جامعة الدمام , عندما يتحمل الطالب نتائج القرارات العشوائية

[صَعب]

بصراحه مدري شقول ؟!!! ... أنا واحد من الناس اللي مرت علي شغلات كثير مثل كذا بحكم عملي وآخرها كان خبر صحفي خاص بقسمنا نزل في جريدة اليوم والحمد لله كان فيه حلول من الجامعة ومواعيد لحل المشاكل رغم انه المواعيد كانت مطاطية شوي يعني قالو بعد اسبوع أخذت عشرايام وزيادة ممكن بس في الاخير كان فيه حل والحمد لله ,,,
اللي ابغا اقوله انه ي جماعة من حقكم تتذمرو وتتشكو وتقولو كل اللي في خاطركم وهذا من حقكم ولكن يكون في حدود الأدب والاحترام وبشكل هادف واللي أشوفة ان الكل يتمتع باخلاق عالية ومهذبة ولكن الخوف انه يطلع الحوار عن هذا الإطار وينتقل لمرحلة التجريح ,, الجامعة مثلها مثل أي جهه حكومية لا تخلو من المشاكل والضغوط وفي نفس الوقت ما ننسى انها كيان كبير و لديها الامكانيات والقدرات يفترض بها ان تكون لديها خطط محدده وواضحة ومدروسة المفروض انها تمشي عليها ,,, م فيه مشكله نتذمر نتشكا لكن وبعدين ؟! , هل الشي ذا راح يحل مشاكلنا ؟! ,,,
نصيحتي لكم حل من إثنين , الحل الاول إما انكم تروحوا الجامعة وتكون مواجهتكم معاهم مباشرة تنقلو من خلالها كل المواضيع اللي طرحتوها وكل المسائل اللي فيها لبس أو متوافقه لما وضعته الجامعة من شروط ولم يتم تنفيذها او العمل بها مثل إستيفائكم للشروط وهكذا ,,, تناقشوا مع الجامعة اقل شي يقنعونكم ويفهمونكم ايش الحاصل واذا ما اقتنعتم هذاك الوقت لكم الإختيار بما تشاؤون .
الحل الثاني اذا كان رضيتوا بما انقسم لكم فعليكم الدعاء لله أن يعوضكم خيراً فيما ضاع منكم وأن تركزو على مستقبلكم القادم وأن لا تراوحو مكانكم وتندبو حظكم العاثر,,, اسأل الله عز وجل أن يعوضكم ما فاتكم بما هو خير منه وأن وأن يجزيكم على صبركم الدرجات العليا في الدنيا وفي الآخرة ....

الخلاصة : أن الحلول لا تأتي من نفسها لا بد أن تجد من يبحث عنها

[Nwyf AL.subaie]

رداً على اخوي / صعب انساك
وليس معارضاً على ما قاله ..
صحيح فيه مشاكل واجهتنا ومثل ما قلت بعد المماطله تنحل
لكن قضيتنا الحاليه الكل قاعد يرمينا فيها على الثاني
لين اعطونا اسباب وهميه بلا مبرر مقنع لها

هذي هي اخر الحلول لنا
حتى وان كانت بلا فائده عظيمه تذكر ..
يكفي انها اصبحت متنفس لنا

عن نفسي واعتقد الكثير مر في "الحل الاول" اللي ذكرته
اغلبنا راح الجامعه
واغلبنا سأل , والاجوبه ماكانت مقنعه جداً
ويمكن 4 مرات راح ابوي .. وكل ماطلب مقابلة العميد قالوا ماهو موجود
ويتكلم مع اللي يحصله منهم وغالبا اما "عثمان العويد" او "عبدالعزيز الفهيد"
طيب ولنفرض بحسن نيه عنده اجتماعات
مو ع الاقل ينزلون توضيح كامل باسم الجامعه
في اي ملتقى للجامعه
او عبر البريد
او رسائل الجوال
او ان شاء الله بجريده !!

اذا بتقول اللي له حق بياخذه
اي لنا حق ..
لكن تعرف كيف ممكن ناخذه !!!
" هذي هي النقطة اللي الكل يبحث عنها "

[♧ ραяis]

صعب انساك
ترا حنا محترمين نفوسنا والي نكتبه فيض من غيض
واذا دعينا عليهم هذا شي طبيعي و مو حرام حتي الرسول صلي الله وعليه وسلم يقول فيما معناه
"اتقوا دعوة المظلوم وإن كان كافرا فإنه ليس دونها حجاب"
يعني الدعاء ع الظالم مباح

بس شكوتك ع الي لسانها وش طوله وش دخلها بالموضوع يوم تدافع عن الجامعه
يقولك اهل الميت صبرو والمعزيه كفرو ..

عموما الله يجزاك خير لك وقفات مشرفه معانا

[AL-shahd]

الله يوفقكم جميعاً وييسر اموركم يااارب ونصيحه الي معدلها اربعه او قريب بالمره من الاربعه وماجاها مسج من الجامعه بقبولها تتاكد لان للأسف انا ماوصلني المسج ولما رحت اتاكد لقيت اسمي ولله الحمد فحبيت انبهكم لان تقريبا 6او7 مش حاضرين واكيد منهم المنسحبين او بعد المقبولين الي مااوصلتهم المسجات والي تبيني اسأل عن اسمها انا ماعندي مانع ترسله على الخاص والي اقدراساعدكم فيه بسويه لان ورب الكون شي يقهر وحاسه فيكم والله بس الي فيه الخير بيصير ان شاءالله (وعسى ان تكرهوا شيئاً وهو خيرٌلكم) وياارب يكون لكم قبول مكان المنسحبين وبالتوفيق لكم جمياً والله ييسر اموركم