رد: المرحلة الثامنة من برنامج الملك عبدالله للإبتعاث
 

رد: المرحلة الثامنة من برنامج الملك عبدالله للإبتعاث
 

اقتباس:

سلامووو حبايبي تكفون ردولي خبر ضروري الله يعطيكم العافيه ويوفقكم جميعا اللي يرد علي انا قدمت على البرنامج وارسالولي رساله يطلبون مني احضار الوثائق مدري احضر الاصل ولا صور فقط لان مكتوب بالموقع صور

احضري الاصل وصور احتياط بس

اقتباس:

وانا قسمي لغة عربيه وكتابة بالماستر محاسبة هل فيها شيء لان مادريت انه لازم يتبع القسم واصلا مافيه شيء يتبع قسمي

ادخلي موقع مبتعث متكلمين كثير على هالنقطة وبيفيدونك اكثر مني لاني سمعت ان اللي يدرس ماجستير امتداد لتخصص مو تخصصه ماياخذون فيها الوظايف الجامعية < ماني متأكدة من الكلام مجرد قريته بمكان

اقتباس:

واخترت المرافق اخوي الصغير اقدر وقت مااقدم اغير المرافق

المرافق اذا كان عمره اقل من 18 سنة مايقبلونه
وتقدرين بأي وقت تغيرين المرافق عادي مافيها مشكلة

اقتباس:

وبعدين وش الشيء اللي لازم انتبهله وانا اقدم اوراقي لاني ابي البعثة ضروري والمشكلة مااقدر اقدم السنه الجاية لان يصير لتخرجي اكثر من 5سنين ومكتوب في مواعيد التدقيق من 14/10 الى 25 ماادري اي يوم اجي هل اول يوم احضر ولااي

دخلي سجلك المدني هنا
http://www.mohe.gov.sa/ar/studyaboar...sultsID-8.aspx

وبيطلع لك موعدك
واكثر شي احرصي عليه تكون اوراقك كاملة وان شاء الله تتسهل

اقتباس:

وبليز لازم اكون ملمة باللغة الانجليزية ولا عادي لاني عندي خلفية بسيطة بالانجلش وهل لازم يكون عندي جواز سفر وكم سنة لدراسة الماستر وبالتقديم اخترت سنغافورة والصين وايطاليا يختارون هم لي ولا على حسب الطلب الاول

مو لازم تكونين ملمة باللغة مع انه الافضل ذلك
لكنك قبل الماستر بتدرسين سنة لغة بالبلد اللي بتبتعثين له
وجواز السفر شرط اساسي يكون عندك جواز خاص فيك < لاتسوين غلطتي وتنضافين بجواز اختك :/
اما الدول فغالباً يختارون اول رغبة وبالاصل يمشون على ترتيب الرغبات

اقتباس:

واللي يعرف شيء عن سنغافورة وعن الدراسة فيها وافضل الجامعات يعطيني خبر الله يوفق من تعاون معي ويجزاه خير والله ماانساه من دعائي تكفون ردو علي محتارة ومرتبكة مره الله يفرج لكم

سنغافورة حطيتها انا ثالث رغبة لانهم قالوا ان مستوى المعيشة فيها غااااالي مرة :biggrin:
اذا كان عندك دخل غير راتب البعثة ف بتتسهل بإذن الله
لكن ع حسب ماقرأت ان معيشتها غالية
انتي ابحثي عنها وتلاقين معلومات بتوضح لك

اقتباس:

وفيه شيء مهم كيف اترجم الوثيقة والاشياء المطلوبة

فيه مكاتب ترجمة معتمدة او راجعي الكلية اطلبي منهم نسخة مترجمة لكن بعض الكليات ماتعطي :biggrin::biggrin:

مكاتب الترجمة ابحثي عنها بموقع مبتعث
+ اهم شي تكون الوثيقة انجليزي وعربي
اما السجل على حسب ماقرأت اذا كان انجليزي وصادر من جامعة داخل السعودية مايحتاج ترجمة ويكتفى به وطلاب المرحلة السابقة أكدوا هالشي

اما اذا كان عربي وصادر من جامعة سعودية ضروري يترجم لانجليزي

واذا كان صادر من جامعة عربية لكن غير سعودية ف يطلبون نسخة عربي ونسخة انجليزي < هذا كلام احد الاخوة في ملتقى مبتعث

والله يكتب لك كل خير وييسر لك :106:

رد: المرحلة الثامنة من برنامج الملك عبدالله للإبتعاث
 

الله يجزاك خير ويوفقك وين ماكنتي :rose: بس حبيت اساالك حبيبتي انا قسمي لغة عربية وكتبت في الماستر محاسبة هل يرفضون اختياري ويخلوني تسويق بس لان ماابي تسويق ولا له مجال اني ادرس بجامعة او كلية ابي الرد ضروري قبل اتعب نفسي واطبع اوراقي واترجمها واطلع جواز

رد: المرحلة الثامنة من برنامج الملك عبدالله للإبتعاث
 

الله يووفقك دمع

طيب الحين تاريخ الموعد

بالميلادي؟

ماهو دقيق التاريخ

رد: المرحلة الثامنة من برنامج الملك عبدالله للإبتعاث
 

اهلا عزيزتي

طبعا تقدرين تغيرين قسمك بعد ماتدرسين بمعهد اللغه عن طريق الملحقيه الثقافيه
توكلي على الله وخلصي امورك

الله يكتب لك الخيرة
:rose:

رد: المرحلة الثامنة من برنامج الملك عبدالله للإبتعاث
 

حبيباتي يوم جيت اطبع اوراقي لقيت في استمارة الطلب اللي عبيتها خطأ في تاريخ الميلاد انا كتبت 6/4 وانا 7/4 كبرت عمري يوم واحد هل فيها مشكله هل يلغى قبولي عشان هالخطأ وبغيت اسأل وش طبيعة الدراسه بايرلندا وهل القى بجامعاتهم تخصص طرق تدريس لاني ارغب اني احول من تسويق الى طرق تدريس لان قالولي هذا اللي يناسب قسمي بالبكالوريس :Cry111:

رد: المرحلة الثامنة من برنامج الملك عبدالله للإبتعاث
 

^^ان شاالله مايددقون ..هو بعد ماتدرسين اللغه تتضح لك الامور مالي علم بالتخصصات اللي هناك
وايرلندا دوله هاديه وحلوة ومعيشتها مو غاليه

رد: المرحلة الثامنة من برنامج الملك عبدالله للإبتعاث
 

الله يرضى عليكم وقت الدقيق ايش اودي معي من اوراق
ابغاها بالتفصيل تكفوووووووووووون
وكمان ايش سالفة الترجمه تبع الوثيقه والسجل
تكفون ابغى كل الاشياء اللي اوديها للتدقيق

رد: المرحلة الثامنة من برنامج الملك عبدالله للإبتعاث
 

اكتبوها لي مابغى روابط لاني مافهمت ايش احضر معي بالضبط

رد: المرحلة الثامنة من برنامج الملك عبدالله للإبتعاث
 

الله يجزاكم خير :119: