ملتقى طلاب وطالبات جامعة الملك فيصل,جامعة الدمام - موضوع اكاديمي عام طالبات جامعة الدمام عن بعد تعالو هنا..

صفحة 2 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى التعليم عن بعد جامعة الإمام عبدالرحمن (الدمام) (https://vb.ckfu.org/f297)

- - [ موضوع اكاديمي عام] : طالبات جامعة الدمام عن بعد تعالو هنا.. (https://vb.ckfu.org/t603061.html)

Bnt3lnoor

2014- 7- 23 02:25 AM

رد: طالبات جامعة الدمام عن بعد تعالو هنا..

اي تطمني من هالناحيه وحطيتا ع قولتهم حلق باذانيك
تري المعلمين متساهلين ويحبون الي مهتم بالماده يعني اذا طافك واجب او اختبار دقي عليه
او ارسلي ايميل او حتي رساله بالمناقشات بالبلاك بورد ويعيده لك

انا اذكر طافني اختبار انجليزي وعاده وبعد الاعاده طافتني ودرجاتي حلوه
كلمت الدكتوره بنفسي وعادته لي

ادرسي اول باول وصدقيني بتنجحين بمعدل فوق٣

الدراسه والمنهج مو صعب واصلا الصعب بالدراسه والمتابعه يسهل

فالكم التوفيق جنيعا

mashail12

2014- 7- 24 12:35 AM

رد: طالبات جامعة الدمام عن بعد تعالو هنا..

اقتباس:

المشاركة الأصلية كتبت بواسطة عطر المعاني (المشاركة 11243358)

والله انا مثلج محتاره ><
ابي جامعة الدمام علشان مسمى عن بعد وعلشان لو حبيت احول انتضام
وفي نفس الوقت خايفه من صعوبة الدراسه فيها من خلال ما قريت عنها
وودي جامعة فيصل لان حسب ما سمعت فيه نجاح بنسب عاليه :biggrin::biggrin:

والحين خير شر ودي اسحب على التعليم عن بعد وانتضر للترم الثاني
كل يوم اوقف على راي محتاره :000:
اسال الله الهدايه والسداد الله يوفقك ويوفقنا :love080:

أيه فاهمه عليك :sm1:
بس هل هي بهالصعوبه ان النجاح فيها صعب ولا بس تخويف

أفضل شئ انك تستخيرين :rose: وربي ان شالله بيسهل لك أمرك
أمين يارب :love080:

ALansari.92

2014- 7- 24 02:40 AM

رد: طالبات جامعة الدمام عن بعد تعالو هنا..

انا بنسبه لي كنت بفيصل ومافهمت فيها شي وطلعت

ودرست سنتين دبلوم وقلت ابي اكمل

وسجلت بالالكترونيه والدمام وعبدالعزيز

وانقبلت ب 3 بس اخترت الدمام اطقطق بالبدايه بس ماتوقعت اني ارتاح فيها والحمد لله

Reine

2014- 7- 24 04:12 AM

رد: طالبات جامعة الدمام عن بعد تعالو هنا..

اقتباس:

المشاركة الأصلية كتبت بواسطة عطر المعاني (المشاركة 11242485)

مبروك القبول لجميع المقبولين عن بعد

وحابه أسألكم ليه اخترتو الدراسه في جامعة الدمام عن بعد ؟؟

ليه ما اخترتوا جامعة فيصل ؟؟

عني انا عشان هدفي اجتهد ان شاء الله واحول انتضام ؟

وانتو علموني ليش خلينا نحمس بعضنا :biggrin:

مثلي هدفي اني اجتهد و احول انتظام و ان ششالله نشوف بعض هناك ..

دحووم 900

2014- 7- 24 05:49 PM

رد: طالبات جامعة الدمام عن بعد تعالو هنا..

مافي شي اسمه صعب
ذاكري الملخصات وتابعي المحاضرات وحلي الواجبات وبتكون موجوده بالمنتدى
وبتنجحين
فيه مواد حفظ احفظيها ومواد فهم شدي حيلك فيهم
وبالتوفيق لكم يارب

مـدمـوزيل أمـانـي ♡

2014- 7- 24 06:02 PM

رد: طالبات جامعة الدمام عن بعد تعالو هنا..

صادق دحوم الشخص بنفسه يخلي كل شي صعب وبنفسه يخلي كل شي سهل

mashail12

2014- 7- 26 04:39 AM

رد: طالبات جامعة الدمام عن بعد تعالو هنا..

اقتباس:

المشاركة الأصلية كتبت بواسطة دحووم 900 (المشاركة 11244543)

بهالشي معك حق

امين يارب وللجميع ان شالله :icon19:

عطر المعاني

2014- 7- 26 08:51 AM

رد: طالبات جامعة الدمام عن بعد تعالو هنا..

انا ما احاتي الا الرياضيات
خريجة ادبي منزمان مريحه الدماغ منه ومن معادلاته
ماتدرون شلون المنهج حلو او صعب @@

إحسـاس

2014- 7- 26 11:48 AM

رد: طالبات جامعة الدمام عن بعد تعالو هنا..

الرياضيات أعتبري نفسك أول مرة تدرسيه

وخليك متابعة للمحاضرات المسجلة أول بأول

وحلي التمارين على شان تتعودين عليها

وإن شاء الله تتسهل عليك المادة

All times are GMT +3. الوقت الآن حسب توقيت السعودية: 07:24 PM.

صفحة 2 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه