|
رد: عاجل للمقبولات حديثا في الماجستير[تم تعديل العنوان]
اقتباس:
يروح لدكتور ايمن السدراني وهو عنده علم مسبق بالمشاكل من طموحي فوق ربي يسعدها ويوفقها ويكتب لها اجرنا انا راح الوالد عند الدكتور وانحلت مشكلتي وقدرت ادخل البانر واسجل موادي سجلت الثلاث منهج البحث التاريخي تاريخ الحضاره العربيه الاسلامي التاريخ السياسي للدوله الاسلاميه طبعا منهج البحث تطلع باسم الدكتور والوقت الباقيه ماتطلع ولاشي ولاجيت اطبع الجدول مايطلع غير ماده وحده شكله عشان هاذيك مالها وقت ودكاتره نصبر ونشوف فراوله اتشرف يالغاليه ماقدر ارسل خاص ارسلي تلفونك عشان نتواصل والله يجعل تواصلنا لدرب النجاح والتفوق |
رد: عاجل للمقبولات حديثا في الماجستير[تم تعديل العنوان]
حليمه ياحليمه
لما عطتك عفاف الخطه كان فيها ايام واوقات والا بس ارقام مراجع واسماء المفررات |
رد: عاجل للمقبولات حديثا في الماجستير[تم تعديل العنوان]
صباح الخير بنت التاريخ
بالنسبة للوالد راح للاستاذ ايمن وش قاله بالضبط؟؟ و هل طلب منه اوراق معينه او معلومات و ارقام غير اللي يطلبها منا النظام لان برسل احد من معارفنا يشوف الموضوع اليوم و ابي اتاكد من كل شي قبل ما يروح و اذا ما نفع بضطر ارجع اخوي من سفرته عشان يكمل الاجراءات ضروووري تردين علي و مشكورة |
رد: عاجل للمقبولات حديثا في الماجستير[تم تعديل العنوان]
اقتباس:
ياخذ صوره من اشعار القبول وصور شهاداتك للاحتياط وكرت العايله صوره كمان واكتبي بورقه سجلك المدني بوضوح والرقم الاكاديمي واكتبي رقم الجوال المسجل بالنظام هذا اللي خذاه الوالد وماطلبه شي غيرهم ويروح للدكتور ايمن ويشرح له الوضع انو ماخليتي مكان من تقنيه معلومات لقبول وتسجل ولعماده الدراسات العليا وكلهم يقولون ماعندنا شي ويقوله ان البنت تدخل تحديث معلومات يطلع لها ان لم يتم قبولك وان قسم التسجيل يقولون مالك اي بيانات عندنا فهو بيضيف بياناتك ويربطها بالتقنيه المعلومات خله يروح للدكتور ايمن بنفسه مو اي احد ثاني اي قبل انسى لاقاله ضبطنا المشكله خلي اللي بيروح يكلمك تجربين لانو انا قال خلاص تم الربط ودق ابوي ماتحدث فالحمدالله كان مازال بالجامعه يعني لايطلع من الجامعه الا وانتي قايله له كل شي اوكي اهم شي الرقم السري يطلع ترى البانر ماشتغل معاي الا اليوم عادي بس الرقم لازم يطلع بنفس الوقت اللي يروح ولي امرك وكمان تقدرين ترسلين ايميل لدكتور ايمن بمشكلتك ويحلها صاحبتي تقول سوت كذا وانه يرد عليها يالايميل ويسالها تعدلت والا لا يعني انسان مهتم ومتواضع aalsadrani@kfu.edu.sa بالمناسبه اشكر طموحي فوق هي اللي دلتنا عالدكتور ايمن ربي يوفقهم اثنينهم ويرزقهم من حيث لايحتسبون |
رد: عاجل للمقبولات حديثا في الماجستير[تم تعديل العنوان]
يعطيك الف عافية بنت التاريخ
مشكوووورة و ما تقصرين |
رد: عاجل للمقبولات حديثا في الماجستير[تم تعديل العنوان]
اقتباس:
طمنيني كاندي احاتيك |
رد: عاجل للمقبولات حديثا في الماجستير[تم تعديل العنوان]
أنا بروح بكرا إن شاء الله
و بشوف شنو وضع استفساراتنا لأن للان ما كو لا وقت ولا يوم ولا اسم دكتور لنا ! |
رد: عاجل للمقبولات حديثا في الماجستير[تم تعديل العنوان]
ابشركم الحمدلله تم تفعيل الرقم السري قبل شوي
و عملت تحديث بس الى الان ما يدخل على نظام البانر الحمدلله احسن من ولا شي اخت حليمة ما عليك أمر يا ليت تسألين بعد عن قسم الجغرافيا متى نبدأ نداوم |
رد: عاجل للمقبولات حديثا في الماجستير[تم تعديل العنوان]
اقتباس:
البانر بكره يتفعل باذن الله الله يسهل لك |
رد: عاجل للمقبولات حديثا في الماجستير[تم تعديل العنوان]
بنت التاريخ و طموحي فوق
يعطيكم العافية ساعدتوني كثييييير و ان شاء الله بميزان حسناتكم و الله يوفقكم و يوفق كل بنات الماستر |
| All times are GMT +3. الوقت الآن حسب توقيت السعودية: 06:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام