[ جامعة فيصل ] : التوصيات واستهتار معلمات التاريخ في كليه الاداب بالسلمانيه

[M-A-M]

كلامك صحيح ١٠٠٪‏
المعاناه هذي جربتها مع كليتي
وكأني أقول لها اكتبي لي تنازل عن منصبك و مكتبك وأعطيني إياه
كلها شخبطة على ورق وانتهينا .. ليش معقدين المساله مدري

[اكاديمي منتسب]

سلام عليكم

صباح الخير


حنا قسم الرجالي ، مثل الحلاوة يقدم لك الضيافة والابتسامة ويعطيك التوصية باللغتين العربية والانجليزية
حتى اذكر كنت ابحث عن دكتور الاحصاء في قسمهم شافني الدكتور زميله قال وش تبغي قلت له توصيه قال انا اعطيك بدله ، ولايهمك


بالتوفيق للجميع،،

[نجميه]

توقعتك حفصه مقبوله ماجستير او دبلوم دايم تشاركين
فعلا بعضهم يتعالون يعطونك توصيه خصوصا لو مايعرفونك شخصيا
او مثلا ماكنتي متفوقه بمادتهم
ونادر يعطونك ع كل شي ممتاز ترا المعدل يحكم مرات
ما اتكلم عن التاريخ الدكتورات اتكلم بشكل عام
وكلي امرك لله ولرب الفلق
والمره الجايه خلي ولي امرك يروح لقسم الرجال الدكاتره يمكن يكتبون له

[غصون الازهار]

انا رحت عند الدكتوره ساميه ابي منها توصيات قالت لي حطي بياناتك وتعالي بكره اخذيهم
انا خفت احط الوثيقه الاصليه ومشيت من الغرفه
خفت تضيع الوثيقه الاصليه
وحتى لو حطيت الوثيقه الاصليه عندها
انا احتاجها عشان اروح واخذ توصيات من دكتورات غيرها
تعبت نفسيتي من التوصيات

[غيم تايه]

^^



اختي اذكري الله قالت حطي بياناتك ما قالت حطي وثيقتك.. يعني ممكن تحطي صورة من الوثيقة او صورة من السجل الأكاديمي..
او تكتبي النموذج وهي بتوقعه.. بصراحة ما تصرفتي بشكل جيد..
ارجعي لها وقت آخر ودبسي في كل نموذج صورة من سجلك الأكاديمي..




بالتوفيق"""

[نجميه]

ماشاء الله انتو قسم التاريخ دكاترتكم ككثير رجال ونساء
فعلا دبسي كل توصيه معها السجلل الاكاديمي ونسخه من الوثيقه
الله يوفقكم