[ تجربة خريج ] : كنت اظن وكنت اظن ويارب مايخيب ظني

[غلا الجوري]

صباح الورد دفعتي الغاليه

مالنا غنى عنكم جيت اشقر عليكم واطرح لكم تجربتي مع توجهي لهيئة التخصصات الصحية

برمضان زوجي راح مرتين وطبعا رمضان كالعاده موظفين الحكومية يعطون انفسهم انفراد مع الذات لحد الاجازة المهم مالي بالطويله رسالفتي مع اخر يوم دوام عندهم

توجهت اليوم لهم واوراقي كانت جاهزه وطابعتهم ومعبيه النماذج اللي اعطوني اياها

اخذت رقم وانتظرت دوري
رحت للكاونتر واستلم اوراقي وطابق معاها الوثيقة وقال لي خلي اوراقك كلها هذي معاك بناخذها منك بعد ثلاث شهور لما ترجعين لنا مع الخطاب قال بجهز لك الخطاب بس ترا انتي تخصصك علم اجتماع قلت له اي بس عندي تخصص فرعي خدمة اجتماعية ومذكور في الوثيقة قال بس تخصصك علم اجتماع وراح تصنف بس اخصائي علم اجتماع قلت له طيب في النهاية يكون مسماي اخصائية اجتماعيه قال اي بس تدربين والمشرف على تدريبك متخصص في علم الاجتماع

اخذت الخطاب واوراقي ورحت المديرية العامه

من قسم لقسم لما وصلوني الى قسم التدريب بأجر

اخذ الموظف اوراقي والخطاب وقال لي مفروض ترفعين طلب عن طريق النت بس دامك تعنيتي برفع لك طلب
رفع الطلب وعطوني رقم طلب وسألني قبلها عن المستشفى اللي بروح له قال اتمنى ياخذونك لكن ترا رفضوا متدربين كثااار والسبب ان هيئة التخصصات الصحية من قبل رمضان اصدرت انظمة جديدة وصارت تدقق
قلت له اجل وين اتدرب قال مفروض مستشفى الامل وللاسف ماصار يدرب
المهم رفع لي الطلب وقال انتظري اذا اقبلوه بنرسلك تجين تدفعين 3000 وبعدها تستلمين الوصل وتطلعين للمستشفى تدربين والمشرف متخصص في علم الاجتماع قلت له طيب ولو كتب ع الخطاب خدمة اجتماعية قال انتي وحظك اذا ماالهيئة دققت
وقال لي خلي الخطاب عندك اذا قربتي تخلصين التدريب جيبيها للمشرف يوقعها وبعدين اذا انتهت فترة تدريبك ترجعين لنا مع الخطاب ونصدر لك شهاده نرفقها مع الخطاب وتودينها الهيئة وهناك تصنف وتدفعين الرسوم للتنصنيف

طبعا السالفه دوخة راس وربي خايفه من سالفة التخصص لانه بنفسه الموظف قال لي مسوين لنا سالفة على ان علم اجتماع يشرف عليهم خدمة اجتماعية