|
عندي بكالوريوس وابكمل بكالوريوس؟؟
عقدتكم صح هههههه :)
في البدايه السلام عليكم انا من الكويت مقيمه في الشرقيه عندي بكالوريوس رياض اطفال المشكله اهني ماله مستقبل اداوم طول النهار والراتب 1200 ؟؟؟ علشان جذي فكرت اكمل ماستر بس للاسف قمة الاحباط اهني سواء الجامعه او سفارتنا كل شي عندهم مايصير؟؟؟ مافي ماجستير نفس تخصصي بالدمام ولما بقدم على ماجستير انجليزي قالوا لي لازم نفس التخصص او تاخذي مواد تكميليه قتلهم وين اقدر اكمل مواد تكميليه يقولون ماادري ؟؟ يعني الجامعه ماتدري منو اللي يدري ؟؟ عاد انا سمعت بيفتحون تخصص رياض اطفال وقلت ابقدم معيده بس المشكله ادري ماراح تضبط؟؟؟ علشان جذي قررت ابدا من البدايه ادرس ادب انجليزي بس المشكله معدلي بالجامعه احسن من الثانويه معدلي بالجامعه 3.5 منن 4 لكن الثانويه 56% ودي اقدم على شهادتي البكالوريوس شلون انا ابي بالدمام لان مااقدر اروح الاحساء ؟؟ والله اللي يرد علي ادعيله ليل نهار .. انا طموحه بس المشكله الظروف كلها ضدي ساعدوني بلييييز:( |
رد: عندي بكالوريوس وابكمل بكالوريوس؟؟
دراسة المواد التكميلية هذا لما يقبلونك في الماجستير يعطونك إياها
بخصوص البكالوريوس سجلي عن بعد بشهادتك الثانوي ومو شرط المعدل فيه اختبار قدرات |
رد: عندي بكالوريوس وابكمل بكالوريوس؟؟
اقتباس:
وهل نظام عن بعد برسوم واذا ايه كم الرسوم؟؟ ويعني جامعة الدمام ماتقبلني على شهادتي البكالوريوس لاني انا ودي صراحه اخذ بعثه من الكويت. ومشكوره واسفه على الاطاله ... |
رد: عندي بكالوريوس وابكمل بكالوريوس؟؟
ليش محد يرد علي :(
ساعدوني امكن على ايديكم اقدر اسوي شي لو سمحتوا .......... |
رد: عندي بكالوريوس وابكمل بكالوريوس؟؟
اخت عزيزة قدمي تعليم عن بعد ادب انجليزى بشهادتك الثانوية اتوقع يقبلونك
انا معدلي 75 واقبلونى ادرب انجليزى والرسوم 2500 وتختبرين بالدمام موضرورى الاحساء تختارين المدينة كل الاترام |
رد: عندي بكالوريوس وابكمل بكالوريوس؟؟
مدرى اذا فية اختلاف علشان انك كويتية بس ماتوقع وبعدين مافية اختبار قدرات
|
رد: عندي بكالوريوس وابكمل بكالوريوس؟؟
انامحتاجه اعرف كثيرعن هالأمور ودي بتواجدكم عشان افهم اكثر
مقهوره قسمابالله الفيزياء ماعادينفع ولاعاد اطيقه نسيت كل شي فيه وابغى اكمل بشي غيره بس موعارفه شي بذي الأمور ياليت احد يساعدني منكم |
رد: عندي بكالوريوس وابكمل بكالوريوس؟؟
اقتباس:
يقبلوني تتوقعون؟؟ |
رد: عندي بكالوريوس وابكمل بكالوريوس؟؟
اقتباس:
شكرا لا عادي خليجنا واحد |
رد: عندي بكالوريوس وابكمل بكالوريوس؟؟
اقتباس:
|
رد: عندي بكالوريوس وابكمل بكالوريوس؟؟
عزيزة انا قدمت عن طريق النت ونسبتى 75 اول قبول ارسلوا لم يتم قبولك بعدها باسبوع ارسلوا لى قبول يعنى بيقبولونك مهما كانت نسبتك توكلى ع اللة وقدمي
اخت سماوية كم معدلك ؟؟ |
رد: عندي بكالوريوس وابكمل بكالوريوس؟؟
اقتباس:
وشكرا |
رد: عندي بكالوريوس وابكمل بكالوريوس؟؟
التقديم مو الحين فية وقت يفتحون التقديم طبعا القبول يوصلك عن طريق مسج بالجوال وبعدين تبدين ترسلين الاوراق
ابتاكد لك متى يفتح التسجيل واعطيك خبر |
رد: عندي بكالوريوس وابكمل بكالوريوس؟؟
اخر سؤال انا اسفه هلشاداتهم معتمده اخاف باجر يقولون مو معترف فيها ؟؟
|
رد: عندي بكالوريوس وابكمل بكالوريوس؟؟
موقع الجامعة كاتب انها معتمدة
|
رد: عندي بكالوريوس وابكمل بكالوريوس؟؟
اقتباس:
بس موعارفه اي شي بخصوص التكميل والقبول والتخصص لوبكمل ماابغى فيزياء طبعا ماله فايده وصعب ودي بتخصص ثاني بس مااعرف كيف استفسر ولا ادري اذا هومطلوب اولا لوتدلوني على خيط البدايه اكون شاكره لكم |
رد: عندي بكالوريوس وابكمل بكالوريوس؟؟
ان شاءالله يفيدونج اختي سماويه
انا ماادري انا اسأل مثلج لكن تقدرين تتصلين على القبول والتسجيل اهناك راح ايفيدونج اكثر انا ادق عليهم محد يرد لو شبك معاج تمام.. |
رد: عندي بكالوريوس وابكمل بكالوريوس؟؟
عندي استفسار ثاني الله لايهينكم
انا ودي اقدم على ادب انجليزي انتساب مطور هل هو بجامعة فيصل او بجامعة الدمام ؟.؟؟ وشلون اقدر احول انتظام بجامعة الدمام والدراسه سهله او صعبه وشلون طريقتها؟؟ وجزاكم الله خير :mh318: |
رد: عندي بكالوريوس وابكمل بكالوريوس؟؟
هلا بك اختي عزيزة نفس
من ناحية الاتصال مااتوقع انهم بيردون علي انا الحين اتمنى اللي مكملين انتساب بكالوريوس تخصص غيرتخصصهم الاساس مثل الاخ مشعل الماجد يقول لي كيف قدم عن طريق النت اوكيف والتخصصات الموجوده بالجامعه من فين اعرفها عشان احدد اللي نفسي فيه واعرف بعدها اسأل بانتظارهم والله يوفقنا واياك |
رد: عندي بكالوريوس وابكمل بكالوريوس؟؟
ليش تعيدون البكالريوس من جديد؟
درسوا الماستر في غير تخصصكم تخصصي فيزياء مثل سماوية كان يوم منيل بستين نيلة وقت دخلت هالتخصص صعب حيل وماله مستقبل حاليا مسجلة بالماستر واذا مانقبلت بضل اسجل كل سنة صعب وتعب ارجع اعيد البكالريوس من جديد |
رد: عندي بكالوريوس وابكمل بكالوريوس؟؟
الانتساب المطور القبول فيه سهل
والتقديم يكون قبل بداية الفصل الأول و قبل بداية الفصل الثاني بمعنى مرتين بالسنة والتخصصات هي : لغة انجليزية و ادارة اعمال ولغة عربية وعلم اجتماع _ على حد علمي_ الاختبار يكون في منطقة السكن بمعنى أن الاختبار يعقد في اغلب مدن المملكة ويتم تحديد المكان المميز في الانتساب المطور أن هناك 30 درجة باستطاعة الطالب الحصول عليها من خلال حل الواجبات عن طريق الموقع ويتبقى 70 درحة لكل مادة تكون اختبار موضوعي اي صح وخطأ واختيار من متعدد موفقين |
رد: عندي بكالوريوس وابكمل بكالوريوس؟؟
^
رد كافي لكن اضيف كمان الدراسات الاسلاميه والتربيه الخاصه |
رد: عندي بكالوريوس وابكمل بكالوريوس؟؟
اهلين اختي حلم ميت وربي جبتيهاع الجرح :Cry111:
فيزياء من جد صعب وقلب راسي لحد ماتخرجت وقال اش مطلوب ولا مطلوب ولاشي وفكرتبالماجستيراكيد قبل البكالوريوس يغيرتخصصي بس قالوالازم تكملي ماجستيربنفس التخصص يعني الفيزياء وانا والله ماعاد ابغى الفيزياء ونسيت كل شي رياضي فيها ولاابغى ادفن نفسي من جديد بقسم مااحبه الحين والله مااعرف السواة اتخصص بكالوريوس بتخصص كان نفسي فيه وهو الخدمه الاجتماعيه واللي عندكم بالدمام علم اجتماع مااعرف اذا يأدي لنفس التخصص والأولى انجلش لكن الانجلش انتساب مااتوقع بنجح لأنه موزي اي ماده عموما نسبتي بالثانويه 89 وبالبكالوريوس 80 مااعرف انقبل بكالوريوس مره ثانيه اولاواذا في فلوس كم لكل ترم ادفع وانتي كيف مسجله بالماجستير والقسم مومرغوب عندك !!وماله اي طلب حاليا عيدي التفكير انامومن الدمام وهذا اناقاعده اجمع معلومات عشان لماقرراعرف وين وجهتي الله يوفقك اختي |
رد: عندي بكالوريوس وابكمل بكالوريوس؟؟
أختي سماويه
انا اشوف تخصصك افضل بكثير من تخصصات التعليم عن بعد ..حاولي تكملي ماجستير حتى لو بتخصص آخر وتقدري على حسابك ..أو تدعمي شهادتك بالدورات والدبلوم وربي يوفقك ... وعلى فكره في الوظايف الاولويه للانتظام قبل الانتساب ... |
رد: عندي بكالوريوس وابكمل بكالوريوس؟؟
تقدري تكملي يغير تخصصك مثل في
تخصصات ماجستير : التوجيه والارشاد النفسي الادارة التربويه تربية الموهوبين ادارة الاعمال كلها موجوده بجامعة الملك فيصل وتقبل جميع تخصصات البكالوريس ... |
رد: عندي بكالوريوس وابكمل بكالوريوس؟؟
مشكورابوياسر على ردك بس هل اقدراسجل عن طريق النت بس
وانتي اختي فراشه كيف اكمل ماجستير بغيرتخصصي هم يقولوا لالازم نفس التخصص الماجستيركمان فيزياء وهذا مورغبتي إذا تقدري توضحي اكثر |
رد: عندي بكالوريوس وابكمل بكالوريوس؟؟
تقدري تكملي بغير تخصصك مثل في
تخصصات ماجستير : التوجيه والارشاد النفسي الادارة التربويه تربية الموهوبين ادارة الاعمال كلها موجوده بجامعة الملك فيصل وتقبل جميع تخصصات البكالوريس ... |
رد: عندي بكالوريوس وابكمل بكالوريوس؟؟
اقتباس:
انتي مثلا فيزياء كملتي بشي منهااواش سويتي تعينتي! |
رد: عندي بكالوريوس وابكمل بكالوريوس؟؟
^
سجلت تربية الموهوبين ولسى نستنى النتايج عادي ممكن نفيدك باي تخصص منها او تبحثي عنها ,بالاول استخيري وشوفي الافضل منها, التسجيل انتهى باذن الله يفتح السنه القادمه بداية الترم الثاني .. |
رد: عندي بكالوريوس وابكمل بكالوريوس؟؟
ان شاء الله خير مشكوره فراشه الله يعطيك العافيه
|
رد: عندي بكالوريوس وابكمل بكالوريوس؟؟
اقتباس:
انا ودي انجليزي بس لو بحول انتظام اقدر اكمل على جامعة الدمام ؟؟ ودي اسأل شلون الدراسه سهله ؟؟ وشكرا |
رد: عندي بكالوريوس وابكمل بكالوريوس؟؟
اقتباس:
واللي ذكرتيه عزيزتي كله بجامعة الملك فيصل بالاحساء وانا بالدمام ؟؟ مافي تخصصات تقبل تخصصي بكالوريوس رياض اطفال بالدمام قبل لا ابدي اسجل انتساب جزاكم الله خير... |
رد: عندي بكالوريوس وابكمل بكالوريوس؟؟
عزيزة نفس
يقبلو على شهادة الثانوي بس ممكن يسوون لك معادله لشهادة البكالوريس (استفسري بقسم منتدى الانتساب المطور يفيدوك اكثر) بالنسبه للماجستير بالدمام لاسف ماعندي معلومات عنه بس الي اعرفه هناك القبول قليل والتخصصات قليله ولا يوجد ماجستير بالدمام قريب من تخصصك ... طيب بما انك كويتيه يعني ماتقدري تتوظفي بالوظايف الحكوميه صح !! فقط بالقطاع الخاص !!اوك ادرسي ماجستير تعليم عن بعد(اهو غير معترف فيه بالقطاع الحكومي لكن القطاع الخاص يقبله) ماعندي معلومات عن ماجستير التعليم عن بعد بس تقدري تبحثي بالعم جوجل ^ــ^ وعالفكره رواتب المدارس الاهليه والروضات الاهليه دائما منخفضه بس البعض رواتبه توصل لـ 3 الاف اقصد المدارس وليس الروضات ... وممكن تبحثي بالشركات بس مابعرف اذا رواتبهم اعلى او لا ,,, التوفيق لك حبيبتي :love080: |
رد: عندي بكالوريوس وابكمل بكالوريوس؟؟
الاخت سماوية والاخت عزيزة نفس التقديم عن طريق النت والقبول يجيك مسج بالموبايل سواء بالقبول او عدم القبول والرسوم من 2500 بالبداية ويمكن تزيد بالاترام الثانية على حسب الساعات بس ماتزيد عن 3000 وانا انصح بادب انجليزى لانة يبغيلك تشدين حيلك باللغة بس بس التخصاصات الثانية احس انها قلق من ناحية الرياضيات ولاحصاء وبعدين الدراسة احس ابسط من الانتظام لان 30 درجةتعتبر تجيك مثل الهدية 10 درجات واجبات وتكون محلولة بالمنتدي و10 مشاركات بمنتدي الحوار حق كل مادة و10 تحميل المحاضرات . يبقي 70 درجة الاختبار النهائي وكلة اختيارات
|
رد: عندي بكالوريوس وابكمل بكالوريوس؟؟
اقتباس:
بس ماادري متى التسجيل؟؟ واذا صار لي نصيب ان شاءالله ابي تفاصيل اكثر :) |
رد: عندي بكالوريوس وابكمل بكالوريوس؟؟
اقتباس:
|
رد: عندي بكالوريوس وابكمل بكالوريوس؟؟
اقتباس:
فيه جامعات تقبل تكملي في غير تخصصك (ماعدا جامعة الدمام هذه معقده عقليا) بس الي فهمته انك ماتقدري تقدمي الا بالدمام ... لكن بما أنهم قالولك تقدري تدرسي بمواد تكميليه هذا شي عادي جميع الجامعات اذا قدمتي بتخصص مختلف لازم تدرسي مواد تكميليه وهذا المواد تدرسيها بعد القبول ,,يعني بعد القبول راح يعطوك جدول بالمواد التكميليه يعني لاتترددي المواد التكميليه تكون دراستها بنفس الجامعه الي قدمتي عليها .. سمعت انه جامعة الملك عبدالعزيز فتحت ماجستير ادارة اعمال وانجلش تعليم عن بعد بس مااعرف اذا بدأ بشكل رسمي او مجرد كلام .. عندك الانتساب المطور بجامعة الملك فيصل ,وكمان الانتساب المطور بجامعة الدمام راح يبدأ من السنه القادمه باذن الله والتقديم بكلا الجامعتين النت .. وتقدري تكملي ماجستير عن بعد ادارة اعمال ثم تتوظفي بالشركات اعلى من رواتب الروضه الاهليه ..وعلى ما اظن فيه ماجستير ادارة اعمال تنفيذي بجامعة الامير محمد بن فهد بالخبر .. وممكن تشوفي التخصصات المرغوبه والي لها مستقبل بالقطاع الخاص وتدرسي ماستر عن بعد او بكالوريس انتساب مطور شوفي الي يناسبك ... |
رد: عندي بكالوريوس وابكمل بكالوريوس؟؟
الف شكر اختي علي الرد بس اللي فهمهته الماجستير فيه تعقيدات كثير صراحه عقدتني جامعة الدمام طلعت منهم قلت ماابي ادرس زين يااختي الواحد مستعد ومتحمس وهذول بكلمه يهدون كل الاهداف اللي نسعي التحقيقها والله حتي سفارتنا تحبط يقول مالج مستقبل ردي الكويت وشو هذا كلام صكرها ابوجهي بكلامهم يحبطون كل شي يقتلون اي امل في الطالب الله يعين بس
|
رد: عندي بكالوريوس وابكمل بكالوريوس؟؟
حبيبتي كملي ماستر بجامعة الدمام يقبلون طلبة الخليج عادي
في غير تخصصك وتاخذين مواد تكميلية بعد القبول راح يقبلونك على نسبة 3.5 من 4 ماشاء الله حلوه انتي بس توكلى على الله ولا تاخذين ببالك كلام الموظفات والاحباط انا من الشرقية وبكمل ماستر بالكويت ان شاء الله وكملت اوراقي من السفارة والجامعة في السعودية والكويت وعادلت شهادتي وكل شيء اوكي باقي لى اختبار القبول ان شاء الله على فكره قبل ماافكر بالموضوع قالوا لى الكويت ماتقبل غير كويتيين وانا لما دخلت الجامعه لقيت نص الجامعة سعوديين ادخلى على موقع جامعة الدمام وشوفي المطلوب وتوكلي على الله موفقه |
رد: عندي بكالوريوس وابكمل بكالوريوس؟؟
ياهلا اختي انتي عكسي انا من الكويت وبقدم على الدمام وانتي من الدمام بتقدمين على الكويت هههههه
المهم شلون طريقة التقديم ؟؟ وشنو التخصصات اللي تقبل رياض اطفال امكن انتوا السفارة اتساعدكم احنا اهني :hhheeeart4: كل شي عندهم مايصير الله المستعان |
رد: عندي بكالوريوس وابكمل بكالوريوس؟؟
اقتباس:
حبيبتي انا مقدمة على تربية الموهين اعرف نفسي مااحب الفيزياء ولاني قادرة ارجع ادرسه من جديد اصلا ناسيته سجلت ماستر فيزياء في جامعة الملك سعود بعدين هونت مثل ماقلتي ماابي ادفن نفسي وارجع اعيد المعاناة من جديد عادي تقدري تسجلين ماستر في غير تخصصك بس الجامعة تطلب منك مقررات تكملية انتي نفسك في خدمة اجتماعية ليش ماتسجلين في ماستر جامعة الملك سعود الموازي فيه ماستر خدمة اجتماعية احسن من ان تضيعين اربع سنوات من عمرك على بكالرويوس وترجعين لنقطة الصفر |
رد: عندي بكالوريوس وابكمل بكالوريوس؟؟
اقتباس:
مشكوره عزيزتي على ردك طيب حلو انو اكمل مثل ماقلتي خدمه اجتماعيه ماجستير على طول بس هل في ماجستيرانتساب وهل انتي متأكده بقبلوني دامه موتخصص البكالوريوس وابغى اعرف منك هل اقدراسجل ع النت واعرف مواعيد التسجيل بس معقوله جامعة الملك فيصل مافيهاخدمه اجتماعيه ياناس! اي رابط عندك بيفيدني هاته |
رد: عندي بكالوريوس وابكمل بكالوريوس؟؟
اقتباس:
وبعدين بصراحه الانجلش ثقافتي فيه محدوده جدا يعني لو في اختبارقبول معناته مافي امل ابغى منك تفاصيل وروابط بخصوص الموضوع يعني لومثلابسجل وش شروطهم للقبول وهل في اختبارقبول وكمان ابسألك انااللي اعرفه ان الانجلش سهل لمن احدقدامي ويفهمني زي ايام الثانوي لأنه طبعا موعربي زي اي ماده تقدرلحالك تستوعبه فكيف وضعك يعني دراسته من دون مساعد شي صعب وممكن يكون مستحيل ! انتظر افادتك اخوي وجزاك الله خير |
رد: عندي بكالوريوس وابكمل بكالوريوس؟؟
اقتباس:
شلون ماسنتر الملك سعود الموازي شنو شروطهم ؟؟؟ |
رد: عندي بكالوريوس وابكمل بكالوريوس؟؟
موازي يعني بفلوس على حسابك ...
عالفكره اختي عزيزه الغير السعوديين يقدرو يسجلو ماستر في الجامعات السعوديه عن طريق المنح الخارجيه من بلدهم (بس معرف كيف الطريقه) |
رد: عندي بكالوريوس وابكمل بكالوريوس؟؟
اقتباس:
وبيني وبينج السفاره مو متعاونه كل شي عندهممايصير.. الله يعين انا القاها من وين والا وين علشان جذي فكرت اعيد البكالوريوس من جديد انتساب جامعة فيصل اشرايكم؟؟؟ |
رد: عندي بكالوريوس وابكمل بكالوريوس؟؟
اقتباس:
التسجيل عن طريق النت وبامكانك اكمال الماجستير في تخصصات مختلفة عن تخصصك بشرط ان تكون تربوية كالادارة التربوية وتربية الموهوبين |
رد: عندي بكالوريوس وابكمل بكالوريوس؟؟
اقتباس:
والانتساب المطور برنامج مستقل والقبول يكون على أساس الشهادة الثانوية |
| All times are GMT +3. الوقت الآن حسب توقيت السعودية: 05:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام