شَاعِر و حُزْنِهْ شَارِعين وْ مَدِينَه
________ يشُوفْ نَوْب ، وبَعْض الأحيَانْ أعمَى
لِهْ مِنّك السُّكْنَى ، و لِهْ شَارعِينِه
________ لِهْ السَّرَاب ، و لاَ لَقَى بغيرك الْمَا!
سَلْمَى تِمِدّ كفُوفَهَا / لـْ راحتِينِه
________ وتِينِهْ هوَ اللّي رَاحْ بْـ.كفوف سَلْمى

الباب بابك .. / وانا المفتاح مفتاحي .. !
والدرب خطوة ../ اذا النظرات مفضوحة

إرتاحي / إنتي إختنقتي .. / يلا إرتاحي
احيان هذا الشعر .. / تكثر بنا جروحه

تشتاقلك ضحكتك / وآشتاق لأفراحي
تتشابه / احزاننا / والروحه / الروحه

شاعر مشى صدر قافيته على آحي
ولاهو بـجايب خبر عجزه على اوحه

باح / ماباح / يمكن باح / ماباحي
هذي سواليفهم / لامن سمت روحه

ايه اخافك .. مثل مآخاف من نفسي عليّا
وانتي اقرب (خوف) عشته من ايام الطفوله

سافري .. وان عاد قلبي لك ورحّب وحيّـا
في سما النسيان طشّي وراك اللي يقوله

الجروح فـ بعض الاحيان تاخذها الحميّـا
"والكتابه جرح" قد ايش جرحي بالسهوله !

من متى كنتي لمثلي .. ومثلك كان ليّـا ..
المسافه بيننا .. عمْر .. / ماينقـاس طوله

سامحيني .. بعض الاحلام ماتكبر كذيّا ..
والحياة اثمن .. والايام في عمري عجوله

مابقا بي (شِعْر) .. بـ ظلال داعيه آتفيّـا
والنهار اللي تخيّلت .. خلّي لي افـوله ..

والفراق اللي نخافه ليا من قال : هَيّـا ..
له يديني تفتح الصدر .. وتلبّي وصوله

مُستحيـل اقْنع / وتدْفعني / ثمن ..
لـلـغـرام أللي / تسمّونة / غـرام .. !

دامك أللي جيت في كذبةْ زمن !
شي طبيعي تْروح من عرض الكَلام