ) .. قلت وانا متشقق ومبسوط : يالله هذا رياله لك .. وهذا رياله لامّك .. ويوم التفتّ على العسكريمه اللي كنت حاطّها بكرتون صغير بداخل السياره .. لقيتها سايحه وماباقي فيها إلا قلييييل .. قلت : حسبي الله على هيك " صكْ " .. طبعاً المحل سكّر .. والولد راح يراكض بالريالين .. وانا وقفت متصنّم من هالحالة والبهذلة بعزّ الظهر .. :icon9: تحرّكت وشغلت الراديو مرّه ثانيه .. وجلست أتسمّع حلقة برنامج مُتميّز على القناة الجزائرية بعنوان : قبل أن نقاوم حرارة الصيف يجب أن نقاوم سُرّاق الشعب الضعيف ! * مايُستفاد من المااااضوع أولاً : الحرّ حرّ وما إلك إلا هيفا ! :biggrin: رابعاً : اذا قال لك الوالد بعزّ الظهر : رح جب تمر .. فقل له بِكُل بجاحه : نبي اليوم نتقهوى على تويكس وجالكسي ! :cheese: سابعاً : الجار ولو جار .. بس اذا حطّ ولد جاركم عند مدخل باب بيتكم ( زباله ) فرح واشتر لك قلم خطّاط واكتب على جدار بيتهم بالخط العريض : هُنا مطلوب أمني :biggrin: تاسعاً : ترى العسكريم أبو ريالين ( خراطن ) فاضي .. والا شلون يسيح بهالسرعه مع جونا البارد بعزّ الظهر ! ثانياً : احنا بنعمه ... عندنا حرّ .. بس عند غيرنا حُمّى قاتِله وحرايق تعثى في أكل الأخضر واليابس .. ياربي لك الحمد . خامساً : الصدقة بركة .. واللون الاسمر " مرأص القدعان " .. وانتبه أحد يلعب عليك عند الاشارة ويبيع لك بريــال مويه أم نص ريال ثالثاً : الموضوع ماله دخل في السياسه .. بس له دخل في كُل حرامي وهامور جالس يسرق الشعب بعزّ النهار .. وجالس يدّعي أنه راح يردّها دبل .. وهو فالحقيقة " تسذوبن أبقع " .. وربعنا نايمين في العسل وماجبوا خبره ! :017: سادساً : أبشركم : صك الإعسار وصل لجارنا وهو الآن جالس يسوّي دراسة لأحسن مسجد عندنا بالحي .. عشان يُفيضون عليه الجماعه بعد الصلاة بِما رَزَقَهُم الله . ثامناً وأخيراً : تمسوّا على خير .. وتلحفوا زين عن الحر ! :(269): ::قلب حُب أحمر .. وداخله سهم من فوق وطالعن من تحت .. والدم يخرخر من تحت .. ومكتوب فوق السهم اللي فوق ( بح بح ) .. والسهم اللي تحت مكتوب تحته كل الناس :love080: |
رد: مدونتي مجرد سووووووووالفـ ....
الاشياء الي تصير في السعوديه بس :33_asmilies-com: - دائماً مسرعين وماوراهم ولاااااا شي -لازم هوشه في اي لعبه جماعيه سواء كانت " كيرم " الى " بلوت " مروراً بـ " بلاي ستيشن " -شي لازم يمر بطفولة كل بزر .. انت مب ولدنا لاقينك بالشارع وإذا لقته طقققققته هع -لازم تنكسر صينية ولا كاسة شاهي بالبيت اذا فيه ضيووف هع -كل الحريم عيالهم ما يآكلون ، حتى السمين:مسيكين وليدي مهوب يآكل أبدددد -كل الهنود و الاجانب اسمهم محمد خخخخخخ - النت مايحلى عندهم الا وقت الاختبارات والنوم -الحريم اذا اتصلوا على الرجال اول كلمه تكون : وينك؟ ويشوهون مخطط البيت ومع كذا مايجيهم احد””من جد وينجحون بأمتياز”هذا الشي حير علماء العالم وبعد إدمان للكافيهات .. ضروري ضروري تكون تعبان ومهموم ومديون تلقى الام تهاوش بناتها والولد يضرب اخواته لا تسلّم خله هو يسلّم ويخلص العرس وماسلموا على بعض > الله ياكافي -سلام الجدات:هلا وشلونكم وشخباركم وعساكم بخير وشلون عوالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه وهم يدرون أنه عوائل تدعي ع اللي صنعهم -حالة طوارئ يوميا الساعه السابعه صباحا - العيله اللي عندها سواق تودي كل بزر للمدرسة لوحده ! > -مواضيع البنات في المدرسه: بنات المتوسط هوآش ويمعطون شعورهم انت ماكليت انت ماطلعت ولا انبسطت > شعب همه بطنه اذن؟ لا ما اذن؟ الا كني سمعته! اطلع شف اذّن ولا لا؟ شوفوا بالتقويم متى وقت الآذان ؟ يجلس يعضه ويعضه ويركبه ويشتغل الريموت طويلة وبيضا وشعرها طويل .. في الاخير يتجوز العكس وينسون هم ومايذكر الا انت .... بينهم عذر مشترك .. وهو ان المدرس حاقد عليهم a+n = قلب و فيه سهم والحب عذااااااب والطلب: همبرجر تريبل .. اكسترا شيز .. مايونيز وعشان الرجيم : الببسي دايت (امحق رجيم)-شعب يعرف عن كل شئ |
رد: مدونتي مجرد سووووووووالفـ ....
