|
هام جداً للخريجين
السلام عليكم ورحمه الله بإذن الله راح يكون استلامي للشهادة يوم الخميس وحبيت انبهكم بشي ضروري جداً بوقت استلام الوثيقة 1- تأكد من كتابة اسمك بالوثيقة بشكل صحيح بالعربي والانجليزي وفي حالة وجود خطأ لاتستلم واطلب التغيير فوراً 2- تأكد من كتابة اسم تخصصك بشكل صحيح بالعربي والانجليزي 3- وأهم شي اذا لقيت مكتوب على الشهادة انتساب فطلب تغييره لان دراستنا تعليم عن بعد وفيه فرق كبير بين كلمة انتساب وتعليم عن بعد انتبهوا واذا قالوا لك عكس الكلام طلع لهم الدليل القاطع وهو لائحة التعليم عن بعد المادة الثانية عشر الفقرة الرابعة التي نصت (يثبت في السجل الاكاديمي ووثيقة التخرج لخريج برنامج التعليم عن بعد مايفيد بأن دراسة الطالب تمت بالتعليم عن بعد) وهذا رابط اللائحة انتبهوا ياجماعة الخير ترا فيه فرق بين الانتساب والتعليم عن بعد اللي بيكمل ماجستير او وظيفياً وانا اذا رفضوا انا بإذن الله سوف اقيم دعوة على بالمحكمة الإدارية على الجامعة تحياتي اخوكم أبوريما |
رد: هام جداً للخريجين
الله معاك،
وعطنا خبر وش يصير معك بعد الاستلام لاهنت. |
رد: هام جداً للخريجين
حياك الله اخووووي ابو ريما وكلامك منطقي ومن حق الطالب كل ماذكرته ولكن من ناحيتي انا شخصياً استلمت وثيقتي بتاريخ يوم الاربعاء الماضي وكان مكتوب بالوثيقة (( إنتساب)) ولكن النقطة التي اشرت اليها مهمه جداً ومن ناحية ملاحظاتك فافعلاً كنت حريص على كتابة المعلومات صحيح وكان يوجد خطأ في الاسم باللغه الانجليزية حرف واحد وقلت لهم لازم تغييره وقالوا عليك الذهاب الى مبنى القبول والتسجيل وطلبت تعديل ذلك وقالوا لي من نصف ساعه الى ساعه وفعلاً تم التعديل بذلك اما موضوع طريقة الدراسة فالحقيقة كنت اجهل ذلك الا كان نشبت لهم .!! ولا على اقل شيء طلعت بمعلومه عن ذلك ولكن اتمنى اخوي ابو ريما توافينا بما يتم معك وان قدمت على المحكمة الادارية انا واحد بقدم معك ولك تحياتي ودمت بخير ..
|
رد: هام جداً للخريجين
والله ما انتو ماخذين منهم لا حق ولا باطل ومن هلى حضر للشكوى لان المكتوب بشهادتك انتساب
هم اخذوا الفلوس وبيخلونك تطارد في المحاكم الاي هي في صفهم وبتدفع فلوس اكثر وما انت محصل فايدة اسف على التحبيط لكن هذه الحقيقة |
رد: هام جداً للخريجين
عن نفسي ابيه انتساب مو تعليم عن بعد .لو سموه انتساب مطور افضل ....
|
رد: هام جداً للخريجين
يا جماعة تعليم عن بعد لسى غير معترف فيها
والجامعة ابخص لا تحوس على الزملاء المعمول فيه انتساب |
رد: هام جداً للخريجين
الله يجزاك كل خير ويسعدك بالدارين يارب ...
اما من ناحية من الافضل .. فالتعليم عن بعد افضل من الانتساب |
رد: هام جداً للخريجين
وش الفرق بين الانتساب والتعليم عن بعد في الوثيقة وكيف تأثر على دراسة الماجستير او الدبلوم اوالوظيفة ياليت احد يفيدني لان موعد استلام وثيقتي بكرة باذن الله وفي حال كان فيها خطأ وش اسوي ؟؟؟
|
رد: هام جداً للخريجين
ماشاء الله ،، الي استلمها هل راح للجامعه او ارسلهوها ..؟! |
رد: هام جداً للخريجين
اقتباس:
|
| All times are GMT +3. الوقت الآن حسب توقيت السعودية: 05:41 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه