|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والثالثه خوة اهل الطيب تغنيك والا ضعيفين الروابع خساره ومن يضحك بوجهك وهو ما يدانيك كبه وخله يحترق وسط ناره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والرابعه لا حُزت نصرك بأياديك اقنع بنصرك لاتعاود مساره لاتومي بنفسك بدرب المهاليك مشين على الرجال كود انكساره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والخامسه خابرك وانا مربيك ماينفعك كثر اللعب والدواره قلط ربوعك مجلسك يوم تأتيك وخل الدخون يدور داير مداره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والسادسه رفيقك اللي يخاويك سافر معه وتعرف ماكر حراره اما رفيقن في مماشيه يحييك والا تغير وجهتك عن مساره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والسابعه سرك يميتك ويحييك عليك باالكتمان تاره وتاره افشاء سرك عند من لايراعيك مايرفع البنيان عقب انهياره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والثامنه من قبل لا اقول واوصيك لا خير في جارن ماهو يحب جاره جارك عطه روحك وما تملك اياديك ركد له الدله وشب المناره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والتاسعه لو يغلط بحقك اخيك خذها بشحم وارفع مع الناس كاره علمه ترى علمك وطاريه طاريك عليك به لو كان ماله جداره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
والعاشره حب الهوى جعل مايجيك وان جاك فاللطف به وصونه وداره يومن بيضحك بك ويومن بيبكيك وياعزتي لك لاتعدى الستاره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
واللي عن العشر الوصايا بيغنيك عمود دين ونور درب ومناره ترى الصلاه وبس هي من تنجيك واللي ماهو يصلي حياته خساره |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
صح السانك اخوي وتسلم ع الوصااياا في ذا الزمن خلك كذا متغابي . . شف كيف جو الأغبياء وشلونه! وخلك مسالم في زمن إرهاابي . . ترتاااح من جرح الزمن وطعونه ! |
| All times are GMT +3. الوقت الآن حسب توقيت السعودية: 02:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام