|
تدريب خريجات علم الاحياء والنبات بالمستشفيات
الكل يعرف ان قسم الاحياء الدقيقو والنبات في آخر المفاضلة التعليمية هذا اذا ماكان خارجها اصلاً
بالاضافة انه لا يُعد به بدون الدبلوم التربوي اللي يتقدم له مئات الآلاف بينما المقبولات بحدود 100 فقط! يعني الآن المجال الاخير والاقرب لنا هي المختبرات الطبية أو فني مختبر .. انا قدمت على مستشفيين حكوميين وكلهم وافقوا لكن اشترطوا شهادة التصنيف الطبية اللي ما اقدر اخذها الا بعد تدريب 6 شهور او سنة .. ولما توجهت لهيئة التخصصات رفضت تعطيني ولما توجهت للمستشفى قال بما انو متخرجة يعني مالي جهة رسمية تطلب تدريبي فرفضوا! يفترض جامعة الدمام تعمل لطالبات قسم الاحياء الدقيقة نفس جامعة سعود وعبدالعزيز يعطونهم خطابات تدريب في المستشفيات عشان نشوف مستقبلنا بوزارة الصحة! في اي وحدة نفس حالتي؟ انا توي متخرجة في مجال يعطوني خطاب تدريب ولا مافي امل طيب لو رحت للمديرية الشؤون الصحية يعطوني خطاب ولا لا |
رد: تدريب خريجات علم الاحياء والنبات بالمستشفيات
حالك من حالي
هذا المفروض من جد نبي أحد يدلنا وش السواة ؟ تخصصنا فعلا جيد ليه يخلونا نتوه اتمنى اسمع جواب يرضينا ويوجهنا للمكان اللي بنتوظف فيه |
رد: تدريب خريجات علم الاحياء والنبات بالمستشفيات
كووويس شي مبشر بالخير
|
رد: تدريب خريجات علم الاحياء والنبات بالمستشفيات
أنا مثلكم ضايعه ودي ف المستشفى لكن كل شي معقد
|
رد: تدريب خريجات علم الاحياء والنبات بالمستشفيات
نبي حل
|
رد: تدريب خريجات علم الاحياء والنبات بالمستشفيات
اللي تخصصها احياء دقيقة فقط يمديها تطلب تدريب سنة وتختبر
لكن اللي تخصصها احياء دقيقة ونبات مايمديها < على حسب كلام الموظف اللي قابلته في هيئة التخصصات الطبية في الخبر وعلى حد علمي فيه برامج تقدمها المستشفيات لخريجين الاحياء الدقيقة بليز بنات خلونا نساعد بعض ونبحث عن هالبرامج التدريبيية لانو انقهرت فاتني تدريب تقنية مختبرات طبية في الرياض \ وكانوا طالبين خريجين احياء دقيقة وكيمياء حيوية صار التقديم بسرعة ومادريت عنه |
رد: تدريب خريجات علم الاحياء والنبات بالمستشفيات
جد في تدريب ؟ ياليت بس كيف نعرف عنه ومتى يعلنون
|
رد: تدريب خريجات علم الاحياء والنبات بالمستشفيات
^
ايه فيه برامج تدريبية تقبل خريجين الاحياء ويدربونهم مدة ثم ياخذون التصنيف بشكل رسمي من هيئة التخصصات الطبية .. ويتم تصنيفهم اما فني او اخصائي على حسب البرنامج من أهم البرامج التدريبية تبع مستشفيات الحرس الوطني: تقنية المختبرات الطبية، سحب الدم، و غرف بنك الدم .. والشروط هي معدل 3.5 من 5 ولغة انجليزية التخصص كيمياء حيوية واحياء دقيقة وبعض السنوات طلبوا علم الحيوان وهذا PDF بأهم البرامج التدريبية المعتمدة من هيئة التخصصات الطبية http://www.scfhs.org.sa/CME-ADRP/ADR...والتأهيلية.pdf |
رد: تدريب خريجات علم الاحياء والنبات بالمستشفيات
مره شكرا نورا
طيب يعني احنا علم نبات واحياء دقيقه يمدينا او لاء ؟؟ مع الشروط طبعا وكيف نقدم على هالدورات ومتى لا هنتي ؟؟ |
رد: تدريب خريجات علم الاحياء والنبات بالمستشفيات
ايه يمدينا .. متى والله ما ادري .. انا اشيك على موقعهم يوميا
ومن اشوف الاعلان بنبهكم هنا ان شاء الله وانتو بعد شدوا الهمة وابحثوا عن البرامج التدريبية لعل وعسى (= |
| All times are GMT +3. الوقت الآن حسب توقيت السعودية: 11:53 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه