ذكريـــات جامعيــة ..!!

[جاك سبارو]

يافتاح ياعليم يارزاق ياكريــم
السلام عليكم ورحمة الله وبركاته ,,
أول شي أنا ماأعرف أزخرف ولا أحب أزخرف ولا أحب أكتب كلام مو أنا اللي كاتبـه ولا أحب أحط صور ولا أحب أكتب شعر ولا أحب شي وش جابني هنا أصلاً ؟؟ < طيب ليش فاتح مدونــة

اهااااااا هنا السؤوال ليش أنا فاتح مدونــــة .؟؟؟

هذا سلمكم الله لأن مدونتي بتكون عبارة عن ذكرياتي الجامعيـه فقـط
عن كل شي صار فيهـا .. عن كل ترم .. عن كل نفسيه خايسة .. عن شعور الخوف والترقب .. عن شعور الفرح والوناسـه .. عن طريقتي في المذاكرة ..عن المواقف الشخصية اللي صارت لي .. عن كل شيء جامعـي حصـل معـي ..

طبعاً فكرة ذكريات الجامعة هذي موجودة منذ الصغر < بلا كذب أقصد منذ دخولي الجامعـه ودي أوثق فيها اللي صاير معي لنفسي قبلكم وعشان تكون مرجع لي بعدين بإذن الله دامني باقي حافظ أغلب الأمور اللي صارت في الجامــعه ..

ودي أنبه على شغلة مهمة جداً .. المدونة عبارة عن ذكريات قد لا تروق للبعض وللأمانه لا أتطلع لهذا الأمر خصوصاً إذا أٌخذت من منظور المدونات التقليدية لذا وجـب التنويه ووجب خفض سقف الطموح ..

وأخيراً تم حجز المكان وبإذن الله وسيتم الكتابة هنا بعد سنة من الآن إذا الله أحيانا
تحسبوني أمزح صح .؟؟؟؟ تراني من جدي

يعني بكتب بعد فترة وليس الآن بس كتبت الحين لحفظ حقوق الملكية الفكرية

تحياتي لكم ولنا لقــاء قريب بإذن الله ,,

[جاك سبارو]

عـــــــــــدنا بعد التــــخـــرج

مافيه أجمل من شعور الإنجاز ...لما تحصد مازرعت ..لمـا تعرف إنك إلتزمت بشيء من أربع سنوات وحصلت عليـه ..لمـا يكون في شعور سابــق سلبي تجاه نفسك بأنك لن تتمكن من الإنجاز ولأنك فعلاً حاولت من قبل والظروف ماساعدتـــك ..


شعــور التخرج من أجمل المشاعر الي ممكن الإنسان يشعر فيهـا بحياته كامــلة بدون مبالغـة ..


اللي صــار خلال الأربع السنوات الماضية يحتـاج إلى توثيق فإذا كنت مستجد لا يفوتك توثيق كل لحظـاتك في دراستك الجامعية وحــاول تركز على توثيق الأوقات الصعبة على الأوقات اللي كنت في قمة إحباطك فيهـا

ليش خصيت لحظـات الإحباط هذي ..بقولكم في الرد الجــاي ..< ماأقدر على التشويق ياخي ههههههههههه

لي عودة..