د/ علي الله يخليك ساعدني

[ms_tender]

السلام عليكم
اخوي الدكتور علي انا زوجي مدخن وتقريبا له سنتين وهو يدخن
ممكن طريقه اخليه يترك الدخان؟؟؟؟؟
ودائما لما اقوله اترك الدخان يتضايق ويقول لاتفاتحيني بالموضوع مرا ثانيه
ان بسراحه ماادري افاتحه مرا ثانيه والا وش اسوي بالضبط؟؟؟

[عيوش]

السلام عليكم ..

آسفه جدا إني راح أتدخل في الموضوع لكن عندي وجهة نظر قد تناسبك وتاخذين فيها ..

عزيزتي الرجل لا ولن يرضى أنه يتقبل الكلام المباشر حتى وإن اقتنع بياخذها انو عزة نفسي و و و

لذلك عليك تلفين وتدورين عليه بدون ماتقولين له بشكل مباشر اترك الدخان ..

مثلا: اذا شفتيه جلس وشكله بيدخن جيبي بخور وبخري البيت والمكان الي هو جالس فيه ..

حاولي كل ماجلستوا سوا بأي مكان ولا بالبيت جيبي معاك فصفص(حب) وخلي معاك كميه كبيره وكولي منه
واعرضي عليه ياكل عشان ينشغل بالحب و شوي شوي يترك الدخان ..

افتحي برامج توعويه عن الدخان اذا دخل او نزلي حلقات من البرامج التوعويه من النت وافتحيها وتفرجي عليها
وحاولي تحطينها بجهازه ..

لكن انتبهي انتبهي من شيئين : 1/ اذا حطيتي المقاطع بجهازه لا تسألينه شفتهم ولا لأ .. سوي نفسك ماتدرين عن شي
ولا كأنك سويتي شي ..
2/خلي اسم المقطع التوعوي (أحب زوجي صاحب الرئه النظيفه) < أو يعني جمله تكون رومانسيه وفيها تلميح حلو له وكل ماتكون رومانسيه أكثر كان لها صدى أقوى ..


ومادام له سنتين بس يدخن هذا معناته انه تعرض لضغوط كبيره خلال هالسنتين حاولي تخلينه يفضفض لك عن الأشياء الي تضايقه ..
وزي ماقلت لك لاتجين بأسلوب صريح وتقولين وش سويت اليوم

لأ لأ لأ لفي ودوري واختاري ألطف الكلام وإياك والأسئله المباشرة فهي تقتل الحوار بين الرجل والمرأه

وفيه نقطه مهمه : حطي حدود له .. قوليله تبغى تدخن اوك هذي حريتك الشخصيه لكن أبنائي ماأبغاهم يشوفونك تدخن ( لو كان فيه أبناء)
و لما توصلني مشوار لصديقاتي وأقاربي ماأبغى يشمون ريحة دخان بملابسي ..
وغرفة نومي وحمامها ماأبغى فيها دخان عندك باقي البيت ..
أو اذا كان يسمع كلامك ومو عنيد ممكن تقولين له ماأبغى دخان داخل البيت كله ..



حبيبتي : هذي الأفكار الي جت ببالي وإياك وأنك تتردين في مساعدته هذا زوجك وحبيب قلبك
خلي مساعدتك له بشكل لطيف ورقيق ودون مايحس بانك تفرضين عليه ترك الدخان ..

شوي شوي وان شاءالله يتركه وعليك بالدعــاء فسهام الليل ماتخطي وباب السماء مفتوح ينتظر دعائك ..

تحياتي لك
:)

[Love Rever]

تعتمد على قوة عزيمته وبس

[ms_tender]

تسلمين عيووش

ع النصائح من جد فادتني

اخوي love rever

يسلمو ع المرور

يارب ابعد زوجي عن التدخين وابعد كل مسلم عنه

[فجر الظهران]

حولي ترسلين له رسائل بالبريد عن ضرار التدخين
وشغلات دينيه بطريقه غير مباشرهـ بس انتي لاتضغطين عليه كثير
لان لازم هو يكون مقتنع ويساعد حاله

[ms_tender]

تسلمين فجور

يعطيك العافيه حبي

وان شاء الله خير

[يـآرب توفـيـقكـ]

حبيبتي بقولك قصه << مطوووله

مرره ابوي شاف ولد صغير يمكن ب18 يدخن المهم جاه ابوي من باب الامر بالمعروف ونصحه وقاله الولد والله انه بلوى مانقدر نخليه << الولد يتعذر بأي شيء :no2:
تدرين وش قاله ابوي ..؟
قال انا اعرف واحد من الشياب له 30 سنه يدخن وجينا مجموعه من الرياجيل ونصحناه يقول والله على طول قط الدخان تحت رجوله وقال << نسيت وش كلمته بالضبط لكن من معناها ابشروا والله ماشربه بعد اليوم
والحمدلله هذا الشايب تاب عنه بلحظات << والله انه كفووووو
المقصود من هذا كله انه مايتطلب منهم شيء بس عـــــــــــــــزيمــــــه والباقي ع ربك
الله يهدي الجميع ان شاء الله

[seme]

موفق بإذن الله ... لك مني أجمل تحية .

[lahfa]

اكتبي له قصص واضرار ومتاعب التدخين

كل شي فيه مضره ارسليهم له

وقولي له انك خايفه ع مصلحته

وربي يبعده عنه