[「☹❞مشكلةَ ]: حل مشكلة الواتساب (النوافذ المنبثقة) مع التحديث الجديد للـ s4

[P e a c e]

قبل فترة بسيطة نزل تحديث لجوالي Samsung Galaxy S4 إلى نظام Android Lollipop

وصارت عندي مشكلة مزعجة في الواتساب
لما تجيني رسالة تطلع لي "نافذة منبثقة" pop up window


المزعج فيها أنك لما تكون تشاهد يوتيوب أو تستخدم أي برنامج راح تسبب لك هذي النافذة إزعاج وشغلتي بس كل شوي أسكرها كل ما تجيني رسالة.
أو لما توري أحد أصحابك شي في الجهاز ممكن تطلع له محادثات قروباتك العائلية.


دخلت على الإعدادات في الواتساب وشلت خيار النوافذ المنبثقة لكن ما في فايدة, ضلت تظهر عندي, يبدو أنها مشكلة عدم توافق بين الواتساب والنظام الجديد للأندرويد.
المهم بحثت في عدة مواقع عن المشكلة ولقيت الحل من أحد المنتديات الأجنبية, يقول شيل نغمة التنبيه وشيل التنبيه بالاهتزاز (وطبعا شيل خيار النوافذ المنبثقة Pop up) وراح تضبط معاك. وسويتها وفعلا ضبطت.
وجربت بدون حتى ما أشيل نغمة التنبيه وظبطت, يعني المشكلة في الاهتزاز.
ممكن مع التحديث الجاي يتلافون هذي المشكلة.


بس هذا اللي حبيت أقوله, لمن يعاني من نفس المشكلة, لأنها كانت مزعجتني جدا في جوالي


وشكرا لكل من مر من هنا

[حيـاة]

أحنا معاشر الآيفونيين مانعاني من هذي المشكلة الحمدلله لأن التحكم فيها سهل من الإعدادات


شكراً المعلومة مفيدة جداً تستحق النشر

[P e a c e]

المشاركة الأصلية كتبت بواسطة حيـاة

أحنا معاشر الآيفونيين مانعاني من هذي المشكلة الحمدلله لأن التحكم فيها سهل من الإعدادات


شكراً المعلومة مفيدة جداً تستحق النشر

هنيئا لكم


هو التحكم موجود في الإعدادات بس مع التحديث حصل عدم توافق بسيط لزم معه بعض التحايل إلى أن تنفرج
العفو
شكرا لك حياة

[احمد الزهراني 1]

يعطيك العاافيه