|
درس التحكّم في الفوكس :: الجزء الثآني ::
السلام عليكم ورحمة الله وبركآته ..,,
ملآحظة :
[ هذآ الشرح من شروحآتي القديمه في النت وحبيت أرجع أطرحه من جديد للفآيدة ]
.
,
.
اليوم الدرس بيكون الجزء الثآني من درس التحكّم بالفوكس
وقبل ما أبدأ فيه كذآ نقطه بقولهآ ..,,
-رجاءا حطّوآ في بالكم أنآ مبتدئة ماني محترفة وكل المسألة إني أتعلّم وأحب أعلّم غيري فقط لآغير ..,,
-تدرون أحياناً أكون فآهمه أشياء في التصوير بس مدري ليش ما أقدر أشرحهآ أو أوصّلهآ للنآس بنفس الطريقة اللي تكون في بآلي ..,
-هذا الدرس أو الفكرة أقدر أقولها بخطوتين وإنتهت السآلفة بدال هالشرح الطويل والعريض .., لكن <- حطّوآ تحتها مليون الف خط .., ترا موهب كل النآس محترفين ومتمكنين من الكآميرآ .., فلذلك حلو الانسآن يشرح بالتفصيل وأنآ عن نفسي مآنيب خسرآنه شيء صح انه تعب بس شيء أعرفه وتعلّمته وأكيد حآبّه أوصله لغيري ..,
-وحبّذآ يعني لو تزورون الجزء الأول من شرحي للفوكس
-حاولوآ دائما تربطون بين الاشياء اللي تتعلمونهآ في الكآميرآ علشان تصيرون خلاص متمكنين عليها وتلقائيا تسوونها في الكآميرا ..,
.
,
.
وبسم الله نبدأ ..,
أوّل شيء خلّونآ نشوف النتيجه ..,,
.
,
.
هذي الورشة .., كآنت في الحوش .,,
وهذا الكآدر أو العنآصر اللي بصوّرهآ ..,,
.
,
.
الحين نرو ح للكآميرآونختار الوضع
Av
وهذي الإعدآدآت اللي نختآرهآ ..,,
.
,
.
الحين تحطّون عينكم على الشآشة الصغيرة وتشوفون الصورة
وتضغطون زر الشتر ( نص ضغطة )..,,
علشان تظهر لكم نقاط التركيز .,,
طيب خلاص شيلوآ يدّكم من على زر الشتر .., أنآ ما أبغآه هو اللي يختار
نقاط التركيز ( الفوكس ) على كيفه .., أنآ اللي أبغى أختآرهآ على كيفي ..,
.
,
.
الحين إضغطوآ هذآ الزر ..,,
وبالأسهمهذي حركوآ نقطة الفوكس ..,
أنآ هنآ حركته جهة اليسآر لأني أبغآه يجي على الوردة لآحظوآ معي ...,
نشوف النتيجة اللي طلعت معنآ ..,,
حلو الفوكس جآ على الوردة والخلفيه معزولة بطريقة حلوة ..,
لكن ! ! !
الأورآق الملونه معزولة بعد ..,, وأنآ أبغآهآ تكون وآضحه ! ! !
كيف ..,؟!
عآدي موهب مشكلة ياللا نصوّر صورة ثآنيه بس ألحين بنخلّي نقطة التركيز على الأورآق الملوّنه ..,,
.
,
.
 ملآحظةمهمة جدا
إنتبهوآ إنتبهوآ إنتبهوآ ! ! !
الكآميرة لاتتحرك ولا سنتمتر واحد لازم تجلس نفس مكآنهآ ونفس زآويتها بالضبط مثل مآكآنت في الصورة الاولى ..,,
وحتى الاعدآدآت لاتتغير نهآئيآ ..,,
.
,
.
الحين نضغط هذآ الزر مرّة ثآنية ..,,
وبالأسهم نحرّك نقطة الفوكس للوسط( إضغطوآ الزر اللي في الوسط وبس ) اللي هو
SET
الحين بنشوف الفوكس على الأورآق الملوّنه ..,,
وهذي هي النتيجة ..,
الحين العكس صارت الاورآق وآضحه والوردة معزولة ..,,
.
,
.
عآدي ..,
إذاً بيكون عندنآ نتيجتين ( صورتين ) لذلك رآح نحتآج برنآمج الفوتوشوب
علشآن ندمجهم مع بعض ويصير الفوكس على الكآدر والعنآصر كلّهآ .,,
وبنفس الوقت بنحآفظ على إن الخلفية معزولة بطريقة حلوة ..,
.
,
.
خلّصنآ من التصوير ألحين ..,,
.
,
.
نفتح برنآمج الفوتوشوب ..,,
وبعدين نفتح الصورتين اللي صورنآهآ ..,,
وهذي هي الصورتين ..,
ألحين نسحب الصورة رقم 2 للصورة رقم 1
وبيصير شكل الصورتين عندنآ كذآ ..,
بس لآزم تتطآبق على بعض بالضبط يعني الزوايا تكون على بعض ..,
مثل كذآ ..,
.
,
.
ألحين نروح لنآفذة الليرآت ونضلل الليرين والطريقه هي
نضغط على اللير الاول بالماوس + مفتاح Ctrl من الكيبورد .. ونضغط على اللير الثآني
علشآن تتضلل كلها معنآ بالشكل هذآ ..,
ألحين نروح لقآئمة ..,
Edit
بعدين
Auto - Blend layers
بتفتح عندنآ هذي النآفذه ونضغط
OK
للأمآنه العلمية هذي الخطوة تعلّمتهآ من المصور المبدع ( غيث صآلح ) في أحد شروحآته الشكر موصول له أكيد ..,,
وبعدهآ نشوف النتيجه كيف طلعت عندنآ ..,,
هنآ أوضح ..,
يآسلام مثل مانبغآهآ بالضبط ..,
الورده واضحه والاوراق واضحه والخلفيه معزوله تماما ً ..,,
والإبدآع الباقي عليكم..,, 
.
,
.
دردشة جآنبية ..,,
بتقولون ( يآ الله ما أكثر كلامك وهذرتك وسالفه طويلة عريضه وحن نقدر نخلّي فتحة العدسة
F8 أو F9وبتصير العنآصر كلّهآ وآضحه وخلصت السآلفه )
.
,
.
وأنآ بقولكم طيب خلّونآ نجرّب هذي الاعدادآت .,
ونشوف النتجه مع بعض ..,,
طيب حلو صح العنآصر وآضحه والفوكس عليهآ كلّهآ ..,
بس فيه شيء ! ! !
الخلفيه غير معزوله .., وأنآ أبغآهآ معزوله
إذاً إذآ اخترت فتحة عدسة ضيقة ( يعني عدد كبير ) مراح تنعزل عندي الخلفيه
والنتيجه اللي بتطلع معي مرآح تعجبني ..,,
علشآن كذآ هذي السآلفه الطويلة والعريضة ..,,
.
,
.
وطبعاً بمآ اني نسّآية ولازم أسجّل كل خطوة أسوّيها
مآلي غنى عن الدفتر الجميل والقلم ..,,
.
,
.
وأخيراً ..,
أتمنى من كل قلبي إنكم تستفيدون من الدرس ..,
وإن شآءالله يكون وآضح ومفهوم ..,
وإستمتعوآ وأنتوآ تصورون ..,,
مآعليكم من نتيجتي أدري إنهآ عآدية جداً لأنهآ كآنت مجرد توضيح للفكرة أو الدرس ..,
وكل اللي أتمنآه منكم دعوآتكم الله يسعد قلوبكم ..,
.
,
.
دمتم مبدعين ..,, 
|