ملتقى طلاب وطالبات جامعة الملك فيصل,جامعة الدمام

غريبة كيف هالدنيا.. تجمّع ناس وتبعد ناس

غريبة أحوالها بالحيل.. تحيّر من سكن فيها .

. تحاكي من نساها وراح.. وعنْها بالمشاعر داس

وتهمل في سؤال اللي.. قضى عمره يحاكيها .

. غريبة ليه تبخل دوم.. على من حبّها بإحساس

وتجزل في عطاياها.. لناسٍ ما دروبيها .

. غريبة حيل هالدنيا.. صعيبة / تكتم الأنفاس

نداري طبعها لكن..عجزنا كيف نرضيها .

. يا دنيا كيف نرضيك .. وندمح ثورة الهوجاس

ونوقد بالأمل ضيّك ..على دربك ونضويها .

. يا دنيا ليه ما يكفي.. على مُرك شربنا الكاس

ولا يكفي على ظلمك .. تحملّنا مساويها؟!! .

. آلا ياقلبي الموجوع .. آلا يافكري المحتاس

آلا وش حيلة العاجز .. ليّا زمّت بلاويها .

. نعم لا باس ياقلب ٍ .. تجرّع بالهوا لا باس

تصبّر واصتبر واصبر.. عسى بالصبر نبريها .

جاز لي ماوضعته هنا
سلمت اناملك اخوي جعلك ماتشوف التعب
تحيتي وتقديري ..