ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى السنة التحضيرية - جامعة الإمام عبدالرحمن (https://vb.ckfu.org/forumdisplay.php?f=423)
-   -   نصيحة لكل مستجده (https://vb.ckfu.org/showthread.php?t=487035)

إبتسامة خجل 2010- 8- 11 03:39 PM

نصيحة لكل مستجده
 
نصيحة لكل مستجدة


بسم الله الرحمن الرحيم

السلام عليكم ورحمة الله وبركاته

بأرق معاني الود و الاحترام

وبعنوان التبريك للمقبولين والمقبولات

هاأنتم تقفون على عتبات الجامعة بعد سنين الدراسة في المدارس

وقد ارتسمت الابتسامة لتعانق فضاء فرحتكم الغامرة

فألف ألف مبروك لكل المقبولين والمقبولات







أن شاء الله نفرح بخبر تخرجكم بعد اكتمال 4 سنوات الدراسة مع مرتبة الشرف
دخولك الجامعة يعني مرحلة جديدة حلوه :33_asmilies-com:

نبقى جد و اجتهاد من بداية السنة ::119:

هذا الموضوع لكل مقبولة في الجامعة وتبقى تستفيد وناوية تجتهد وتشد حيلها و تاخذ مرتبة

الشرف عند تخرجها

أما إذا كنتي تبقين تغيرين جو ودخلتي الجامعة وناوية تضيعينها لعب فياليت

ما تتعبين نفسك وترجعين خلف وتوفرين على نفسك وقت وجهد :103:

نرجع الموضوعنا :cheese::rose:
طبعا في يوم من الأيام كنت بمكانكم كمستجدة وكنت فضولية في كل شي
الجامعة بالنسبة لي شي جديد ابقي اعرف كل شي " من .. إلى "
الجدول – اللبس – التخصصات – الدكاترة – الأختبارات .. الخ
حبيت انزل الموضوع للي يبقى يستفيد
وأدرج الأسئلة إلي تكثر في راس كل المستجدات :(107):
بطريقة سؤال جواب >>> أقرب للمعنى :004::004:

************************************************** ************

نبداء بسم الله
*بجهز لبس للجامعة شنو الألوان المسموح فيها ؟
بالنسبة للجامعة
طبعا جميع الألوان مسموح فيها غامق فاتح
يكون لبسك كم طويل أو نص ما في مشكلة
البعض يلبس ربع كم اوكي
طبعا ما يلبسون ربع كم إلى المتمردين على النظام :cheese: :cheese:
بس تلبسين شبه حفر هذا مو حلو يعني أنتي جايه جامعة مو بيتكم :017::017:
تنبية " الأمن إذا شافوك لابسة ربع كم يكتبوك تعهد وتهزئ ما
يسوى عليك تحطين من كرامتك علشان لبس"
وفي نقطة مهمة اهتمي انك تشترين ملابس مريحة مو ضيقة

بالنسبة الكلية الأداب
قميص ابيض و تنوره سوده
" بس البنات معطينهم أشكل ويلبسون على كيفهم والألوان إلي تعجبهم :hahahahahah: "
يعني نسبيا الألوان عادي بس إذا بتراجعين الإدارة من الباب يقولون لك مخالفة ما نستقبل :bawling:
وما نصحك تشترين من البداية يعني تشتري تنورتين حتى لو جنز اسود او كحلي
وبعد ما تجين أول سبوع تشوفين الأوضاع كيف يمكن تتغير أنظمتهم
لأن العام مسموح بجميع الألوان
وبعدها شددوا وقالوا بس ابيض وسود :Looking_anim::Looking_anim::Looking_anim:
والعام سامحوا البنات وسمحوا لهم بجميع الألوان :cheese::cheese:

