ملتقى طلاب وطالبات جامعة الملك فيصل,جامعة الدمام - شعر عبر عن احساسك بـ قصيده و صوره

- ملتقى الفنون الأدبية (https://vb.ckfu.org/f150)

- - [ شعر ] : عبر عن احساسك بـ قصيده و صوره (https://vb.ckfu.org/t225618.html)

رد: عبر عن احساسك بـ قصيده و صوره

http://store2.up-00.com/Sep11/OKy34074.jpg

يالله طلبتك وانت المانع المعطي ..
يارب فرج على المحزون ضيقاته ..

اللي بحال العنا والهم من مبطي ..
ماهوب قادر يحصل بعض ما فاته ..

يمشي مع الناس بالكتمان متغطي ..
ياعل تقضي بطول الصبر حاجاته ..

يارب مامن عبادك حي ما يخطي ..
وانته تجاوز لمن هو تاب زلاته ..

كم من غني بسيف الموت متوطي ..
مابيض المال عند الله صفحاته ..

وكم من فقير عليه اهل الردى تسطي ..
اليا دعا الله تفتح له سماواته ..

ياسامك السبع فوق السبع بالضبطي ..
في ست الايام واثبتهن باياته ..

ابسط لداعيك في قلب الدجى بسطي ..
اللي سهر بين شهقاته ووناته ..

يوم هجع كل حي قام يشتطي ..
يبكي وهو يقهر العبرات بسكاته ..
لو دون حاجات روحي هالنوى شطي ..
ماخيب الله لعبد حسن هقواته ..

رد: عبر عن احساسك بـ قصيده و صوره

http://store2.up-00.com/Sep11/MQ034074.jpg

يالله طلبتك ما طلبت المخاليق
ياكيف ابرجي خلق مثلي شقيّة

يالله انا ماجيت درب المطافيق
ولانيب انا ملزوم بأهل الرديّة

ياعالمٍ بالسر بوسط المعاليق
أستغفره من كل ذنب وخطيّة

العمر راح وما بقى فيه توثيق
واللي مضى لاشك صعبٍ مجيّه

واللي بقى بالعمر جعله توافيق
من لحظتي يالله لين المنيّة

رد: عبر عن احساسك بـ قصيده و صوره