قصة قصيرة جدا ( الوزير والكلاب ) ============== يقال أن ملك أمر بتجويع 10 كلاب لكي تأكل كل وزيريخطئ فقام أحد الوزراء بإعطاء رأي خاطئ فأمر الملكبرميه للكلاب فقال له الوزير أنا خدمتك 10 سنوات وتعمل بيهكذا? طيب أرجوك أمهلني 10 أيام فقال له الملك لكذلك. فذهب الوزير إلى حارس الكلاب و قال له أريد أن أخدم الكلاب فقطلمدة 10 أيام فقال له الحارس وماذا تستفيد فقال له الوزير سوف أخبركبالأمرمستقبلا فقال له الحارس لك ذلك فقام الوزير بالإعتناء بالكلابوإطعامهم وتغسيلهم وتوفير جميع سبل الراحه لهم وبعد مرور 10 أيامجاء تنفيذ الحكم بالوزير وزج به في السجن مع الكلاب والملك وحاشيتهينظرون إلى الوزير فاستغرب الملك مما رآه وهو أن الكلاب جاءته تلهو وتنامتحت قدميه فقال له الملك ماذا فعلت بالكلاب فقال له الوزيرخدمت هذه الكلاب 10 أيام فلم تنسى الكلاب هذه الخدمه وأنت خدمتك 10سنوات فنسيت كل ذلك طأطأ الملك رأسه وأمر بالإعفاءعنه اذا لم تستطيع ان تكرم الموظف ، فكن حكيما بالتعامل مع اخطاءه:017: |
رد: مدونتي مجرد سووووووووالفـ ....
اول شي كش عليكم << دورت في الاختصار ماحصلتة :biggrin: وسابعاً وصلتني على ايميلي رسالة وفي محتواها قصة تموت ضححححححك :hahahahahah: وانا مابي اطول عليكم اليكم القصة :24_asmilies-com: لاإله الا الله محمد رسول الله في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت هم راحوا لغرفهم من هينا ..وانا انطلقت للمطبخ من هيناك أخذت لي فيمتو و شبس و طلعت لغرفة التلفزيون مبتهجة وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو الا وينفتح الباب واشوف وجه كذا >>>>>>>>>>> :sdfgdsf: ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية يونس : ماصمتييييييييييييي :017: !!!!!!! أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟ يونس : وجع ..من جدك تسألين هالسؤال ؟ أنا بكل ثقة وبجاحة: والله انت بعد سألني نفس السؤال يونس: والله انتي اللي جالسة تبلعين وتشربين موب انا ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر فما كان مني الا اني فجأة قلت له : اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي : أجل شف بصراحة أنا مسيحيــــــــة :000: : لا والله !! قولي قسم بالله : انا مسيحية ولا أقدر أحلف لان ديني غيركم < عشت الدور على طول بس بقولك القصة يمكن تخف روعتك شوي وتقدر تتفهمني و تحتويني وتحتضني (حسيتني بخرب الولد :33_asmilies-com:) القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين و طفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني فجأة شفت عبرة خنقت يونس ذو القلب الكبير وهو يتابع بصمت وفضول وغباء طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!! : لا كنت أنام في الحصص وفي الاختبارات أغش واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك اما هذا لنا "مشيرا بأصبعه المشعر إليك " وخذوك معاهم ورحتوا تتمشون يونس > :mh12: المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وبرهات وفجأة قال : طيب ماتفكرين تسلمين ؟ لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب واشوف ..الا عنوانه Islam ???!! هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة المهم انا عقب هالضحكة نسيت الكذبة ,ولهيت بمشاغل الحياة < مشكلة البزي ومن ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير الحمداللللللللله أسلمتي ,الحمداللللللللله أسلمتي ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني ) بس والله رحمته جاني الصياح صدق ,ماأدري هو أن عشت الدور ولا صياحه صيحني ويمر أبوي قدام هالمشهد التراجيدي وينهبل وجععععععع خير انهبلتوا ..وش صاير ويونس من هول سعادته كب العفش والعشا والقش كله بنتك أسللللللللللمت أسلللللللمت :biggrin: وللأسف انجلدت بعدها بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل :33_asmilies-com: |
رد: مدونتي مجرد سووووووووالفـ ....
مساكم الله بالخير انا احكي لكم شي عايشتة وصار معي بالفعل :Cry111: وارجوا انكم تنشرونها للغالين عليكم :000: من باب الحيطة والحذر ......... ذات مرة غفوت ليلاً :mh12: وعادي قمت الصبح :24_asmilies-com::24_asmilies-com::24_asmilies-com: هههههههههههههههه :53: :41jg: << احس نفسكم تسووون فيني كذا :(284): |
رد: مدونتي مجرد سووووووووالفـ ....
في ليله من الليالي كنت ماخذ وضعيه الأنبطاح وأقلب في المجلات العربيه
.. وأتفرج في الفنانات الى كل وحده تشق الوجه , الى أن شفت صورة (( باسكال مشعلاني )) سحبت بريك وقعدت أتمقــّـل فيها مدة من الزمن , ثمن أتخذت قرار صارم بمناداه أمي بصووووت عالي . يمااااااااااااه لم تسمعني فقررت في ذالك الحين بمناداتها بصووووت أعلى . يمااااااااااااااااااااااااااااااااااااااااا ... >> (في ذالك الحين لم أرى سوى مقاس نعال الحمام :41jg:...) أمي : نعم وش تبي ؟؟ أنا : خلاااااااص نسيت .. وش بغيت أقول .. فلما هممت أمي بالذهاب .. أطلقت صرخه قويه ...يماااااااااااااااااااااااااااااااااااااه فلتفتت وناظرتني بطرف عين .. وقالت : ردينا.. يعني تبي الفردة الثانيه .. قلت : يماااااااااااااااه أبيك في موضوع مهم .. أنا أتخذت قرار ولن أتراجع أو أتزحزح عن قراري . أمي : خير وش قررت . ؟؟ أنا : ابي أتزوووووووووووج ردت أمي رد سريع وقالت : عاد من زينك وزين طبايعك علشان تتزووووج ... خلك لين تكبر شوي أنا : يمااااااه حرام عليك أنا مسكين أنا قاعد أتعذب .. ليه أنا ماني ولدكم .. وقعدت أبكي وأعصر دموعي ومانزل الى وحده <<< دموع التماسيح :bawling: أمي : خلاص أنا قررت أتهور وأزوجك .. بس بنت مين الى تبيها .. انا : بنت مشعلاني .. أمي : من مشلاعاني .. أنا : قصدي ابيك تشوفين لي وحده تشبه (( باسكال مشعلاني )) لحظه خليني اقص لك صورتها من المجله. .. والله واقص صورة ( باسكال ) وأعطيها أمي وقلت أبيها نفس المواصفات هذي بالضبط .. قالت أمي : خلاص بكرة فيه عرس لولد فلانه .. بشوف لك وحده تشبهها جااااى بكرة وراحت أمي العرس .. وأنا أنتظر رجعتها بفارغ الصبر .. بعد ساعات طويلة من الأنتظار .. جاءت أمي وقالت مبروووووك لقيت طلبك .. وأخذت رقم أمها .. دقت عليهم الوالدة اليوم الثاني .. وردت البنت وانا ملصق اذني في السماعه أبي أسمع صوتها . فما كان من الوالده إلا وهي تمسك بجهاز التلفون وتمحطه على خشتي ..لكي اغدو في حال سبيلي .. مشيت في الصاله وانا أرفس علبة المنديل .. والتى كانت أحدى هواياتي .. جاءت إلي امي لتزف لي بشرى قبول اهل البنت مبدئيا .. فرحت بالخبر وانتظرت اليوم الموعود لمقابلتها .. وانا أنشد (( نحمد الله جت على ماتمنى:53: )) ذهبت الى الحلاق وقلت له : توظيب كامل الله لايهينك .. ومن ثم جاءت أمي بالطيب والبخور .. وقرت على المعوذات وايه الكرسي .. ثم ذهبت الى .. أبو نسب علشان أشوف وأنشاف .. دقيت الجرس ففتح لي الأخ الأصغر وكان دب وتبدو عليه علامة البراءة .. وما إن رآني قال من أنت يابو خشم .. فقلت له عيب يابابا أنا بصير زوج أختك .. وما إن قلت له هذه الكلمات التي نزلت عليه مثل الصواعق ... حتى ذهب الى داخل المنزل .. واسمعه يصيح ويقول : والله اختي ماتاخذ ابو خشم .. فكرت في ذا البزر الدب الى فضحنا لابارك الله فيه .. فقلت ابروح للبيت واجيهم بكره على اساس اني انشغلت وماقدرت أمرهم وبالتالي ابو خشم ليس انا الذي مريتهم وما إن عطيت الباب ظهري وادخلت مفتاح السياره لكي افتح الباب واذا بالاب يمسك يدي ويقول مين الاخ ؟ فقلت له وبصوت يملأه الحزن انا الخطيب .. أستقبلني خير استقبال .. وقلطني في المجلس .. وأخذ يسألني يمنه ويسره عن مؤهلاتي ووظيفتي .. وأنا أتصبب عرقاً حتى بدء الخياس يتطاير مني .. ونحن في هذي الحاله يدخل علينا البزر ويقول بصوت يسمعه القاصي والداني وهو يطلع لسانه : يابو خشم والله ماتاخذ اختي . إلتفت الى الاب وقلت له : ركد ولدكم ..لتصير علوم .. فقال له والضحكه تملأ فم الاب : اذهب يابني اصلحك الله ... فقلت له تبا" بل سحقا" لتربية هذا الغلام ( كني شطحت شوي:71: ) فقال الأب : هل تريد رؤيه البنت .. قلت : أجل جاى اتمقل في وجهك أنت وولدك الدب .. وعندما ذهب الأب لمنادة البنت .. أتى الولد وهو يطلع لسانه مرة أخرى ويقول يبو خشم والله ماتاخذ اختي .. قلت له تعال ياحبيبي أنا بعطيك ريال وتطلع بسرعه .. قال خلاص .. صرفت الولد الدب وافتكيت منه .. ولما ذهب الدب الصغير دخلت علي البنت وكلها استحياء وانا انظر الى الارض وارسم دواوير باصبع رجلي الكبير كعلامه على انني خجول .. فجلست بجواري وقالت : السلام عليكم فلما رفعت بصري لكي أرد السلام .. توقفت الكلمة لم أستطيع أكمالها .. كيف وأنا أرى أبشع وأقبح وأمتن المخلوقات على وجه الأرض :mh001:.. لا وكانت تضع من المساحيق مايكفي لصنع كعكه كبيرة الحجم فقلت في نفسي فركش الزواج لابووها ولأبوو من يتزوجها .. هذي الدبيه يبغالها أثنين يقطون ويتزوجونها .. وكنت قد فكرت مسبقا ان أفركش الزواج وأضع شروطا تعجيزيه كي تفر البنت مني وتصيح على امها مابيه .. فقلت للوحش ( البنت ) : انا عندي شروط .. فقالت لي سم آمر فقلت لها : انا انسان حق مخمخه وخاصة تالى الليل .. فلا تستغربين اذا رجفتك من بطنك تالي الليل وانتي نايمه وقلت لك صلحي لي معسل والراس ابيه يكون ثلاث جمرات ومن الصغار والمويه ماتتعدى النص وتحطين معها ثلج .. فقالت لي والابتسامه تعلو خشتها : ابشر .. بس عليك بالمعسل التونسي فإنه انقى واصفى <<< (طلعت خبره وراعية معسل ) فصخت العقال وبدأت في ضرب العائله كنوع من تشويه سمعتي لحقت بالاب الى داخل البيت وانبرشت عليه مثل انبراشة الخليوي في كاس العالم اللتي اقيمت في فرنسا وانطرد على اثرها ( لاويعابط على الحكم ويقول ماسويت شي) ويوم طالعت لقيت البزر الدب جالس فوق سيارتي .. وأنبرش على أنبراشه مماثله .. وتوطيت في بطنه .. وأخذت منه الريال حقي .. فلما هممت بتشغيل السيارة .. وأذا بي أسمعه يقول .. أنقلع يبو خشم .. عندها نزلت من السيارة .. وطرحته أرضاً .. وحطيت رجليه تحت كفر السيارة .. وركبت السيارة .. وأعشق وأفر الكفر على رجليه .. فلما ناظرت من المرايه لأشوف ماذا أحل به .. فأذا به يضحك ويأشر بيده ( عيدها مرة ثانيه ) فذهبت الى البيت فأستقبلتني أمي هاااااه بشر كيف البنت .. قلت يمه حرام عليك هذي تشبه بأسكال أنتي تبين تذبحيني .. قالت نفس الى في الصوره اللهم اختلاف بسيط .. وهذي الصوره شفها .. فلما أخذت الصورة أكتشفت السبب .. أثاريني قاص صورة ( باسكال ) من الجهه الأولى .. والجهه الثانية فيها صورة ( هــيـــاء الــشعــيبــي )...!!! ( ولاتهون كوندليزا رايس :tongue: ) خلاص ماعااااااااااااااد ابي اتزوج :(177): |
All times are GMT +3. الوقت الآن حسب توقيت السعودية: 04:38 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه