ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الفنون الأدبية (https://vb.ckfu.org/f150)
-   -   ياجــامعــة فيــصل بنهــدي لك الطــوق .. (https://vb.ckfu.org/t140292.html)

وفي الاطباع 2011- 1- 27 12:11 PM
ياجــامعــة فيــصل بنهــدي لك الطــوق ..
 
السلام عليكم ورحمة الله وبركاته

اخواني واخواتي
بودي ان نغير في جو الدراسه بجو اخر لعل ان يروق لكم .
واحببت بأن اهديكم ابيات داعبت قريحتي واحببت بأن اطرحها لكم هنا , واتمنى ان تنال استحسانكم واعجابكم .

طلاب علــم وحلمـنا في الســما فوق=يارب وفـق من نـوى للمـعالي
اشوف بعيون الرجـى لــمـعـة بــروق=كنها تقول لفرحتي لي تعالي
اهيــم بــفـكاري وانا اخــيـل واتـــوق=لمعــانقة مستقـبل كنه جالي
ياجامعــة فيـصـل بنهـدي لك الطـوق=لعــل تهــدين الفــرح كل غالي
والحلم في عقل البشر شيء مخلوق=ومن هم شيء ادركه مايبالي


وفـــــــــــــــــــي الاطبــــــــــــــــــــــــاع

lgl3enk 2011- 1- 27 12:12 PM
رد: ياجــامعــة فيــصل بنهــدي لك الطــوق ..
 
ياجـامعــة فيــصــل بنهـدي لك الطــوق=لعــل تهــدين الفــرح كل غالي





صح لسااانك والله يسمع منك يالله ان تبلغناااا النجاااح والتوفيق

وفي الاطباع 2011- 1- 27 12:14 PM
رد: ياجــامعــة فيــصل بنهــدي لك الطــوق ..
 
خــــــــ اعـــز احبــــــابــه ــــانــــه

صح بدنك .

الهذلي 2011- 1- 27 12:25 PM
رد: ياجــامعــة فيــصل بنهــدي لك الطــوق ..
 
صح لسانك ياشاعر الملتقى

{{Businessman}} 2011- 1- 27 12:25 PM
رد: ياجــامعــة فيــصل بنهــدي لك الطــوق ..
 
صح لسانك :d5:

وفالك البيرق :hahahahahah: قصدي النجاح

وفي الاطباع 2011- 1- 27 12:30 PM
رد: ياجــامعــة فيــصل بنهــدي لك الطــوق ..
 
صح بنكم جميع

ويسلم لي ذوقكم ياذويقه انتوا ..

>> Ł3ўőőη Ďƒ2 << 2011- 1- 27 12:33 PM
رد: ياجــامعــة فيــصل بنهــدي لك الطــوق ..
 
صــــح لسآآنكـــ :d5:

ورى ماتنزلـه بمنتدى النقآش يمكن بعد هالابيآت ينجحوونكـ على طوووول :tongue:

< آخاف يشوتوون الولد بسبتي :(269):


يعطيكـ العافيييهـ والله يكثر من هالقرييحهـ :biggrin:

ولد حبيل 2011- 1- 27 12:41 PM
رد: ياجــامعــة فيــصل بنهــدي لك الطــوق ..
 
اقتباس:
المشاركة الأصلية كتبت بواسطة >> Ł3ўőőη Ďƒ2 << (المشاركة 2567909)
صــــح لسآآنكـــ :d5:

ورى ماتنزلـه بمنتدى النقآش يمكن بعد هالابيآت ينجحوونكـ على طوووول :tongue:

< آخاف يشوتوون الولد بسبتي :(269):


يعطيكـ العافيييهـ والله يكثر من هالقرييحهـ :biggrin:
هههههههههههههههههههههههههههههههههههههههههههههه
موت من ضحك يخي هذة جامعة مو شاعر المليون

>> Ł3ўőőη Ďƒ2 << 2011- 1- 27 12:45 PM
رد: ياجــامعــة فيــصل بنهــدي لك الطــوق ..
 
هههههههههههه ولد حبيل وششدرآكـ يمكن الجامعه من محبي الششعر

وتتأثر وينجحوونه :71::hahahahahah:

روان انتساب 2011- 1- 27 12:46 PM
رد: ياجــامعــة فيــصل بنهــدي لك الطــوق ..
 
صح لســــانــــــــــكـــــ :106:

وفالك التوفيق والنجاح :mh001:

وفي الاطباع 2011- 1- 27 12:58 PM
رد: ياجــامعــة فيــصل بنهــدي لك الطــوق ..
 
ياحبني لكم انتوا ياذووووق

ولد حبيل لكل مقام مقال ونحن هنا في اجازه ومن لديه اي مشاركه بأي شكل من الاشكال ولم تخرج عن طور الادب والخلق فلماذا الاستغراب ؟

نحن هنا اخوان ونقول مايروق لنا ونحب مشاركة الجميع لكي نعيش اللحظه مع بعضنا , شكرا لك اخي ع مرورك انت ومن اطلع ع هذه الابيات المتواضعه .

تقبلوا ودي .

test5 2011- 1- 27 01:37 PM
رد: ياجــامعــة فيــصل بنهــدي لك الطــوق ..
 
وعليكم السلام

بصراحة اعجبتني وحبيت ارد عليها, بس لا تشرهه علي تراني ماني بشاعر ولا حتى شويعر لو حصلت اخطاء :119:




اقتباس:
المشاركة الأصلية كتبت بواسطة وفي الاطباع (المشاركة 2567809)
طلاب علــم وحلمـنا في الســما فوق=يارب وفـق من نـوى للمـعالي
اشوف بعيون الرجـى لــمـعـة بــروق=كنها تقول لفرحتي لي تعالي
اهيــم بــفـكاري وانا اخــيـل واتـــوق=لمعــانقة مستقـبل كنه جالي
ياجامعــة فيـصـل بنهـدي لك الطـوق=لعــل تهــدين الفــرح كل غالي
والحلم في عقل البشر شيء مخلوق=ومن هم شيء ادركه مايبالي

طلبتك يا رب الارباب تعلي منازلنا فوق *** ويا صاحبي ما خاب من سلك درب المعالي
هــذا عـــلـــمـــنــا كـنـه رعــد وبـــروق *** ويا طـالـبـيـن الـمجـد اقـولهم تـعـال وتعالي
لا تـحـسـبـنـي عـن الممتاز ماني بتواق *** وودي وودك مـن زيـادة الـدرجــات جــالــي
ارسـل من الـوسطى الى الغربية بطوق *** لــعــلــهــا تــنـقـــذ صــاحِـــباً لـــي وغـالـي
يا دكتور ماني بـكـمبيوتر ولكني بمخلوق*** وهـذه رســالــتـي ارسـلـهـا للـــي يـبـالــي
( ما اقصد بلغرسه خخخخخ )

{{Businessman}} 2011- 1- 27 01:41 PM
رد: ياجــامعــة فيــصل بنهــدي لك الطــوق ..
 
تحفففففه وصح لسانكم خطيرررين:d5:

:hahahahahah:

ahmad732 2011- 1- 27 02:26 PM
رد: ياجــامعــة فيــصل بنهــدي لك الطــوق ..
 
صح لسانكم

مادام عندنا شعراء

ليش ما تسوون قصيده هجاء في بلغرسه :mad:

وفي الاطباع 2011- 1- 27 04:55 PM
رد: ياجــامعــة فيــصل بنهــدي لك الطــوق ..
 
يعطيكم العافيه جميع ع المرور الجميل والاكثر من رائع

وصح لسانك يا test5 ولاهنت ع المجاراه الحلوه :d5: .

وفقكم الله .

فيصل العنين 2011- 1- 27 05:05 PM
رد: ياجــامعــة فيــصل بنهــدي لك الطــوق ..
 
صح لسانك

حالمة بالجنان 2011- 1- 27 05:10 PM
رد: ياجــامعــة فيــصل بنهــدي لك الطــوق ..
 
صــــــح لسااااااانك
يا وفي الاطبااااااااااااع

حلاوي ksa 2011- 1- 27 05:50 PM
رد: ياجــامعــة فيــصل بنهــدي لك الطــوق ..
 
صح لسآآآآآآآآآنـك :biggrin:

test5 2011- 1- 27 06:20 PM
رد: ياجــامعــة فيــصل بنهــدي لك الطــوق ..
 
اقتباس:
المشاركة الأصلية كتبت بواسطة {{businessman}} (المشاركة 2568205)
تحفففففه وصح لسانكم خطيرررين:d5:

:hahahahahah:
حياك الله يا بزنسمان, وصح بدنك :119:

اقتباس:
المشاركة الأصلية كتبت بواسطة ahmad732 (المشاركة 2568425)
صح لسانكم

مادام عندنا شعراء

ليش ما تسوون قصيده هجاء في بلغرسه :mad:
صح بدنك يابو حميد, والله ماني بشاعر وإلا تبشر بكل خير :119:

اقتباس:
المشاركة الأصلية كتبت بواسطة وفي الاطباع (المشاركة 2569402)
يعطيكم العافيه جميع ع المرور الجميل والاكثر من رائع

وصح لسانك يا test5 ولاهنت ع المجاراه الحلوه :d5: .

وفقكم الله .
صح بدنك يا شاعرنا والعين ما تعلو على الحاجب :119:

Homood 2011- 1- 27 10:14 PM
رد: ياجــامعــة فيــصل بنهــدي لك الطــوق ..
 
صح لسانكم ... وبيض الله وجيهكم .... وفي الاطباااع و test5 .... مبدعين :d5:

شـــرق 2011- 1- 27 10:53 PM
رد: ياجــامعــة فيــصل بنهــدي لك الطــوق ..
 
قريحتي الشعرية هاجت ودقّت سلف وانا مشكلة إذا دقّيت سلف


فوق السما حنّا مايعوقنا عوق = فوق السحاب و فوق كل العوالي


ماللرجى عازه ولكن لها فروق = لا رجيت الله يحقق لي سؤالي


ياهايمن بأفكاره مابعتهم سوق = بالأجل أو كاش يرخى لك ريالي


والطوق طوق العز مايشببهه طوق = والفرح كل الفرح لعيون غالي


فسر أحلامك بالذكا وانت ماتعوق == عندك صعيبه ماقوتها الرجالي



وصلامتكم

vip_77717 2011- 1- 27 11:12 PM
رد: ياجــامعــة فيــصل بنهــدي لك الطــوق ..
 
صح لسانك ... وفالك البيرق ..

منصور الجليدي 2011- 1- 27 11:52 PM
رد: ياجــامعــة فيــصل بنهــدي لك الطــوق ..
 
صح لسانك (كثر من هالنوعيه لعل المصحح يغير الخطأ صح)

عقدألماس 2011- 1- 27 11:56 PM
رد: ياجــامعــة فيــصل بنهــدي لك الطــوق ..
 
صح منطوقك ,,,:mh001: :mh001:
خلاص ,,, جميع المستويات الدراسية ببلاش عشان هالأبيات يابطل:(204):

بحر الخواطر 2011- 1- 28 10:15 PM
رد: ياجــامعــة فيــصل بنهــدي لك الطــوق ..
 
يعطيكم العافيه وتسلم ايديكم على القصيده وعلى الرد الله يكملها علينا بفرحة النجاح باامتياز ياااااااااااارب

وفي الاطباع 2011- 1- 29 01:18 PM
رد: ياجــامعــة فيــصل بنهــدي لك الطــوق ..
 
صحت بدناتكم جميعا

وصح لسانك ياشرق محاوله جيده وجميله.:33_asmilies-com:

وفقكم الله .

جنتل الملتقى 2011- 1- 29 01:39 PM
رد: ياجــامعــة فيــصل بنهــدي لك الطــوق ..
 
اقول ورى ماتخلي هالقصايد عنك وتنتبه لدراستك الله يصلحك << أخس يالشايب



عموما صح لسانك وفالك النجاح ع قولتهم

وفي الاطباع 2011- 1- 29 02:00 PM
رد: ياجــامعــة فيــصل بنهــدي لك الطــوق ..
 
ابشر ياطويل العمر واخر مره << خايف:mh12:

يسلم لي هالذوق ياجنتل ياقميييييييييل :53:

مالي حيله 2011- 1- 29 04:36 PM
رد: ياجــامعــة فيــصل بنهــدي لك الطــوق ..
 
روووووووووووووووووووووووووعه خطيرين من جد:hhheeeart4::hhheeeart4::hhheeeart4:
صح لسانكم:53::53::53:

1من الناس 2011- 1- 29 08:45 PM
رد: ياجــامعــة فيــصل بنهــدي لك الطــوق ..
 
اقتباس:
المشاركة الأصلية كتبت بواسطة وفي الاطباع (المشاركة 2567809)
السلام عليكم ورحمة الله وبركاته

اخواني واخواتي
بودي ان نغير في جو الدراسه بجو اخر لعل ان يروق لكم .
واحببت بأن اهديكم ابيات داعبت قريحتي واحببت بأن اطرحها لكم هنا , واتمنى ان تنال استحسانكم واعجابكم .

طلاب علــم وحلمـنا في الســما فوق=يارب وفـق من نـوى للمـعالي
اشوف بعيون الرجـى لــمـعـة بــروق=كنها تقول لفرحتي لي تعالي
اهيــم بــفـكاري وانا اخــيـل واتـــوق=لمعــانقة مستقـبل كنه جالي
ياجامعــة فيـصـل بنهـدي لك الطـوق=لعــل تهــدين الفــرح كل غالي
والحلم في عقل البشر شيء مخلوق=ومن هم شيء ادركه مايبالي

صح لسانك يابعدهم


مجاراااه كيبورديه عالطايررر




ياجامعة فيصل بك الحق مسرووق
........................... من صار همك بس جمع الريالي

صعوبة المنهج ترا تسرق حقوق
............................... ناس سهرت للعلم طول الليالي

منهو ربح بالسوق يمدح لك السوق
............................. واللي خسر بالسوق صابه هبالي

وان شدو التصحيح مااظن مخلوق
.............................. ينجح او يلامس نجوم اللــيــالـــي

L U X U R Y 2011- 1- 29 08:51 PM
رد: ياجــامعــة فيــصل بنهــدي لك الطــوق ..
 

^

أشوف سرقة وَ ريالات :71:
أقفل الموضوع لآتكبر الهرجة :tongue:

شعرآئنآ في قسم مخصص لكم , يرحب بكم وَ بإبدآعآتكم :mh318:
موفقين يَ رب [:106:]

,

>> Ł3ўőőη Ďƒ2 << 2011- 1- 29 08:51 PM
رد: ياجــامعــة فيــصل بنهــدي لك الطــوق ..
 
وفي الاطبآع صح لسآنكـ مرره ثانيه

test & شررق & وآآحد من النآآس

صح لسآآنكمـ


اقول بمآ انه طلعت عندكمـ مواهب والله يصلحها عالجآمعه دفنتهآ

اسويلكمـ مسآآبقه شعرريه والفايز له هدييه < من محل ابو ريآليين لا تحلمون كثيير :(269):

وفآآلكمـ البييرق بس لو طلعتوا بشآعر المليون قولو لي عشان اصوت لكمـ :hahahahahah:<برآآ


All times are GMT +3. الوقت الآن حسب توقيت السعودية: 08:06 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه