|
طريقه التحويل من جامعه الى اخرى
_ السلام عليكم مساء الخير جميعاً ابي اعرف طريقه التحويل من هالكليه الى كليه اخرى وبتخصص مختلف مع العلم بان الكليه اللي ابي احول لها تابعه لجامعه الدمام يعني ما رحت بعيد راسلت ناس كثير ما احد رد علي عميد القبول والتسجيل ما رد وغيره كثير حتى اني اتصلت على الارقام الموجوده وبعد ما احد رد علي يا ليت يعني هالمره احد يساعدني مليت انزل مواضيع وما القى مين يفيدني يعني |
رد: طريقه التحويل من جامعه الى اخرى
اعتقد انك تبين تربية او اداب لانها تابعة للدمام لكن شوري عليك قبل مايروح عليك الوقت روحي بنفسك لهم لان المراسلات على قولتك ماحد عبرها وكلها مشوار ساعة وكذا وترتاحين وبس
|
رد: طريقه التحويل من جامعه الى اخرى
_ ايه انا ابي الاداب وابي احول تخصص علم اجتماع لكن اروح وين بالضبط , انا ليه ارسل عشان اعرف وين اروح وايش لازم اسوي ! |
رد: طريقه التحويل من جامعه الى اخرى
كيف جامعة تابعة لجامعة الدمام :sm5: مافيه جامعة تابعه لجامعة ثانية فيه كلية تابعه لجامعة ثانية :119: عمومًا اذا تبين تحولين الى كلية تبع جامعة الدمام عليك اكمال فصليين دراسيين وبمعدل لا يقل عن 2 بالاول بعدها تراجعين الجامعة لتحويلك لتخصص آخر لكلية اخرى اما اذا كنتي تقصدين التحويل من جامعة الدمام الى جامعة اخرى كـ جامعة فيصل مثلًا فلكل جامعة اجراءاتها تقدرين تستفسرين بأقسامهم + ينقل للقسم المناسب |
رد: طريقه التحويل من جامعه الى اخرى
_ بس انا سمعت انه اقدر اروح ما ادري وين واطلب تحويل قبل الاختبارات وبكذا احول بنفس المبلغ اللي دفعته قبل وما ادفع غيره ولو كملت فصليين دراسيين وين اروح عشان اطلب تحويل يا ليت توضحين لي اكثر |
رد: طريقه التحويل من جامعه الى اخرى
ما ادري عن الكلام اللي قلتيه ولا قد سمعت فيه من قبل الاجراءات انسحاب وتحويل وغيرها كلها تكون في مبنى 900 |
رد: طريقه التحويل من جامعه الى اخرى
_ ما فيه رقم اتصل عليه او ايميل اراسل اللي بذا المبنى |
رد: طريقه التحويل من جامعه الى اخرى
الا فيه بس انتي تقولين انهم مايردون عليك !! |
رد: طريقه التحويل من جامعه الى اخرى
_ اللي ما يردون الدعم الفني وعميد القبول والتسجيل وما اعرف غيرهم |
رد: طريقه التحويل من جامعه الى اخرى
طيب مبنى 900 اذا بتروحين هناك بتراجعين الدعم الفني |
رد: طريقه التحويل من جامعه الى اخرى
_ يعني انا سجينه هالكليه وهالتخصص للابد ! |
رد: طريقه التحويل من جامعه الى اخرى
ليه للابد ؟؟ سنة وحده صارت للابد ف_ف اذا مره موب قادره تتقبليننه حولي لتخصص ثاني لجامعة ثانية مثل فيصل او عبدالعزيز بس علم اجتماع جامعة الدمام ما انصحك فيه ابدًا |
رد: طريقه التحويل من جامعه الى اخرى
_ ما اقدر فيصل بالاحساء وانا انقبلت فيها قبل بس ابوي قال لا ما فيه تصير اختباراتك بالاحساء قلت له صديقه صديقتي فيها وتختبر هنا بالدمام ما صدقني وتركتها انا ابي اعرف فيه مجال احول كليه ثانيه تابعه لجامعه الدمام عشان ادرس هالترم واسوي تاجيل للترم الثاني بعدين احول لكليه ثانيه اللي ابيها |
رد: طريقه التحويل من جامعه الى اخرى
لا يا امي جامعة فيصل تختبرين بآقرب مركز لك لها مراكز اختبار في كل منطقة بالمملكة وبالمنطقة الوحده اكثر من مركز كمان تعليم عن بعد هي كليتين فقط وبكل كليه تخصصين فقط اول سنة المواد وحده لكل التخصصين لذلك لازم تكملين سنة تأهيلية كاملة بكل الاحوال انتظري بكره الصبح واتصلي عليهم وكرري اتصالاتك لين يردون واستفسري منهم العلم الاكيد عند الدعم الفني :004: |
رد: طريقه التحويل من جامعه الى اخرى
_ يعني الحين لو كملت سنه هنا عادي وبعدين احول كليه الاداب تخصص علم اجتماع عادي ما بيكون فيه فرق بالمواد بعدين ما عندي رقم الدعم الفني عندي الايميل بس ! |
رد: طريقه التحويل من جامعه الى اخرى
في عندنا في الجبيل الصناعية
كلية التربية تبع جامعة الدمام |
رد: طريقه التحويل من جامعه الى اخرى
_ انا كنت بالتربيه وطحت لي على شله بنات يتخدمون فيني ويوم احتجت مساعدتهم سحبوا علي وتركت الجامعه بعدين ما راح ارجع للمكان اللي هم فيه الحين ابي الاداب بس للحين الدعم الفني ما ردوا علي وش فايدتهم ما ادري بس يطنشون |
رد: طريقه التحويل من جامعه الى اخرى
انتي روحي مع ولي أمرك قسم الرجال
في الراكة مبنى 900 وأسأليهم اللي تبغين لان لو تراسلينهم او تكلمينهم ممكن ماراح يردون عليك ... فأحسن لك تروحين لهم فالك التوفيق |
رد: طريقه التحويل من جامعه الى اخرى
_ يا عالم يا هووه ما اقدر ارووووووووووووووووووووووووووووووووووووووووووح لو اقدر كان سجلت انتظام وصرت اداوم زي الناس علموني ايش لازم اسوي عشان احول كليه ثانيه تعليم عن بعد بس تخصص علم اجتماااااااااااااااااااااااااااااااااااااااااااع |
رد: طريقه التحويل من جامعه الى اخرى
التحويل الدآخلي [ بين كليات جامعة الدمام ] شروط التحويل : 1- أن يكون قد أمضى فصلين دراسيين على الأقل في الكلية التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة. 2- أن لا يكون منقطعاً عن الدراسة من الكلية التي يرغب التحويل منها. 3- أن لا يقل معدله التراكمي عن الحد الذي يقرره مجلس الكلية ولا يقل عند التحويل عن (2 من 5). 4- أن يقدم طلب التحويل قبل بدء الفصل الدراسي الذي يرغب التحويل إليه بخمسة أسابيع على الأقل . طريقة التحويل : http://www.ckfu.org/pic4u/uploads/ckfu13337594821.jpg http://www.ckfu.org/pic4u/uploads/ckfu13337594822.jpg http://www.ckfu.org/pic4u/uploads/ckfu13337594823.jpg http://www.ckfu.org/pic4u/uploads/ckfu13337594824.jpg http://www.ckfu.org/pic4u/uploads/ckfu13337594825.jpg |
رد: طريقه التحويل من جامعه الى اخرى
_ 1- أن يكون قد أمضى فصلين دراسيين على الأقل في الكلية التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة. ^هذا الشرط ينطبق علي ولا لا وايش يقصد بالوحدات الدراسيه ؟ ولازم اكمل فصلين دراسين معناه اني ما اقدر اطلب تحويل من الحين للترم الثاني المفروض اكمل سنه كامله وكذا |
رد: طريقه التحويل من جامعه الى اخرى
لازم تكملين ترمين + لازم تخلصين 24 ساعة |
رد: طريقه التحويل من جامعه الى اخرى
_ كيف اعرف اني خلصت ال 24 ساعه والصفحه ذي حقت طلب التحويل الداخلي من وين اروح لها وكيف |
رد: طريقه التحويل من جامعه الى اخرى
ادخلي على البيبول سوفت + احسبي عدد ساعاتك اللي تدرسينها وبتعرفين كم عدد الساعات اللي خلصتيها حاليًا تدرسين 16 ساعة اذا نجحتي فيها كلها وماحملتي شيء ودرستي المستوى الثاني 16 ساعة كمان بتستوفين جزء من شروط التحويل |
رد: طريقه التحويل من جامعه الى اخرى
الحين في المستوى الأول على حسب عدد الساعات مثل مادفعتي عليها تقريباً 17 أو 18 ساعة
هي لازم سمسترين دراسيين .. والتحويل من هنا سجلات الطلاب http://sis.ud.edu.sa:8000/psp/hcs9pr...languageCd=ARA لكن حالياً ماتقدرين تطلبين التحويل من سجلات الطلاب لأن لها وقت محدد |
رد: طريقه التحويل من جامعه الى اخرى
_ اتصلت يقول لازم موافقه الكليه عالتحويل ولما راسلت الدعم الفني قال لا يوجد امكانيه لتغيير التخصص |
رد: طريقه التحويل من جامعه الى اخرى
لانك لسى بالمستوى الاول عزيزتي طبيعي لايمكنك تغيير التخصص بالوقت الحالي هالاجراءات اللي اعطيتك اياها واللي افادك فيها اخوي احساس ماتقدرين تطبقينها لين تخلصين سمسترين بمعدل لايقل عن 2 وبمجموع ساعات لايقل عن 24 ساعة |
رد: طريقه التحويل من جامعه الى اخرى
_ نصرونن اسمعي ذا الدعم الفني يقول تعليم عن بعد ما يغير تخصصه ويقدر يحول انتظام لنفس التخصص يعني انا لو باحول بس انتظام وتخصصي ما يتغير |
رد: طريقه التحويل من جامعه الى اخرى
^
انتهاكه كل اجراءات التحويل ل أنتظام او ل *تخصص ثاني* مابتصير معك قبل تخلصين سنه دراسيه تعوذي من ابليس خيتي و حاولي تشدين حيلك وجيبي معدل حلو يحولك موفقه |
رد: طريقه التحويل من جامعه الى اخرى
_ انتوا ليه ما تفهموني الدعم الفني قال ما اقدر احول لتخصص ثاني ولا لكليه ثانيه واني اقدر احول بس انتظام لنفس التخصص |
رد: طريقه التحويل من جامعه الى اخرى
إذا بتمشين على كلامهم بدون ماتتأكدين بنفسك او على الاقل واحد من اخوانك يروح يتأكد
ف أنسحبي انتهاكه وقدمي الترم الثاني بفيصل *سمعت نظامهم أترام * < تأكدي من هاذي بعد أبوك اقنعيه لو تفتحين له موقع جامعه فيصل وتخلينه يتأكد انك تقدرين تختبرين ب أي مكان قريب لك الله يسهل لك |
رد: طريقه التحويل من جامعه الى اخرى
_ ما احد بيروح مكان عشاني ولا شيء حاولت كثير والدعم الفني قال ما فيه الا انك تفصلين وترجعين تسجلين من جديد خلص بافصل وانثبر بالبيت لاني مو قاعده على بنك كل سنه بجامعه وكل سنه ادفع |
رد: طريقه التحويل من جامعه الى اخرى
لا يلعب عليك حق الدعم اذا فصلتي خسرتي مقعدك بجامعة الدمام :119:
* كلام مسؤول بالجامعة :119: |
رد: طريقه التحويل من جامعه الى اخرى
بالانتظام لازم تمر سنة او سنتين بعدين ترجعين تسجلين اما التعليم عن بعد كل اللي قاله تخسرين مقعدك اذا انسحبتي بس استخيري وسوي تأجيل للترم افضل لك |
رد: طريقه التحويل من جامعه الى اخرى
_ وش استفيد اذا سويت تاجيل هالتخصص فيني فيني ما راح اقدر اغيره |
| All times are GMT +3. الوقت الآن حسب توقيت السعودية: 02:44 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام