|
أنا وش يادكتور
مرحبا دكتور
أنا بنت أيام طفولتي أعاني من ضيق بالتفس أذا حد زعلني أو خفت من حد وأغيب عن الوعي وأدخل المستشفى ولما يشوفني الدكتور ينومني وياخذ علي فحوصات ويقول سليمة مافيها شي وأطلع ومعروف كل فترة أتنوم بالمستشفى ومرات كأن الموت بياخذ روحي وتطلع أمي أذا ماكان أبوي موجود للجيران يودوني للمستشفى وعلى هاالموال بس أخر مرة أتنومت بالمستشفى قال الدكتور بنحولها لمستشفى النفسية كنت أسمع أبوي يقول لامي بطلعها على مسؤليتي يقول تاكل علاجه طول العمر <<أبوي ماهو متعلم وكيذا يفكر المهم خفت أن بكرا أصير مجنونة <<كنت طفلة ماأبي حد يعايرني بالي فيني من بعدها ولامرة دخلت المستشفى مع أني تعبانه موت مرات مقدر أتنفس بس أسكت ينكتم نفسي لدرجة أني أتمنى الموت الموهم انا الحين أعاني من معاملة أبوي أحس أني غير عن أخواني وعندي عم أنا مابعرف هو عارف أني أعاني من هالشي أولا كل مايشوفني يقولي نسفية دوم يعايرني بهالكلمة <<مرات أقول أنا أحسن منه خلني أطنش وأنا من داخلي مكسورة حتى قدام بنات عمامي يقولي كيذا أنتي نفسية ومستانسة ع شان أنك حلوه ترا فيه أحلا منك ومن كثر ما يقولها لي صاروا حتى أخواني الصغار يعايروني يقولون نفسية بس أنا علاقتي مع صديقاتي حلوة ومرحة ويحبوني ناس كثير وأسلوبي مع الناس جداً طبيعي ليه أنا كيذا أبوي دخلني تخصصي تربية خاصة وأنا ودي أصير دكتورة نفسية أبدا من نفسي وأبي أساعد الناس الي يعانون مثلي ودي أعرف شخصيتي أكثر بس أبوي ما رد علي بحكم أني مريضة وشلون بتعالج الناس تعبت من دنيتي والله تعبت |
رد: أنا وش يادكتور
ليه مافيه حد رد علي لو يكتب كلمة يجبر بخاطري
الي يمر لايتجاهلني يرد بليز |
رد: أنا وش يادكتور
كل اللي قلتيه شي عادي !
وما قريت في موضوعك شي يدل على انك فيك شي نفسي اقتباس:
تعوذي من الشيطان ولا توسوسين ان شاء الله ما فيك الا العافيه وبالنسبه لـ عمك .. آسفه بس شكله هو النفسي !! |
رد: أنا وش يادكتور
الشئ اللي ممكن أقوله لك انك تتبعي اسلوب يخفف عليك الناس المزعجين
ممكن مثلا تاخذي كلام عمك على شكل مزح و تكملين معاه النكته و تخلينها تصير مجرد نكته حتى بالنسبه له و مع الايام اعتقد ان كل شي بيروح او ممكن تعملي له بالضبط مثل ماعمل لك و بالتالي يحس بشعورك و يوقف عن الازعاج . الشي الثاني اللي احب اذكره لك انك ترى مو الانسانه الوحيده بالعالم اللي تعاني من مضايقات, كل انسان في العالم يعاني منها لكن المفروض ان احنا نتركها. يادوب الواحد يعيش حياتو, ليش نضيع وقت و جهد على اشياء ماتسوى. انت لسى صغيره عيشي حياتك و لا تتركي أي شخص يزعجك. لك مني أجمل تحية . |
رد: أنا وش يادكتور
صدقيني اختي .. مافيك لا نفسيه ولاشيء .. ولا تحتاجين شيء اسمه علاج نفسي ..
كلنا نبكي ونتالم ونحزن ونزعل ونتعب ونمرض واشياء مايعلم فيها غير الله .. كلها تصير معنا اذا احد وخاصه شخص نحبه زعلنا او جرحنا .. عااادي جدا اخذي الامور باأريحيه .. وخففي ع نفسك .. علاقاتك ناحجه ورائعه وتداومين بالجامعه استمري كذا .. وطنشي كلام الناس .. خليهم يكلمون نفسهم .. :) ربي يوووفقككك ياعسل .. اهتميبنفسك وخلي ايمانك بالله قوووي وتذكري كلنا نتعب ونعاني .. مع الف سلامه . |
رد: أنا وش يادكتور
السنة التعجيزية
مشكورة بس مرات أشك بنفسي من هالكلمة الي تكسرني من داخل بس أسكت وأموت لما البنات يناظرون لي ويبتسمون خاتم مشكور نفسي أسلوبي يتغير وأقدر أرد عليه وأجرحه ع شان يحس واحاول أرد بس أول ماأسمع هالكلمة تضيع كلماتي ألي مجهزتهم ع شان أرد أعتباري أنقهر مابعرف أرد والي يقهرني أبتسم أبتسامة ساذجه مقدر أقول ولا كلمة أو أبكي<<حاسة أني ثقلت عليكم بس حبيت أفضفض ع الي كابتني ومعذبني |
رد: أنا وش يادكتور
همي أشيل همك
ياحياتي أنتي والله كلامك درر مشكورة ع الرد الرائع والدعوة الحلوة |
رد: أنا وش يادكتور
[align=right]
الله يفرج همك يأآإرب ~ بس خذيها نصيحه مني ~ اذا انتي بتهتمين لكلام الناس ~ تراتس والله بتتعبين ~ اللي يهتم لقيل وقال يمرض حتى لو انوه صاحي مابوه شي ~ نصيييييييحه طنشي ~ ومثل ماقال اخوي ~ لما يقولون لتس كلام يجرحتس خذيها ع سبيل المزح والتنكيت وسلكي لهم واضحكي وطنشي ~ وصدقييييييييني معاملتهم راح تتغير ~ وانا متأكده انو انتي مافيتس الا العافيه ~ بس انتي حساسه مثلي ~ ترى انا كذا وربي من اقل شي ابكي ولابكيت احس اني مكتووومه ~ وكنو بيغمى علي ~ لكن خلي هالشي يصير بينتس وبين نفستس ~ لاتبينين للناس ~ حتى لو كانت امتس ~ وانتي لاتعطين الشي اللي يصير لتس اهتمام ~ خليه يمر كنوه حدث عادي ~ دعواتي لتس يالغلآ ~ [/align] |
رد: أنا وش يادكتور
كفاية يازمن ياكثر الكلام الي من ورا ظهري بس أطنش لانه شي لو يجرح أخف من الي يقولها لك بالوجه
وقدام الخلق مشكورة أختي بسمع نصيحتك |
رد: أنا وش يادكتور
[align=right]
حياتي انتي ~ الله يفرج همتس ويسعدتس يااارب بالدنيا والاخره ~ انا استأذن هالحين يالغلا ~ بروح للكولج ~ اختباري بيبدأ بعد شوي ~ [/align] |
رد: أنا وش يادكتور
الله يفتحها بوجهك مثل ماجبرتي بخاطري
|
رد: أنا وش يادكتور
[align=right]
حابه اقولتس ~ لو بغيتي اي شي ~ انا موجوده بالخدمه ~ لايردتس الا كيبوردتس ~ [/align] |
رد: أنا وش يادكتور
مشكورة الله يعطيك العافية
|
رد: أنا وش يادكتور
ياقلبي اللي مريتي فيه الكل يجربه عادي الكل يتضايق
اهم شيء لاتشكين بنفسك والله لو نسمع كلام الناس كان مرضنا من زمان خليك أكبر من الكلام اللي يقولونه ولا تلقينهم بآل والله اللي يسمع لكلام الناس مايرتاح ابد ومثل مايقولون مهما سوينا مانقدر نرضيهم وبصراحة أنا اكتشفت بها الدنيا أني مو مجبوره ارضي الناس اهم شيء ارضي نفسي ياقلبي لاتضيعين عمرك وراء كلامهم وتفاهاتهم والله راح تندمين على كل لحظه اشغلتي عقلك فيهم العمر يمضي وماحد يحس فيه اشغلي نفسك بشيء تحبينه بدراستك بأهتمامك بشكلك أهم شيء تبعدين عن كل شيء يضيق خلقك ورووووقي ترا الدنيا