قبل ظهور النتائج .. كلمة قصيرة لحبايبنا

[إحسـاس]

النتائج قريبة إن شاء الله إحتمال الساعات القادمة أو الأيام القادمة

حبيت مع قرب النتائج أقول كلمة لحبايبنا في الملتقى
وخاصة في ملتقى التعليم عن بعد بجامعة الدمام

اللي يحمل مادة ولا مادتين ماهو نهاية المطاف ولا طلع من الجامعة
هو مواصل معنا وبياخذ نفس المواد تنقص أو تزيد بمقدوره
والإنسان يسوي اللي عليه ويبذل كل مجهوده ..
ومانحط كل المسئولية على دكتور المقرر .. حتى حنا عندنا تقصير في المذاكرة
أو إهمال الواجبات والمناقشات ..
البعض عدى مستوى أو مستويين ... الحمد لله ..
وحنا بداية دفعة الجامعة .. ماننكر أخطاء الجامعة .. ولا بعض الأمور اللي تضايقنا في الدراسة أو المقررات أو الأنظمة .. بس خلاص حنا دخلنا ونحاول نتحمل بإذن الله

تكفون أتركوا تجريح والكلام المسئ للدكاترة والدعوه عليهم والسب واللعن
مهما كانوا هم بشر مثلنا ..

يعني مثل كلمة حسبي الله عليه و الله لا يوفقه
إيش موقف الدكتور بعد قرايته هالكلام

أكيد أذا قرأ الدكتور الكلام يتأثر ..
ولو ودك تحس فيها تخيل نفسك أستاذ وتقرأ كلام يسئ لك
أو طلاب يدعون عليك .. والله تأثر في القلب كثير

وعلى العكس لو قرأ الدكتور كلمة شكر كيف بتكون فرحته ..

والله أيام الأختبارات أسولف مع بعض الدكاترة إنهم يدخلون الملتقى ويقرون كل مايكتب عنهم .. ومتذمرين لو أحد تكلم على زميلهم الدكتور الثاني ..
وماهو بس الدكاترة حتى الإدارة يدخلون ويتابعون الأحداث كلها من الطلاب ..
يمكن في أشياء ماأقدر أقولها أو أكثر عليكم بالكلام ..

لكن الطالب أو الطالبة يسعى للخير سواء نجحنا أو رسبنا في أي مادة
سواء كانت درجاتنا ناقصة أو زايدة ..

بعد مانشوف النتايج إن شاء الله إيميلات الدكاترة وأرقامهم كلها موجودة في موقع الجامعة .. ندخل ونرسل لهم سواء كنا مظلومين أو مستانسين ..

وسعوا صدوركم .. وتفائلوا بالخير .. وأحمدوا الله أولاً وأخيراً على الحال ...
يمكن حنا أحسن من غيرنا في بعض الجامعات ..

أخوكم ومحبكم

عادل الذرمان

[أبو احمد]

أحسنت اخوي عادل ..

لازم نكون على قد المسؤولية و ناضجين ..

و ان لا نختبىء وراء الكيبورد و الأسماء المستعارة .. و نكتب ما يحلو لنا .

لنا اخلاق تراقبنا قبل أن يراقبنا الله ..و الآخرين

واذا اكو احد له حق بياخذه ..

تحياتي للجميع ..

[بنت الجبيل~]

تسلم اخوي عاادل

وكلامك منطقي

والله يوفق الجمييع ياارب

وكل وااحد ماياخذ الا بقدر مجهوده

[اوكسجين الشرق]

المشاركة الأصلية كتبت بواسطة إحساس الشرقية

ا

أكيد أذا قرأ الدكتور الكلام يتأثر ..
ولو ودك تحس فيها تخيل نفسك أستاذ وتقرأ كلام يسئ لك
أو طلاب يدعون عليك .. والله تأثر في القلب كثير

وعلى العكس لو قرأ الدكتور كلمة شكر كيف بتكون فرحته ..

انا ضد الدعوة ضد اي مسلم

لكن اسمح لي بالقول بأن احساسك في غير محله وكلامك غير منطقي
الجامعه ياعزيزي ماوجدت الا للطالب وليست للدكتور وعنجهيته واحاسيسه المرهفه التي صورتها بمقطعك النص التراجيدي
الطالب هو اللبنه الاولى للجامعه .. فاعلم بان الجامعه ببناءها وعمرانها وادارتها وجميع دكاترها ومنسوبيها قائمه لاجل الطالب وللطالب فقط....
اما مسألة الكلمه الحلوه للدكتور .. فــ لا والف لا ان لم يكن أهل لها
الى متى وانتم تسعون للمجاملات الكذابه والتلون بالطباع والافعال المصطنعه
ياخي كلمة الحق تنقال . الجيد نشد بيده والسئ نعترف بأنه سئ
لماذا الجبن . لماذا الصورة الضبابيه التي لاتعبر عما بدواخلنا

اما كلمتك (اذا قرا كلمة شكر بيفرح) فهذي بصراحه محتاجه لدراسه خاصه وللاسف لم اتوصل بعلمي الى هذه المرحله
احترم نفسك عزيزي و شمها عن كل هفوه مع جميع الفئات من البشر بكافة دراجاتها كي يحترمك الاخرين

وكن على ثقه كبيره بنفسك وتعزيز ذاتك

لاتمسح ردي بصفتك مشرف فهذي وجهة نظري الخاصه

[صَعب]

اللّہ يعطيك العافيه اخوي احساس وموضوعك جيد صراحه ،،
بصراحه من زمان ونا اتكلم في الموضوع ذا ولكن لـ الأسَف الكثير من ردودي انحذفت خخخخ ،، م علينا حكم القوي ع الضعيف
الكل يعلم ان فيه تقصير من انفسنا هذا م فيه شك ولكن الأكيد بعد ان فيه تقصير من الجامعه في اشياء كثير الكل يعلمها من نظام وتقصير في التواصل ونقص المعلومات والتوجيه ............ إلخ ْ. وبالتالي كل الضغوطات ذي راح تنعكس ع الطالب ونفسيته ،، فلا تلوم الطالب ي اخي ع ردود فعله ولكن يفترض ان تلوم الجامعه والمتمثله في واجهتها الا وهم الاساتذه الأفاضل بمعنى الجامعه تضغط الاستاذ والاستاذ يضغط الطالب ؟!!،،، ي اخي المفروض الجامعه م تخلي اي ثغره للطالب يتعذر فيها ابداً وان تبذل جهود اكثر ،، واقسم بّ اللّہ ي اخ عادل لو ان الجامعه بس اهتمت بالرد ع استفسارات الطلاب واخذت بعين الاعتبار مشاكلهم م وجودو عذر عليها وحتئ المقصر راح يعرف ان الخلل منه وراح يركز ع نفسه ،، ي اخي حتى النتايج م فيه احد يعرف متى راح تطلع كل واحد يفتي من راسه ،، التنظيم أساس اي عمل وللاسف الجامعه تفتقد هذا الشيئ ،، ي اخي ليش نمدح وحنا للحين م انرصدت لنا درجة اعمال السنه لمقرر الصحه فما بالك الاختبارات ،،، الطالب بشر ويفرحه م يفرح الاستاذ ليش بس نحط همنا اننا نفرح الاستاذ ونحنا مضغوطين ومرتفع ضغطنا ؟! ،، ي اخي يحسو فينا وبعدين نحس فيهم احنا اولى بالرعايه منهم لان في النهايه احنا مخرجات العمليه التعليميه والحلقه الاهم فيها ،،، ي اخي فيه ناس ارسلت رسايل من اربع وخمس ايام م لقو من يعبرهم ويرد عليهم ؟؟!! ،، تبي نفسيتهم تصير طيبه واخلاقهم عاليه ؟؟!!،، اعطيني سبب واحد بس م يخليهم يردو ع طالب اربع وخمس ايام ويمكن بعد م يردو ؟؟؟؟؟؟؟؟؟؟!!!!!!!!!!!!!!. للاسف ان اغلبهم موجودين في الملتقى وعلى راسهم الدكتور سعد يعني مفروض يكونو ع اطلاع وعلم بمشاكل الطلاب والمفروض يحاولو يهدوهم ويطمنونهم ويتواصلو معاهم مو يتهربون من الرد ع الطلاب مثل م قالولك خوفاً من ردود بعض الطلاب لان وجود الاستاذ والاداره بحد ذاته راح يخفف من كل ذا الاحتقان اللي حاصل وراح يمنعهم الحيا اقل شي من انهم يقولو شي في حقهم حتى الدعوات راح تنقلب لصالحهم مو ضدهم والشي ذا مجرب مع الاستاذ بلال في قسمنا !!.

اسف ع الاطاله

[بسمة صبر]

اوكسجين الشرق

صح لسانك

[غمآم]

شي مضحك
ان الجامعه فيها تخصص ادارة اعمال ويدرسونياه
وهم مو قادرين ينظمون ويديرون اعمالهم


وبنسبه للدكتور سعد العمري
قريت هنا في الملتقى انه ما عاد العميد للتعلم عن بعد في جامعتنا
وطبعا محد يعرف اذا كان ذا الكلام صحيح فعلا او لا

لان محد من ادارة الجامعه صرح وعمم على الطلاب ذا الكلام

فلو كان الكلام صحيح انو د.سعد
ما صار العميد حقنا
ومحد بلغنا
فذا الشي اكبر دليل على الخلل الي حاصل بالجامعه


حنى كـ طلاب عارفين انو المشاكل مو الدكاتره
كلنا نعرف انو المشاكل من الجامعه

فبما انو ما نقدر نوصل مشاكلنا والصعوبات الي تواجهنا للاداره في الجامعه ومحد يعطينا وجه
مضطرين اسفين طبعاً اننا نوصله بالطرق المتوفره
الي هم الدكاتره طبعاً

طبعاً احنى مو مبسوطين بالوضع لاكن مجبورين اننا نتصرف كذا
لين ما تنحل مشاكلنا
وهذا هو الحل الوحيد


اخر الكلام
احب اوجه حديث الرسول الكريم للجامعه الموقره

قال الرسول صلى الله عليه وسلم "من عمل منكم عملاً فليتقنه "

[جنون 1]

مشاء الله والالسنه

[foooz88]

جزاكم الله خيرا جميعا ....طبعا اختلاف الاراء لا يفسد للود قضيه ...كلا منكم على صواب الاخ احساس الشرقيه كلامك كله تمام ولا غبار عليه ,الله يعطيك العافيه ,والاخوه s3b ansak و اوكسجين الشرق كلامكم صحيح وكله اللي قلتوه صح ...لاكن لابد من التسامح والتحلي بالأخلاق حتى عند ذكر المساوئ لأنه لايجوز التجريح او الدعاء على مسلم .

[البرنسيسية]

[align=justify][/align]
أشكرك ااخوياا عاادل
من جد اناا من زماان ودي اافتح هذاا الموضوع بس كنت خاايفه من الردود من بعض الزملاء
لانو من جد هالدكتور هو انساان مثلناا وله ااحساس مثل انتاا لك ااحسااس
لاكن اناا من وجهت نظري انو الانساان ااكثر شيء يجرحه هو الكلام
واناا مساامحه الجامعه على بعض التقصير الي نحناا وجهناااه
وبساامح كل دكتور وكماان كل شخص موجود به المنتدى

التسامح هو أن تري نور الله في كل من حولك مهما يكن سلوكهم معك.

وهو أقوى علاج علي الإطلاق.

القرار بعدم التسامح هو قرار المعاناة ،

كما أن قوة الحب والتسامح في حياتنا يمكن أن تصنع المعجزات


وأخيرا تذكر أن الصفح عن الآخرين هو أول خطوة للصفح عن أنفسنا ،

وأنه يمكننا أن نتسامح مع الآخر حينما فقط نتخلى عن اعتقادنا بأننا ضحايا .


** إذا بلغك عن أخيك شيء تكرهه, فالتمس له العذر .

** من عاشر الناس بالمسامحه , زاد استمتاعه بهم.

** الحياة أقصر من أن نقضيها في تسجيل الاخطاء التي يرتكبها غيرن

ا في حقنا أو في تغذية روح العداء بين الناس.


** إذا قابلت الإساءة بالإساءة فمتى تنتهي الاساءة ؟.


** في سعيك للانتقام أحفر قبرين... أحدهم لنفسك.

** سامح دائماً أعدائك... فلا شئ يضايقهم أكثر من ذلك.

* سامح أعدائك لكن لا تنسى أسمائهم.

** النفوس الكبيرة وحدها تعرف كيف تسامح.

وااخيراا تحيااتي لكم
البرنسيسية