ممكن لحظه..!

[cute marwa]

.



.

السلام عليكم ورحمة الله وبركاته..
عذرا ولكني اردت ان اطرح سؤال وليست مشكلة على وجه الخصوص


/


عندنا بنت اخوي عمرها سنتين و7 شهور هي اول حفيده لنا فكانت ولازالت مره مدلله
لها الشي قبل ماتطلبه المهم ان امها من 3 شهور ولدت وجابت ولد والبنت تغيرت كانت
اجتماعيه مره وتحب تضحك وتلعب وتنبسط وعندها حدود يعني اذا ابوها قال لا خلاص لا
من جاء هالاخو طبعا الكل محد يناظره عشانها اذا شافت احدجنبه جت وضربت اللي يروحون له
مو هذي المشكله قد تكون غيرة اطفال ليس الا بس
ماعادت تحب تلعب تميل للحوسه ونرفزت اللي قدامها اكثر من كونها تلعب وتستمتع بهالشي
ثانيا لاحظت انها اي ورقه قدامها تلفها على شكل اسطوانه انا اللي اعرفه ان اللي يسوون كذا مرضى التوحد
بس مابي اصدق
وصايره تصفن وتفكر اموت واعرف سنتين وش تفكر فيه بالله لالعبه تغريها لاملاهي يشدها لاحلويات نقدر نساومها عليه وبعدين صاير جسمهاكله جروح منكثر ماتطيح نفسها وتحكك نفسها بقوه وهي تفكر لاشعوريا
ثالثا صارت ماتجلس مع البنات اللي في سنها تفضل تجلس معانا او مع اي اشخاص متعوده عليهم يعني مثلا
بنت خالي عمرها 3 سنين قريبه منها الا انها ماتجلس معاها ولاتحبها ودايم تضربها وكل احد قريب من سنها تضربه
طبعا هذا مو معناها حنا مايجينا طشار لايجينا بس حنا يجينا اذا بغت شي وماعطيناها اياه
صايره ماتحترم وخصوصا امها
على العلم من جاء الولد حنا نداريها ونناظرها مناظر ولانناظر الولد ولانعطيه وجه ومن كثر مانبيها تختلط بالصغار
صرنا نشتري لها العاب وننادي الصغار يجون معانا تخيل يادكتور شرينا لها مسبح وجبنا لها الصغار اللي في سنها
هم يلعبون ويستانسون وهي معطيتهم ظهرها ا تناظرهم وساكته
عل العلم انها يوم ولادة امها كانت عندخالتها وخالتها شوي دفشه
قول لنا ايش ممكن نتصرف معاها وخصوصا انها صايره فيها عاده كريهه بالاطفال انها بالسوق اذا ماحصلت الي تبيه
تصيح وعندنا شعب من يشوف طفل يصيح يناظر الي معاه كانه مسوي جريمه طيب كيف نربي البنت اذا الكل يبي يتدخل مو مشكله نعطيها اللي تبيه بس مو بكل وقت تاخذ اللي تبيه
على العلم انها تحب اخوها بس ماتطالعه ولااخبر انها تعرف ملامحه كانه مش موجود

[د/علي جابر السلامه]

السلام عليكم

الفاضلة كيوت مروى

سأعود للرد عليك في اقرب فرصة ان شاء الله

وفقكِ الله

[cute marwa]

أوكي
بـالإنتظار..

[د/علي جابر السلامه]

السلام عليكم

الأخت الفاضلة

بوجود الارتباط الزمني الواضح بين ولادة الطفل الجديد وظهور هذه الأعراض فهذا قد يربط بين الأعراض وهذا السبب ولكي لا ينبغي الركون إلى أن هذا هو السبب الوحيد. لا أريد أن أخيفك ولكن أقترح عرضها على الطبيب بشكل مباشر نظرا لوجود أعراض غريبة نوعا ما.

ألف لا بأس عليها

وبالمناسبة, ما ذكرتِه لا يكفي لتشخيص التوحد.

وفقكِ الله