|
تفاصيل مقابلتي اليوم بجامعه الدمام لدبلوم التربيه
السلام عليكم ورحمه الله وبركاته
**احرصي على الحضور مبكرررا من ثمان لان العدد في كل يوم ستين طالبه انا جيت تسع ونص ورقمي بالاربعينات **الوقت ماكفى لدرجه ان 13 بنت اجلوا مقابلتهم بكرا **جوال الكام مسموح ولحد يفتش اصلا بس لاتطلعينه قدام الامن **الاوراق مهممممم تجيبين صور من كل شي وثيقه والسجل والاثبات **مكانهم جنب الكافتيريا حقت العلوم في مبنى صغير مكتوب عليه من برا مقابلات المرشحات **المقابله مع ثلاث دكتورات **اللبس والهندام مهم وعليه تقييم احرصي على عدم لبس العبايه عادي تنوره لون غامق ومو لازم طويله يعني ميدي عادي لحد يتحمس ويفتح شعره ولاكيرلي خليك بسيطه سويه بوني تيل او بن المكياج خفيف قد ماتقدرين بدون عدسات والوان صارخه خخخخخخ لحد يلبس كعب بليززز **الأسئله تختلف من شخص لاخر من ضمنها عرفي عن نفسي>>>ضروري هالسوال اسمك وعمرك وتخصصك وجامعتك وحالتك الاجتماعيه وميولك بس باختصار وش سويتي عقب التخرج وش هدفك من الدبلوم اخر كتاب قريتيه وش استفدتي من دراستك اخر خبر محلي او دولي سمعتيه دولي>>سحب سفراء من قطر او مجلس الدول العربيه بالقاهره او تفجر طائره ماليزيه محلي>>اقامه معرض الكتاب بالرياض او الداخلية: لا صحة بالسماح للفتيات الاطلاع على معلومات طالبي الزواج منهن او الإسكان: الحصول على المسكن خلال 7 أشهر لمن تقدم عبر «البوابة الإلكترونية» لو كنتي مدرسه بيقول لك القي علينا درس >> يعطونك بس كم دقيقه يشوفون اسلوبك بيقولون لك عطينا مشكله واوجدي حل لها ممكن يعطونك ظاهره ورايك فيها الطلاق او البويات او اي ظاهره في بالهم عاد انتي جهزي ردي اوافق والاسباب واعارض والاسباب خليها اجابات عامه **عند الدخول صافحي الدكتورات وخليك مبتسمه ظهرك خليه مشدود لاتحطين رجل على رجل واحرصي على انك تحطين عينك بعين الدكتوره **الوقت يختلف من بنت لاخرى من دقيقتين الى سبعه يمكن **لاتتكلمين في شي ماتعرفينه وتتفلسفين واجدددد لان بيسالونك خلي اجابتك متوسطه لاقصيره ولاطويله موفقاااات حبااااايبي ودعواتكم لي بتسهيل اموري |
رد: تفاصيل مقابلتي اليوم بجامعه الدمام لدبلوم التربيه
خريجة انتي مدرسة ؟؟؟؟؟؟
|
رد: تفاصيل مقابلتي اليوم بجامعه الدمام لدبلوم التربيه
ماشاءالله.. الله يسعدك تسلمين على المعلومات المفيده :love080:
مشكله ولها حل وش اخترع لهم مشكله وحل هههههه مافهمت هالنقطه .. ي ليت توضحين حبيبتي :000: |
رد: تفاصيل مقابلتي اليوم بجامعه الدمام لدبلوم التربيه
الله يسهل اموورك ي رب
|
رد: تفاصيل مقابلتي اليوم بجامعه الدمام لدبلوم التربيه
حلو انك ذكرتي الاسئله من زمان افكر بنوع الاسئله في المقابلات الشخصيه ودي اخوض التجربه لو للاستفاده واخذ الخبره مرا شككرا حبيبتي ربي يوفقك .. ~ |
رد: تفاصيل مقابلتي اليوم بجامعه الدمام لدبلوم التربيه
اكيد البنات لو قالو اطرحي مشكلة بياخذون الطلاق
حاولو تفكرون بمشكلة ثانية |
رد: تفاصيل مقابلتي اليوم بجامعه الدمام لدبلوم التربيه
يعني الطلاق مشكله اش ممكن يكون الحل؟؟؟ تدخل اطراف من الاهل والا ايش مو فاهمه الهرجه
|
رد: تفاصيل مقابلتي اليوم بجامعه الدمام لدبلوم التربيه
بسمه مشاركاتي 89 بحااول ارفعها ل 100 عشان اقدر ارسل لك :cool:
|
رد: تفاصيل مقابلتي اليوم بجامعه الدمام لدبلوم التربيه
بسمة $
لا انا خريجه من جامعة الملك فيصل مو مدرسه حبيبتي Nicebird الله يجزاك خير على الدعوات الطيبه ولكي بالمثل امممم يعني مشكله تاخر دراسي لطالب الابتعاث الخارجي وخطره اصدقاء السوء الالعاب الالكترونيه وخطرها على الاطفال العنوسه تاخر الزواج العنف الاسري البطاله الفقر المخدرات الاميه طالبة متوهقة اجمعين حبيبتي الله يوفقك ويسهل امورك |
رد: تفاصيل مقابلتي اليوم بجامعه الدمام لدبلوم التربيه
Nicebird
لاتختارين موضوعالطلاق اختاري مشكله ثانيه |
رد: تفاصيل مقابلتي اليوم بجامعه الدمام لدبلوم التربيه
عند الاجابه على اي سوال اسكتي كم ثانيه ثم جاوبي لاتكونين متسرعه
ولاتبين لهم انك حافظه الكلام حفظ ههههههه |
رد: تفاصيل مقابلتي اليوم بجامعه الدمام لدبلوم التربيه
خريجه هههههه حلوه الفكره
يعنني فكرت وجبت الحل لكم ههههههههه |
رد: تفاصيل مقابلتي اليوم بجامعه الدمام لدبلوم التربيه
بالنسبه لي سألوني عرفي عن نفسك؟
بعدين قالت منو عسجد؟! قلت لها انسانه مكافحه طموحه قالت وش طموحك؟ قالت ليش اخترتي مجال التعليم؟ شنو مواصفات المعلم الناجح؟ خذتي دورات حاسب وانجليزي؟ بعد ما قلت اني اخذت دورات حاسب تتابعت الاسئله على الحاسب شالدورات اللي خذتيها ؟ شتعرفين من برامج؟ شتعرفين تسوين بالفوتوشوب؟ ممكن يخدمك في التعليم؟ ليه تقدمتي للدبلوم؟ قالت لي انا اعتقد ان عندك هوايه حاطتها براسي بشوف اذا صح والا لا؟ ابتسمت وقلت لها انا هوايتي بعيده عن هذا كله انا احب الكروشيه قلت لها شنو الهوايه اللي حاطتها براسك قالت لي توقعتك تحبين التصوير قلت لها لااااا بالعكس بعدين سألوني ليه ما تحبين التصوير ، وبعدين شكروني وقالو المقابله انتهت وانا بدوري شكرتهم وطلعت المقابله بشكل عام مريحه واقرب للتعريف عن نفسك وفيها كم سؤال تربوي بالنسبه لي ما حبيت اصافحهم اكتفيت بالسلام في بنات قالو لهم شلون تتعاملين مع الطالب العنيد ووحده سألوها عن مبيد حشري حق المزارعين والبعض يستخدمه في البيوت!! اللي لاحظته ان اللي تقولينه تتابع حوله الاسئله وبعدين يغيرون الموضوع وهكذا التقييم يتم حسب المظهر وسلامة النطق والاتزان الانفعالي والثقافه ... حاولي تسيطرين على نفسك وخلي جلستك سليمه ومظهرك مرتب وواثقه من نفسك وفالكم التوفيق دعواتكم |
رد: تفاصيل مقابلتي اليوم بجامعه الدمام لدبلوم التربيه
صح وسألوني وشلون ثقافتك
شتحبين تقرأين عنه في بنات ما اخذت دقيقتين وفي بنات ما شاء الله هروها اسئله كانت الكراسي موزعه جنبك وحده وثنتين قبالك اقرب ما تكون بجلسه وديه وسوالف ، اخذوها من هالمنطلق علشان يخف التوتر معاكم اليوم تقريباً دخلت 49 بنت والباقي عطوهم موعد بكره اول شي لابد من احضار صور للوثائق ومطابقتها والحصول على رقم ثم التوجه للمبنى الآخر وانتظار دورك |
رد: تفاصيل مقابلتي اليوم بجامعه الدمام لدبلوم التربيه
ربي يجزاك خير ي عسجد ويوفقك مشكوره ي قمر.. وفالك القبول والتوفيق ان شاءالله..
|
رد: تفاصيل مقابلتي اليوم بجامعه الدمام لدبلوم التربيه
الله يجزيكم كل خير
بحق حققتوا حديث الرسول احب لااخيك ماتحب لنفسك ماكنت اعرف قبل وش المقابلات والاسئلة بالتفصيل والاشياء اللي تصير في المقابلة بعكس بعض الطلاب المفرطين في الانانية قبل الاختبار يسال ويناقش وبعد الاختبار لو تمووت وتقولة قولي وش سويت او وش الاسئلة مايقولك شي ويقولك كلمات رووس اقلام وسطحية الف شكر |
رد: تفاصيل مقابلتي اليوم بجامعه الدمام لدبلوم التربيه
��
|
رد: تفاصيل مقابلتي اليوم بجامعه الدمام لدبلوم التربيه
:(270):
:(270): |
رد: تفاصيل مقابلتي اليوم بجامعه الدمام لدبلوم التربيه
حلو ويحمس
|
رد: تفاصيل مقابلتي اليوم بجامعه الدمام لدبلوم التربيه
الشكر موصول لكم
انعاش حلم كلامك صحيح الانانيه مو زينه والواحد لازم يكون عنده قناعه والحكمه تقول لو تجري جري الوحوش غير رزقك ماتحوش |
| All times are GMT +3. الوقت الآن حسب توقيت السعودية: 04:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام