[ جامعة الدمام ] : امتحان القبول لغة انجليزية

[Novelist]

اذا احد عنده فكرة عن طريقة امتحان الانجليزي في جامعة الدمام ياليت يعطينا خبر.

كيف طريقة الاسئلة؟

كم ساعة الامتحان؟

وايش الكتب اللي احتاج اذاكرها عشان اعدي الامتحان؟

هل امتحان اللي راح تدخل الاداب مختلف عن امحتان اللي راح تدخل اللغويات ام هي نفسها؟

[raaano]

حبيبتي مافي احد يرد للاسف انا كاتبه موضوع قبل كذا ولا احد رد علي :)

[Novelist]

تي ادري شكلي بذاكر كل شي يتعلق باللغويات وخلاص

[raaano]

على حسب تخصصج الدقيق
واللي اعرفه من البنات بالمنتدى الاختبار موضوعي وفي بعض المقالي بشكل عام يعني بغض النظر عن تخصصج

بالتوفيق يارب

[Novelist]

اذا موضوعي تمام اذا مقالي الله يعينا من زمان ما امتحنت مقالي

[Novelist]

امتحان الانجليزي اليوم كان جميل نوعا ما في كم سؤال احس نفسي اول مرة ادري عنها بس بشكل عام حلو

للسنوات القادمة الامتحان يكسر الايدين كله شرح وكتابه تعريفات وهذرة واجد باختصار لازم تبهرينهم على قولة مراقبة من المراقبات. اتوقع كل ما هذرتي كلما كان احسن.

الاسئلة تتكون من ثلاث اجزاء على كل جزء كذا فقرة. مدة الامتحان 3 ساعات ويادوب تكفي.

السؤال الاول كان عن اللغويات
1. Discuss language acquisition Theory
2. choose three of the following and give their definition
(Applied linguistics, sociolinguistics, psycholinguistics, pragmatics, dialectical, metaphor) اظن ان هذه الكلمات كلها المهم تختارون 3 وتعرفونها
3. جابوا سؤال عن discourse analysis هي نوعين كاتبينها قالوا لنا نعرفهم ونذكر الفرق بينهم بس ما اذكرهم (ما عرفت اجاوبه اصلا بس خربطت فيه خربطه وان شاء الله خير)
3. what is the difference between phonetics and phonology
4. analyze, morphologically, the following words and name their parts
(nationalization, misunderstanding, وكلمة ثالثة نسيتها)
5. فيه سؤال عن سيانتكس وبراغماتيكس بس ماذكرها بالضبط

السؤال الثاني عن الادب
1. جابوا قصيدة لLangston Hughes اسمها Dream Deferred وقالوا حللوها. القصيدة قصيرة وسهلة وبسرعة تنفهم مافيها لف ودران وكلمات معقدة ابدا. مو مثل شيكسبير وطقته
2. write a character sketch about one of the heroes in a Shakespearean play you have read (هذا السؤال ما عرفت اجاوبه بعد لاني ما اطيق شيكسبير)
3. سؤال عن القرن العشرين صارت فيها احداث كثيرة وتغيرات اكتبي عنها مدعمة كلامك بعمل روائي او قصيدة من نفس العصر انا كتبت عنThe Russian Revolution ودعمت كلامي بAnimal Farm by George Orwell وان قصته تتكلم عن ثورة روسيا والحيوانات اللي فيها هي في الاصل شخصيات حقيقية وذكرت كم مثل وكذا

السؤال الثالث عن الترجمة
1. قطعة انجليزية قالوا لنا نترجمها للعربي
2. قطعة عربية قالوا لنا نترجمها للانجليزي
3. Talk about the difficulties that face students in Translation: (Lexical and Syntactic problems)

وهذا هو الامتحان ان شاء الله ما نسيت شي والله ولي التوفيق

[J A M I L A H]

الله يسعدك و يوفقك ..

طووويله و حلوووه الأسئله , بس مدري شالمقصود ب discourse analysis !!

و شكسبير ما اطيقه بعد , بس عنده ابطال معروفين بمسرحياته تاجر البندقيه , و هاملت و روميو




ي عسى تبهرينهم و تجتآزينه بكل جدآره

[Novelist]

Discourse analysis اللي هو تحليل الخطاب الدكتور اللي درسنا اياها في جامعة فيصل مادري شيقول الى بكره وانا مو فاهمة عاد جات سؤال منها الفت فيه تأليف حسب فهمي للمصطلحات مادري صح او غلط.
اي شيكسبير عنده معروفين اخترت روميو لانه الوحيد اللي جا في مخي بس ما اعرف شخصيته فما قدرت اكتب عن كثير يلا كلها سؤال وانا ما اطيق شيكسبير اصلا فما عندي خلفيه عن شغله كل ما مسكت شي من تأليفه ازهق وارميه هههههه.

[XJoJoX]

بنات اذا خلص الاختبار يعني مااقدر اقدم؟؟؟؟ :( وشو طيب التخصصات الدقيقه بالانجليزي؟

[انعاش حلم]

عز الله الاختبار جد دقيق

وكل من اسئلة اللي اخذناها من ع مدي دراسة البكاليورس

واعتقد الاختبار حلو وسهل ومافي شي خارق للعادة


بس هذا هو اختبار الاعادة ولا الماستر ؟


وهل القطع ركزت ع اللغة الاكاديمية او لغة العامة


والله يسعدك قليل والله من يعطونا من تجاربهم