اقدر أسجل سنة تحضيرية من غير تخصص؟
 

-

السلام عليكم 👋 .
بدخل في الموضوع دايركت، الحين لما سجلنا في جامعة الملك فيصل رتبنا رغباتنا حسب الأولوية صح؟
وعلى حسب النسبة الموزونة انقبلنا في الرغبات...
طيب سؤالي هو؛ هل أقدر اسجل فقط سنة تحضيرية؟ وبعدها حسب المعدل اللي أجيبه في السنة التحضيرية أتخصص؟
مادري اذا فهمتون قصدي أو لا ):
ايش النسبة الموزونة المطلوبة عشان ادرس السنة التحضيرية في المسارات الصحية؟ وهل الجامعة مفتوح فيها التسجيل اليدوي الآن ولا قفل؟ 😢 .


-

رد: اقدر أسجل سنة تحضيرية من غير تخصص؟
 

دراسة السنة التحضيرية هو أساسا قبل التخصص
إذا جبتي المعدل اللي طالبته الكلية المقبولة فيها راح تدخلي فيها
إذا ماجبتي راح يحولونك أو يخيرونك في الكليات اللي بدون تحضيرية

اللهم صلّ على مُحمد وآل محمد

رد: اقدر أسجل سنة تحضيرية من غير تخصص؟
 

و عليكم السلام اختي ..
انا م فهمت سؤالك بشكل واضح بس بحاول اجاوبك ..
اول حاجه السنة التحضيريه للككليات التالية : كلية الطب ، كلية الصيدلة ، كلية العلوم الطبية التطبيقيه ، كلية الحاسب ، كلية ادارة اعمال " مسار انجليزي "
اذا تم قبولك في احد هذي الكليات راح تدرسين سنة تحضيريه قبل دخولك الى الكلية المقبولة فيها ، السنة التحضيريه هدفها تقوية لغتك الانجليزية ، و اذا اجتزتي السنة التحضيريه سيتم انتقالك الى الكلية المقبولة فيها .
طبعا كل كلية لها معدل مطلوب
كلية الطب والصيدله 3.5 من 5
كلية العلوم الطبية و كليه الحاسب وكلية الاداره المعدل فيها 3 من 5


يعني مثال لو تم قبولك في كلية الحاسب لازم في نهاية السنة التحضيرية يكون معدلك التراكمي 3 فما فوق عشان تنتقلين الى كلية الحاسب ... طبعا المعدل هذا لا يحتسب ضمن معدل التخرج من الجامعه .. فقط هذا المعدل تحصلين عليه عشان تنتقلين بعدين انسيه😆 بس لو حصلتي ع معدل 2.99 في هذه الحاله يتم طردك من السنة التحضيرية ويحولونك الى كلية اخرى كالاداب او العلوم او الزراعه .. الخ من باقي كليات الجامعه التي لا يوجد بها سنة تحضيريه .


اتمنى اني جاوبت ع سؤالك 😅 واسفه ع الاطاله :004: