ملتقى طلاب وطالبات جامعة الملك فيصل,جامعة الدمام - شعر حال لايسكت عنه ابداً.......................

السلام عليكم ورحمة الله وبركاته.....
هذي قصيدة راقت لي
واتمنى ان تروق لكم
علماً انه اول موضوع لي..

لابارك الله باللثام اللي يجي تحت العيون = ولابارك الله في (عباة الكتف ) واللي جابها

لو تلبسه خدامة ( ن ) ماهي من اللي يفتنون = غصباً على من شافها من لبسها يبلابها

وشلون عاد ان لبسته عنقاُ من اللي يسحرون = اللي يخضع زينها عطر اللحا واشنابها

ضيق الملابس كارثه منه المفاتن يظهرون = يرسم تقاسيم الجسم والفتنه اهو اسبابها

بالله ياصناعته يكفي فتن لاتصنعون = ملابسٍ ماهي ستر فتنه ووش نبغا بها

حنا بشر واقلوبنا ماهي حجر لو تعلمون = تذوب من نفحة عطر واتحن مما صابها

تثّر علينا العاطفه وانميل ميلات الغصون = اليا انتحت من ما طرقها والهبوب انحابها

وانحب ننظر فالجمال بكل شكل وكل لون = وان خاف من بعض النظر من نظرةُ نشقابها

لن اول النظره تمتع واخر النظره تكون = يا امّا ولع والا النظر عينك مانال اعجابها

وان كان شوفك ولعك وصلك الى حد الجنون = ويمكن تهيم بجادل ( ن ) منته من اغلا احبابها

نبي نجنب عن طريق العشق واللي يعشقون = واليا دخلنا السوق شفنا شيفةٍ طرنابها

مرت علينا جادل ( ن ) تلبس من اللي يلبسون = عباة كتف ( ن ) ضيقه واللبس وش سوابها

خلا مفاتن جسمها تبين للي ينظرون = يموت من ينظربها والا يبي يحيابها

كنك مفصل جسمها على حسب مايطلبون = وال كل عضواً هيئته على حسب طلابها

الردف ضايمّه الشحم والخصر مايل وامخضون = والصدر صدرا مستوي من خلقته ماعبها

كنها تقول انا دخلت السوق ابيكم تذنبون = والذنب ماهو ذنبنا والله عليه احسابها

قمنا نتابعها كذا من ضمن ناس ٍ يتبعون = وال كل منا مجتهد وده يكون اولابها

اللي يحطون الرقم واللي بنكه يبحثون = واللي يحاول بالكلام الزين يفتح بابها

وهي تهزع بالخطا ماهمها مايصنعون = ومن اللعانه شاشة الجوال ماتقرابها

ياهيئة المعروف بالله يامربية الدقون = انتو تعرفون الشريعه واحكمو بكتابها

الشرع يامركم امر مير افعلو ماتأمرون = لاتسكتون السالفه محدٍ كذا يرضابها

اليا دخلتو بالمجمع بالعصا لاترحمون = الخيزرانه في يديكم جودو مضرابها

الوضع مايسكت عليه الى متى تا تسكتون = حنا تشوف عيونّا واقلوبنا يغدابها

ان طولت على كذا عظم المصيبه ماتهون = ياامّا غوت فينا النسا والا نبي نغوابها

بنات جيل الوقت هذا بعضهم مايستحون = تعمد البنت الفتن حتى بلس اثيابها

وحنا ليا شفنا السواده يضرس (ن ) فينا السنون = مثل الجمال اللي تهيج ويضرسن انيابها

الافضل ان اللي كذا من هالبني مايطلعون = والافضل ان اسواقنا نغلق جميع ابوابها

وسلامتكم

:rose: