بخصووص البعثة الخارجية بليز ردوا...الله يوفقكم

[برق الفرح]

السلام عليكم
اخواني اخواتي لو حصل قبولي في جامعة الدمام معيدة فهم يشترطوون بعثة خارجية
خااارج المملكة <عادي لو اكمل الماستر في الكوووويت>

بصراحة صعبوووها احنا مهما كان نساء وين بيودونا
ولو رضينا الاهل مايرضووون
ا
ياليت اللي عنده علم يبلغني
ولو في احد موظف بجامعة الدمام يجاوب ماعليه امر

أسأل الله ان يوفقني واياكم لما يحبه ويرضاااه

[كيان ckfu]

السلام عليكم ورحمة الله وبركاته
على حسب خلفيتي اذا انتي تقصدين كليه الاداب بالدمام
لحد الان لم يتم الابتعاث لأحد من طالبات الماستر او المعيدات
وهم يضعوا هذا الشرط فقط ليتعرفوا على مدى اهتمامك بالعلم ولو كان بالخارج ولكن لايتم الابتعاث بشكل فعلي واعتقد كان يستثنى من ذلك قسم الانجليزي
ولكن في بداية هذا الترم انا سمعت بنفسي سكرتيرة العميدة تقول تم اغلاق الابتعاث للدراسات العليا الصادره من الجامعة واقتصرت على البكالوريوس فقط ...... والله اعلم
وعن نفسي يااااليت فيه ابتعاث

[برق الفرح]

كيااان الله يوفقك يااااااااااااااااااارب مشكووورة

بس ودي اسالك وارسلك ع الخاص بس مشاركاتي ماتسمح
ارسلي لي عشان اقدر ارد عليك تكفين

[برق الفرح]

اتمنى الرد
ماعندي خبررررررة بالموووضوع مرررة
وابغى تجاربكم وخبراتكم

[نجلاء سعود]

أختي العزيزة ... الأبتعاث الخارجي مازال شرطا مهما في توظيف المعيدة أو المحاضرة .. ويقصد بالأبتعاث الخارجي أن تحصلين على تعليمك من خارج الجامعه التي تعملين بها .. أي بالإمكان ان تحصلين عليه من أي منطقة من مناطق المملكة .. فما بالك لو كان من دولة الكويت الشقيقة !! أما بالنسبة لطالبات الدراسات العليا اللاتي لم يتوظفن وإنما طالبات يدرسن في مرحلة الماستر فقط بهذه الحالة يحق لها ان تلتحق لبرامج الدكتوراه داخل الجامعة بينما الموظفة المعيدة لا يحق لها ان تدرس الماستر او الدكتوراه داخل الجامعة فقط يحق لها ان تكمل تعليمها من خارج الجامعه . أتمنى اني قد أفدتكم .

[برق الفرح]

اختي نجلاء شكراااا لك وماقصرتي
لكن شرطهم الاساسي الموافقة ع البعثة الخارجية من احدى الجامعات العالمية
سالتهم قالوا يعني خارج المملكة

طيب ليه جامعاتنا وش ناقصهاااا
ومعترف فيها
حرام والله

[ابو علي1]

المشاركة الأصلية كتبت بواسطة كيان ck051

[b][size=5][ولكن في بداية هذا الترم انا سمعت بنفسي سكرتيرة العميدة تقول تم اغلاق الابتعاث للدراسات العليا الصادره من الجامعة واقتصرت على البكالوريوس فقط ...... والله اعلم
وعن نفسي يااااليت فيه ابتعاث

كيف يتم ابتعاث للبكلوريس وكلية البنات هي التي تدرس البكالوريس

اختي لي قريب تم ابتعاثة من جامعة الدمام لدراسة الماستر والدكتوراة بامريكا

واعرف واحد كذلك ابتعث لجامعة ام القرى بمكة وهو معيد

وكذلك يوجد بجامعة الملك فيصل معيدين ومعيدات يدرسون مع طلاب الماجستير وهم معيدين بنفس الجامعة اصلا

واخر شيء قدم ووقعي على كل الاوراق ، واذا عزموا على ابتعاثك للخارج ارفضي وسوف يحولونك ادارية

[يآرب وفقني]

^

كلآمك صحيح آعرف معيده تشتغل بالكليه طلبو منها آبتعاث خارجي لتكملة آلماستر وإذا هي رافضه

رآح ينزلونها لوظيفه آداريه ..


من نآحيه آلآبتعاث يوم كنت ادرس بالجامعه كان عندنا معيده تكمل الماستر بجامعة فيصل ..



بالتوفيق

[ومضه الم]

كما قال الاخ ابو علي

[كيان ckfu]

اشكر كل من عقب على كلامي
وانا ذكرت سابقا ان ردي على حسب خلفيتي
واما عن كلام سكرتيرة العميدة سمعة بنفسي كانت محاضرة تسألها عن الابتعاث وكان ردها تم اغلاق الابتعاث الخارجي هذا العام للدراسات العليا واقتصر للبكالوريوس
وانا تعجبت من ردها ولكني نقلته للفائدة
والمهم في النهايه هو استفادة اختنا برق الفرح من الردود

تحياتي