|
دكتور انا تعبانه نفسيا
السلام عليكم ورحمه الله وبركاته
راح ادخل في الموضوع على طول وياريت يادكتور تفهمني وشو الي فيني من كم يوم جاتني اعراض ومنها وانا في عذاب انا تعرضت لضروف صعبه شوي وضغط هل فتره بس احيانا امر في ضروف اصعب ومايصير فيني زي كذا الاعراض الي احس فيها دقات قلبي سريعه وصعوبه في التنفس وتزيد عند النوم وكل اشوي اجلس وارجع احاول انام احس اني افكار تجيني غريبه وين انا ومن انا وش الي قاعد يصير فيني طبعا كل هذا يزيد عند الجلوس من النوم ودي كله انام عشان ارتاح من التفكير وتعب احس اني في عالم ثاني وني مش في وعيي ومش على طبيعتي مااتفاعل مع احد واذا احد يسولف معي مااتفاعل معه واحس اني في وادي ثاني وهو في وادي حتى اخاف انه يحس بشي كله اخاف اني اصير مجنونه واني افقد عقلي واحس اني في حلم اوكابوس وابي اصحى منه ورجع مثل ماكنت طبيعيه وافكر شلون اول انا كنت عادي اسوي كذا وكذا واحاول استرجع تصرفاتي اول وابغى اسوي نفسها بس ماقدر واحس بعدم نشاط وحيويه حتى اعجز اني اقوم بأي مجهود حتى اذا اهلي يكلموني اوشي دقات قلبي تزيد وخوف لاني صايره مش طبيعيه ماعاد صار عندي اي اهتمام لأي شي ابغى ارجع مثل اول اشوف الدنيا حلوه وناسه وابغى ضحكتي ترجع مثل اول وتصرفاتي ترجع طبيعيه مثل اول اتمنى انا كلامي واضح ومفهوم واتمنى من الدكتور انه يرد علي بأسرع وقت وهل ينصح اني اروح لعياده نفسيه او هشي راح يزيدني سوء لاني اخاف اروح العياده النفسيه احس اني مجنونه اذا رحت وشكرا جزيلا |
رد: دكتور انا تعبانه نفسيا
دكتور قاعده اكتب هل كلام وانا اصيح
ساعدني دكتور انا قاعده اغرق |
رد: دكتور انا تعبانه نفسيا
داومب ع الاذكار
هذي اعراض من الشيطان .. يبي يحزن الانسان ويوسوس به تعوذي من ابليس و تقربي بالعبادات من الله سبحانه وما على قلبج الا العافيه |
رد: دكتور انا تعبانه نفسيا
أسأل الله أن يشفيك ويعافيك من كل بلاء وماأصابك , وعليك أختي القرب من الله سبحانه ومناجاته والشكوى له سبحانه فهو العالم بحالتك وحده والعارف بما لك من خير وصلاح , وحافظي على أذكار الصباح والمساء تسعدي بإذن واحد أحد
اللهم فرج همها وأزل كربها :praying::praying::love080: |
رد: دكتور انا تعبانه نفسيا
انا ابصم بالعشرة انك مافيك شيئ هذي كلها وسوسة وان شاء الله تكوني اقوى منها
صار لي شيئ قريب من هذا وكلة في لاخير تغلبت علية وكانت وسوسة الله يعينك |
رد: دكتور انا تعبانه نفسيا
كل الي فيك وساوس داومي على قراءة القران والأذكار وحافظي على الصلاة وأن شاء الله بتشوفين الي يسرك
واذا كانتي تفعلين معاصي مثل سماع أغاني ... إلخ أتركيها وعسى الله يشفيك وأقرئي سورة البقره داومي عليها وعلى القران الكريم |
رد: دكتور انا تعبانه نفسيا
أسأل الله أن يشفيك ويعافيك من كل بلاء وماأصابك قربي من الله واحسنى الظن فيه راح تزول عن هالواسويس
|
رد: دكتور انا تعبانه نفسيا
السلام عليكم الأخت الفاضلة توتة مريخة آسف للتأخر في الرد لظروف خارجة عن ارادتي يمكنكِ أن تستفيدي كثيرا من حوالي 7 مقاطع تم تسجيلها عن الأمر الذي تعانين منه في قناة شبكة السلامة النفسية وهي بخصوص نوبات الهلع وطريقة علاجها. هي موجودة في هذا القسم من القناة (الأمراض النفسية): وفي هذا القسم (العلاجات النفسية): كما يمكنكِ الاستفادة من الموضوع التالي في شبكة السلامة النفسية: والله الموفق |
رد: دكتور انا تعبانه نفسيا
موفق بإذن الله ... لك مني أجمل تحية .
|
رد: دكتور انا تعبانه نفسيا
الله يشفيك ....~ :106: |
| All times are GMT +3. الوقت الآن حسب توقيت السعودية: 06:30 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام