قصيدة اموله

[๑ﻓډﯦﺕ❤ﻗﻟﭘڭ๑]

قصيدة اموله

مره تجر العطر والثقل والزين = وانا مثل كل الشباب وقفوله

عطره يذر العطر على البساتين = ثقله يسولف عن نسب عن حموله

فستانها داير بخصرة من اللين =وخصره من الفستان ياخذ عموله

عز الله اني حاسدك يالفساتين = ياحضك بخصره بعرضه وطوله

بعيونها سيوف العرب يوم حطين =منها النفاذ بجلد قلبك بطوله

اقفت وانا عيني عليها لهالحين =مالوم عيني ياخذ العقل زوله

ناديتها يامترفه وبطرف عين=قالت انا قلت ايه قالت اموله

اموله ميه مرحبا قالت اهلين=أموله عندي بيت ممكن اقوله

قالت لى قوله قلت الانسان من طين =اما انك انتي طين ماهي معقوله

أنتي اظنك بالطكر تستحمين=وأجزم بانك بالجمال مغسوله

شوفي شكل شفايفك قاهر التين=والجمر يكوي والثمان معسوله

أموله انتي غير كل المزايين=أنتي مثل فصل الربيع وحلوله

قالت منين وقلت له يعني منين=ماتعرفين اللى ذبل من ذبوله

قالت وشسمك بس تمتمت ميمين=واخر ثلاث حروف دوح مغيوله

قالت معي للقاهره قلت له وين؟=عادي تقول القاهره بكل سهوله

امل انا رجال بلشان بالدين = ويني وين القاهره يامهبوله

اقساط وحسابات والراتب الفين=وحزمه مشاكل اتعبتني حلوله

اموله روحي لازم انتي تروحين=انتي المطار مصاحبك من طفوله

وتذكريني عند الاهرام تكفين=وتذكري حال النحيل ونحوله

اموله انتي تذكره لاتحجزين =روحي كذا تستقبلك اي دوله

[×..A7SaS ALmShA3R..×]

الله الله الله

في قمت الابدااع والوصووف ..

استمر الى الاماام..

بانتظاار جديدك
لك ودي

احلى تقييم..

[نوآرة]

اموله انتي تذكره لاتحجزين...روحي كذا تستقبلك اي دوله
أعجبتني..

[๑ﻓډﯦﺕ❤ﻗﻟﭘڭ๑]

لكم كل أحترامي

أنتم الزين كله

شكرا مروركم صفحتي

[أنين]

يعطيك الف عافية..

[خجٌـولة آلمبسْ‘ـم]

كتبت فابدعت فشكرآ لك

بنتظار جديدك خيو

تقبل مروري

[احساس خاص]

تسلم يمناك ع النفلة الموفقة

مبدع كعادتك

تقبل مروري

[الأمـيـر]

اقفت وانا عيني عليها لهالحين =مالوم عيني ياخذ العقل زوله


مادري وش اقولك
"صح لسانك"

"تسلم يمينك"
لكن جبتها على الجرح

تحياتي ,,,

[وليف المشاعر]

وراء هذه الكلمات ,,, بحر غزير ..

صح لسانك

[ريــمــا]

أبيات في
قمه الرووعة
صح لسان قايلها
وتسلم أناملك على
الأختيار الجميل
ولاتحرمنا
جديدك خيو
دمت بكل ود