ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الطلاب والطالبات التقني (https://vb.ckfu.org/f219)
-   -   الوقت يمر بسرعه وانا ماسويت شي ..رجائاً للي يعرف يفيدني<< (https://vb.ckfu.org/t312181.html)

حلـ....ـم 2012- 4- 6 07:32 PM
الوقت يمر بسرعه وانا ماسويت شي ..رجائاً للي يعرف يفيدني<<
 
السلام عليكم ورحمة الله وبركاته


يسعد لي أيامكم جميع..

ياليت اللي يقدر يفيدني يرد ومايمر مرور الكرام وله دعوه من القلب ..

اشتريت طابعه وسألت هنا عن طريقة تثبيتها عالجهاز وقالو لي عن طريق السي دي اللي معاها ..وبالفعل طبقت كل شي والأمور تمام وتسدح عندي على سطح المكتب زي ماتشوفون :

ملف مرفق 49781

بس المشكله ماطبعت معاي ورقة الأختباروتطلع لي النافذه كذا:

ملف مرفق 49782

ملف مرفق 49783
والكابل مشبوك والطابعه شغاله ..بس ماأدري وين المشكله بالضبط..

أبي اطبع الملازم وابدأ أذاكر ومابقى وقت..

أنتظر أصحاب الخبره ...الله لايهينكم:106:

احمد..؟؟ 2012- 4- 6 07:52 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
لو تطرحين موضوعك بها القسم يمكن يفيدونك اكثر

http://www.ckfu.org/vb/f219

:rose:

حلـ....ـم 2012- 4- 6 07:58 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
تسلم أخوي بس قلت أحطه هنا لأن عددالأعضاء المتابعين هنا كبير فأكيد بالاقي أحد يفيدني ..وخفت أحطه هناك يتأخر علي الرد لأن مابقي وقت وعالعموم ماقصرت ومرور جميل ربي يسعد ايامك:106:

احمد..؟؟ 2012- 4- 6 07:59 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
بالتوفيق الك

وطني الجبيل 2012- 4- 7 02:03 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
هلابك اختي حلم الامر سهل ان شاء الله اولا احذفي الملفات المعلقه في امر الطباعه
الشي الثاني افصلي الكابل واشبكيه من جديد
الشي الثالث باذن الله راح تطبع معاك ولو ماطبعت ممكن تكوني ماشلتي اللاصق الموجود على حبر الطابعه
نفس علبة الحبر تلقين عليها لاصق شفاف شيليه
لو ماضبطت معك عقب هالحوسه كلها بلغيني وان شاء الله الامر سهل بإذن الله

m a h a 2012- 4- 7 02:44 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اشبكيها 220 :biggrin:

سوت لي ازمه اول ماخذيتها لحد ماشبكتها بالصدفه 220 واشتغلت :biggrin:

هنـــاء 2012- 4- 7 02:59 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
بشري انحلت مششكلتك :sm5:

وطني الجبيل 2012- 4- 7 03:00 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
مها صادقه ،، بس اتوقع كل موديلات اتش بي الجديدة المحول فيها تلقائي يدعم الخطين

حلـ....ـم 2012- 4- 7 04:01 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
تسلمون جميع بس المشكله أني سويت كل اللي قلتو لي عليه من قبل وبالنسبه للاصق شلته من البدايه وشبكتها على 220 قلت يمكن يضبط وكمان الغيت التثبيت ورجعت ثبتها من جديد ..بس مدري وين المشكله بالضبط ..كنت بعطي الجهاز أي أحد يشوفلي صرفه بس خفت يعدمون لي الدنيا
وغير كذا المستندات اللي بالطباعه توها تطلع اليوم لي ..يعني ماطلعت لي بمحاولاتي السابقه وفرحت قلت يمكن زبطت معاي..بس للأسف زي ماهي تتحرك الطابعه شوي وتوقف واللمبه تشر بسرعه.

هنـــاء 2012- 4- 7 04:13 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
ياعمرري :139:
اناا اشووف تودينه محل احسن لك وتكونين موجوده عشان مايحووس لك الدنياا

ربي يوفقك :106:

حلـ....ـم 2012- 4- 7 04:27 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
صدقتي بس المشكله اني ماأقدر أروح وبنفس الوقت مااقدر اعطيه احد يوديه لأن فيه صور خاصه وملفات مهمه واخاف هالمحلات يسحبون منه شي أو يحذفون لي ملفات مهمه..بصراحه ماأثق..علشان كذا طلبت المساعده من هنا..ومشكوره على حرصك عزيزتي:106:

بدويه 2012- 4- 7 05:01 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
مشكلتك سببها وحدة من هالأمور:

إما إنك سويتي أمر طباعة ( تجربين هي اشتغلت اوكيه أو لا ) قبل لاينتهي التثبيت بالكامل للطابعة..

أو إنها طبعت وعلق الورق لأي سبب كان وسحبتي الورق منها بقوة

أو إن طابعتك ماتحتاج تعريف السي دي ... << في هالحالة افصليها من الجهاز وبعدين احذفيها من لوحة التحكم و ارجعي اشبكيها.. بيجيك تعريف تلقائي إن فيه طابعة جديدة تتعرف كملي معه الخطوات للآخر ( التالي التالي التالي ) لمن ينتهي تحميلها..

أو .. إن وصلة الـ usb اللي تربط الطابعة بالكمبيوتر فيها مشكلة جربي يو اس بي ثاني
منفذ ثاني..

شغلة أخيرة... إصدار الويندوز في جهازك ممكن مايدعم طابعتك..



وطمنيني..

انتظرك

حلـ....ـم 2012- 4- 7 07:20 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اقتباس:
المشاركة الأصلية كتبت بواسطة بدويه (المشاركة 6114916)
مشكلتك سببها وحدة من هالأمور:

إما إنك سويتي أمر طباعة ( تجربين هي اشتغلت اوكيه أو لا ) قبل لاينتهي التثبيت بالكامل للطابعة..

أو إنها طبعت وعلق الورق لأي سبب كان وسحبتي الورق منها بقوة

أو إن طابعتك ماتحتاج تعريف السي دي ... << في هالحالة افصليها من الجهاز وبعدين احذفيها من لوحة التحكم و ارجعي اشبكيها.. بيجيك تعريف تلقائي إن فيه طابعة جديدة تتعرف كملي معه الخطوات للآخر ( التالي التالي التالي ) لمن ينتهي تحميلها..

أو .. إن وصلة الـ usb اللي تربط الطابعة بالكمبيوتر فيها مشكلة جربي يو اس بي ثاني
منفذ ثاني..

شغلة أخيرة... إصدار الويندوز في جهازك ممكن مايدعم طابعتك..



وطمنيني..

انتظرك
حياك بدويه ..أنا بالبدايه سويت التثبيت وماجربت الطباعه الابعد يوم من تثبيتها..وبالنسبه للورق ماعلق لأنه بالأصل ماانسحب داخل الطابعه
وبالنسبه لأنها ماتحتاج تعريف بالسي دي ..أنا سامعه انو إذاشبكت الطابعه مباشره بدون تعريف ممكن تتلف علي الجهاز وانا ماابي اجازف بهالفتره وغيركذا جهازي ويندز 7
أمابالنسبه للوصله فشكلي بأجرب وحده ثانيه مادام ان الأمور ماضبطت ..بس إذا شبكت الكابل اسمع صوت بالجهاز يعني دليل انه يوصل.
الله يسعدك عزيزتي من البارح وانا احوس فيها لعل وعسى .

So0oT AlFgEd 2012- 4- 7 11:27 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
هلا فيك أختي أن شاء الله أني اقدر اساعدك

نفس مشكلتي
أحسها نفس طابعتي 2050 hp
اول مشكلة يمكن
1- يجب فتح باب الورق اللي اسفل الطابعة وبعدين سوي طباعة
اذا مافاد راح أنزل لك تعريف من النت بس عطيني أسم الطابعة ورقمها واي وندوز

وأن شاء الله تنحل بسهولة

miss mrasy 2012- 4- 7 01:23 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
وعليكم ورحمة الله وبركاته
الله يسعد ايامك غلاتي ... :rose::rose:

صارت لي مشكله السمستر اللي راح زي كدا
ووديتها للوكاله تبعها قالو انحرق الماطوور وجابو ماطور جديد بس قبل التركيب جا واحد تاني يفحصهاا لقي انو شغاله مزبووط ..

وطلع السبب ان الطابعه 220 وانا شابكتها في 110


1 ) تاكدي من هادي النقطه ... لان الطابعات الجديده كلها 220 بس انتي قبل ماتشبكي اتااكدي من مولد الطااقه كمم ..!!

2) لو برضوو ماضبط افصلي اطفي الطابعه وافصليها من جهازك
وروحي لهادي النافده اللي في الصوره وحدد كل شي وامسحيه وعيدي تشغيل الجهاز
بعد اعاده التشغيل اشبكيهاا زي اول واطبعي ..


3) لو استمرت نفس المشكله يمكن يكون اليبل الموصل بين الجهاز والطابعه مو تمام
يعني اوقات تصير تطبع شوي وشوي توقف يكون الكيبل جودته ضعيفه :139:

اول شي ..ملاحضه اثنناء الطباعه لاحضت عندك سويتي امر طباعه لاكثر من شيء وهادا خطاا الطابعه ماتستوعب كل هادا حبه حبه عليهاا خصوصا انها ليسا جديده فلاتثقلي عليها ملف ملف اطبعيه لان كثرت اوامر الطباعه تعلق الطابعه وماتخليها تطبع


وبالتوفيق ياقلبي ..:004:

miss mrasy 2012- 4- 7 01:26 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اقتباس:
المشاركة الأصلية كتبت بواسطة هنـــاء (المشاركة 6114837)
ياعمرري :139:
اناا اشووف تودينه محل احسن لك وتكونين موجوده عشان مايحووس لك الدنياا

ربي يوفقك :106:
:sm4:


مودايم نحتااج للمحلات في التصليح :Looking_anim:

وطني الجبيل 2012- 4- 7 02:44 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
أي لمبة تأشر بسرعة ؟؟ ولو تعطينا صورة من النت عن طابعتك

ۅح ــيٌ .. ! 2012- 4- 7 02:55 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 












طيب خيتو سؤال انتِ كنتِ تستخدمين عن نفس جهازك ذا ..

اللاب او المكتبي طابعه ثانيه ؟

ان كان اي ..

فـ اتوقع ذا السبب لان نفس المشكله حصلت لي قبل ..

وطلعت المشكله لان كل ماجيت اطبع يكون اختيار الجهاز تلقائي لـ تعريف الطابعه الاولى فـ ماتطبع ..

الى ان اخترت خيار تعريف الطابعه الجديده ..

طبعاً تختارين نوع الطابعه من خيار ( تحديد طابعه ) اللي تظهر لك قبل الطباعه ..

يآرب وفقني 2012- 4- 7 02:56 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
..

لو تصورين لنا الطابعه

انا طابعتي اتش بي وجهازي نفسك وندز 7

بس المبه الي تأشر لونها اورنج ..

وترى لازم تعريف بين الطابعه والجهاز والا وش لون بتطبعين :cool:



ننتظرك

ADEL10 2012- 4- 7 04:45 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
أولا احذفي كل اوامر الطابعه القديمه
ثانيا تاكدي من الحبر انه راكب صح وشايله لصقة الضمان منه
وكل شي لونه برتقالي لازم تفكيه لانه مجرد ضمان

حلـ....ـم 2012- 4- 7 04:57 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
عوافي على قلوبكم جميع..ماتوقعت بلاقي هالمساعده كلها ..الله لايحرمني منكم

بالنسبه للصوره هذي صورتها وموديلها

http://t2.gstatic.com/images?q=tbn:A...g7IYksGRAt6BRo

وبالنسبه للمبه اللي تشر ..الموجوده بالطابعه الخضراء

وحي غناتي هذي أو ل طابعه استخدمها ..بس الله يجزاك الجنه ذكرتيني

وطني الله يسعدك انا يوم جيت باطبع بعد ماعرفت الطابعه طلعت لي الطباعه عن طريق البرنامج تبع الشروحات (التصوير..snagit)وحذفت البرنامج كله ..وبعدها تحملت مضبوط عالجهاز وطلعت لي الطباعه بالمستندات اللي صورتها..بس مافاد ورجعت حملت برنامج التصوير بس رفض ينسخ لي السريال وكتبته كتابه ومع هذا يقول باقي لي 26 يوم ويصير البرنامج يشترى.

صوت الفقيد لاخلا ولاعدم أخوي ..أنا فاتحه الباب من البدايه ربي يسلمك وإذا احتجت التثبيت بطلب منك الله يسعدك
مس مراسي هلاوغلا بك واللي قلتيه طبقتها وحالياً وصيت لي بكابل جديد وبجربه وان شاء الله ينفع
يارب وفقني ..اللمبه اللي عندي سعوديه:tongue: ومعرفه الطابعه ياعسل..

وبالنسبه لأوامر الطباعه هذي ورقة الأختبار بس تكررت كم مره لأني حاولت وماضبطت ومسحتها زي ماقال الأخ وطني.

السموحه من الجميع كلفت عليكم الله يسعدكم

حلـ....ـم 2012- 4- 7 05:08 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اقتباس:
المشاركة الأصلية كتبت بواسطة adel10 (المشاركة 6116476)
أولا احذفي كل اوامر الطابعه القديمه
ثانيا تاكدي من الحبر انه راكب صح وشايله لصقة الضمان منه
وكل شي لونه برتقالي لازم تفكيه لانه مجرد ضمان
مشكور اخوي ..بس ماشفت أي شي لونه برتقالي ..واوامر الطباعه حذفتها كلها وهي بالأساس ورقة الأختباروالحبر تأكدة منه ولمسته وبين الحبر بيدي..
تسلم اخوي ..انا اللحين انتظر الوصله الجديده وبجربها واشوف زي ماقالو الأخوان.

So0oT AlFgEd 2012- 4- 7 05:15 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
طيب ممكن تقولين لنا الخطوات اللي سويتيها يمكن شي ناقص سبب في عطل في الطباعة

KSAjamal 2012- 4- 7 05:29 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
أختي
التعريف راكب سليم والدليل انه يرسل اوامر الطباعة
لكن الطابعة لاتستجيب

تأكدي من التوصيل بالكيبل
تأكدي انك اول ماتركبي الكيبل تسمعي صوت من الوندوز صوت تركيب وصلة

بانتظارك حتى تنحل المشكلة بعون الله

حلـ....ـم 2012- 4- 7 05:30 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
بالبدايه دخلت السي دي واتبعت الأرشادات الموجوده وتثبت بالجهاز زي ماصورت لكم..لاكن ماوصلت الكابل على طول لأنه ماكان متوفر مع الجهاز وانتظرت لحد ماأخذت لي كابل ووصلته وبعدها على طول رحت ابي اطبع ملازم وبدأت بس المشكله انو تطلع لي الطباعه عن طريق برنامج التصوير واضطريت لحذف البرنامج زي ماذكرت وماكان عندي خلفيه عن ورقة الأختبار لحد ماقلبت بالمعلومات الموجوده بالطابعه انو لازم أول مااطبع يكون ورقة الأختبار والباقي زي ماذكرت ..بعدها ألغيت التثبيت ورجعت ثبت من جديد وجربت أغير المحول لـ220ونفس الشي ..
أدوشتك اخوي ..اعتذر

حلـ....ـم 2012- 4- 7 05:37 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اقتباس:
المشاركة الأصلية كتبت بواسطة ksajamal (المشاركة 6116736)
أختي
التعريف راكب سليم والدليل انه يرسل اوامر الطباعة
لكن الطابعة لاتستجيب

تأكدي من التوصيل بالكيبل
تأكدي انك اول ماتركبي الكيبل تسمعي صوت من الوندوز صوت تركيب وصلة

بانتظارك حتى تنحل المشكلة بعون الله
مشكور أخوي وبالنسبه للوصله يطلع لها صوت مثل إذا شبكت الماوس أو ركبت اي وصله ثانيه ..ومع ذالك وصيت لي بوحده جديده.
يعطيك العافيه:106:

So0oT AlFgEd 2012- 4- 7 06:24 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
انا في الخدمة اختي وش دعوة

يمكن في طريقتك في التثبيت نوعا ما فيه خطأ اول شي قبل التثبيت يجب أن يكون الكابل موصولة بالجهاز والكهرباء يمكن هذا سبب من اسباب عدم الطباعة وان شاء الله تنحل


بدويه 2012- 4- 7 07:51 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
اقتباس:
المشاركة الأصلية كتبت بواسطة So0oT AlFgEd (المشاركة 6117154)
انا في الخدمة اختي وش دعوة

يمكن في طريقتك في التثبيت نوعا ما فيه خطأ اول شي قبل التثبيت يجب أن يكون الكابل موصولة بالجهاز والكهرباء يمكن هذا سبب من اسباب عدم الطباعة وان شاء الله تنحل

احذفيها نهائي من لوحة التحكم..

واشبكيها في الكمبيوتر بيجيك تعريف تلقائي..
نوعيتها plug & play
يعني تعرف نفسها بنفسها وامشي ع خطوات التثبيت,, والويندوز بعد يدعم هالنوعية من الأجهزة و ويندوز 7 مريح بالتحميل والتثبيت جداااااااااااااااا

وفكرة إنه لازم من السي دي .. لا مووو لازم
بس لو غلبت الروم أوكي ثبتيها من السي دي

أنا هذي ثاني طابعة أعرفها بدون سي دي .. لأنها بس تنشبك صح .. يجي تشغيل برنامج التثبيت تلقائي

حلـ....ـم 2012- 4- 8 12:58 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
الله يسعد قلوبكم جميع ويكتب أجر كل من ساعد واعطى نصيحته

الحمد لله حلت المشكله والسبب كان فعلاً بالكابل ..والتثبيت كان تمام ومافيه اي مشكله

أشكر كل من مرمن هنا وكل من ساعدني
:106::106::106::106::106::106::106::106::106:

وطني الجبيل 2012- 4- 8 01:14 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
مبرووك وامنياتي لك بالتوفيق والنجاح عدت الى هنا لكي اشكر الجميع على روعة تفاعلهم وحملهم هموم بعضهم البعض

سعادتي بالتعاون اكثر من سعادة اختنا حلم بطابعتها الجديدة .. شكرا حلم لهذا الاختبار الرائع لتماسكنا وتعاوننا ...:106:

حلـ....ـم 2012- 4- 8 01:17 AM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
سعادتي بتعاونكم معي لاتوصف وفرحتي بكم أكبر من فرحتي بطابعتي الجديده فماهي إلاأله لاتملك أي إحساس أو شعور..دمتم بود:106:

بدويه 2012- 4- 8 07:16 PM
رد: الوقت يمر بسرعه وانا ماسويت شي ..رجائاً للي يعرف يفيدني<<
 
الحمممممممممممممممدلله

ماتتخيلين كيف فرحت لك..

بصراحة أنا من النوع الموسوس.. إذا دخلت في شئ لازم انهيه.. وخصوصاً هالتقنيات، أحيان تنشب لي ومايمشي الحال.. بس أظل ورااااها حتى لو استعنت بمركز صيانة المهم... تنحل المشكلة


لك ودي


All times are GMT +3. الوقت الآن حسب توقيت السعودية: 02:55 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه