من خلال تجربتي بالإبتعاث راح أجاوبك ..
بالنسبة للسؤال الأول ما أعتقد إن الوزاره راح توافق على إنك تدرسي بكالوريوس ثاني. ما أعتقد إني سمعت إن أحد طلع بالبعثه من هنا على درجه علمية هي موجودة عنده أصلاً ... لكن يمكن تقدري تطلعي برى تدرسي على حسابك بكالوريوس ثاني و بعدين تنضمي للبعثه لكن كمان تأكدي إن الملحقية هناك ماتعارض إنك تنضمي ببكالوريوس ثاني...
بالنسبة للسؤال الثاني ماعندي صحيح خبر عن المجالات اللي ممكن تدرسيها هناك بالضبط لكن اللي أشوفه إن مثلاّ أمريكا فيها خيارات كثيره كثيره للدراسه ... فأتوقع أكيد راح تشوفي مجالات ثانيه و كمان بعض الجامعات ممكن تعطيك قبول تدرسي عنها في مجال يختلف تماماً عن مجالك في البكالوريوس لكن بشرط إنك تاخذي مواد تكميلية و تخلصيها ... طلاب كثير هذا اللي سووه لكن المشكله تكمن في إنك لمى ترجعي في بعض الوظائف تشترط إن تخصصك في البكالوريوس يكون إمتداد لتخصصك في الماستر و هذا شئ لازم تنتبهي له و اللي سمعته في ملتقى المبتعثين هذي السنه إن الوزاره صارت تدقق على هذا الموضوع أكثر من أول فلازم يكون تخصص البكالوريوس قريب من تخصص الماجستير و أعتقد هذا من شروطهم الآن ...
أتمنى أكون أفدتك
بالتوفيق