************************************************** **********
& الشنط &
وإذا بتشترين شنط للجامعة اشتري لك الشنط الكبيرة نسبيا
لأن كتبك عبايتك أغراضك كل شي راح يكون فيها :bawling:
مو كبيرة حيل ولا صغير
لأن مو مثل المدرسة أيام الدلع والدلال تحطين شنطتك و عبايتك و ما ترجعين لها إلى نهاية
الفسحة وهي ما تغيرت من مكانها
لا الحين أنتي كبرتي وصرتي بنت جامعة شنطتك طول اليوم على يدك مع أغراضك
يعني هي في يدك والأغراض تختفي :017::017:
كيف لو حاطتها ومشيتي والله تختفي كلها

:sm18::sm18::sm18:

فالعباية مانصحك تحطينها حتى


لو على الصناديق >> أكيد شفتوهم في القياس
لأن حضرت جنابي كل يوم تكون عبايتي في الشنطة بس يوم كتفي انكسرمن ثقل الكتب
والأغراض و العباية قلت اليوم بخليها فوق الصناديق ودخلت المحاضرة
رجعت لها أبقى أصلي و ابقى ارجع عندي محاضرة
وفر وفر لما افتر راسي ولا شفتها :017::017:
يعني ما يسوى عليك تتعبين نفسك
طبعا شفتها بعد بداء المحاضرة بنص ساعة فوق الصندوق الجهة الثانية :hahahahahah::hahahahahah:

في حل لثقل الكتب ؟؟
الجامعة تأجر صناديق صغار وكبار الصغير سعرة في السنة 50 والكبير 100 >> ألا إذا ارتفع السعر
بس المشكلة أنهم سنة وأنتي تروحين وتجين على مايعطونك المفتاح

************************************************** ****************

*أقدر أحط مكياج ؟؟ :g4:
أي يا عمري تقدرين والي يريحك بس أنتي جاية في الصباح يعني مكياج خفيف
لا تحطين مكياج ثقيل من صباح الله اكتفي بودرة وروج وكحل >> حلاه البنت بنعومتها :g20:
إلا إذا كان في مناسبة عندك مو تحطين مكياج ثقيل مكياج هادئ
بختصار مو على طول الخط مكياج تتعبين بشرتك :064:

************************************************** *************

*الجوال في الجامعة؟

طبعا مسموح وهذا معروف للكل بس جوال كاميرة ممنوع منعا باتا يعني مو بس الأمن ما يرضون

حتى الطالبات يعني أنا وحدة أخاف لما أشوف وحدة عندها جوال كاميرة ورافعته حنا بمجتمع كبير مختلط من ناس كثار

تفكيرهم يختلف في ناس تفكيرهم منحط وخلاقهم عدم >>> أنا ما خوفكم بس ماله داعي تجيبين النفسك كلام:064:



وبس تدخلين القاعة للمحاضرة الجوال صامت لأن بعض الدكاترة اذا ماكان الأغلب يجن جنونه بس يسمع صوت جوال :sm5::(177):

بالنسبة للأيباد تقدرين تاخذينة الجامعة بشرط تاخذين تصريح من امن الجامعة

وبالنسبة للابتوب مسموح

اما الابتوب المزود بكام ممنوع وماتقدرين تاخذين عليه تصريح

والبنات ساحبين عليهم ويجيبونه معهم :sm18::sm18:



انا طول دراستي اجيبة لأن اشتغل عليه وقت الفراغ واخلص العروض والبحوث

بس انتي إذا بتجيبينه حطي لصقة على الكام

ولا عليك من احد :tongue:



طبعا راح تستغربون الجامعة تمنع الاب بكام وماتعطي تصريح

وتعطي تصريح على الأيباد مع انه مزود بكام :Looking_anim::Looking_anim::Looking_anim:





************************************************** *****

خلصنا التجهيزات وبدت الدراسة



*متى أداوم في الجامعة – الكلية ؟؟

طبعا عادة البنات ما يداومون إلا الأسبوع الثاني



بس بما انك يا شطورة مستجدة يا حبذا تروحون اقل شي يوم واحد تدورين مكان القاعات

بيسهل عليك أول ما تبداء الدراسة الوقت حتى لو تأخرت السيارة أو تعطلت سيارة إلي يوصلك :s3:

" لا سمح الله " ما تحاتين انا بيضيع الوقت وأنتي تدورين القاعة يصير عندك خلفية مسبقة عن مكانها





************************************************** ***************

*طيب كيف اعرف مكان القاعة وأنا تو مستجدة ؟

لما يعطونكم الجدول راح يكون فيه رقم في البانر مكتوب كذا 2810032>>> مجرد مثال



*شنو يعني هذا الرقم ؟

مبنى الطالبات2 0281003

يعني تروحين المبنى الثاني- 28>>>نفس المبنى بس له رقمين


لما تروحين المبنى



تدورين قاعة1003

مثل هالطريقة بقية المواد

الي لونته بلأحمر يكون رقم المبنى

ولي بلأخضر رقم القاعة



يعني بدل ما تعبين نفسك وتدورين قاعة قاعة في كل المباني على طول تشوفين أي مبنى وفي

الساحة الخارجية تشوفين كل المباني مرقمة والأرقام واضحة تروحين للمبنى المحدد وتدورين قاعتك





************************************************** ***


*وإذا ضيعت القاعة في بداية الدراسة شسوي ؟؟

اسألي اقرب بنت تشوفينها عادي اتعب وأنا أقولك عادددددددي :119:

كلهم بيقدرون وضعك لأنهم كانو مكانك في يوم من الأيام و حاسين فيك لا تستحين وتفوتك المحاضرة :g2:



************************************************** ***************

يــتــبــع


في شغله هامة بما إنكم مستجدات شتسوون ؟


الجامعة تطلع بطاقة تسمى بطاقة الأمن


هم بطاقتين ..



بطاقة مافيها صورتك القسم الرجال




بطاقة فيها صورتك تكون للقسم النساء


*شنو يلزمني اذا بطلع لي البطاقة ؟



استخراج البطاقة مجان


تقدرين من أول سبوع تصورين صورتين تقريبا مقاس 4 / 6



وصورةمن كرت العائلة .. وصورتين من الجدول وتسلمينهم للقسم النساء الأمن

راح يعطونك ورقة محدد فيها تاريخ اليوم الي راح يسلمونك فيه البطاقة

وين يصير مكتب الأمن ؟؟

مكتب الأمن اول ماتطلعين من بوابة السيارات الخاصة للجامعة على يسارك مكتبهم على طول


بطاقة الصراف


انتي اذا قدمتي على البطاقة للأمن هم بعد فترة يحطون اعلانات في الجامعة انا كل طالبة


تستلم بطاقتها وتروحين تفعلينها في بنك الرياض وبعد التفعيل بكل بساطة اسحبي مكافأتك


وعليك بالعافية :119:




*طيب شسوي بالورقة إلي يسلموني وياها ؟؟



تحافظين عليها وكل يوم تجين فيها الجامعة قبل ما تفكرين تحطين كتاب المحاضرات



تحطين الورقة وتحرصين يا حلوه إنها ما تضيع :064:



* طيب ليه كل التعب هذا على ورقة ؟ :g2:



السبب الأول : إذا ضاعت تدفعين غرامة 50ريال



والسبب الثاني وهو الأهم : هالورقة " بطاقة الأمن بدون صورتك الشخصية " مهمة في خروجك من



الجامعة هذي القسم الرجال اذا بتطلعين آمن الجامعة يطلبها من السواق وبعدها يرجعها وكل يوم على هالحال :41jg:

السبب الثالث : ما تمشي معاملاتك إلا بطاقة الأمن


السبب الرابع : بعض الأحيان حتى كفتيريا الغداء يطلبونها منك اذا انتي تدرسين بالجامعة او جاية كذا >>> نادر يطلبونها



وحتى اذا ماكانت عندك ما راح يقولون لك لا تتغدين بس تكون عندك عن عوار الراس



السبب الخامس: إذا تستأجرين صندوق بالبطاقة



السبب السادس: البطاقة الي فيها صورتك الشخصية القسم النساء في الاختبار النهائي ما تدخلين بدونها



شنو يضمن انك جايبة أختك تختبر بدالك علشان كذا تجبينها يطابقون انتي الي بصورة ولا غيرك :tongue::tongue::tongue:



*إذا نسيتها شيصير؟




بكل بساطة ينزلونك من الباص من غير مطرود :017::017::017:


************************************************** **************



الحين خلصنا الأسبوع الأول بسلام




بدينا في المذاكرة و أول محاضرة


*أول يوم في الدراسة مهم ولا لا؟



أول يوم مهم كثير فيه تتعرفين على الدكتورة و أسلوبها



طبعا أول يوم راح تعطيكم الدكتور / الدكتورة رقم تحويلة ضروري تكتبينة وساعات المكتبية >>> ليه ؟؟



أولا شنو المقصود من الساعات المكتبية ؟



الساعات المكتبية يعني الوقت الي يكون فيه الدكتور فاضي ويقدر يستقبل استفسارات الطالبات



في بعض الأحيان يصيبك ظرف تكلمين الدكتور وتقولين له انك ما تقدرين تحضرين المحاضرة



وتقولين له الظرف يحضرك بدل ما يعتبرك غياب



في الاختبارات إذا عندك سؤال تقدرين ترجعين له بدل كل بنت تعطيك إجابات من راسها :24_asmilies-com:



في أول يوم بعد تتفاهمون مع الدكتور على درجة اختبار الشهري والنهائي " توزيع الدرجات "



اسم الكتاب إلي راح تدرسونه



************************************************** ***********



* كتب الجامعة كيف أسعارها ؟؟ وهل اشتريها ؟



الكتب رخيصة عادة ماتتجاوز 60 الا ماندر

بستثناء كتب التخصصات الصحية :sm4:

وبعض الأحيان يقولك الدكتور لا تشترين بس يكتفي بلي تكتبينه معاه



او بعض الأحيان ينزل ملزمة في المكتبة



بس أنتي شتسوين بما انك سنة أولى يعني مواد عامة تاخذين الكتب



من أي بنت تعرفينها كانت تدرس بالجامعة



عادة بنات الجامعة مايشترون كل دفعة تعطي الدفعة إلي تلحقها يعني وراثة :119:



بعض الأحيان يقول الدكتور بنزل الملزمة في مكتبة الأبرار >> وين تصير هالمكتبة ؟

واجهتنا مشكلة حنا في هالمكتبة :sm12::sm12::sm12:

طبعا صديقتي قالت لخوها وبنت قالت لباباها يفرون يدورون هالمكتبة لأن ما حد قال لنا وين



وفي النهاية تطلع في الجامعة :cheese::cheese::cheese:



مبنى 28 بوجهك على طول أول ما تدخلين أنتي تروحينها مو ابوك ولا اخوك



وبالنسبة لكلية الأداب


بعض الدكاترة تنزل الملزمات في مكتبة الأبرار في الجامعة



يعني اذا ماعندك احد في الجامعة الله يعينك على الروحة للجامعة


************************************************** **************



*الغياب في الجامعة؟


لا تغيبين إلا الظرف طارئ لأن حضورك للمحاضرة يسهل عليك وقت تذاكرين للاختبارات



عادة الدكاترة يعطونكم خبر أول يوم دراسة عن الغياب وأسلوب كل دكتور



المهم الغياب بدون عذر ما يتجاوز 3 غيابات إذا تجاوز الغياب 2مصيبه >>>ليه ؟



لأن ينزل لك حرمان من الأختبار



************************************************** **************


* شنو المقصود بالحرمان ؟



يعني إذا غبتي 3 مرات بدون عذر ينزل لك حرمان ممنوع دخولك للأختبار



الحرمان مصيبة يخسف ابو المعدل يخليه يطب على وجها :017::017:



************************************************** ****************



المذاكرة كيف ؟


احرصي انك تذاكرين أول بأول لا يتراكم عليك



الدكاترة مايجيبون أشياء خيالية والأغلب ما يطلعون من الكتاب



في بعض البنات الله يهديهم ما يفتحون الكتاب إلا في ليلة الاختبار و تجي وتقول الأسئلة صعبة :41jg:



يا عمري ماينفع هذا الكلام لازم تذاكرين أول بأول


الدكتور يسأل في المحاضرة السابقة ؟


بالنسبة لسؤال في المحاضرة السابقة يعتمد على الدكتورة


يعني انا جربت دكتور يسأل طبعا انا ستانست :33_asmilies-com:


احب مثل كذا في الأختبارات ولا اسهل


في واجبات ؟


نادر نادر يقولون لك واجب

ولا حتى في تصحيح واجب عندهم كتبتي المحاضرة ولا بعمرك

راحت ايام الطيبين >>> تقصد المدرسة :sm18::sm18:
وعلى النشاطات يطلبون بحوث تقريبا كل دكتور يطلب بحث تسويه عن المادة الي يعطيك وياها

************************************************** ********
يـــتــبــع



*طريقة المذاكرة كيف ؟:150:

انتي اشتري نوتات >>> الدفاتر الصغيرة

احرصي انك تشترين الكتاب أول ما يقول لكم اسمه

إذا بدت الدكتورة في المحاضرة أنتي خططي معها كل شي تقوله

و إذا قالت شي من خارج الكتاب أو ما تدرين وين وصلت >>> اكتبيه في النوته

بعض الدكاترة في صفحة 15 لما ترجعين للكتاب تشوفين الكلام في صفحة 25

فائدة النوتا بدل ما تقعدين تدورين الكلام ويضيع الوقت تكتبين ولما ترجعين البيت رتبي تخطيطك

لأن راح يكون بسرعة و مو مرتب وشوفي الكلام وزيادات إلي في النوتا وكتبيه بشكل يفتح النفس

وبألوان هذا يخليك تنفتح نفسيتك في المذاكره


************************************************** *****************

الأصدقاء في الجامعة كيف تختارينهم؟ :g20:

التعرف مافي اسهل منه

طبعا تعارف الأصدقاء ما في أسهل منه وخصوصا أنكم مستجدات

فالكل محتاجه صديقة تكون بجنبها

ويعتمد عليك أنتي إذا أنتي اجتماعية أو انطوائية :064:

أنتي أول ما تروحين إذا شفتي بنات إلي معك حاولي تتعرفين عليهم تسألينهم عن الجدول مكان المحاضرة ... الخ

وبعدها شوفي إذا هي نفس أخلاقك وبنت ماشيه تمام

اعقدي صداقة معها >>> لا تقولين تستحين أنتي بادري بالسلام و الابتسامة والسؤال :119:

يالغلا إذا كل بنت قالت استحي ولا ماعرف ماحد تعرف على حد

حلو يكون لك صديقة تشتكين لها همومك وتشتكي لك >>> الله يبعد عنكم الهم

سبحان الله هو تحسين يكون بينكم تقارب أفكار و ارواح ترتاحينلها

ما عليكم من البنات إلي يخوفونكم ويقولون إنا بنات في الجامعة وراهممصايب كبيره وينخاف

منهم أنا ما قول إنا كل البنات كويسين أصابعك موسوى

بس لما تجين تختارين شوفي الأقرب لأفكارك اخلاقك ... الخ

فيهبنات محترمات و مافيه أطيب منهم ..

بس أنتي اختاري من البنات الطيبه والخلوقه والمتدينه..

مو كل وحده تسولفين معها خلاص صديقتك

لا .. :103:

اصبري لين الأيام تكشف لك معادنهم..

************************************************** ***********

بعد الجامعة فيها مستوصف جامعة فيصل ماتقدرين تروحين كذا لازم عندك بطاقة جامعة الأمن

وماتقدرين تروحين مشي السواق يوصلك إذا تعبتي وتحتاجين علاج تروحين

طبعا الحلو فيه انا

الأستقبال والملفات واغلب نساء :cheese:

************************************************** *************************

يــتـــبـــع مع تفاصيل الجدول وترتيبه



بالنسبة للجداول حنا المستجدات متى نسجلها ؟؟

انتو المستجدات مالكم تسجيل جدولكم جاهز الجامعة تعطيكم اياه
بعد السنة التحضيرية راح ترتبون جدولكم بانفسكم
بعد السنة التحضيرية الجامعة راح تعلن عن وقت ترتيب جداولكم
وياعووومري لا تنسين انك تسألين عن الدكتور قبل ما تسجلين

كيف اختار المواد ؟

المواد في العادة تاخذين 18 ساعة في السمستر بمعنى لاتزيد عن 9 مواد على حسب الخطة الدراسية الكليتك

تقدرين تاخذين اقل بس راح تتأخرين على الخطة الدراسية وبعدها راح تدرسين خمس سنوات
وبتأكيد تقطع المكافأت بعد تجاوز اربع سنوات دراسة
فالأفضل تضغطين عل نفسك شوي وتاخذين المواد كلهم

على أي أساس اختار الدكتور ؟؟
لما تروحين للجدول وتشوفين الدكاترة تختارين افضل دكتور-ة تسألين تحطين استفساراتك
بالمنتدى أو أي حد درس قبلك تسألين عن أسلوبه وان شاء الله
ما نقصر معك

الجدول كيف اطلع عليه ؟؟
حبابة الجامعة تعلن في موقعها وتحط رابط للجداول الجميع الكليات التابعة لها

اطلعت على الجدول بس مو عارفه كيف ارتب الجدول ؟؟
ياقلبوا لا تحاتين الطريقة سهله وهي كذا
" هذا مجرد مثال "
اختصار للأيام

س- ح - ن -ث – ر
مسجل عندك بالخطة ثقافة واحصاء
تروحين للثقافة وتشوفين الوقت الي نازله فيه
لو كانت نازلة السبت تشوفين وقتها كم وقتها مثلا ..10.30 - 12.10
وترتبينة في جدول خارجي
ومبادئ احصاء تشوفين وقتها مثلا احصاء وقتها من 8,30الى 10,10
يكون ترتبينة في الجدول بهذي الطريقة
س 8,30 الى 10,10 >>> مبادئ احصاء
10,30 الى 12,10 >>> ثقافة اسلامية
وبكذا بقية الأيام والمواد
ح
ن
ث
ر
ولاتنسي لما تختارين المادة تسجلين في الورقة رقم
crn >>> هذا رقم موجود جنب كل مادة
تدخلينة في البانر شي اساسي
لما تسجلين الجدول ولا تسجلينه مافي فايده
وتحرصين مايكون تعارض بالوقت

ولا تنسين تكتبين رقم الشعبة وهو في الجدول جنب الماده الي تختارينها

شنو اهمية رقم الشعبة ؟
رقم الشعبة يفيدك بعد ماتبداء الدراسة
مثلا تكون نازلة المادة عند دكتور في كذا شعبة
ولما تبداء الدراسة في بعض البنات يضيعون ويدخلون محاضرة مو محاضرتهم يدخل الدكتور
يقول مقرر ثقافة اسلامية شعبة 60 كل بنت تعرف إذا هي بشعبة
غير هذي تشيل اغراضها ومن غير مطرود :sm18::sm18:
وبعد تقدرين تتحكمين في وقت المحاضرة تقدرين تخلين جدولك طول الأسبوع
من 7.30 الى 12.30 كأنوا دوام مدرسة
وتقدرين تخلين يوم لك اف



هذا و اللهم صل على محمد وال محمد

اتمنى انكم تستفيدون ويعجبكم الموضوع

واذا عندكم سؤال تقدرون تنزلون موضوع جديد بالقسم وراح نتعاون مع بعض في حل المشاكل


:106::004::106:


All times are GMT +3. الوقت الآن حسب توقيت السعودية: 11:20 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه