ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الفنون الأدبية (https://vb.ckfu.org/f150)
-   -   [ شعر ] : غــيـبــتك صــعـــبــــه (https://vb.ckfu.org/t258911.html)

شاعر خيال 2011- 12- 6 08:57 PM

غــيـبــتك صــعـــبــــه
 
أنا مادمعت عيني . ولا أذكر بكيت بيوم
مهو من قلة إحساسي. ولكني أنا رجال

إذا قمت أكشف أوجاعي وأغرّق بالدموع كموم
أجل مو ناقص إلا إني أبدل غترتي بالشّال


أنا مهما وصل فيني وجاني من زماني هموم
أبطّ .. عيوني لوتدمع ولا ورّيها للعذّال


صحيح إن غيبتك صعبه ولكني قوي عزوم
أموت ولا أشوف الدمع من بين النواظر سال


ياغايب لاتحسبني عقب فرقاك أعاف النوم
ترى قد غابوا أبرك منك ولا لقيت يمهم بال


ولكن عندي لك كلمة .ومنت بكلمتي ملزوم
وإذا مالك عليها نفس .هي كلمة وتبي تنقال


ترى كل من يعاندني . تصير نهايته مهزووم
وأنا أحمد ربي يومنّه يوفقني على الأنذال


وأنا أدري أنك بترجع .وعينك بالتراب تحووم
وتطلب مني أغفر لك وتصفى قلوبنا بالحال


ولكن نفسي لا طابت تأكد مايفيد اللووم
أبيع اللي يبط كبدي وأسكر باب هالموّال


أنا من فتحت عيني على الدنيا وأنا مفطووم
على الرفعه وعلى العزه وعلى همّه تهد جبال


وأنا مترسب بدمي بعض عادات ويّا سلووم
وعزة نفسي تمنعني أخاوي واحدٍ محتال


أنا من يضبط سلوكه ويسمع كل كلامي دووم
أحطّه داخل عيوني ولو حتى زماني مال


أنا بقولها كلمة في معنى واضح ومفهووم
وأبوضح لك المعنى وأبيها توصلك بالحال


إذا ماجيتني تبكي وعينك بالتراب تحووم
ترى يحرم على إني ماعاد ألبس جميع عقال



لشاعر

فلاح عشوي العنزي






[ قايدة الريم ] 2011- 12- 6 09:53 PM

رد: غــيـبــتك صــعـــبــــه
 
اقتباس:

ولكن نفسي لا طابت تأكد مايفيد اللووم
أبيع اللي يبط كبدي وأسكر باب هالموّال



صح لسآن آلشاعر وإحسآسه
قصيده رآئعه



بنت الشمري 2011- 12- 7 12:42 AM

رد: غــيـبــتك صــعـــبــــه
 
جميل كل حرف كتبته .. أبدعت وربي
صح الله لسانك يا"شاعرخيال" ونبض قلبك مليون

تحياتي لسموك الكريم
دمت مبدع:106:

سلطان بن الشمري 2011- 12- 7 12:45 AM

رد: غــيـبــتك صــعـــبــــه
 
صح لسانك

قصيده رائعه

شكرا لقلمك ولشخصك الكريم

دمت بود

شاعر خيال 2011- 12- 20 08:35 PM

رد: غــيـبــتك صــعـــبــــه
 
اقتباس:

المشاركة الأصلية كتبت بواسطة طبعي كتومه (المشاركة 5032064)

صح لسآن آلشاعر وإحسآسه
قصيده رآئعه



حضور بهي كان لكـ هناسعيد بهمساتكـ الصادقـةدمت بسعادة

شاعر خيال 2011- 12- 20 08:40 PM

رد: غــيـبــتك صــعـــبــــه
 
اقتباس:

المشاركة الأصلية كتبت بواسطة بنت الشمري (المشاركة 5034166)
جميل كل حرف كتبته .. أبدعت وربي
صح الله لسانك يا"شاعرخيال" ونبض قلبك مليون
تحياتي لسموك الكريم
دمت مبدع:106:

والله // يشرفني تواصلكـ
ما أجمل حضوركـ سيدي

حروفكـ ترافقها زهور الحب

لتنشر شذاهــا فيأرجاء الصفحات

لكـ ودي

شاعر خيال 2012- 1- 21 06:11 AM

رد: غــيـبــتك صــعـــبــــه
 
اقتباس:

المشاركة الأصلية كتبت بواسطة سلطان بن الشمري (المشاركة 5034211)
صح لسانك

قصيده رائعه

شكرا لقلمك ولشخصك الكريم

دمت بود


شكرا لك على التفاعل والمرور الذي ترك بصمه في قلبي قبل متصفحي


All times are GMT +3. الوقت الآن حسب توقيت السعودية: 03:26 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه