ملتقى طلاب وطالبات جامعة الملك فيصل,جامعة الدمام - شعر دخيـل الله وبـعـد الله دخيـلـك لا تخليـنـي

- ملتقى الفنون الأدبية (https://vb.ckfu.org/f150)

دخيـل الله وبـعـد الله دخيـلـك لا تخليـنـي

[ALIGN=CENTER][TABLE1="width:80%;background-color:black;"][CELL="filter:;"][ALIGN=center]

http://sphotos-a.xx.fbcdn.net/hphoto...75442708_n.jpg

http://www.youtube.com/watch?v=gOidwmuSMmE

على ذاك الطريق اللي يسمونـه غـرام أحباب :::::
وطت رجلي على دربه ولا ادري وش نوى فيني
تبعته لآآآآخر دروبه اليـن أن القمـر قـد غـاب :::::
تعـب قلبـي ولا تعبـت مسافـاتٍ توديـنـي
لقيت الليلة الجردا هدب. ظل وسمـا وأعشاب :::::
بعـد ذاك الظـلام اللـي يتَوهنـي عناويـنـي
صدفتك معجبة فيني ويا ليـت الغـرام إعجاب :::::
وتراك أنتي الهنوف اللـي هقيتـك تستحقينـي
عطيتك عشق من قلبي وسلمت لغـلاك ارقـاب :::::
وغيـرك يحتـرق قلبـه ولا يقـدر يحاكينـي
أنا قبلك صدفت عيون لكن ويش جـاب لجـاب؟ :::::
ترى كـل العيـون اللـي لقتنـي مـا تكفيَنـي
رماني حظي العاثر عليك وجيـت لـك طـلاب :::::
ولا أنتي اللي عشقتيني ولا أنتي اللـي عتقتينـي
تعالي وارحمي ذاك الخفـوق المولـع المرتـاب :::::
مهب لأجلـي عشـان الله يجازيـك ويجازينـي
تعدي في سما عشقي ولو عشقي خراب أصحاب :::::
وصوني بالهوا نفسك قبل لأنتي تصونيني
وشيليني على متنـك خفـوقٍ بـاريٍ منصـاب :::::
ومن فوق الغـرام العـذب شيلينـي وحطينـي
والا منك هقيتني شجـاع ومـا يطيـق يهـاب :::::
أنا لك بالهوى والله مثـل مـا انتـي هقيتينـي
أنا ما امشي ورا غيرك ولو انـه يطـق البـاب :::::
وترى عيبٍ علي اطعن ولو كثـرت سكاكينـي
زهودٍ مـا يطيـق الـدم لا دايـن ولا طـلاب :::::
شجاع وعارفٍ نفسي واضـن انـك تعرفينـي
غيورٍ ما عرفت أضحك مع الغدر أببرود أعصاب :::::
أبيـع عيونـي الثنتيـن قبـل انـك تخونينـي
وإذا شد الغرام أحط قلبي بين نـاب ونـاب :::::
لفرقـا تكسـر ضلوعـي ولا عشـقٍ يوطينـي
أنا رجلٍ ولي غيرة وإذا شفـت الهـوى كـذاب ::::
:تثـور بقلبـي الفزعـة ولا تهـدا شياطيـنـي
سؤالك لو يزعزع بي كياني ما قبلـت اعتـاب :::::
أجي لك وأسألك نفس السـؤال اللـي سألتينـي
عن العشق القديم أبواب وتقفيهـا كثيـر أبـواب :::::
بعد ذاك الحبيب اللي خدعنـي وانخـدع فينـي
أبي عشق تحسب له كل نظرات العيون حسـاب :::::
وأبي قلبٍ على قلبي وأبي ديـنٍ علـى دينـي
وابي كلمة عهد توفي ولا تخلف بدون أسباب :::::
وأبي منـك قبـل لا أنتي تصدينـي تودينـي
وأبي درب ٍعلى العذال صعـب ومتعـب وغـلاب :::::
وأبي نفس الطريق الصعـب يبعدهـم ويدنينـي
ترى لو للقلوب عيون ولدموع العيـون أهداب :::::
حشا ما تنـزل الدمعـة لغيـرك لـو تركتينـي
أنا أول من عرف قدرك وأنا توني صغيـــــر وشاب :::::
وأبي منـك مـا دام انك عرفتيـنـي تحبيـنـي
ما دام إني لقيتك في طريق اسمه غـرام أحباب :::::
دخيـل الله وبـعـد الله دخيـلـك لا تخليـنـي
ما دام ان كل من يحيى على وجه التراب تـراب :::::
عسى تنسانـي الدنيـا مـا دام انتـي ذكرتينـي

للمبدع ::::: حامد زيد

[/ALIGN][/CELL][/TABLE1][/ALIGN]