|
رد: تقرير مفصل عن السنة التحضيرية
1- اذا جبت نسبه او مجموع اقل من المطلوب في الربع الاول انطرد ولا نهاية السنة انطرد اذا ماجبت النسبة المطلوبة او في كل الحالتين؟ انتي مره قلتي بعد الربع ومرة نهاية السنة !!
2- بطاقة الصراف متى ناخذها و من وين ؟ هم حاطين ورقة من بداية السنة فيها اسماء لكن الى الان ماتغيرت |
رد: تقرير مفصل عن السنة التحضيرية
اقتباس:
كل ربع يتغير الاستاذ و أيضًا الطلاب اللي معاك يتغيرون هذا إذا كان عددكم كبير أنا لما كنت في السنة التحضيرية كان عدد طالبات الهندسة قليل لأن احنا ثاني دفعة مقبولة فطبيعي العدد قليل فالطالبات اللي معاي ما تغيروا اللهم جابوا كم طالبة جديدة في كل ربع فأقول لك يعتمد على عدد الطلاب |
رد: تقرير مفصل عن السنة التحضيرية
اقتباس:
ردًا على أسئلتك : 1- أختي المهم تجبين المعدل المطلوب و إذا ما جبتي المعدل راح تطردين بعد الربع مباشرة و لما ذكرت نهاية السنة فكان عن طالبات ما نجحوا بالربع الأخير فطردوا من السنة التحضيرية المعلومة المهمة : إذا ما جبتي المعدل المطلوب سواء في بداية السنة أو نهايتها راح تطردين من السنة التحضيرية فانتبهي لنفسك . 2- عن بطاقة الصراف راح يحطون اعلانات و راح تستلمونها من الادارة و تكملون باقي الاجراءات في عمادة القبول و التسجيل أما بالنسبة للورقة اللي تقصدينها فأكيد تقصدين بورد الاعلانات الموجود بين البابين ( باب السنة التحضيرية و الباب المؤدي للساحة الخارجية ) فلا تهتمين لهم و تقريبًا بطاقة الصراف تعطى بعد شهرين و قبل نزول المكافأة الثالثة |
رد: تقرير مفصل عن السنة التحضيرية
اللي فهمت من كلامج ان اذا كان مجموع الانجليزي فقط اقل من 75 حتى لو 74.9 راح يعيد الماده واذا كان المعدل اللي هو الانجليزي مع المواد الثانيه 3.5 يعتبر ناجح صح ولا؟ .. بالنسبه للطريقه اللي حق حساب المجموع اتوقع انها ماتصلح مع المجموع اللي موجود في المودل لان يبقى 40 درجه ناقصه اللي للاختبار النهائي هل كلامي صحيح؟
سؤال.. هل معدل الربع الاول يأثر على معدل الربع الثاني يعني كل ربع يأثر على الثاني ولا؟ اهم في نهاية السنه يحسبون كل ربع لحاله ولا مجموع الارباع عشان المعدل؟ واعتذر على الاطاله . |
رد: تقرير مفصل عن السنة التحضيرية
ردًا على الأخت abche12 : اللي فهمت من كلامج ان اذا كان مجموع الانجليزي فقط اقل من 75 حتى لو 74.9 راح يعيد الماده واذا كان المعدل اللي هو الانجليزي مع المواد الثانيه 3.5 يعتبر ناجح صح ولا؟ .. صحيح كلامك بالنسبه للطريقه اللي حق حساب المجموع اتوقع انها ماتصلح مع المجموع اللي موجود في المودل لان يبقى 40 درجه ناقصه اللي للاختبار النهائي هل كلامي صحيح؟ لا ، تصلح و أساسًا درجة الاختبار النهائي ما تزودك إلا 3 أو 4 درجات سؤال.. هل معدل الربع الاول يأثر على معدل الربع الثاني يعني كل ربع يأثر على الثاني ولا؟ اهم في نهاية السنه يحسبون كل ربع لحاله ولا مجموع الارباع عشان المعدل؟ يحسبون مجموع الارباع واعتذر على الاطاله . |
رد: تقرير مفصل عن السنة التحضيرية
السلام عليكم
لو تجاوزت عدد االغيابات فوق عشرين ساعة انفصل من الجامعة ولا يغيرون تخصصي |
رد: تقرير مفصل عن السنة التحضيرية
اذا ماجبت المعدل المطلوب في الربع الاول انطرد من الجامعه او انطرد من السنه التحضيريه ؟
|
رد: تقرير مفصل عن السنة التحضيرية
هل الكلاس نفسه ولا يتغير مع الاساتذه؟
|
رد: تقرير مفصل عن السنة التحضيرية
اقتباس:
هو في الأصل أن عدد الغيابات 30 ساعة و بعدها تنحرم من المادة أما بعد 20 ساعة تعطى إنذار و الغياب ما يفصلك من الجامعة أو يغير تخصصك و لكن إذا تعدى 30 غياب تنحرم من المادة |
رد: تقرير مفصل عن السنة التحضيرية
اقتباس:
تنطرد من السنة التحضيرية و يحولونك إلى كلية لا يوجد فيها سنة تحضيرية |
| All times are GMT +3. الوقت الآن حسب توقيت السعودية: 02:20 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام