 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2012- 12- 2
|
||||
|
||||
يااخوان انا في هم عظيم وابي مشورتكم
السلام عليكم ورحمة الله
مسائكم رضا من الرحمن وسرور اعتذر لاخواني مشرفي القسم قد لايكون موضوعي في مكانه المناسب احترت مدري وين احطه ؟ اعلم جيدا ان الله هو المعين وهو وحده فارج الهم والغم لكنني اردت هنا مشورتكم ......... نفسيتي تعبانه وماذاكرت وافكر انسحب نهائي رغم اني حبيتكم وحبيت هالجامعه بس الظروف النفسيه والماليه صعبه والوالده تعبانه والاخلاق صايره تجاريه عندنا سواق هندي من جانا اصلا وهو اخلاقياته زفت وينافخ وشايف نفسه وجاي داخل على طمع مثل ماهو منتشر في مدينتي سواقين ابوعشرين يوديك مشوار لو هو قريب روحه ورده باربعين ريال كلن كفيله سامح له يقول كد ومااعطيك راتب وطمعوا فينا وخربوا سواقيننا سواقنا نمشي له راتبه كامل 1200 حججناه على حسابنا حنا مو من راتبه وحنا اصلا ماحجينا ومعطينه وجه واحيانا نغديه ونعشيه مايتكلف ابد ومشاويره قليله جدا واول ماجا من الهند كان يابس يخرع الحين كرشته قدامه مترين توه ماخلص عقده ماكمل سنتين من بعد وفااة ابوي الله يرحمه بدت الاخلاق الشينه تظهر خصوصا يوم حج وخلصت مصلحته وكل مشوار اروح له يحقق معي تحقيق وش اسم المحل الفلاني ووش يبيعون وهذا ايش وذاك ايش؟ وانا حاسه انه يبي يتعلم لكل شي عشان يتركنا ويكد من ورانا وطلع كلامي بمحله يقول انا وشو فايده قلت لك راتب وحنا جايبينك سواق خاص لمنفعتنا حنا ليه اخوي والا ابوي يوم اطلق صراحك واخليك تنتفع وانا بمعاناة يعني؟ تخيلوا يقول انا بس نوم مخ خراب من كثر النوم؟؟ قلت هههههههه كلكم يالهنود مخكم خربان خلقه  مشهورين بالغباء مايحتاج الحين عقده ينتهي بشهر6 وخواتي يدرسون غير اختباراتي اللي قربت حنا بس بنات وامنا ربي يحفظها لنا الحين ازعجنا يقول بيسافر وبيسحب علينا كل شوي جايب كذبه جديده اول يقول ابتزوج شهر وارجع لكم وعقبها قال اخوي زوجته تبي بيت جديد ابشري لهم وارجع وعقبها قال امي مريضه يمكن تموت والحين اعلنها قال ابروح وماني راجع وامي تقول خليه يولي ازعج روسنا وانا معانده يااخوان وش تنصحوني فيه اجيب له شرطي بس بنفس الوقت خايفه ينطمع فينا لاني مااثق باحد في حايل لارجال هيئه ولا شرطه ولا حتى شيوخ المحاكم من اللي مر علي انا وخواتي من ظلم ومعاناة لاحد يقولي وين خوالك وعمامك اقولكم بالزمن هذا كلن ماهمه الا زوجته وعياله هل اذا سفرناه خروج نهائي يقدر يرجع شلون امنعه هالهندي من الدخول للسعوديه نهائيا ابقطع رزقه الحرامي الكذاب لاني ماعندي خبره بسوالف تقديم وغيره !! حنا يالسعوديين ماكول خيرنا منكر جميلنا وملعوب علينا سؤال ثاني وش تنصحونا فيه سواق من اي جنسيه؟ الفلبين كويسين؟ نبي سواق خاص مايتحرك لايمين ولاشمال اعتذر مره اخرى بس مالي نشاط بمنتديات اخرى غير هنا وقلت استشيركم   التعديل الأخير تم بواسطة Against Gravity ; 2012- 12- 2 الساعة 02:08 AM |
|
2012- 12- 2
|
#2 |
|
متميزة كلية الاداب _علم اجتماع
|
رد: يااخوان انا في هم عظيم وابي مشورتكم
الله يكون بعونكم حبيبتي وادعي ربك دايما ان الله يغنيك عنه وعن غيره ولا يحوجك لحد بهالدنيا
شوفي ياقلبي بالنسبة لسواقين شوفيلكم فلبيني يمكن ارحم هم شوي معن كلهم حسبي الله ونعم الوكيل مامنهم الا شر وفتنة والحمدلله انكم افتكيتو من ذا الهندي ماتدرين يمكن شر وانصرف واختباراتك ياقلبي انتبهي تتركينها او تتخلين عن دراستك مابفيدك بعد الله الاشهادتك ولاتخلين ظرف مثل هاذا يهبط همتك وكوني واثقة انك دائما افضل من ناس كثير غيرك ومااستسلموا بعدين لسى معاك ان شاء الله وقت تعوذي من ابليس وذاكري والاختبارات بتكون سهلة ان شاء الله وبتلقين ان شاء الله احد يوديك والله الله في امكم لا تقعدون تقهرونها معد لكم بعد الله الي هي الله يخليها لكم وتفرح فيكم يارب وحلوها بنفسكم ولا تزيدون همها وان شاء الله ربي يفرجها الله يوفقك يارب ويسخرلك الطيبين وين ماتروحين وشوفيني اقولك انتبهي تتركين اختبارك تذكري كلها ايام وتعدي كل الناس عندهم ضغوط وعندهم ظروف ومع ذلك لازم مانستسلم في حفظ الله 
|
|
2012- 12- 2
|
#3 |
|
مميزة مستوى 7 E
|
رد: يااخوان انا في هم عظيم وابي مشورتكم
ريماز الله يجزاك كل خير ياقلبي على كلامك الطيب
وتفاعلك مع موضوعي اللي البعض يشوفه تافه لكنه بالنسبه لانثى قليلة حيله مثلي هم وكبير على قولتك يمكن اقدم على فلبيني لو ان النذل هذا مبلغنا انه بيطس كان مقدمين من قبل ومرتاحين ويجي سواقنا وبسلامته بس للاسف الوقت هذا صعب علينا والله احيانا احد يتعب منا بآخر الليل ماالقى احد اتصل فيه او يودينا اشكرك على نصيحتك والليله ابستخير وربك يعين الله يوفقك وينجحك ويفتح لك ابواب رزقه وييسرلك امرك ويصلح لك شأنك كله ياريماز دمتي بخير يالغاليه  |
|
التعديل الأخير تم بواسطة Against Gravity ; 2012- 12- 2 الساعة 02:33 AM |
|
|
2012- 12- 2
|
#4 |
|
صديقة ملتقى التربية الخاصة
|
رد: يااخوان انا في هم عظيم وابي مشورتكم
تقدرين قبل ما تسوين له خروج نهائي
يشطبونه لك يعني اكس ع جوازه يجلس 5 سنين ما يشتغل باي مكان اذا سويتي له خروج نهائي يجدد جوازه ويرجع عادي بس لو انا بدالك اقوله اوكي روح كد وسو اللي تبيه بس دام الكفاله علينا شهريا تدفع 2000+ مشاورينا كذا انتي ضربتي عصفورين بحجر واحد الخدم والسواقين ما ينفع معهم الشده بينافخون عامليهم بالحيله ركزي ع دراستك والله لا يخلي حاجتكم عند احد لا قريب ولا بعيد |
|
2012- 12- 2
|
#5 |
|
مميزة مستوى 7 E
|
رد: يااخوان انا في هم عظيم وابي مشورتكم
اختي همس
لو سمحنا له يكد والله ماراح يفضي لنا غير انه رافض يعطينا يبي يكد ولاناخذ شي منه يبي يستفيد من كفالتنا بس انه باسمنا والراتب ماهو مالي عينه جيراننا كان عندهم سايق باكستاني بعد ماسمحوا له يكد ماقام يعبرهم ويتأخر عن مشاويرهم ولااستفادوا منه وسفروه على قولتك بسوي له الشطب هذا عساه للشطب اللي بجبهته بجيب له الهم مثل ماامرض امي معه الله لايوفقه بس وش اقولهم المكتب ؟ المشكله اننا ماعمرنا صرنا شديدين معه مدلعينه دلع وامي على نياتها تقول هذا مثل ولدي وتحترمه وترحمه وهو تمسكن لحد ماتعلم وطال لسانه الله يجزاك خير خيتي همس حفظك الله وغفرلك ولوالديك واحبتك |
|
2012- 12- 2
|
#6 |
|
مشرفة سابقة
|
رد: يااخوان انا في هم عظيم وابي مشورتكم
الدراسه مهمه ولو كانت الظروف قاسيه
والعمــاله ماتغييروا مشاكلهم كثير بس لاتربطين مصيرك فيهم يارب تنفك ازمتك .. هكذا احوالنا تتضارب الظروف بحياتنا مثل الموج .. تشكي لي حالك واشكي لك حالي  |
|
2012- 12- 2
|
#7 |
|
مميزة مستوى 7 E
|
رد: يااخوان انا في هم عظيم وابي مشورتكم
صحيح كلامك خيتي fix
لكن بالعكس العماله مأثرين على مصيري ههههه يعني لو ماحصلت احد يوديني انا وخواتي بنقعد فيها الاجره استحاله نركب معهم استحااااله بعض العماله ياخذ من 350 إلى اربعميه واحيانا يسحب عليك مايكمل معك كثير بنات اعرفهم يدورون سواقين وهم عندهم اخوان فمابالك باللي مثلنا ربك يعين والحمدلله على كل حال جزاك الله كل خير غاليتي وربي يسعدك ويحفظك |
|
التعديل الأخير تم بواسطة Against Gravity ; 2012- 12- 2 الساعة 03:00 AM |
|
|
2012- 12- 2
|
#8 |
|
مميزة مستوى 7 E
|
رد: يااخوان انا في هم عظيم وابي مشورتكم
انا وخواتي نفكر نشري سياكل
 نروح نخلص مشاويرنا الله يرحمنا برحمته ولايجعلكم ولا احبابكم تمرون بظروفنا ياحي ياقيوم |
|
2012- 12- 2
|
#9 |
|
متميز بالمستوى الثاني– إدارة أعمال.
|
رد: يااخوان انا في هم عظيم وابي مشورتكم
الله يكون في عونكم ويسهل امركم
حقيقة وضعكم صعب ولكن الشرهه على خوالكم دائما الاعمام يكونوا بعيدين لكن اقارب امك هم الي عليهم العتب لكن اذا تبغي مني وقفة اخ صادق القلب بس أبي أدب هذا الطاغي هذا الفاسق هذا الهندي المتمرد يبغاله كل صباح كف على وجهه وكل مساء كفين عشان الحيوان يعرف يقدر النعمة الي هوا فيها الكلب اقول انتبهي منه انتي واخواتك لايغدر فيكم سووها صدقيني مدام يعرف ماعندكم احد انه حيوان والعقوبة هنا يسفرونة وهذا الي يبغى اذا ودك اني اخدمك تواصلي مع ادارة الملتقى وراح اوقف معاك في طريقتي ومابغى منك الا خالص دعواكم ففقط الله يسهل امركم يارب وعليكم في الدعاء والاستغفار باب سعة وباب فرج ان شاء الله حفظك الله انتي وامك واخواتك ورحم الله ابوك وجعله الله من اهل الجنة موفقة
|
|
2012- 12- 2
|
#10 |
|
متميز بالمستوى الثاني– إدارة أعمال.
|
رد: يااخوان انا في هم عظيم وابي مشورتكم
اما سالفة جوازة وسفرة
زميل لي يعمل في الجوازات باتسر اسئلة واعطيك الخبر الاكيد باذن الله |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
