[ مُشَــآغبَــآتْ "آُنُثىّ". . .حيــنّ أَكْــونْ لِلشِمُــوخِ عَــنْوُآنَ,,,~

[آم فـرآس~]

فيني جنون طفلة..
وفيني غنجهاا..


وأصير بين ايديك _أنثى_مكتملة النضج..


فلا تبحث عن شي آخر..!!

[آم فـرآس~]

لاصرت غافي بين احاسيك..


منتظر..


ولهاان..


ومشتااق..



وهالشوق خيب عزومك..


وصرت ملتااع..



وبين هذا وذاك..



طمني عن أخبار الكراامة..؟؟!!




تذوب ويقتلك شووق..


وتصفعك الكرامة..

وتذكرك فيها.



صدقني/

أصعب شعور.
أصعب شعور.
أصعب شعور.
أصعب شعور.

[آم فـرآس~]

لكل من قيمني..
وزارني..
وأنار مدونتي..



الف شكر لكم.

[آم فـرآس~]

[آم فـرآس~]

ياصااح أنا قلبي من الحب مجروح..
..جرحا عظيم مالقى له مداوي..

ياويل حاالي ياأبو نورة...لباااااه بس.
***

هذا المسا للحب..للشوق..للمواعيد..
هذا المسا فس القلب..شمع..وأغاني..وعيد..
هذا المسا لك أنت..
مهما تكون بعيد..
مهما تكوون بعيد..
وينك

حبيبي قبل الشفق مايغيب..
تدري حبيبي كل الصبر تعذيب..

.....لبى صوتك..ياأبونورة..لبى قلبك..لبى احساسك.
***

أقرب النااس أنت..يانظر عيني..
وأبعد النااس أنت ..وأنت في عيني..
منك أجمل محبة عاشها قلبي..
ومنك جرح الهوا يامااا تلاعب بي..!!

ايه خبره ياأبونورة..

[آم فـرآس~]

صباحك حب..وشوق..وغنج يامدونتي الجميلة..

[آم فـرآس~]

حبيت على عجالة اصبح على مملكة أسراري..
وأقولكم انوالحين أجهز نفسي طالعين_كشتة_للبر..وباذن الله بس اجي أكيد بحكي لكم كل شي صار بالتفصيل الممل...
أنواع الفلة..

وانواع اللعب..

وانواع الاستهبااال


انتظروووني...

[آم فـرآس~]

مساكم ورد ومحبة..مساكم خير وعااافية..
اشتقت لك يامدونتي الجميلة..طبعا المفترض كان نلتقي بعد _طلعة البر_واخبركم وش صار معي..لكن صارت ظروف وزرت بالمستشفى كم يوم..
مسكين هالدكتورأكيد طفش مني من كثر مااجيه...
ماعليناا..عاد أنا قلت اوفر عليه واحجز (سويت)بالمستشفى..
أو أفضل شي اشتري الغرفة اللي دائما اتنوم فيها ..أكثر ماأنام بغرفتي..واكتبها باسمي...
يلا..الحمد لله الآن أنا بخير وعاافية,,والحمد لله على كل حال....>>أجر وعاافية..
..
ايه صح وش كنا نقول ...
ايه البر..
البر أفضل مكان تروح له وقت مايكون عندك_اكتئاب_...>>ليش ياذكية؟؟ّ
أقولكم ليش..!!
لانه تراب..وساعتها بتشوف (تراب)!!
وبتعرف أنك مخلوق من (تراب)!!
ومردك (للتراب)..!!
ومايملى عينك غير(التراب)..!!
ساعتهابترضى.................>>أم الفلسفة ..يازينك ساكتة..
عاد باقي السوالف ماراح احكي لكم لسببين:
الاول/المستشفى خرب حماسي.
والثاني/كلها فضايح ومشفرة...وغير صالحة للنشر..

[آم فـرآس~]

بخبركم عن قصة كتبتها من _5 سنين_.....كح كح..يطلع غبار..
يعني موغبار مره..يوم أنا بثاني ثانوي كانت بوقتها تفجيرات المحيا بالرياض..يالله وش كثر أثرت فيني المناظر اللي شفتها بالتلفزيون السعودي..
فطلعت معي هالقصة...اتمنى تعجبكم..
وأكيد انتظر اراءكم عليها..

[آم فـرآس~]

_آلو..نعم يايمه.
_هلا ياوليدي.وراك تأخرت؟
_خلاص يايمه إن شاءالله مابقى لي غير بعض الاغراض وبرجع على طول.
_الله يسعدك ياوليدي ويتمم عليك بخير.
_إن شاءاللهيايمه..يمه كلمتي خالاتي بالمدينة وجاراتك هناك.
_إيه ياوليدي وإن شاءالله بيجون بعد المغرب.
_خلاص يايمه.تامريني على شي..
_سلامتك.
_مع السلامة يالغالية.
_الله يحفضك ياوليدي..الله يحفضك.
سبحان الله لحظة فرحته ماتكتمل إلا وياأهله وناسه..
ياكثر ماانتظرها هاللحظة..اللحظة اللي تجمعه ببنت عمه "جومانه"..
ناصراللي كل ماسمع أنه أحد خطبها صار يمشي ويجي مايدري وش يسوي..وراح لعمه وقال:والله إني شاريها لوبالذهب ..واللي تامر عليه أنت وجومانه بعيوني والله ألبيه..بس جومانه مالهاإلا أنا..وأنا مالي إلا حومانه.
"جومانه"حلم الطفولة..
"جومانه"اللي كان يلعب معاها بالحارة لعب الطفولة ابد كله براءة..ماأاحديقدريقول أو يشكك في غير كذا..
من لما كانوا صغار..جمعهم حب..حب الطفولة..والبراءة..والطهر..
حب الولد لبنت عمه..وصار حب ناصر لجومانه..حب يزين "جومانه"ويزيد جمالها جمال.
واليوم حبهم بيكتمل وعالحلال وشرع الله بيجتمع..
ناصرجهزأغراضه.."جومانه"..عروس تزينت باللي حله الله حتى تصير بعيون ناصر..
**أحلى عروووس**.
****************
في ديرة ثانيه ..ماهي ببعيدة..نورة تحكي لجارتهاوتقول:وليدي محمد الله يحفضه من البيت للمسجد..بس آآه ماادري وش اللي حده وصاحب من هوأكبر منه..لكن الله يهديه.
وجارتها ترد وتهون عليها: لا يهمك ياأم محمد..محمد ان شاءالله بعيد عن كل الشكوك..محمد رجلا ولد رجل.
قالت لها نورة:الله يسلمك ودي مايكون لمحمد غير"سارة"بنتك.
و"سارة" اللي كانت تسمع الحكي من باب غرفتها نزلت راسها من الخجل..وتوردت خدودها..سبحان اللي خلقها وكمل حلاهاا.
****************
وعند المجمع التجاري الكبير_ناصر_لملم أغراضه..ولما طلع شاف محمد ولد حارتهم وسأله:هلا يامحمد..كيف حالك؟؟
قال:أنا بخير وش عندك هناا؟؟!!
قاله وناصر لاحظ بعيونه ارتباك ماقدر فيه يبررخوفه من شوفة ناصر.
_ابد يامحمد كانت ناقصتني بعض الاغراض وجيت اشتريها من هنا..أنت تعرف ان عرسي الليلة.
محمد تخربط..تلخبط كياانه..ماعاد يعرف وش يقول...وقال لناصر:ألف مبروك..مع السلامة.
ناصر اللي من دهشته نسى يسأله ((وش لك أنت هنا؟؟))..ركب سيارته وقال:بسم الله..
ولما وده يطلع..

..صارت الدنيا ظلام ..واعترى الحزن المكاان..وانتهت كل لحظات السعادة عند هالكلمة..

كلمة حرمت "جومانه"من ناصر اللي انتظرها وتمنته..
وخلصت "سارة"من حبها لمحمد اللي ماعرف وش يعني الحب..!
لوعرف أن [ارهااابي]..كلمة تفرق عريساً عن عروسه..
كلمة تفرق أماً عن ظناها..
كلمة تفرق الأخت عن أخوهاا...
كلمة تغربت في بحر من الظلم..
كلمة شتت ناصر وأغراضه..وصار ناااصر في مكااااان وذهبه اللي اشتراه لجوماانه في مكااااااااان..
تشتت وماعاد يجمعها إلا اللحظة..
لحظة كاانت الأم المسكينة تتصل بناصر وتقول:وش اللي آخر وليدي..!
مسكينة هذا هو وحيدها..وأول فرحتها..
ويرد عليها الجوال..:
[إن الهاتف المطلوب خارج الخدمة مؤقتا,,الرجاء معاودة الاتصال في وقت لاحق!!].