رد: ‘ انسكـاب اح ــاسيسنـا [2] ●°
 

مزاجي اليوم ماوده يكتب شطر
حتى يحس الغالي اني عتبانه
وصد وبكثر صداتي ويمكن هجر
مقسى بأعرف غلاتي ومكانه


....................................

رد: ‘ انسكـاب اح ــاسيسنـا [2] ●°
 

ياالله عونك لا غدى صمتي كلام
وعَجْزَت حروفي تجمع شتات الأم

والنور في دنياي عانقْه الظلام
والليل حالك .. وإنتصاري منهزم ..

والهم مذّن والحزن فيني إمام
وجروح قلبي كنّها صفوف الحَرَم ..

ودموع عيني ماتعاف إلا الصّيام
تفطر على جفني لو إني مبتسم ..

والصبْر عيّا لا يلاقي له مقام
بين الضّلوع العوج لو موضع قدم ..

تاهت خطاوي بسمتي وسط الزحاام
وحارت حروفي بين جرات القلم ..

مدري وش اكتب وويش أقول من الكلام
كلّ الكلام اللي باقوله ما يهم ..

اللي يهمّ يعيش دنياه بسلام
ولايعَرْف من الحِزن لون وطعم ..

مابي يذوق الويل في سَلك الغرام
ولابي يدوس أرض العجالة والندم ..

أبيه من بد الخلايق والأنام
له الهنا والسعد خدّام وحشم ..

وأبيه لا ذِكْروا رفيعين المقام
من بدّهم ذكره يكون أول إسم ..

لانّي أحبّه وأعشقه موت بهيام
ووصله على ماقيل هو أجمل حلم ..

لكنّ أخاف من العقوبة والحرام
وأخاف من زلات قلبي والقدم ..

ياصاحبي عليك من قلبي سلام
يا اللي على ذِكرك جروحي تلتئم ..

العُمْر فاني , والليالي في عدام
وأنا من فراقك حياتي في عَدَم ..

عرفت في فرقاك وش معنى الفطام
وعرفت في بعدك تفاصيل اليتم ..

وعرفت معنى النّوح في عُرف الحَمَام
وعرفت وش هو الصّمْت بعيون البُكُم ..

من شافني ما لامني ولا يُلام
المرء من بعد اجتهادات وهِمَم ..

لا الليل يهنا لي ولا اذوق المنام
بين الكَرى وجفون عيني ثار دم ..

ولو كلّ من حصّل مراده بالتمام
ما عاشت الأحلام في بيت الوَهَم ..

كافي زماني حزن , وهموم , وآلام
كافي تصير لفرحتي ندّ وخصم ..

باصبر .. ولو إنّ الصّبر ماله مقام
بين الضلوع العوج لو موضع قَدَم ..

وباصْمت لأنّ الصّمْت يغني عن كَلام
بالذات لا من صار في صمتك ألم

رد: ‘ انسكـاب اح ــاسيسنـا [2] ●°
 

كنت سدرَهْ والقطوف الدانيهـ هذي لحوني

ماشكيت القحط الا يوم بي الأثمار بحت ,,!

ما استحى ريق الوصل يبل لو كذبه شجوني

ماستحت شمس الامل تسوم اغصاني وتشحت!؟

نادوا بـ/ـعيدٍ يحاكي فرحهم ويعيد لوني

صحت /ايه بــعيد يمه يرسم الفرحه وينحت

لِ الشآعرَة : تلآهَيف العمرِي

رد: ‘ انسكـاب اح ــاسيسنـا [2] ●°
 

قالوا تحب .. وقلت وين المحبه
اقفلت قلبي للصيانه ولا زال !!


اهديته لواحد خذاه ولعب به
ولا رجع الا وهو حالته حال


لكن بخير .. ونبضته مستتبه !!
من عقب ما جددت فعروق الآمال


أسبر على مشراف حزني وآذبه
وآراقب همومي من الجال للجال


قدلي ثلاث سنين وآنا مسبه
قهوتني اللوعات .. فنجال فنجال


يا خاطري .. لا غثكك الحزن خبه
دام الهوى كله مشاريه واهمال


يسهر خفوقي .. والمحاني مشبه
ويدفى على جال المعاليق يختال


الوصل .. لحظات اللقاء بالاحبه
ماهو مواصل في .. رسايل وجوال


بملى لك الخافق غلا .. وانت كبه
على يدين الوصل يا شاغل البال


اكبر دليل ان المشاعر تنبه ؟؟
وان المحبه ما تجي غصب واذلال


شخصـ(ن) قبل لا تلتقي به تحبه !!
وشخصـ(ن) قبال العين ما هز مثقال


لب الندآآ .. يا سارق القلب لبه
باعطيكك عمري .. بس تعطيني وصال


مدري القمر .. في نور وجهكك .. تشبّه
ولا العسل الاصلي " على شفتك سال


لو بحلاكك انسان ما .. يخاف ربه
كان ابتلى العاقل من الزين .. بهبال


لا شكك طيبكك .. طيب منهو مربه
متوارثه من طيب عم .. وكرم خال


العمر يمضي .. والامل الف غبه ؟؟
مليت رمضآ الهم .. وابغي لي ظلال


يا غيم .. واللي فيكك من .. ماي صبه
ارو الثرى .. واسق الضمآ وانطح الفال


ريح المطر .. يوم الهبايب تهبه ؟؟
قطراته تقول لخفوقي .. وش الحال


والحال داري ويش عوقه وطبه
من دون لا ادورّ ومن دون لا احتال


الى لقيت اللي يعجبني .. بـ آحبه
وان ما لقيته بشتري .. راحة البال

رد: ‘ انسكـاب اح ــاسيسنـا [2] ●°
 

رد: ‘ انسكـاب اح ــاسيسنـا [2] ●°
 

مساء انسكاب القوافي داخل الارواح --------------- مساء لكل متذوق حروفي يوم اغنيها

رد: ‘ انسكـاب اح ــاسيسنـا [2] ●°
 

رد: ‘ انسكـاب اح ــاسيسنـا [2] ●°
 

رد: ‘ انسكـاب اح ــاسيسنـا [2] ●°
 

رد: ‘ انسكـاب اح ــاسيسنـا [2] ●°