 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
2016- 12- 6
|
#631 |
|
صديقة كلية إدارة الأعمال
|
رد: لو الدلع يكتب كـتب بـ إسم [نصرون] ..!
مشوار الالف ميل يبدأ بخطوة قالت لي اختي ابي اسجل بالدورة الفلانية سجلي معي قلت لها لا مابي كلمت صديقاتها ما لقت غير وحدة رضت تسجل معها .. حصل ضرف واختي ماقدرت تروح للدورة اجلست للاسبوع اللي بعده اخر اسبوع من اسابيع الدورة قالت لي سجلي وانا مررره مالي نية اخر يوم تسجيل رحت وسجلت ما ارسلوا لي قبول قلت يالله الخيره .. راسلتهم على تويتر اشكرهم على مجهودهم وانه كنت اتمنى التحق معهم بس ماوصلتني رسالتهم وانا والله خراطه كنت طفشانه ومالي خلق دوامات .. قالوا لي ابشري مقعدك محجوز انتي بس تعالي رحت مع اختي واكتشفت عالم ثاني .. مرره مره استفدت اكثر من اللي استفدته بدراستي الجامعية رغم انها 4 ايام بس .. طلبوا خلال الاربع ايام هذي نسوي مشروع والمشاريع راح تنعرض يوم الخميس يوم الاربعاء الساعه 12 لازم نسلم برزنتيشن المشروع .. جلسنا من اول يوم لاخره نفكر بمشروع بس ماش ماضبط معنا شيء كل مافكرنا بشيء قالوا موجود صعب تنفيذه مكلف ماديا و و و و .. يوم الثلاثاء كان فيه عرض وتحت شخص يتكلم لغة الصم نقزت براسي فكرة ! ليش ما يكون مشروعنا ترجمه البرنامج اللي ندرسه للغة الصم والبكم ! كلمنا المدربة وعطتنا القرين كارد بس ماش ماكنا مقتنعين كليا بالفكرة الساعه 5 العصر يوم الاربعاء جات ببالي فكرة جهاز رحت للمدربة خبرتها اذا ممكن نضيفها قالت هذي ممكن تاخذون عليها براءات اختراع لو كانت مش موجوده سووا بحث مكثف وانطلقوا .. عطتني اقتراحات رهيبة اضيفها لمشروعي جلسنا انا واختي طول اليوم انا اسوي مذكرة المشروع لانه ماعندي غير 4 دقايق اشرح فيها فـ المذكرة كانت فيها شرح وافي ومفصل واختي تسوي البرزنتشين وباقي الفريق يساعدونا بالاحصائيات والامور اللي تخص المشروع عشان نضيفها وتدعم مشروعنا الساعه 11:30 واحنا لسى ماخلصنا سويناه اسرع سريع وارسلنا البرزنتيشن الساعه 11:54 خلصت المذكرة الساعه 3 الفجر ويادوب نمت وصحيت اتجهز وعلى يوم الحفل الموعود وكل دعواتي ان ابوي يجيب امي للحفل كان رقم فريقنا 12 من اصل 14 طول الوقت بموت من الرعبة لانه انا اللي راح اشرح واتكلم وفي لجنه ماترحم مثل ما وصفوها تخيلوا شخص انطوائي جدا فجأة يطلع يتكلم قدام اكثر من 500 شخص؟ كنت اطلع ايام الاذاعه وصوتي جهوري ويساعد ولساني طلق مع ذلك ماحب فكرة وقوفي بمكان وكل الناس تناظرني وهالشيء كان جدا مرعبني ومسبب لي ازمه وصل عرض المشاريع لرقم 4 .. كانت الفكرة مشابهة جدا لفكرة مشروعنا تحطمت كثييير كلمت المدربة قالت ماعليكم انتوا فيه اضافات وفيه جهاز ابتكار كانت كلمتها مثل البنادول يهدي بس مايوقف الالم  وارتفع السكر الله وكيلكم كل شوي اقوم الحمام وانتوا بكرامه وجفاف عظييييم كله بسبب الخوف والتوترجاء المشروع رقم 8 رحت للحمام وانا راجعه سمعت احد ينادي نصرون ! الصوت مألوف بس طقيتها ثقل وما التفت يوم جلست سمعت الاسم مره ثانية هذي اختي الصغيرة متأكدة ! الف طلعت هي وامي .. خبرت اختي التفت وانبسطت < طبعا ما وراها عرض بتدقها ضحك وكشره ولا على بالها وصل المشروع رقم 11 دخلت الحمام مابي اطلع منه ابدا البنات يسحبوني تسحيب وانا خايفه ههههههههههه جات زميلتي بالعرض قالت يالله نتدرب تدربت على جزئيتها وانا رفضت عشان ما الخبط فضلت ارتجال .. نادوا على المشروع رقم 12 مشروع فريق (مسؤوليتي وطني) يعني جاني الموت طلعت دورت امي ماهي في مكانها هنا بغى يغمى علي من الخرشه ههههههه تكلمت زميلتي وقالت تكمل زميلتنا نصرون الزهراني تقدمت سلمت وعرفت بنفسي وانا متوترة بحياتي ماتوترت هالقد طاحت عيني بعين الحبيبه وابتسمت لي وتغير كل شيء كل شيء حرفيا كاني متعوده على العرض والكلام قدام الناس وكان الدنيا كلها تشوفني تعرفون وش تخيلت ؟ القاعه فاضيه مافيها الا امي تسمعني صرت اتكلم بثقه واشرح ببساطة واللجنة يعلقون ويضحكون معي وعادي وانتقلت للجهاز وشرحته شفت بعيونهم الاعجاب والقبول وامي ترفع يدها باشارات تشجيع خلصت وحطيت المايك ع الطاولة وجاتني المسؤولة تقول تخطيتي 4 دقايق خلاص وقفي قلت لها انتهى العرض ابتسمت ودعت لي وجلست اللجنة ماكان عندهم اي ملاحظات بالعكس الكلام اللي انقال لي اني ماسمحت لهم باي سؤال لاني غطيت جميع الجوانب تكلمت مديرة المشروع ان الجهاز اللي ذكرته مهم جدا وراح تسعى بنفسها لاعتماده من الدفاع المدني انتحت لحظة الخرشة جات لحظة الفرحة هنا بغى يغمى علي من الفرحة < مالي حل هههههههههه وجهونا لتسجيله بمكرز براءات الاختراع وكلمتني المدربة نتواصل معها لانه حتى لو مافزنا تبغى فريقنا معها بالبرنامج جاء وقت اعلان النتايج بدأوا من المركز 14 وكل ما مر اسم يشبه اسم مسؤوليتي وطني يوقف قلبي لين عدوا المركز الرابع قمنا ننقز ونصرخ كاننا فزنا بالمركز الاول لانه فوزنا بالمراكز الثلاث الاولى يرشح مشروعنا للفوز بالمنافسه العامة تبع جميع الدفعات للجنسين فزنا يومها بالمركز الثالث وتسجلت اسماءنا كفريق تطوعي دائم مع فريق البرنامج ومشروعنا راح يطبق بارض الواقع تطوعت معهم كمصممة واستلمت معهم امور كثير واليوم راح يبدا ثاني مشوار من مشاوير الالف خطوة طبعا راسلت محامي ووعاني على اامور الملكية الفكرية وعطاني كل شيء ممكن يبطل البراءة وعلت بالمشروع الكثير الله يجزاه بالجنة وراسلت مكتب براءات الاختراع وبإنتظار ردهم ويااارب يقبل وتتيسر تخيلوا بدت برفض بسبب الطفش والكسل ! وانتهت بامور اكثر من شعر راسي اللي هو كله على بعضه 3 شعرات  الحمدلله على ما اعطى دائما وابدا .. انسى كل شيء بحياتي ولا انسى نظرة امي وابتسامتها يوم وقفت  #الحمدلله .. كلام من القلب |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ مذاكرة جماعية ] : قــروب :: نظم المعلومات الأدارية .. | هنادي خالد | إدارة أعمال 3 | 73 | 2013- 12- 25 09:06 PM |
| [ المناقشات ] : ♥ ,,جميع حلول ( الوآجــبــآآت و المــنــآآقشآآآت ) م 3 ,,♥ تم الانتهاء من حلها | هنادي خالد | إدارة أعمال 3 | 167 | 2013- 12- 20 11:51 AM |
| اسئله مراجعه لدراسه الحاله من 1 الى 8 | بنت الجبيل. | اعاقة عقلية- ارشيف تربية المستوى 6 | 14 | 2013- 5- 20 01:17 PM |