ماراح نأخذ منها شيء << والله اقولك هالكلام من تجربة لاتضيعين وقتك ورا ناس مادروا عنك ولا ناس ترفع ضغطك مثل مايقولون ادعسي عليهم وعلى كلامهم << سوري ع الألفاظ بس والله ابيك تقوين قلبك وان شاء الله راح تشوفين اللي أنا مجربته وأن شاء الله ماراح تندمين بالعكس ماحد راح يتجراء عليك لأنك ساحبه عليهم ولا حتى جبتي خبرهم اصلآ كذا راح يحتقرون أنفسهم .. يالغلآ والله أنتي أفضل بكثيييير من بنات عمك إذا هم متميزات عنك بشيء فأنتي متميزة عنهم بأشياء ماتدرين عنها لأن الواحد مايشوف اللي عنده طلبتك يالغلآ خليك واثقه من نفسك وابدآ ابدآآ لاتعتبرين نفسك مريضة لأنك في الحقيقة مافيك شيء ولا وصيك خلي صلتك بربك قوية واقري القرآن وشوووفي وش اتكلم عنه بشررريني عاد وش يصير عليك مع الوقت |
رد: أنا وش يادكتور
مشكورة حبوبة
مرات أقول أنا أجمل منهم وأعقل من سخافاتهم بس غصب عن أفقد ثقتي بنفسي ع العموم بقوي علاقتي بربي وببشرك أذا صرت أمشي وأثقة من نفسي وسكتهم محد يتجرا يتكلم علي يااااااارب متى يجي الوقت الي مافيه حد يقط علي نغزات |
رد: أنا وش يادكتور
لا أبشرك مادمت أنا فاقدة الأمل بنفسي وتغيرت للأقوى مو صعبه عليك بأذن الله وراح تذكرين كلامي
وخليك ببالك أن ماعلى الله شيء قوي وخلي هالعطله خير عليك من أولها ربي يحقق منآك |
رد: أنا وش يادكتور
ياااارب أصير مثلك كلي أمل
والله خففتي علي بكلامك الحلو |
رد: أنا وش يادكتور
اقتباس:
نفسج وربي نفسج تمآمآ .. والمشكله للحين .. ادوخ ويغمى علي ومآخلو مستشفى الا ودوني له وكل آنوآع الفحوصآت وتخطيط وآشعه وكل شي يطريج .. يقوولون سليييييييمه (بغض النظر عن الآشيآء المزمنه ) ونفس الشي كثير من آقآربي مآسكين علي يآآآي يآدلوعه مآتتحمل اي ضيقه واي كلمه ولاتشوفين حآلج ملكة جمآآآل وووو...............} ولآ آخفيج آنه يضآيقني السؤآل .. اذا قآلو ليه يغمى عليج :011: مآني عآرفه سبب وآضح !!! صدق شي متعب .. بس حاولي تنسنيه بعطيج حلول آنآ آسويها يمكن تضبط ويآج : آول شي آجلسي بينج وبين نفسج .. شوفي مصدر الآذى بحيآتج آبعديه وابتعدي عنه .. شوفي مصدر سعآدتج ورآحتج قربيه << مو آشخآص بس كل شي بحيآتج ! تفآدي الموآقف اللي نهايتها تعرفين انج بتتضآيقين .. مثلآآ عمّج آدّي وآجب الرحم سلمي عليه وآسئليه عن آحوآله وآبتعدي عن وجه بالكامل .. آبوج خلي آي آحد يقدر عليه يكلمه .. آخوآنج آمج خآلج آآآآي آحد آسلوبه حلو ومقنع .. عشان يفهم ان بنته سليمه مآفيها شي .. آخر شي وآهم شي .. دآآومي ع الآذكآر واذا آشتد الآمر سورة البقره 3 آيآم .. اذا مثلي يجيج النوم ولا تقدرين تكملين ركبي السمآعآت على آذنج وخليها تشتغل .. والآذكآر حمليها ع الجوآل وشغليها اذا طلعتي للدوآم واذا رجعتي منه .... :119: وغيري برمجة عقلج .. الحيـــآآه حلوه وآسلوب ;) |
رد: أنا وش يادكتور
يلاه الله يكون بعونا
والله ترددت قبل أنزل موضوع عن مشكلتي قلت الي أيده بالنار مومثل الي أيده بالماء البارد بس تجرات وأبداً ماندمت شفت ناس كثير تعاني بس مثلي ماشفت الله يشغلهم بأنفسهم ويرفعنا فوق ويتمنون أنفسهم مثلنا <<يارب متى بتستجيب لي |
رد: أنا وش يادكتور
لا آبد لا تترددين .....
وطهري قلبج منهم ومن حسدهم .. الخلق لهم خالقهم .. وحنآ لنــآآ حيآتنــآآ .. عيشي زي مآتبين =) |
رد: أنا وش يادكتور
مشكورة حبوبة
رفعتي من معنوياتي وأنتي الصادقة الخلق لهم خالقهم وأنا تراني مابدعي عليهم بس أبي أفتك منهم بعيش حياتي بس أبي أعيشها متهنية ما أقول الا الله يعين بس |
رد: أنا وش يادكتور
اقتباس:
آيووووووووووووه هيك تفآئلي .. ^__^ آهم شي وصلت للهدف ورفعت معنويآتج .. فيه حــآجه حلوه تنسيج هذآ كله ... اذا عندج هوايه ولا شغله حرفه آي شي .. دآومي عليها بتستمتعين فيها وبتمشي وقتج بشي مسلي ومفيد .... :119: GooD LucK لآزم آطلع اللحين سيو ياعسل |
رد: أنا وش يادكتور
مشكورة أختي الله يوفقك بدربك
|
رد: أنا وش يادكتور
السلام عليكم الفاضلة الحياة أسلوب لا أستطيع أن أشخص حالتكِ (إن كنتِ مريضة أصلا) من المعلومات المغتضبة المذكورة ولكن أحب أن أشير إلى شيء مهم وهو أن شخصياتنا تختلف من فرد لآخر. وكلمة الشخصية تحوي الكثير من العناصر ومنها ردات فعلنا لما يدور حولنا إضافة لتصرفاتنا وعواطفنا وغيرها من العناصر الأخرى التي لها صفة الديمومة تقريبا والمتوقعة من قبل الآخرين فينا. نظرة الآخرين لكِ بالتأكيد مهمة لأنكِ لا تعيشين بمعزل عنهم ولكن الأهم هو كيف تنظرين أنتِ لنفسكِ. نظرة الآخرين مهمة ولكن يجب أن نحولها لشيء إيجابي بعد أن ندرسها جيدا. فالآخرون مكونون من طيف واسع من المشاعر تجاهنا: فنهم المحب ومنهم الكاره ومنهم الغيران ومنهم الساخر لمجرد السخرية ومنهم من يريد الخير ومنهم من يريد غير ذلك. حاولي أن ترصدي آراء الآخرين (الجادين منهم فقط) بجدية وتكتبينها لديكِ في ورقة ثم تدرسين كم هي نسبة الصح فيها وكم نسبة الخطأ. يمكنكِ القيام بذلك نحو الآخرين كنوع من التمرين لتعلم النقد وتصحيح السلوك. بمعنى آخر, استغلي الآخرين كمرآة ولكن لا تعتمدي عليها كل الاعتماد بل كوسيلة مساعدة فقط. بالفعل, الشخصيات الحساسة تستقبل الأحداث من حولها بشكل مختلف ومنها الدخول في حالة من الوهن تشبه فقدان الوعي ولكن هذا لا يعني أن يتم تشخيصهم مدى الحياة بأنهم مرضى نفسيون. بل يتم تعليمهم أساليب أفضل للتعامل مع الأحداث تجعلهم يستقبلونها بشكل مختلف. أستغرب من عمكِ أن يكرر هذا الكلام لكِ. وأقترح عليكِ أن تناقشيه بشكل جاد لمرة واحدة أو مرتين عن قصده من كلمة (نفسية)؟ ولماذا يكررها لكِ؟ وهل هي عيب فيكِ كما يتصور هو؟ ثم تعبرين له عن انزعاجكِ من هذه الكلمة وتظهرين له أملكِ بأنه لن يكررها حرصا على العلاقة الطيبة بينكما. بعيدا عن كل هذا, انطلقي في حياتكِ الدراسية والعملية والاجتماعية والأسرية وأثبتي للجميع أنكِ قوية بالشكل الكافي لمواجهة الحياة والنجاح فيها مثل الآخرين ولتثبتي أنكِ انسانة منتجة تماما مثل أي شخص طبيعي. مارسي ما تحبينه من هوايات نافعة بدلا من الاستغراق فقط في التفكير فيما يقوله فلان أو علان لأن الكلام لا ينتهي أبدا مهما طال الزمن بالناس. ويمكنكِ أن تلاحظي أن الناس تتكلم حتى في الناجحين في حياتهم. وفقكِ الله |
رد: أنا وش يادكتور
مشكور يادكتور
الله يعطيك العافية |
رد: أنا وش يادكتور
الله يكون بعونك
|
رد: أنا وش يادكتور
مافيك شيء الحمدلله أصلا كتابتك للموضوع وإدراكك له لاتكون إلادليل على منظورك الرائع للمسألة فأنتي ذكية جدا تدركين ماحولك كله وأيضا دليل كــبيـر على بداية الطريق ولله الحمد إلى نهاية وإنتهاء كل مايزعجك من كلمات معتادة تطلق على الناجح بالعادة في سبيل المزاح أو الإزعاج آينشتاين كانوا يقولون عنه معاق عقليا في بداية حياته لانه كان لايتحدث بلغة طليقة وحروفه وكلماته كانت غير مترابطة أومفهومه نيوتن كان يطرد دائما من المدرسة لتشتت انتباهه بالنسبة للدروس فهو لايستسيغها ولايركز فيها تقريبا جميع العلماء العظيمين اللذين غيروا العالم أتهموا بالجنون والغرابة لأنهم مـــمــيــزون وأذكياء يتكلمون ويحسون ويشعرون بما لايدركه الناس الطبيعيون ويسخرون منهم |
رد: أنا وش يادكتور
أنتي ياحلوة وريهم العكس أنجحي وحققي طموحك وأرسمي لنفسك صورة غير الي راسمينها في يالهم و غير نظرتهم كلهم فيك
أنا واثقة من أنك تقدرين ملاحظة ( أنا عندي أخو بالمتوسط همجي في أسلوبة وطريقته وكثير الكلام وما يفهم النظرات و أحنا قصدي كلنا أخوانه نقول عنة مريض نفسي بوجهه بس بعد ما سمعت معاناتك و وش كثر هالكلمة بتعب الواحد أوعدكم ما راح أقولها و راح أعود أخواني ينسونها بعد ) |
رد: أنا وش يادكتور
كهله
مشكورة محمد والله تكتبون كلماتكم وماتدرون شقد تشجعني مشكور أخوي مايا تكفين لا تقولين كلام زي كيذا تقولينها عادي عندك بس مابتعرفي شلون يتعذب لما يسمع زي كيذا |
رد: أنا وش يادكتور
الله يفرج همك
بس هذي اعراض ممكن تكون سحر او عين بما ذكرتني ضيق تننفس حاد وكنكك بتموتين عليك با القرايه والقرب من الله |
رد: أنا وش يادكتور
الله يوفقكـ ويسهل طريقكـ وين ماكنتي يآآرب
محطة النجآح تنتظر قدوومكـ فهل أسرعتي اليها من فضلكـ }......... |
رد: أنا وش يادكتور
ربي يسعدك ويفرج همك ويحقق لك كل الي تتمنية
|
رد: أنا وش يادكتور
السلام عليكم
قسم مافيك الا العافيه لكن شكلك اخذة الحياة بحساسيه واجدة فليها ولو يضحكون عليك او ينكتون ويقول نفسيه عادي اضحكي معهم وخذيه بروح رياضيه وشوفي كيف يتغير الوضع |
رد: أنا وش يادكتور
كـلآآم آختي " كفـآية يـآ زمن .. << صصصح
موفق بإذن الله ... لك مني أجمل تحية . |
رد: أنا وش يادكتور
الله يفرج همك ويسعدك يارب ومثل ماقالولك كلنا بشر وفينا عيوب وحسنااات وعمك هذا انا اشهد انه هو النفسيه سوووري بس انتي لاتردين عليه وطنشي خليك بنفسك ودراااستك وابووك مع الوقت بتتغير نظرته فيك وراح تقولين قالولي في يوووم هو يسوي كذا خااايف عليك مو قصده يحسسك بشي ثاني حبيبتي اسفه على الاطاله وتاكدي اني ادعيلك الله يفرج همك ويسعدك تقبلي مررروري ولا تنسينا من الدعوات الحلوه
|
رد: أنا وش يادكتور
ماساء وصبا ح الخير ,, ياقمر ,,
عارفة ان مرورى مرة متأخر ع الموضوع ,, لكن بما انى مريت احب ان ادلى برئي ,, بعد ما قرءت اللى كتبيتة ,, من رائ الشخصي ما شفت فى ولا حاجة ات خليكى اتقولى انا ايش ,,,, انت عارفة انو انا لمى ازعل ,, مره احص ان الاكسجين اللى بالكرة الارضية انتهى ,, لمى اهدى ,, وهاذى شي عاااادى ,, |
رد: أنا وش يادكتور
يااختىانازوجتي كذا لويحصل خلاف بينى اناوياها تحس بكتمة وضيق واحيان لوكان الزعل كبير اوخافت من شىء يغمى عليها واوديها المستشفى يعطونها اكسجين وترجع البيت عادى سالت دكتور نفسي قال عادى 80%من البنات كذا يعنى لانهم حساسين شوى فيعنى ماعندك شى صدقينى لاتوجعين راسك بالهم والتفكير بعدين في واحد من الربع اذازعل ينكتم لين يالروح الزعل فالناس مختلفين وقت الزعل واحد يدوخ واحد ينكتم وحد يتالم من القولون وحد صداع فتطمنى اخوك مجازف
|
رد: أنا وش يادكتور
حبيبتي الي فيك مرض عادي
وراح يروح اذا شلتي التفكير فيه ان شاء الله وعمك الي يقول هالكلام اكيد يغار منك اذا عنده بنات وانتي احلى منهم او اسمحي لي انه هو المريض والمرض النفسي نفسه نفس اي مرض ثاني ونص العالم مرضان نفسيين وانتي ماراح تصيرين مجنونه ولا شي لاتتوهمين وبس وتقولين عندك صاحبات يحبونك وهذا يكفيك وزيادة ويدل على انك محبوبة يعني كلام عمك تحت جزمتك (بس نصيحه لا تقربين منه ولا عاد تسلمين عليه) لان عقله صغير وواضح انه غير متعلم واخوانك جهال ولازم تتحمليهم وانتي عارفه سوالف الجهال يعني مايدري وش معنى كلامه وانتي مافيك شي يعني كل الي عندك كتمه مع الزعل وهذي عند ناس كثير وعادي تروح مع الايام |
| All times are GMT +3. الوقت الآن حسب توقيت السعودية: 01:28 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام