الى أبو أحمدمع التحية ...

[تعبت محد فهمني]

السلام عليكم ورحمة الله وبركاته

اخي ابو أحمد اتمنى ان اجد عندك اجابات لما يدور في نفسي وسؤالي هو اني متقدمة لاحدى الجامعات لاكمال الماجستير ولكني وللاسف الشديد لااعرف كيفية دراسة الماجستير هل هي كما كنت في الكلية تحوي مناهج دراسية وكتب ؟
وهل هي بالفعل اربع سنوات ؟ كيف اعد الرسالة وماهي مراجعي بصدق انا لا اعرف شيئاً مقبله ع الماجستير ولا افقه فيه شئ ارجو مساعدتك لي انا موظفة سكرتيرة بالشئون التعليمية الاشراف التربوي واحمل شهادة البكالوريوس تخصص تاريخ واخترت قسم الادارة التربوية لاكمل فيه هل هو مناسب ام فيه صعوبة.. وشكرا وعذرا ان اطلت عليكم

[سارهـ]

آهلـين تعبت ..}~
ادري بتقولين وش جايبك الموضوع يخص ابو احمد :mh45:
بس حبـيت استفسر الاداره بتكملينها باي جامعـهـ .. لاني ابي اكمل اداره !!
ثانكس ..}~

[متوكله على الله]

السلام عليكم

الله لا يجيب التعب يا اختي تعبت

أنا مثلك أبي الماجستير بس أنا بالخبر و الماجستير بالأحساء

فأبي أحد يفهمني ( بالعامي ) الماجستير

يعني : تحضرين المحاضرة و الدكتور يشرح عادي ممكن يطلب بحث و بعدين في امتحان شهري مثل أيام الكلية و تنتهي بإمتحان نهائي هذا في الترم الواحد والماجستير عبارة عن 4 ترم يعني سنتين و آخر ترم أو آخر ترمين تبدئين تشتغلين على الرسالة و يكون لك دكتور مشرف على هذه الرسالة أعتقد كل ماتسوين جزء تورينه و يصلحلك الأخطاء و هكذا حتى تكتمل الرسالة وفي النهاية مجموعة دكاترة راح يناقشونك في الرسالة يعني بيسالونك أسئلة عن الرسالة عشان يتأكدون إنك أنت الي مسويتها و إنك ملمه و فاهمة كل الي فيها و ممكن ينتقدون بعض الأشياء فيها و أعتقد بيكون الدكتور إلي أشرف على رسالتك معاهم عشان يدافع عنك > خخخخ يعني محامي عن المتهمة

هذه الصورة الي أنا وصلت لها بس ترى كل الكلام الي قلته من عندي لأني مالقيت أحد يشرحلي الموضوع

لما كنا بالثانوي كنا نسأل خواتنا الكبار أو قرايبنا عن الجامعة و الكلية وشلون نظام المحاضرة و هل تشبه الدرس العادي و هل تعامل الدكتورة مثل تعامل الأبلة وكنا نلقى الجواب

و الحين نسأل عن الماجستير بس للأسف ما لقينا الجواب:011:


تصوري للماجستير إنه محاضرات عادي بإختلاف الرسالة و إلي أنا أتخيلها بحث كبير شوي
المهم تصوري للماجستير من خلال جدول وجدته في الإنترنت الله يجزي الي حطه كل خير

وهذا الجدول عشان أطمنك لو شوي لأني حاسه فيك و إنشالله نلقى إلي يشرح لك و يشرح لي:s12:


جدول ماجستير الإدارة التربوية الفصل الدراسي الاول ( جامعة الملك عبدالعزيز ) رحمه الله

م اسم المادة ورقمها موعد المحاضرة عدد الوحدات مبنى مدرس المادة
1 الإحصاء الإستدلالي 600 الاثنين 10 / 12 3 41 د. محمود
2 الحاسوب في التربية 601 الاثنين 12.15 / 2.15 3 41 د. عصام
3 الإدارة والمقارنة 610 الثلاثاء 10 / 12 3 41 أ.د. سعيد
4 إدارة المؤسسات التعليمية 612 الثلاثاء 12.15 / 2.15 3 41 د. سهيل

[تعبت محد فهمني]

هلا وغلا بحبياتي وربي وربي شرف لي انكن تردن علي بس لاني انا جديده ونادره مشاركتي فاسئل ابواحمد اخجل منكم والله


ساره الغاليه فديتك انا مسجله بجامعة الملك سعود بس جاني احباط لما قريت بالمنتديات انه العام الماضي تقدموا 1500 والمطلوب فقط 40 تخيلي :c8: والقسم بغاية الروعه ممتع وله مستقبل اتكلم عن نفسي ..

المتوكله على الله انا مثل افكارك احس انه زي دراسة الكلية كتب ويطلبون بحث وامتحانات الله يستر بس وربي خفت لما دخلت منتدى جامعة الملك سعود :mh19: لما تشوفين كلام اللي يدرسون وخلصوا تخافين مدري شنو مصادر ومواقع ومراجع شي يرعب بس حنا لها نبيها شرايكن بنات نتكاتف وندخل سوا نصير ربع

[سارهـ]

آنا علي ابواب التخرج ولكن .. يآئسه من استكمال دراسه الماجستير لان الدراسه عندنا معقده والاعداد قليله جدا علي انك لو نظرتي لاغلب اعضاء هيئه التدريس بالجامعه بتلاحظين انهم من الخارج طيب احنا اولى من غيرنا بهالمجالات ومع ذلك كله الدراسه ضيقه جدااااااااا عندنا يكتفون باقل الاعداد .. هذا غير تضيق المجال حتى في اختيار موضوع البحث

[HaDiA]

الحين الماجستير الي تبي تكمل بالاحساء ؟؟؟

مافي ماجستير بالدمام ؟؟؟

[الفل والكادي]

السلام
على حسب علمي
بالدمام مافي الادراسات عليا في التخصصات الطبيه
اما التخصصات التربوية مافي الا بالاحساء
انا دقيت على قسم الطالبات بالدمام وقالوا لي هالكلام
الله يوفق الجميع..