ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الدراسات العليا و الابتعاث (https://vb.ckfu.org/f51)
-   -   تجمع المتقدمين لماجستير تربية الموهبين (https://vb.ckfu.org/t172162.html)

حلم ميت 2011- 4- 25 03:31 AM
تجمع المتقدمين لماجستير تربية الموهبين
 
هنا سيكون تجمع المتقدمين لماستر تربية الموهبين
الماستر برسوم كل اربع شهور 15000ريال في السنتين 60000
الاختبار حسب كلام الدفعات الي راحت مايعتمد على مراجع
يعتمد على مسائل رياضية وفيزيائية واللغة الانجليزية اختبارات ذكاء واسئلة عامة
كأنه اختبار قدرات

maryaa 2011- 4- 25 06:19 AM
رد: تجمع المتقدمين لماجستير تربية الموهبين
 
انا سمعت انه 50 الف
طيب ماهو مستقبله لان الاغلبية يقولون ماله مستقبل

حلم ميت 2011- 4- 25 06:41 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة maryaa (المشاركة 3353046)
انا سمعت انه 50 الف
طيب ماهو مستقبله لان الاغلبية يقولون ماله مستقبل

ياقلبي مب 50 الف ابوي راح للجامعة وقالوا له 60 الف
المستقبل بيد الله يبقى تخصص ماله مجالات كثيرة عموما حبيت هالتخصص مايهمني توظفت او ماتوظفت

يآرب وفقني 2011- 4- 25 12:07 PM
رد: تجمع المتقدمين لماجستير تربية الموهبين
 
..

انا قدمت عليه بس كان الخيار الثاني ..

بس وش مسائل رياضيه وفزيائيه وانقلش :(

واحنا متخرجين من رياض اطفال ، المفروض تكون ادبي اكثر ..

ياليت تكون المعلومه خطاء :(


الله يعين

يآرب وفقني 2011- 4- 25 12:10 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة حلم ميت (المشاركة 3353111)
ياقلبي مب 50 الف ابوي راح للجامعة وقالوا له 60 الف
المستقبل بيد الله يبقى تخصص ماله مجالات كثيرة عموما حبيت هالتخصص مايهمني توظفت او ماتوظفت

صحيح

بس انا اشوف انه راح يكون له مستقبل ..

شيء جديد وحلو ، وتقدرين اتوقع تمسكين مكاتب خاصه بالموهبات
او تمسكين مركز كبير ..

الله يوفقك يارب ويحقق لك امنيتك ..


بس ماتعرفين كم يوم هو بالاسبوع :(
لاني من الجبيل واحس انه مشوار لو كل يوم ..

مرات ودي اكمل ومرات اضعف لما احس بالمسافه ..


الله يقوينا :106:

maryaa 2011- 4- 26 06:37 AM
رد: تجمع المتقدمين لماجستير تربية الموهبين
 
لاني قريت في منتديات ثانية ان خريجين ماجستير موهوبين في جامعة سعود للحين ماتوظفو يعني درسو على الفاشوش

فراشه 2011- 4- 26 11:52 AM
رد: تجمع المتقدمين لماجستير تربية الموهبين
 
^
يمكن لان اهناك فاتحينه من زمان بس هنا بالشرقيه توه تخصص جديد ونادرين الي يدرسونه ..
ربي يوفقكم ..
انا سجلته بالرغبه الثانيه ..والاولى توجيه وارشاد >>رغم اني مو مرتاحه بس عالاقل مافيه توفل هع

ياربي وفقني >>>يوه عندنا مراكز للموهوبين (تتطورنا :(204): )

الا عالفكره وشو المستقبل الوظيفي لتربية الموهوبين ؟! >>اقصد بالنسبه لوزارة التربية

يآرب وفقني 2011- 4- 26 12:24 PM
رد: تجمع المتقدمين لماجستير تربية الموهبين
 
فراشه وين بالضبط موجوده مراكز الموهبين وهل هي جهة حكوميه والا خاصه

اتوقع يافراشه لها مستقبل بالمدارس المدموجه سمعت في مدارس يدمجون طلاب موهبين مع تربيه خاصه

الله يكتب لنا الخير ان شاء الله ..

:106::106:

فراشه 2011- 4- 26 03:11 PM
رد: تجمع المتقدمين لماجستير تربية الموهبين
 
اقتباس:
فراشه وين بالضبط موجوده مراكز الموهبين وهل هي جهة حكوميه والا خاصه

ياقلبو فهمتيني غلط انا مدري عن المراكز شي بس كلامي كان تعقيبا على
اقتباس:
وتقدرين اتوقع تمسكين مكاتب خاصه بالموهبات
او تمسكين مركز كبير
فهمت من كلامك انه في مراكز للموهوبين عشان كذا اقول تتطورنا بس الظاهر انه مافيه
يالا يمكن يفتحونه بعد ما نعجز :(107):


والله يسمع منك
ياربـ اكتب لنا الخير ’’’

يآرب وفقني 2011- 4- 26 07:54 PM
رد: تجمع المتقدمين لماجستير تربية الموهبين
 
^

هههههههه علبالي تقولين فيه

لاانا قصدي مراكز التربيه الخاصه ، اتوقع يبغون تربية موهبوين ..
اومراكز التدريب مرات يسون تجمعات للموهبين وخاصة في الاجازات الصيفيه ..
وفي مدربات خاصه تعلمهم ..

واتوقع مركز سايتك بالخبر يتبنى المواهب والا وش رايكم :)


الله يوفقنا :106:

يآرب وفقني 2011- 4- 26 07:58 PM
رد: تجمع المتقدمين لماجستير تربية الموهبين
 
..

الاصدق تهقين انا موهبات هههههههه

:wink:

فراشه 2011- 4- 27 12:43 AM
رد: تجمع المتقدمين لماجستير تربية الموهبين
 
^
موهوبات ونص :oao:

حلم ميت 2011- 4- 27 02:50 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة يآرب وفقني (المشاركة 3354029)
..

انا قدمت عليه بس كان الخيار الثاني ..

بس وش مسائل رياضيه وفزيائيه وانقلش :(

واحنا متخرجين من رياض اطفال ، المفروض تكون ادبي اكثر ..

ياليت تكون المعلومه خطاء :(


الله يعين




حبيبتي مسموح لنا ندخل اختبار الرغبة الثانية ؟
ايش كانت رغبتك الاولى؟؟
رغبتي الثانية توجيه وارشاد نفسي


الاختبار على كلام الي اختبروا العام الماضي فيه مسائل رياضية وحسابات عن نسبة مئوية واسئلة لغوية مثل اختبار القدرات وفيه قطعة انجليزية مطلوبة ترجمتها:sdfgdsf:
تخصصي فيزياء المسائل الرياضية اهون عندي من انجليزي





اقتباس:
المشاركة الأصلية كتبت بواسطة يآرب وفقني (المشاركة 3354040)
صحيح

بس انا اشوف انه راح يكون له مستقبل ..

شيء جديد وحلو ، وتقدرين اتوقع تمسكين مكاتب خاصه بالموهبات
او تمسكين مركز كبير ..

الله يوفقك يارب ويحقق لك امنيتك ..


بس ماتعرفين كم يوم هو بالاسبوع :(
لاني من الجبيل واحس انه مشوار لو كل يوم ..

مرات ودي اكمل ومرات اضعف لما احس بالمسافه ..


الله يقوينا :106:



تبين الجد خيتي هالتخصص مقارنة مع تخصصاتنا ماله مستقبل كثير لان الي صاير ان ياخذون معلمين عادين ويدربونهم ويخلونهم معلمين موهبين وبلادراسة وبلاشي

الدراسة يومين
من الساعة 3 العصر الى 9 الليل
اذا الله كاتب لنا الماستر بناخذه واذا مب كاتب معناها خير لنا

يآرب وفقني 2011- 4- 27 12:08 PM
رد: تجمع المتقدمين لماجستير تربية الموهبين
 
^

يالليل ماطولك هههههه دام انه مسائل رياضيه وانقلش عزالله توهقنا :(

رغبتي الاولى كانت اداره تربويه ..

وحلو انو يومين بالاسبوع ..

هم يدرسون خميس وجمعه ؟؟


يوم قريت شروطهم في الاداره التربويه
يقولون انو المتخرجين من رياض اطفال مالهم امتحان هل هالشيء يطبق
والابس شروط مكتوبه ..


والحمدلله على كل حال :106:

غيم تايه 2011- 4- 30 01:58 AM
رد: تجمع المتقدمين لماجستير تربية الموهبين
 
الارشاد التوجيه والارشاد النفسي كم يوم دراسته ،، ومواعيدها اللي عنده خلفيه ياليت يفيدني ..

لو اعرف وفيه امكانيه كان اخترت الموهوبين المواعيد اللي ذكرتها الاخت حلوه ورهيبه ...

فراشه 2011- 4- 30 02:01 AM
رد: تجمع المتقدمين لماجستير تربية الموهبين
 
^
يومين تقريبا في الاسبوع المواعيد تختلف وممكن يتفق الطلاب مع الدكاتره على المواعيد وعالفكره جميع التخصصات تبدأ من 3 العصر

غيم تايه 2011- 4- 30 02:48 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة فراشه (المشاركة 3384341)
^
يومين تقريبا في الاسبوع المواعيد تختلف وممكن يتفق الطلاب مع الدكاتره على المواعيد وعالفكره جميع التخصصات تبدأ من 3 العصر

بارك الله فيك ،،، هذا اللي كنا نحتاجه ... الله يسمعنا خير ...

حلم ميت 2011- 4- 30 03:19 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة maryaa (المشاركة 3359913)
لاني قريت في منتديات ثانية ان خريجين ماجستير موهوبين في جامعة سعود للحين ماتوظفو يعني درسو على الفاشوش
جامعة الملك سعود مافيها ماستر تربية الموهبين فيها بكالريوس الابداع والابتكار شي من هالقبيل

المستقبل بيد الله صحيح فرصه الوظيفية اقل من غيره بس
الي يحب الشي لازم يضحي بماله وجهده ووقته
والله مايكتب الا الي فيه الخير لبني ادم

حلم ميت 2011- 4- 30 03:25 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة فراشه (المشاركة 3360674)
^
يمكن لان اهناك فاتحينه من زمان بس هنا بالشرقيه توه تخصص جديد ونادرين الي يدرسونه ..
ربي يوفقكم ..
انا سجلته بالرغبه الثانيه ..والاولى توجيه وارشاد >>رغم اني مو مرتاحه بس عالاقل مافيه توفل هع

ياربي وفقني >>>يوه عندنا مراكز للموهوبين (تتطورنا :(204): )

الا عالفكره وشو المستقبل الوظيفي لتربية الموهوبين ؟! >>اقصد بالنسبه لوزارة التربية

كان خياري الاول في البداية توجيه وارشاد نفسي لاني احب كثيير علم النفس والمعرفة والسيكولوجيا على اخر لحظة غيرت اخترت الموهبين لان الارشاد والتوجيه النفسي الاولوية لطلاب علم النفس وبما ان تربية الموهبين مشترطين التوفل وانا بعد فترة بختبر ان شاء الله
توكلت على الله وقدمت وخليته الرغبة الاولى
ولثانية توجيه وارشاد نفسي>> عكسك
مستقبله انو تكوني معلمة موهبين مع الاسف المدارس عندنا قليلة مرره الي تهتم بالموهبين
ان شاء الله يهتمون اكثر في المستقبل

حلم ميت 2011- 4- 30 03:32 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة يآرب وفقني (المشاركة 3363611)
^

هههههههه علبالي تقولين فيه

لاانا قصدي مراكز التربيه الخاصه ، اتوقع يبغون تربية موهبوين ..
اومراكز التدريب مرات يسون تجمعات للموهبين وخاصة في الاجازات الصيفيه ..
وفي مدربات خاصه تعلمهم ..

واتوقع مركز سايتك بالخبر يتبنى المواهب والا وش رايكم :)


الله يوفقنا :106:

تقصدي ان مراكز التربية الخاصة المخصصه لذوي الاحتياجات الخاصة (كالصم والبكم وصعوبات التعلم ) مخصصه بعد للموهبين؟
ماعندي فكرة
درعمت في هالتخصص ولاعندي اي معلومة عنه شفت مواده حلوة وسجلت :oao:

اقتباس:

وحلو انو يومين بالاسبوع ..

هم يدرسون خميس وجمعه ؟؟


يوم قريت شروطهم في الاداره التربويه
يقولون انو المتخرجين من رياض اطفال مالهم امتحان هل هالشيء يطبق
والابس شروط مكتوبه


ماادري متى بالضبط ايام الدراسة

ايوه قريت انو رياض اطفال وتربية خاصه مالهم اختبار اظن لاانهم من العلوم التربوية فعشان اكثر
اشترطوا بس لخبرة

يآرب وفقني 2011- 4- 30 12:31 PM
رد: تجمع المتقدمين لماجستير تربية الموهبين
 
طيب اختي هل التوفل ضروري بتربية الموهبين

:(

حلم ميت 2011- 5- 1 11:54 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة غيم تايه (المشاركة 3384326)
الارشاد التوجيه والارشاد النفسي كم يوم دراسته ،، ومواعيدها اللي عنده خلفيه ياليت يفيدني ..

لو اعرف وفيه امكانيه كان اخترت الموهوبين المواعيد اللي ذكرتها الاخت حلوه ورهيبه ...
مثل ماقالت فراشة
التوجيه والارشاد النفسي يومين في الاسبوع ونفس الشي تبدء المحاضرات الساعة 3
الارشاد بيكون فيه تدريب ميداني في المدارس والمراكز والمستشفيات يعني قمة الاكشن:71:
هالتخصص حلم حياتي :icon9: مع الاسف الاولوية للموظفات والمتخرجات من علم النفس

حلم ميت 2011- 5- 1 11:59 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة يآرب وفقني (المشاركة 3385802)
طيب اختي هل التوفل ضروري بتربية الموهبين

:(
ماادري هل هو ضروري او مجرد شرط على الورق

واحة الخير 2011- 5- 2 12:33 AM
رد: تجمع المتقدمين لماجستير تربية الموهبين
 
بنات بما انكم بتدخلون ماجستير خاص وبتدفعون مبلغ مب هين دفعوه على تخصص يستحق
دخلوا ادارة اعمال بدل تربية الموهبين المستقبل لاادارة اعمال في الشركات الكبيرة مثل ارامكوا وسابك والبنوك والدوائر الحكومية هالتخصص له مستقبل كبير
الدولة تبعث لدارسة هالتخصص في امريكا واوربا وكندا اما تربية الموهبين حتى وحبيتوا تكملون في المستقبل مافيه مجال للابتعاث لان مهوب مدرج في قائمة التخصصات
نصيحة لوجه الله
انتوا بتدفعون فلوسكم ادفعوها على شي يستحق بدل ماتحطونها في تخصص غامض وماله مجالات كثيرة للدراسة او الوظيفة
نصحتكم وانتوا بكيفكم

maryaa 2011- 5- 2 10:43 AM
رد: تجمع المتقدمين لماجستير تربية الموهبين
 
حبيبتي تخصص ادراة اعمال شروطه
1- توفر مستوى مناسب في اللغة الإنجليزية (اجتياز اختبار اللغة الإنجليزية والحصول على مجموع pbt500 أو cbt200 أو اجتياز اختبار اللغة الإنجليزية ielts بمعدل لا يقل عن 5 أو ما يعادلها ) .
2- خبرة لا تقل عن ثلاث سنوات ويستثنى من هذا الشرط المتقدمين من الإناث حيث يمكن قبول شهادات خبرة أقل من ثلاث سنوات شريطة أن لا يزيد عدد الطالبات عن 20% من مجموعة الطلبة المتقدمين .
من وين اجيبهم هذا عن نفسي اتكلم يعني اذاسجلت اكيد ماراح انقبل وبالنسبة لتخصصي لايوجد له غير توجيه وارشاد وموهوبين وشفت اقل شروط حاطينها رعاية موهوبين واحتمال قبولي فيها 1%

maryaa 2011- 5- 2 10:44 AM
رد: تجمع المتقدمين لماجستير تربية الموهبين
 
وثانيا رعاية موهوبين ارخص من ادارة اعمل بالنص

فراشه 2011- 5- 2 09:02 PM
رد: تجمع المتقدمين لماجستير تربية الموهبين
 
^
واحة الخير صح كلامك بـس المشكله بشروطهم المعقده ,,,
بالنسبه لي كنت ابي فيزياء بس التوفل حاجز
والتخصصين المناسبين اما موهوبين او توجيه وارشاد احترت بينهم بس بعد الاستشاره والاستخاره اخترت توجيه وارشاد ثم تربية الموهوبين رغم اني مو مقتنعه كثير لان الاولويه زي ماقالت اخت حلم ميت للموظفين وخريجات علم نفس بس اخترته لانه الوحيد الي شروطهم مقبوله ’’’يعني الشروط حاجز امامنا

عاد ادارة اعمال شوفي اولا بكم ؟! لا وبعد شارطين خبره وتوفل مو يكفي 95 الف !!!
وحتى مستقبله مو مره زين بالنسبه للبنات ها الشركات الكبرى الي تقولي عنها الاناث فيها اعدادهم محدوده
اعتذر للاخت حلم ميت غيرنا مسار الموضوع :mh12:

واحة الخير 2011- 5- 3 12:36 AM
رد: تجمع المتقدمين لماجستير تربية الموهبين
 
maryaa

مهوب ارخص بواجد ادارة اعمال حسب الكلام الي وصلني من بنت درست تقول ان الجامعة قللت الرسوم صار ب63 الف ريال الفرق 3 الالاف ريال فقط لاغير
هذا انسخ لك كلام احد المشرفين من منتديات النقاش بجامعة الملك فيصل

اقتباس:
وإدارة الاعمال تم تخفيض الرسوم لبرنامج ماجستير إدارة الأعمال إلى 63,000 ريال

لو عندك توفل مافي اي صعوبة ادارة اعمال شروطها ماهي تعجيزية نفس شروط تربية الموهبين (التوفل واتقان الانجليزي)
والخبرة تجاوزا عنها للبنات




فراشة
ياقلبي يافراشة تربية الموهبين برضو مشترطين توفل مثل الفيزياء
لو تخصصك فيزياء كان قدمتي عليه لان بيكون عدد المتقدمين قليل وبالعادة التخصصات العلمية شروطها حبر على ورق لان مهوب الكل يحب يكمل فيها
الشركات والبنوك تقبل موظفات وبعدد لابأس فيه عندك ارامكوا مثلا عدد الموظفات مهوب قليل
والمستقبل لاادارة اعمال والدولة انتبهت لهذا الشي وقامت تبتعث اعداد كبيرة للخارج علشان يدرسون ادارة اعمال في امريكا وكندا
كل وحده لها حرية تحديد مستقبلها الي خلاني اكتب ردي انو فيه بنات يدخلون اي تخصص قدامهم مع ان فيه غيره افضل منه وبنفس الشروط
حرام والله تدفعون فلوس اهلكم وانتوا عندكم خيار افضل لكم ولمستقبلكم
الله يوفقكم بنات وترفعون راس اهلكم وبلدكم

maryaa 2011- 5- 3 09:31 AM
رد: تجمع المتقدمين لماجستير تربية الموهبين
 
حبيبتي الخبرة ماتجاوزوها خففوها للبنات بحيث تكون اقل من ثلاث سنوات اعرف بنات السنة الماضية قدمو ولاانقبلو

ROO7 AL MAR7 2011- 5- 3 03:21 PM
رد: تجمع المتقدمين لماجستير تربية الموهبين
 
بنات تتوقعوا دراسة الماجستير بالجامعة يوميا او 3 ايام بالاسبوع ؟؟؟؟

فراشه 2011- 5- 4 07:06 AM
رد: تجمع المتقدمين لماجستير تربية الموهبين
 
واحة الخير
شنو الي ضمنك ان شروطهم مجرد (حبر على الورق) ؟!
اتصلت قبل التقديم لسؤال عن التوفل وكان رده انه شرط اساسي للقبول بالتخصصات العلمية
رغبتي الاولى توجيه (التوفل ليست من شروطه)
والثانية تربية موهوبين
ولو خيروني بين ادارة اعمال وموهوبين راح اختار وبقوه موهوبين لانه انسب لي ولشخصيتي ولاني تربويه يعتبر امتداد لتخصصي

والي تقول انه تربية موهوبين ليس لها مستقبل بالعكس وزارة التعليم خصصت ادارات للرعاية الموهوبات

والله يكتب الخير لنا جميعا :106:

يآرب وفقني 2011- 5- 4 12:22 PM
رد: تجمع المتقدمين لماجستير تربية الموهبين
 
طيب التوفل الاسئله كيف اتكون انقليزيه :(

maryaa 2011- 5- 4 12:30 PM
رد: تجمع المتقدمين لماجستير تربية الموهبين
 
الله يوفق كل اللي قدمو ماجستير سواء تربية موهوبين او غيرها الله يعلم بحالنا لاوظايف ولاشي وبعد الدراسة تقفل بوجهنا

فراشه 2011- 5- 5 12:51 AM
رد: تجمع المتقدمين لماجستير تربية الموهبين
 
^
:icon9:

يآآآربـ ترزقنا الوظايف والماستر ياكـريم

Never Mind 2011- 5- 6 06:11 PM
رد: تجمع المتقدمين لماجستير تربية الموهبين
 
متى بيعلنون عن الاسماء.؟
والا الاختبار بيتسوى لكل المتقدمين والاسماء تتحدد بعده؟

حلم ميت 2011- 5- 7 01:03 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة واحة الخير (المشاركة 3397029)
بنات بما انكم بتدخلون ماجستير خاص وبتدفعون مبلغ مب هين دفعوه على تخصص يستحق

دخلوا ادارة اعمال بدل تربية الموهبين المستقبل لاادارة اعمال في الشركات الكبيرة مثل ارامكوا وسابك والبنوك والدوائر الحكومية هالتخصص له مستقبل كبير
الدولة تبعث لدارسة هالتخصص في امريكا واوربا وكندا اما تربية الموهبين حتى وحبيتوا تكملون في المستقبل مافيه مجال للابتعاث لان مهوب مدرج في قائمة التخصصات
نصيحة لوجه الله
انتوا بتدفعون فلوسكم ادفعوها على شي يستحق بدل ماتحطونها في تخصص غامض وماله مجالات كثيرة للدراسة او الوظيفة

نصحتكم وانتوا بكيفكم


ياحبيبتي الي بتدرس علشان وظيفة اتفق معاك ان المفترض تختار ادارة اعمال لان تربية الموهبين تخصص غامض والعدد المطروح للوظائف فليل جدا جدا >على كلام شخص بشتغل في مراكز الموهبين وان الاولوية للمعلمين الي عندهم خبرة وعلى راس العمل :icon9:
اخترت تربية الموهبين لاني كثير احب هالتخصص كان اخترت توجيه وارشاد نفسي الي خلاني اخليه خيار ثاني ان نسبتي متوسطة وفيه الي اعلى مني بكثير واكيد الاولوية بتكون لهم
اختبار تربية موهبين مايعتمد على الحفظ يعتمد على المسائل الرياضية وحسابات وثقافة عامة وعن انجليزي وانا احب كثير هالاشياء
في النهاية الي يحب الشي لازم يضحي

حلم ميت 2011- 5- 7 01:13 AM
رد: تجمع المتقدمين لماجستير تربية الموهبين
 
فراشة
يابعد عمري اخذي راحتك الموضوع هو موضوعك
قدمت على ماستر جامعة الملك سعود في الفيزياء وكتبوا ان التوفل شرط من شروط القبول بعدها شافوا ان نسبة الي يتقدمون قليلة الغوا التوفل واعتبروا ان الي عنده توفل له الاولوية
التوفل شرط اساسي في تربية الموهبين وادارة اعمال وكلية الطب والفيزياء في جامعة الفيصل
حبيبتي تعرفين كم عدد مراكز الموهبين في السعودية للبنات؟ قليلة جدا
والاولاد لهم النصيب الاكبر من هالمراكز هالبنات مظلومين في كل شي :Cry111:
ان كانت نسبتك عالية ان شاء الله يكتب لك القبول في الارشاد النفسي هالتخصص مرره حلو في الدراسة والتدريب الميداني وفي التوظيف
مررررره احب علم النفس يلا الخيرة فيما اختاره الله
موفقة حبيبتي

حلم ميت 2011- 5- 7 01:15 AM
رد: تجمع المتقدمين لماجستير تربية الموهبين
 
ROO7 AL MAR7
الدراسة يومين في الاسبوع
التعب كله في البحوث والتقارير والواجبات

حلم ميت 2011- 5- 7 01:17 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة يآرب وفقني (المشاركة 3414252)
طيب التوفل الاسئله كيف اتكون انقليزيه :(
ايه الاسئلة تكون انجليزي التوفل اساسا اختبار للغة الانجليزية
تربية الموهبين فيه مواد تكون الدراسة بالانجليزي علشان كذا اشترطوا التوفل

حلم ميت 2011- 5- 7 01:21 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة maryaa (المشاركة 3414266)
الله يوفق كل اللي قدمو ماجستير سواء تربية موهوبين او غيرها الله يعلم بحالنا لاوظايف ولاشي وبعد الدراسة تقفل بوجهنا
انتي الصادقة لاوظيفة والادراسة ولازواج :icon9::biggrin:
الله يوفقنا كلنا يارب
ونجي نبارك لك ولفراشة وليارب وفقني بالقبول في الماستر
ياويلكم لو تنسوني وماتجيبون لي حلويات ****ي فرحة القبول :mh001:

حلم ميت 2011- 5- 7 01:24 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة never mind (المشاركة 3426759)
متى بيعلنون عن الاسماء.؟
والا الاختبار بيتسوى لكل المتقدمين والاسماء تتحدد بعده؟
الي تنطبق عليهم الشروط يدخلون الاختبار
ونربية الموهبين وادارة تربوية فوق الاختبار فيه مقابلة شخصية
بعدها تعلن الاسماء يعني مطولين كثير يبغى لهم شهرين ويمكن اكثر

يآرب وفقني 2011- 5- 7 07:13 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة حلم ميت (المشاركة 3429843)
انتي الصادقة لاوظيفة والادراسة ولازواج :icon9::biggrin:
الله يوفقنا كلنا يارب
ونجي نبارك لك ولفراشة وليارب وفقني بالقبول في الماستر
ياويلكم لو تنسوني وماتجيبون لي حلويات ****ي فرحة القبول :mh001:

آختلري الاولى والثانيه والثالثه وش نبي فيها هههههه
خلينا نأسس مستقبل مشرق احسن :)

:106:

يآرب وفقني 2011- 5- 7 07:14 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة حلم ميت (المشاركة 3429821)
ايه الاسئلة تكون انجليزي التوفل اساسا اختبار للغة الانجليزية
تربية الموهبين فيه مواد تكون الدراسة بالانجليزي علشان كذا اشترطوا التوفل
يالليل تقفيل الابواب بوجيهنا :(
انا علبالي عربي ، وحسيت انو الدراسه ممتعه فيها ..

:(

فراشه 2011- 5- 7 11:30 PM
رد: تجمع المتقدمين لماجستير تربية الموهبين
 
ههههههههه أبشري من عيووووني حلاوة ****ي :lllolll:
أهم شي ننقبل يآآآآآآآآآآآربـ :love080:

أحمد32 2011- 5- 18 07:28 PM
رد: تجمع المتقدمين لماجستير تربية الموهبين
 
هل يلزم الحصول على توفل

أحمد32 2011- 5- 20 07:47 PM
رد: تجمع المتقدمين لماجستير تربية الموهبين
 
ارجو سرعة الرد

ميرندا برتقال 2011- 5- 21 12:11 AM
رد: تجمع المتقدمين لماجستير تربية الموهبين
 
ألي أعرفه أن الدفعات الي قبل ما سألوهم عن التوفل .... و أنا سألت الجامعة وقالولي أن بعد الأختبار هم راح يخبرونا بالخطوات الي يفترض أنسويها ..والله أعلم...أسأل الله التوفيق للجميع

حلم ميت 2011- 5- 21 01:39 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة أحمد32 (المشاركة 3509355)
هل يلزم الحصول على توفل

مكتوب السنة انو التوفل من شروط القبول على عكس الاعوام السابقة
مااعرف ان كان يطبقوه من البداية او يطلبوا من المقبولين لاحقا يجيبوا درجة التوفل في الترم الاول

حلم ميت 2011- 5- 21 01:41 AM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة ميرندا برتقال (المشاركة 3523308)
ألي أعرفه أن الدفعات الي قبل ما سألوهم عن التوفل .... و أنا سألت الجامعة وقالولي أن بعد الأختبار هم راح يخبرونا بالخطوات الي يفترض أنسويها ..والله أعلم...أسأل الله التوفيق للجميع

اتوقع بيطلبوا من المقبولين ان يختبروا توفل في اول ترم لانو فيه مواد دراستها بالانجليزي
الله يكتب الي فيه خيير

فراشه 2011- 5- 21 03:02 AM
رد: تجمع المتقدمين لماجستير تربية الموهبين
 
مرآآآآآآآحب

مشكوره ميرندا برتقال اممم يمكن انهم بيلغو التوفل :lllolll:>>تحلّم ..

أختبرتم توفل ؟! >>انا ما اختبرت يمه اخاف يكرشوووني :bawling:

حلم ميت 2011- 5- 21 03:52 AM
رد: تجمع المتقدمين لماجستير تربية الموهبين
 
فراشة
ياقلبي كيف اختبارك لتوجيه والارشاد النفسي؟

التوفل لسى ماختبرت بختبر في 17 رجب وبرسل لهم النتيجة


تلاحقو انفسكم وسجلوا هالسنة التوفل من شروط القبول
هنا مواعيد الاختبار


http://www.ets.org/bin/getprogram.cg...up_SaudiArabia

maryaa 2011- 5- 21 03:59 AM
رد: تجمع المتقدمين لماجستير تربية الموهبين
 
بنااااااااااات وين بتذاكرون حق لاختبار يوم الاربعاء الجاي
عطونا مصادر نذاكر منها

فراشه 2011- 5- 21 01:20 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة حلم ميت (المشاركة 3524449)
فراشة
ياقلبي كيف اختبارك لتوجيه والارشاد النفسي؟

التوفل لسى ماختبرت بختبر في 17 رجب وبرسل لهم النتيجة


تلاحقو انفسكم وسجلوا هالسنة التوفل من شروط القبول
هنا مواعيد الاختبار


http://www.ets.org/bin/getprogram.cg...up_SaudiArabia
جزاك الله خير ياقلبي ,,
اختبار التوجيه النفسي ماحضرته :icon9:,الحمد لله على كل حال ,,يارب تتسهل ظروفي واروح الاختبار الاربعاء

يمه منهم وليه توفل يالا عندي امل يحذفوووه >>أخاف ما اجيب شي لغتي مييييح

فراشه 2011- 5- 21 01:23 PM
رد: تجمع المتقدمين لماجستير تربية الموهبين
 
اقتباس:
المشاركة الأصلية كتبت بواسطة maryaa (المشاركة 3524464)
بنااااااااااات وين بتذاكرون حق لاختبار يوم الاربعاء الجاي
عطونا مصادر نذاكر منها
لحد الحين مافتحت شي ولا اعرف وش اذاكر اصلا ...
سجلت في موقع مركز الموهبه وسألت محد رد علي وكأني اتكلم مع الجدران :sdfgdsf:
هذا انا جالسه ابحث لقيت كتاب اسمه مدخل الى تربية الموهوبين بس مدري اخاف ما ينفع لانه الاختبار مثل القدرات يقيس الذكاء ..أفكر اطلّع على نماذج للقدرات ...

حلم ميت 2011- 5- 21 03:22 PM
رد: تجمع المتقدمين لماجستير تربية الموهبين
 
maryaa

مافيه مراجع
لان الاختبار مثل القدرات


فراشة
الخيرة فيما اختاره الله

الله يوفقك في الاختبار الجاي
التوفل اشتري لك كتب من جرير وبأذن الله بتجيبي درجة حلوة
ودي يجي الاربعاء ونختبر ونفتك من الهم ماحنا عارفين الي لنا والي علينا في هالاختبار :icon9::icon9:

أحمد32 2011- 5- 21 05:06 PM
رد: تجمع المتقدمين لماجستير تربية الموهبين
 
مشكلتي بالانجليزي من جنبها:lllolll::lllolll:
وش العمل مع هالتوفل

نورداري 2011- 5- 22 09:12 PM
رد: تجمع المتقدمين لماجستير تربية الموهبين
 
مساء الخير ..
أخواتي بقيت أسألكم أنا توني أدخل المنتدى و أعرف أنوا الأختبار الأربعاء!!
هل هو يشمل جميع من قدّم على ماجستير تربية الموهوبين ؟؟
أم طلعت أسماء محددة ؟؟
طيب أنتوا متأكدين أنهم يبون توفل ؟؟

maryaa 2011- 5- 23 12:58 AM
رد: تجمع المتقدمين لماجستير تربية الموهبين
 
نعم يشمل جميع من تقدم على الماجستير
وماطلعت اسماء
بالنسبة للتوفل يشترطون ان يصير عندك توفل واذا ماعندك يلزمونك تختبريه

أمانور 2011- 5- 25 06:09 PM
رد: تجمع المتقدمين لماجستير تربية الموهبين
 
للجميع أحد سأل متى النتائج؟؟

maryaa 2011- 5- 25 06:20 PM
رد: تجمع المتقدمين لماجستير تربية الموهبين
 
اللي يعرف متى النتايج يفيدنا
يااااااااااااااااااااااااااااااارب نكون من ضمن المقبولييييييييييييييين

حلم ميت 2011- 5- 26 04:51 PM
رد: تجمع المتقدمين لماجستير تربية الموهبين
 
على ماتطلع النتايج>> مب متفائلة مع هالعدد الكبير مررره الي اختبر
خلونا نقتل الانتظار القاتل

كل وحدة تقول شنو تخصصها؟ من اي كلية او جامعة متخرجة؟؟

تخصصي فيزياء متخرجة من كلية التربية

فراشه 2011- 5- 26 11:38 PM
رد: تجمع المتقدمين لماجستير تربية الموهبين
 
^
فعلا العدد كان كبير ماتوقعته ’’

انا مثلك فيزياء متخرجه من الكليه العلميه ...

ان شاء الله اتصل عليهم واستفسر عن النتايج
عالفكره فيه مقابله والا ؟!

maryaa 2011- 5- 27 01:19 AM
رد: تجمع المتقدمين لماجستير تربية الموهبين
 
حتى انا لاحظت ان اعداد المتقدمين كبيرة ومع اني حلليت زين بس مو حاطة امل ابد
انا تحصصي احياء من كلية التربية

حلم ميت 2011- 5- 28 02:15 PM
رد: تجمع المتقدمين لماجستير تربية الموهبين
 
فراشة

ماريا

الله يوفقنا يارب انا مثلكم مب حاطة امل

فراشه 2011- 6- 2 12:06 AM
رد: تجمع المتقدمين لماجستير تربية الموهبين
 
متى النتايج ؟!!!:000:

حلم ميت 2011- 6- 3 07:56 PM
رد: تجمع المتقدمين لماجستير تربية الموهبين
 
الله العالم متى تطلع النتايج

حلم ميت 2011- 6- 3 08:16 PM
رد: تجمع المتقدمين لماجستير تربية الموهبين
 
بنات فيه احد ارسلت له الجامعة رسالة قبول مبدئي؟؟

فيه مقابلة هالسنة او الغوها؟؟؟

ياخوفي ان بدء شغل الخش والدس والواسطات

فراشه 2011- 6- 4 12:33 AM
رد: تجمع المتقدمين لماجستير تربية الموهبين
 
^
هذا الي انا خايفه منه :000:

بنات الي توصل لها رساله قبول او اتصلو عليها تكفون تجي تخبرنا ,,توني شايفه موضوع واحد يقول قبلوه مبدئيا في التربيه الخاصه مدري قصده تربية الموهوبين والا مخرف

حلم ميت 2011- 6- 5 12:26 AM
رد: تجمع المتقدمين لماجستير تربية الموهبين
 
لاتستغربين يافراشة جامعة الملك فيصل معروفين بهالشي
ايه حتى انا شفت الموضوع بس شكله يقصد تخصص ثاني لاني شلون ينقبل بدون مقابلة
شكلنا قدمنا على الفاضي مع هالاعداد الكبيرة نسبة القبول ضئيلة :icon9:

فراشه 2011- 6- 5 03:45 PM
رد: تجمع المتقدمين لماجستير تربية الموهبين
 
ارسلو لي مسج يارب لك الحمد

نص الرساله
الاخوة والاخوات المتقدمين لبرنامج الماجستير في تربية الموهوبين نامل الاطلاع على موقع الجامعة لمعرفة مواعيد المقابلات الشخصية كما نرجو الالتزام بالمواعيد واحضار الاوراق المطلوبة ادارة المركز


دخلت موقع الجامعه بس ماشفت شي !!!
طيب هل الرساله وصلت الجميع والا بس الي ترشحو يعني الكل يدخل المقابله !!!

حلم ميت 2011- 6- 5 03:50 PM
رد: تجمع المتقدمين لماجستير تربية الموهبين
 
الي ترشحوا ارسلوا لهم الرسالة
صديقتي قدمت معي وماارسلوا لها
جوالي مقفل ماادري ارسلوا او ماارسلوا>> بالحسد وقت الي رسلوا قفلت الجوال
بدق عليهم بكرة وبشوف

فراشه 2011- 6- 5 03:57 PM
رد: تجمع المتقدمين لماجستير تربية الموهبين
 
^
ان شاء الله تجي وتبشرينا :106:

maryaa 2011- 6- 5 04:01 PM
رد: تجمع المتقدمين لماجستير تربية الموهبين
 
حلم ميت الله يعطيك على قد نيتك ويااارب نشوفك بالمقابلة
عاد مابغيتي تقفلي الجوال الا اليوم
اكيد راح تطلع الاسماء بموقع الجامعة

فراشه 2011- 6- 5 04:04 PM
رد: تجمع المتقدمين لماجستير تربية الموهبين
 
ايه اتوقع ها اليومين يعلنوها بموقع الجامعه ,,,

حلم ميت 2011- 6- 5 04:37 PM
رد: تجمع المتقدمين لماجستير تربية الموهبين
 
الاسماء بتطلع على موقع الجامعة تتوقعون؟
يعني ادق او انتظر ؟
سبحان الله قلت بشحن الجوال بعدها قلت لاشكل مافيه رسايل بيرسلون نهاية الاسبوع شوفوا الحظ :biggrin:

فراشة وماريا الله يوفقكم صبايا وياليت لو يارب وفقني كانت مقدمة وطلع اسمها

فراشه 2011- 6- 5 06:20 PM
رد: تجمع المتقدمين لماجستير تربية الموهبين
 
^
حبيبتي اتصلي افضل على المركز الوطني للموهبه

وشكرا ياقلبو عالدعوه ولك بالمثل

loluah 2011- 6- 10 09:18 PM
رد: تجمع المتقدمين لماجستير تربية الموهبين
 
بالتوفيق للجميع .


All times are GMT +3. الوقت الآن حسب توقيت السعودية: 07:37 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه