|
رد: تجمع طالبات ماجستير ادارة اعمال ضروووري
^
انا حصلت امتحان يوم السبت وسجلت فيه حاولت ارسل لك هنا ماقدرت قلت اكتب لك في الموضوع ولا دخلتي لك كم يوم ارسلت لمصطفى عن الدرجة المطلوبة مارد علي للحين وانتي متاكده قالك جينرال تريننق ؟ انا سجلت في جينرال تريننق بس جتني وساوس |
رد: تجمع طالبات ماجستير ادارة اعمال ضروووري
وبالنسبه لاوراق المطابقه حاولي تودينها انا قبول مشروط ووديتها لهم
|
رد: تجمع طالبات ماجستير ادارة اعمال ضروووري
بحاول اكلمه بكره الصباح
هو الي قال لي يبغون جينرال أنا كنت مسجله في اكاديمي وقال جينرال وغيرت بناءاً على كلامه بس ماقال لي عن الاوراق طيب وش احتاجوا من أوراق ؟؟؟؟ |
رد: تجمع طالبات ماجستير ادارة اعمال ضروووري
اسفه فطوم انشغلت بسفر الدمام ولا حصلت فرصه ادخل النت
الاوراق المطلوبه للجامعه هي نفسها اللي سجلتي فيها على النت بيطابقونها جيبي الاصل وصور منها وبالنسبه للايلتس كويس انه جينرال تريننق لاني امتحنت اليوم وشفت اغلب الكنيدت اللي معاي من شرق اسيا او الهند واستغربت بس دامهم طالبينه احسن لنا صراحه هو اسهل من الاكاديميك مع ان مااعجبني ادائي في الامتحان نصيحتي لك تتدربين كثير انا اشتريت كتاب من العبيكان نماذج لامتحان ايلتس رقمه 6 من جامعة كامبردج ساعدني كثير صراحه ..اللسيننق حاولي تسمعين كل القطع وتحلين معهم مباشرة والريدنق والرايتنق فيه جزء في هذا الكتاب للجينرال تريننق لو حاولتي تحلينها كلها بنفسك اتوقع بيسهل عليك الموضوع مره. وانتبهي اذا رحتي للمعهد تجيبين معك الاثبات اللي سجلتي فيه على النت و لازم يكون الاصل مو صوره.. وغير كذا انا صارت لي مشكله لما جو يطابقون جوازي صار رقم الاي دي مدخلته غلط بدايته حرف i وانا حطيت واحد وكذا بنت معاي نفس المشكله بس الحمدالله انحلت ولازم تجين قبل الامتحان بوقت عشانهم بيصورونك ويسجلون بصمة الاصبع اهم شيء حاولي ماتكثرين سوائل قبل الامتحان لانه تقريبا 3 ساعات ومو مسموح تطلعين للتواليت انا مع انه صيام بس توهقت مره احتجت :icon9: باقي لي امتحان السبيكنق والله يسهل لنا يارب:106: |
رد: تجمع طالبات ماجستير ادارة اعمال ضروووري
السلام عليكم
ادري اني متاخره بس حبيت أسألكم التسجيل لإدارة العمال للموازي مستمر ؟؟؟ انا خريجة تقديري امتياز وراحت علي التسجيل في الاعتيادي لاني كنت مسجله في قسم الجغرافيا جامعة الدمام وتم قبولي بس مررره متندمه اني سجلت فيه وودي الحق على ادارة العمال احس اني حابته بليز ساعدوني اذا تعرفون فيه جامعة فاتحه اللحين التسجيل لدراسة بتخصص ادارة العمال.:Cry111: |
رد: تجمع طالبات ماجستير ادارة اعمال ضروووري
على حد علمي. إن. التقديم. للماستر في جامعة فيصل مره وحده في السنه
|
رد: تجمع طالبات ماجستير ادارة اعمال ضروووري
اقتباس:
غناتي تسلمي وماقصرتي اانا اختباري الاسبوع الجاي الله يسهل علينا ونعدي ببركة شهر رمضان المبارك .. السبيكنغ لما رحتي عطوش موعد ولا من قبل الاختبار ؟؟ |
رد: تجمع طالبات ماجستير ادارة اعمال ضروووري
الله يسهل عليكم ويوفقكم ممكن تجاوبون على اسئلتي دراسه الماستر اداره اعمال بفيصل بفلوس وكم؟؟ ويبون خبره ؟؟؟؟ لازم اكون موظفه ؟؟؟ انا بقدم بس موعارفه وحايسه مررره ساعدوني الله يخليكم |
رد: تجمع طالبات ماجستير ادارة اعمال ضروووري
لما خلصت امتحان الليسننق والريدنق والرايتنق اعطوني ورقه فيها موعد الامتحان
يعني حتى لو بتسالينهم قبل الامتحان متى موعدي للسبيكنق بيقولون لك ماندري لان كل بنت لها موعد محدد بس اذا ودك السبيكنق في نفس اليوم روحي لهم في المعهد ونسقي معهم |
رد: تجمع طالبات ماجستير ادارة اعمال ضروووري
اقتباس:
وبالنسبة للخبرة والوظيفة مو من الشروط الاوليه ولكن تفيدك في المفاضلة بين المتقدمين اهم شيء المعدل الجامعي وامتحانات القبول ويكون عندك شهادة توفل او ايلتس ولو ماكان عندك يمتحنونك هم انجليزي من ضمن امتحانات القبول بس من خلال تجربتي الافضل انك تاخذين توفل او ايلتس قبل ماتقدمين افضل بكثير فاذا ناويه تقدمين على السنه الجايه عندك وقت بالراحه الله يكتب لك الخير |
| All times are GMT +3. الوقت الآن حسب توقيت السعودية: 03:46 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه