الدبلوم التربوي-للانتساب
 

السلام عليكم ورحمه الله وبركاته

انا منتسبه في كليه الاداب قسم ادب انجليزي وذا السمستر باذن الله اخر سمستر لي واتخرج وسمعت عن الدبلوم التربوي ضروري تسجل بوه من حابه وظايف بالتعليم


حبيت اسال هو خاص للانتظام والا نقدر نسجل فيه حنا المنتسبات
واذا كنا نقدر نسجل ايش اسم الدبلوم تبعنا تخصص انجليزي هل هو دبلوم عام او اسم ثاني
والمعدل للقبول كم المعدل المطلوب
متى راح يفتح التسجيل وكيفيه التسجيل وكم السعر

ياليت الي عندهم خلفيه يفيدوني اكون شاكره لكم :love080:

رد: الدبلوم التربوي-للانتساب
 

وعليكم ᷂ٱلسلام ᷂؏ـليكم ᷂وٓرحمۃ ᷂الله ᷂وٓبركـاتہ ❖ ᷂

يحق للمنتسب التسجيل في الدبلوم التربوي العام .

الدبلوم واحد لجميع تخصصات كلية الاداب وكلية العلوم .

الفائده من الدبلوم تجعل لك حق في دخول المفاضله قي ا لتعليم .
و تجعل لك فرصه لتغير تخصصك في اكمل الماستر .
المعدل يكون جيد مرتفع .
يفتح التقديم تقريباً في شهر ٢، ٣، ٤ من السنه الجديده

السعر ١٢ الف ريال

المده سنه كامله ..

وفالك التخرج باذن الله

رد: الدبلوم التربوي-للانتساب
 

رد: الدبلوم التربوي-للانتساب
 

نعم يقبلونگ بدون قياس وكفايات ...
بس لابد يكون المعدل جيد مرتفع ...!

:064:

رد: الدبلوم التربوي-للانتساب
 

جيد للدخول في المفاضله في القبول لكن السنه ماقبلو الا ممتاز

رد: الدبلوم التربوي-للانتساب
 

في كل شي الأولويه للانتظام صرت أفكر جدياً اني اعيد دراسة البكالوريوس في جامعة ثانية

رد: الدبلوم التربوي-للانتساب
 

من اللي بتقبلك كمنتظمة .. إذا فيه لا تتأخري نصيحة .. توكلي على الله .. ما بتخسري شيء ..


بالتوفيق""

رد: الدبلوم التربوي-للانتساب
 

هالكلام غير صحيح الأولوية فقط في الوظائف التعليمه وحاليا فيه قضيه منظورة في ديوان المظالم من طلاب الإنتساب ضد وزارة التعليم ..لكن اكمال الدراسات العليا مفتوح المجال والمفاضله بالتساوي بينك وبين المنتظمه الي يحددها نسبتك وجدك واجتهادك .. مثل هالكلام هذا الي ضيع اغلب المنتسبين والمنتسبات خلاهم يتحطمون ويحطون يد على يد

مثال بسيط .. دبلوم التربيه الحالي كان التقديم عليه من شهر 3 واول ماوصلني على الواتس ارسلته للمنتسبين اخوياي كان ردهم ( ياعمي احنا انتساب مايقبلونا مانبي ننقهر ونقدم ونتعب انفسنا ) طبعا صار نقاش لكن بدون فايده.. انا سميت بالرحمن وقدمت الشغله ماخذت مني 5 دقايق فقط والحمد لله قبل اسبوعين تقريبا جات رساله بالقبول وطابقت اوراقي وسددت وصدر لي رقم اكاديمي للدبلوم .. ارسلت رساله القبول لنفس الأشخاص انصدموا وتحسفوا والبعض جالس يدور واسطات علشان بس يستلمون ملفه مع ان اغلبهم نسبتهم اعلى مني لكن راحت عليهم بسبب تفكيرهم .. فلا تضيع اختي اربع سنوات من عمرك على الفاضي ..والله يوفقنا جميع ان شاء الله

رد: الدبلوم التربوي-للانتساب
 

الله يسهل ,, الله يعطيك العافيه

نتأأأمل خير ونقول الله كريم
انا سجلت في الدبلوم التربوي وفاتني وقت المطابقه وماوصلتني رساله راجعت الجامعة قالو لو مقبوله يفترض وصلتك رسالة وقالت لي برضو الانتساب ماينقبلون في الدبلوم قلت لها مو صحيح قالت هذا الي أعرفه
وسمعت من مصادر عدد قليل جداً من الطالبات الانتساب انقبلو
- جامعة الملك فيصل لاترحب بطلبة الانتساب في الماستر ومو كل وحدة بتقدر تروح بلد ثاني حتى تكمل ماستر

انا اشوف دراستنا ماتفرق عن الانتظام الا ان دراستنا اصعب بس حقوقنا مسلوبة

حتى في المدارس الخاصة يفضلون الانتظام انا مقدمة وشايفه وهالكلام مو للإحباط أبداً

اغلب البنات مفكرين في وظايف تعليمية مثلاً انا مو مفكره اشتغل في بنوك أو مستشفيات

رد: الدبلوم التربوي-للانتساب
 

الرساله مو شرط للقبول اذا دخلتي على النتائج وطلع مقبوله ماعليك من كلام الموظفه وحتى لو فاتك موعد المطابقه .. القسم النسائي في الجامعه ماعندهم خلفيه عن اي شي ومهمتهم استقبال الاوراق فقط وتحويلها للرجال بس الاغلب تتفلسف ..القبول صار للمنتسبين والمنتسبات .. البنات قبولهم من الاساس قليل ومخصص لهم 150 مقعد فقط ومن ظمن العدد هذا فيه منتسبات مع ان المتقدمات 800 طالبه الجامعه لو بغت تختار 150 منتظمه بالراحه تختار لكن قبلت منتسبين وكانت عادله .. وبالنسبه للماستر بس اخلص الدبلوم هالسنه راح اقدم عليه وبجامعه الملك فيصل بعد لان مثل ماقبلونا دبلوم بعد البكالوريوس راح يقبلون ماستر واكتب تجربتي ان شاء الله هنا .. وبالنسبه لوظعك قسم الانجليزي فيه احتياج كبير خذي قدرات الجامعيين وكفايات الانجليزي والدبلوم ان شاء الله متى مافتح كذا راح تدخلين المفاضله بجداره والله يكتب لك الي فيه الخير